六小館 (已結業)

行完大澳後，黎左食晚飯，今次係第二次黎，中意哩度坐得舒服，環境靚，野食好味。今晚黎到明顯少左客，成個outlet 人流都少。上次中午黎主要食點心，宜家晚市食中菜為主。見到佢有個二人套餐幾吸引，平過散叫，試下先。係眉豆花生雞腳老火湯，煲到起沙，濃味，可惜冇湯渣食。前菜：燒汁野菌哩個好合我口味，好中意食菇菌，燒汁炒得入味，夠鑊氣。主菜：西檸雞好大舊，雞皮炒到金黃色，香脆唔肥，雞扒厚身，啖啖肉。枝竹斑腩豆腐煲哩個好食，枝竹林，唔係硬果隻，有豆腐健康，斑塊炆得入味，有煲上冇咁快凍。乾炒和牛吋半河 $138用上和牛所以牛肉肉質較林，牛肉多料，落左芽菜、薑絲等配料去炒，吋半河比一般河粉大塊，更有咬口。哩度既茶都幾好飲，推介桂花烏龍茶！

見個晚難得同男朋友都早收工，就黎買下衫，順便睇下舊年新落成既東薈城二期。晚飯就揀左呢間睇落質素唔錯，但價錢又相對合理既中菜館。當中最抵食嘅就係大排檔套餐，所以叫左一個黎試試，另外再加個火焰饍球。跟餐每人有碗清補涼，好有住家老火湯既感覺！套餐既前菜揀左燒汁野菌，野菌又腍又入味，而且份量都唔少，幾送飯架跟餐可以揀兩個指定小菜，第一個就揀左枝竹班腩煲。估唔到呢到竟然用左龍躉球去做呢道菜，雖然我唔太好龍躉，但確實誠意十足。香芋排骨煲,要讚下芋頭好腍又夠粉（個人唔鐘意食爽既芋頭，所以呢度既芋頭我比💯），排骨亦好入味，肥瘦均匀，整體而言相當唔錯～火焰鱔球，上台時視覺效果一流酸甜既味道組合非常獨特，同埋要讚下鱔球去骨去得好好～跟餐可以+$18揀一款甜品，好抵！揀左baileys 芭菲，兩個人share啱啱好

東薈城新開商場 難得有機會黎到 揀返間特式中菜試下先!六小館裝修簡約得黎有種高貴的感覺 座位間空間闊落唔會同隔離枱太親密 好適合傾計嗌左普洱茶 絕對唔係一般酒樓貨色 個茶壺都好得意！一睇個menu已經覺得好吸引 全部都係由細食到大既經典餸菜有種好熟悉既感覺!今次主要嗌佢推介既餸:古法砵仔焗魚腸用砵仔焗嘅魚腸係最有風味 入面重有洋蔥絲同其他配料 加埋一齊食 好香口!好送到飯薑蔥生蠔煲用左大量薑蔥爆香 好有鑊氣 好香口 蠔都好新鮮 又係送飯之選!上湯粉絲浸龍躉球最期待係呢個餸! 新鮮嘅龍躉係唔需要整色識水就會好好食 咁樣清湯加粉絲就可以食到佢原汁原味 大推!豬油砵仔焗飯呢個起香港好少有得食! 將豬油豉油撈落蒸飯度 鋪上炸好嘅豬油渣 簡直人間美食!呢啲餸菜都係香港懷舊餸 環境報務食物加埋性格比高 呢個價錢有咁嘅用餐感受 完全抵到爛啦!

🧧新春快樂🧧食得是福🧧大年初一即刻去飲咗個早茶，新派茶居嘅點心真係特別唔同，而且最適合打卡人士。主店「六公館」有質素就肯定啦，呢間副線亦不遑多讓😌———————————————————————————搵食之選✊🏾.🥢「小梨子🍐咸水角」💬百力滋做柄、啤梨型嘅咸水角未食都覺吸引.🥢「波兒🐡蝦餃」💬當同蝦餃一樣味道，不過賣相很可愛.🥢「賣豬仔🐷」💬原隻豬仔嘅奶凍唔捨得食.🥢「絲襪奶凍」💬充滿香港本土特色，珍珠奶茶☕️嘅奶凍配奶油多士😌.🥢其餘點心亦製作精美，味道亦很高質，絕對要試😌

今日去了東涌東薈城，東薈城好大！晚餐我們去了六小館我們點了一個2人餐！西檸雞雞炸得脆脆，汁酸酸甜甜好好味！班腩豆腐煲！豆腐好好味！不過班腩有骨要小心一點食！燒汁炒野菌👏👏燒汁好香炒得一點都不油利！私房老火湯原來是每一都不同！今日是蓮藕湯上湯粉絲班片清清淡淡，魚肉好滑！粉絲吸收湯汁好好味！甜品我們加了$18 點犀飛利是朱古力雪糕下面是朱古力布朗尼和下面有朱古力脆粒粒配一杯百利酒！百利酒加雪糕好好食！😘😍😍😍

而家間餐廳性價比好高，晚市嘅時候又有點心又有小菜食，啱晒我嘅口味❤️❤️❤️❤️仲有最緊要就係，依家餐廳坐得舒服又非常乾淨！🥰🥰🥰🥰🥰我哋首先叫咗個前菜，泡椒爽脆魚皮❤️❤️❤️嘩好耐冇食過依個懷舊菜啦🤣🤣🤣🤣加埋啲萵筍絲好好食呀❤️❤️❤️❤️❤️我哋叫多個粗齋煲，一邊乜嘢蔬菜都有亦都好入味❤️❤️❤️👍🏼👍🏼👍🏼酸菜魚嘅單片食得出係海魚，入邊仲有寬粉添😍😍😍😍黑毛豬楊州炒飯，啲飯炒得一粒粒，好好食！最後叫咗兩個點心，啱晒我需要❤️❤️🥰😍😍😍😍

近新年,食團年飯,好日都唔去東涌以前係無好野食,舊年食過六小館水準好今年就約人係度食飯~廣東菜,創意菜,仲有點心小炒最近更推出大排檔小炒套餐(定期換款)兩人至四人套餐包老火湯,前菜,主菜,加錢換甜品菜式包括西檸雞,椒鹽鮮魷,鹽焗雞,魚香茄子炸大腸,等等 記得人多要預訂,晚上都幾多人來用餐也有不少遊客光顧埋位坐低,可自選茶,選了菊花,夠清香每天老火湯不同款暖胃味美,真正無味精靚湯來一客椒鹽豆腐巧手切成豆腐丁,每粒都大小平均(用豆腐模切?) 再炸香灑上椒鹽辣椒平平無奇既豆腐變身成精緻小菜夠惹味帶點蒜辣,開胃小菜 主菜 西檸雞 香芋排骨煲西檸雞同樣做得好精巧,平民地道菜式一樣可以變高級菜,炸得香脆,切成相同尺寸的份量伴碟用檸檬汁做成的醬汁,食之前沾粘一下檸檬醬汁,食到最後一件也是脆脆的酸酸甜甜,大人細路都岩食和牛炒河粉用上粗身既長條河粉,和牛肉片加頭抽炒香份量很多,和牛味濃,炒得夠獲氣第一啖食會覺得唔夠味,但慢慢食落去會慢慢食到香味同豉油既濃香做得不錯!香芋排骨煲芋頭切成條,有冬菇片,薑片,蔥芋頭夠粉,夠甜,排骨就略為乾身一點係好有飽足感既一道主食總評環境服務一流,新推小炒水準也做得精緻巧手

東涌真是一個好地方,每次來到東薈城名店倉逛街.都有不少戰利品入手😂最近發現很多食肆進駐...美食種類選擇很多,媽媽喜歡中菜就帶她去六小館!裝修很華麗令人覺得很舒適整潔🤩菠蘿咕嚕肉🌟酸酸甜甜好開胃,外皮炸得酥脆肉質鮮嫩多汁。湯粉絲龍躉球🌟湯底味道很鮮甜簡單調味已經足夠,龍躉肉質非常嫩滑啖啖肉很滿足推介👍薑蔥蝦籽撈粗麵🌟第一次食好特別,蝦籽鹹香十足味道很夠不會太鹹值得一試.豬仔甜品🌟真的很可愛睇得又食得😍豬仔係椰汁果凍特別又好食😋

老友入住東涌多年無見 ，約佢食餐飯聚舊，佢話達東路20號東薈城名店倉6樓601號舖，餐廳裝修有懷舊風格的美感，環境舒適，座位寬闊。我們點左大排檔二人套餐$298，老火湯，很清甜又滋潤。燒汁野菌，炒很好味。西檸雞，煎得香脆可口，酸酸甜甜很醒胃。粟米🌽班塊，魚塊炸得香脆，最好是不會太鹹。+18（ 甜品）犀飛利，脆米+布朗尼切粒+雪糕，淋些甜洒更完美，賣相靚又吸晴又美味。龍湖酸菜班片，石班魚很新鮮，酸菜湯底很夠辣，很惹味。

東薈城革新了好一陣子，就近有空到outlet逛逛，發現超多食店，商場餐廳空間寬敞，可以舒服享受美食! 眼光被六小館的雅緻裝潢捕捉住，以「六公館」高級食府標誌打造的親民版「六小館」，同樣以懷舊特色的廣東菜為生招版牌。 中國人都愛吃點心，跟好友飯聚，等齊人之前，先來一客蟹粉小籠包、蒜蓉蝦春卷、翡翠素餃醫下肚。 小籠包最美味的地方，小籠包外皮輕薄透餡，先以飲管吸吮蟹粉湯的精粹，蟹黃油和肉汁混合的湯汁，鮮味豐腴，入口即溶的蟹肉和蟹黃，以$48的價錢就可以吃得到，相當超值! 每次上茶樓都會香口春卷，脆薄的春卷皮包裹著爽滑蒜香蝦肉，蘸點帶微辣的喼汁，增加口感層次翡翠素餃晶瑩剔透的素餃，完全唔舒得食呢，內包菇菌食材，即點即蒸，新鮮健康六小館的套餐好抵食，$588 的四人餐包括老火例湯、兩款前菜、三款主菜、半隻雞，亦可優惠價加購甜品。 老火湯火喉足，個人喜歡吃湯渣(尤其係煲過湯的瘦肉)，要是能附上更佳。 第一次吃到的泡椒爽脆魚皮，切絲的魚皮爽滑彈牙，加了椒絲萵苣，微辣口感，屬於惹味開胃前菜 椒鹽豆腐，皮脆夠薄，豆腐滑溜，加上椒鹽惹味，絕對是吃不停口的粒粒美食。 薑蔥霸王雞是客家名菜，白切雞加上特製醬油

六小館 SIXA今晚同老虎去東薈城outlet購物，當然順便在這吃晚飯，懷舊香港作為主題餐廳裝潢雅緻，設計時尚地方寬闊，沒有壓迫感  ;  環境潔淨舒適，可遠望戶外景色！椒鹽豆腐脆脆的豆腐，一口一粒，看似平凡的炸豆腐豆腐外脆內嫩，很軟滑豆味濃厚，脆皮雖薄卻脆，鬆化香口，入口不油不膩攦上香脆的椒鹽非常惹味！龍湖酸菜煮斑片魚肉夠厚身龍躉球比想像中嫩滑, 唔會煮得太過火而且好完整, 配合埋酸菜同埋辣味既刺激, 愈食愈過引, 驚喜木薯粉係底, 煙韌得黎又索左個辣味精華豬仔奶凍造型可愛精緻食落口感都不錯不太甜剛剛好，加上少少煉奶已經好夠味，打卡佳作呃like一流

星期日同家母試新餐廳 —六小館！ 唔試由是可 一試就。。。。。。。由於假日沒有特價套餐，唯有單點 叫左以下兩款小菜1. 南乳脆雞南乳味好香， d雞件好奀！ 奀都算啦 最慘食完唔知自己食緊咩？ d雞無肉，時骨多過乜 一個字差！ 2. 粟米班塊粉唔算厚係幾好既！ 咁究竟衰d咩呢？ 答案係....... 份量少到得人驚 4.........塊丫， 仲要係薄.......既！ 幸好d “罐頭粟米汁 “救返碟餸唉。。。 真係少得可憐。。。。。我食果個時間餐廳唔算多人 但 d侍應係咁趕人走咁！ 食到一肚氣。。。。最慘仲要貴仲要唔好食！簡直華而不實的中菜!

好日唔去東涌，入到去梗係去覓下食啦！見呢間餐廳評價唔錯就入去一試，果然係無令我失望！湯控上身突然好想飲白肺湯，就嗌左杏汁花膠白肺湯。佢地嘅湯係位計嘅，但都有唔少料！白肺清得好好，無異味～仲好滑！仲比我搵到花膠，即刻食塊補補佢～其中一道招牌菜—花雕瓦罉豉油雞，一嚟到就聞到好香嘅花雕味，一食發現好入味，性價比幾高！份量仲好大，兩個人食唔晒呢！仲有野菌豆腐煲，集齊我最愛嘅菇類仲有滑滑豆腐，唔錯啊！平時食開麻甩乾炒牛河，呢度就將佢升級做乾炒和牛河。和牛都幾腍嫩，河粉較為闊身，更有口感！最後嘅甜品—C襪奶凍更令我驚艷，十足十絲襪奶茶嘅味道，好濃郁～甜度又剛好！側邊仲附送左奶油多，一口size入面有齊煉奶牛油同埋脆脆多士真係好滿足！成件事仲好懷舊同埋有特色～整體嚟講食物份量都幾大，幾抵食！值得加分係佢地上菜速度都幾快～

呢度啲樓面真係好殷勤笑容又好又靚仔對細路仔又親切堅幫到手佢嘅食物 真係意料之外咁好食我以為佢身在東涌唔需要煮啲好食嘢已經肯定好多人幫襯最重要 佢係煮好多 香港特色菜啲餐具仲要別具心思㖭你睇下甜品嗰托盤幾得意個甜品我冇食到唔可以話畀你聽好唔好食但係外形上我畀足99分呢度有好多 舊式嘅粵菜豬油飯就成日聽 見都未見過食都未食過今次終於有得一試同啲老人家傾開佢話其實好耐冇食過得啲豬油唔係咁好食但係我都係想一試我覺得好好味喎雖然有少少豬臊味但係真係幾正仲有焗魚腸呢呢間嘢整得好肥美但係個魚腸就苦咗少少炸大腸硬咗少少套餐嘅嘢一啲都唔馬虎你為起呢個價錢真係好合格㗎啦如果我再入東涌一定會再食呢間唔該你呀靚仔侍應哥哥

作爲東涌嘅街坊，東薈城二期開了後，就想把各間新餐廳都試一遍。早市的六小館，人很多，所以我們在晚市時間試試。環境十分雅緻時尚，再望一下餐牌，大部份的菜式都不貴，套餐更是抵吃。這個裝修配這個價錢，我相信我會不斷來吃。花雕瓦撐豉油雞，$168一見到就想叫的菜式，而這個菜式製作雖時，最早叫但是最後到。侍應一打開瓦撐蓋的一刻，花雕香氣撲鼻而來。而雞肉熱辣辣卻滑嫩無比，又不會過鹹。果然是必點菜式。菠蘿咕嚕肉，$148咕嚕肉夠脆口，汁醬的酸甜度調較得很好，吃著吃著會不自覺吃多了。海鮮蒸蛋白，$148想叫一個清清地嘅菜式拌在一起吃，蒸蛋白的質感十分柔軟，好像疏乎里一樣，味道比較淡口和清新，如果伴上醬油會更佳。海鮮有蝦仁和帶子，三者味道很搭配。豬油拌飯想叫個白飯配菜式，但又給餐牌上的豬油飯吸引過去了。豬油飯的醬油和豬油比例已預先配搭好，味道較濃，很合我口味。豬油香氣四溢，就是旁桌都問一下是什麼飯。豬油飯更是很多老一輩的童年回憶呢。