公和荳品廠

营业中

休息中

今曰點了 煎豆腐同 熱 豆花。 豆花仲係幾好，而想$10 仍然好抵食。煎豆腐就麻麻地，感覺唔太新鮮，似就變餿，一d都唔滑而且好油，冇諗過流量咁快都咁。下次都係只叫豆花。。

我既小學年代係成日食豆腐花，以前6蚊就有大大碗可以同阿媽share 黎食。宜家當然咩都貴晒，老店又愈來愈少，出開深水埗經過多數都忍唔住會食呢間一次。其實我少會堂食，因為唔可以慢慢享受，今次就試下，叫左豆花同炸豆卜。豆花豆味好濃，熱既更加有豆味香，又夠晒滑。我自己食咩都鍾意食左原味先，所以我食左幾啖先落黃糖。豆卜都好味，炸完當然係特別香口。不過因為太受歡迎又多人，同埋小店唔會話好多人手，服務一定係會冇咁好，環境又會逼D咁，所以要慢慢嘆一定要叫外賣! 但行到攰抖一抖既話呢度當然係好好既選擇啦!

Hearing how good this place's beancurd puddings are, I came to Sham Shui Po with the hopes of enjoying this dessert bowl. When I got to the stall, there was a huge open space where people dine-in.  It was a full house when I arrived. I'm not sure if this is how people normally wait to get seated around here but while I was queuing, there was a group who cut in front of me and took the vacant seats. How nice. I've been waiting for an open seat for 15 minutes and they just zip past me and got seat

假日來到深水埗覓食，又怎能不到公和豆品廠。公和店有兩間，一巷之隔。這間應該是總舖，門口有不同的豆類製品賣，如豆腐、豆卜、豆漿、腐乳等，都挺受歡迎，買餸的人駱驛不絕。舖內則有坐位，可以食豆花、小食或者豆腐等。這間舖主要旦賣賣小食，像是燒買、魚蛋等，也有豆漿和豆腐花。之後可以在隔離間舖進食，或者直接入舖頭才點叫，也行。雖然舖面都算大，但假日都人山人海，下午兩三點仍是要等位。豆花冷熱之分，大碗$12，小碗則$10。豆漿也有冷熱之分，大杯$10，細杯$6。外賣有多一項選擇，可以選擇樽裝，$15。另外，也見到很多人點叫煎釀豆品，包括有豆腐和豆卜，兩款都是$12。也有雙拼，$14。小碗熱豆花：雖然是小碗，但都很多。裝得滿滿的，看上去也覺得是滑不留手🤤 食落真的很滑，也有很香的豆味👍🏻 可以按自己的口味加黃糖。不過，大概是賣豆花的關係，地下黏笠笠的，令到整點有點扣分。

黎左公和好多次啦，九龍城個間冇左，呢間就裝修左，真係世事多變~個日好多遊客，不過上菜依然好快。黎到一定要食豆腐花！勁滑滑滑~ 雙拼香口~~叫左個凍黑豆漿，不過個黑豆漿真係差左小小，原來佢斟定入呢啲外賣杯，一箱箱放門口，但呢啲膠唔放得熱野，我估佢係熱辣辣入膠杯再降温，所以一定唔會再點，而且太甜，下次都係飲熱豆漿穩陣啲~整體來說好抵食~~~

公和豆腐店☺️裝修完之後第一次幫襯，每次都叫煎釀魚肉豆腐，豆腐花，豆漿😊👍🏻真係好正架....好多客既店......雖然店內面積唔大，但係裝修好有特色，客人都係快食快走的☺️👏🏻每次嚟到食都會打下卡留記念😎都會見到唔少遊客喺度影相打卡加食豆腐花🤩在左近連住有間賣小食嘅店，特別有得賣檸檬薏米水，好正架，去水腫美白一流！夏天特別鍾意去呢間野買，或買杯凍豆漿........也是超爽的😝👍🏻

公和多左個舖位之後乾淨左好多，少左陣黃豆嘅酸臭味！終於可以試下坐低堂食喇～～～～～～～～豆漿$6：偏甜，未算好濃，唔鍾意漿住條脷嘅話呢杯反而會啱口味～豆花$10：唔記得叫熱，比左凍，已經加埋糖水，個人鍾意熱豆花加紅糖多d，講滑佢又未算好滑（大埔x媽/大圍x媽滑d)豆卜、煎豆腐雙拼$13，煎豆腐好味，底面都煎到脆卜卜，豆卜幾香口，但硬左少少。總括堂食呢個價錢仲想點，比一般無位坐嘅荳品店仲要抵！！！！

每次如果經過都會買豆漿飲，或者外賣煎釀豆腐食，因為好味，而且真係細細個果時，跟住媽咪日日去買餸都會食碗豆腐花，媽咪就一定食煎釀豆腐😂以前好多分店，而家得反幾間，所以而家想食多數係呢間買黎食，今日都買左外賣，24元已經有好多件，有煎釀豆腐同魚腐，認真抵食，不過反到屋企差不多食曬先記得原來無影到相😂食到差不多食完甘更係吳再影啦😅加埋佢地外賣付上獨立包裝既豉油辣椒醬一齊食，實在惹味，豆腐又夠滑，魚肉又夠彈牙👍👍食完再飲埋豆漿，又飽又解渴，而且豆漿又不會太甜，豆味又濃郁，真係由細食到大都吳會食厭👍👍👍👍👍

我地五個人一人食左一碗豆腐花，好香好濃郁豆味，而且超滑，對街巿買果啲完全唔同level自己加黃糖，仲有薑味揀。最後仲叫左碟煎樣豆腐，都係超滑，外邊煎到香香地，裏邊熱辣辣好滑溜，超正！雖然環境差啲，但係值得嘅😋會再食

天氣熱，喝甚麼好？在深水埗街頭，我選擇來公和喝杯冰凍的豆漿。公和自從裝修之後，店面衛生了超級多，以前店內瀰漫著的酸餿味都減退。冰凍的豆漿就放在店前，以膠杯一早封好，用冰粒冰凍著。豆漿調味不太甜，剛好合我意。

筆者黎到深水埗，九成都會黎呢度飲番杯豆漿同食碗豆花。呢度嘅豆漿豆味濃厚，入口由外至內都好有豆漿味，用料十足，唔會溝太多水同糖，令味道cheap哂。順帶一提，門口賣d杯裝豆漿同店內堂食豆漿係唔同味，會差少少，可能係製作時間嘅問題。而豆腐花就豆味十分重，唔落糖水或者黃糖都已經好好味，仲原汁原味。唔落糖都覺得好好味，就證明碗豆腐花純度高，味道一流。黎到深水埗，呢間鋪一定唔可以錯過。用餐日期:12/1/2019是餐費用:$16味道:9.5/10環境:5/10性價比:10/10

去親深水埗多數都會來食呢個荳製品全餐🤣釀豆腐 $11豆腐好滑好有豆味😋 加埋薄薄魚肉去煎但煎定又水尾，凍左無咁好食-炸豆卜 $11炸到好香口，勁香脆同豆腐完全兩個食法🙈 都一定要食-豆腐花 $10 豆漿 $7個人中意熱多d🤫 豆味會更加出

呢日收工自己一個黎深水埗，諗住睇下有冇keyboard或者speaker，平平哋兩三百蚊有交易就最好啦，因為我又唔係專業用嘅，純粹平時聽下歌聽下K Pop咁，行咗個圈都冇咩心水，咁啱個肚有啲餓，就記起啲同事話深水埗有好多小食好好味，但係如有腸粉豬皮蘿蔔啦，豬潤麵啦，同埋豆腐花咁。但我有記得阿媽話今晚屋企有飯食，咁我就唔食咁飽啦，食啲小食就算囉，咁我哋去咗搵公和豆品廠啦，佢仲有樓上閣樓都有位，咁我一個人喺樓下搭枱都好輕鬆有位嘅，我叫咗豆腐花，豆漿，煎釀豆腐咁，樣樣都幾好味呀。

公和荳品廠其實系老字號 有百年歷史 一代傳一代 呢家要系香港搵到小店已經少之有少 同埋呢間系翻新過嘅店舖 不過仲保留住原本嘅味道😌 ~👉煎釀豆腐($14/6件)要大大聲同大家講 豆腐真系好滑💃🔊🔊因為呢間小店好有心思用加拿大非基因改造黃豆黎制造豆腐嘅食物 令到食物好香 有豆味煎釀豆腐上面會有薄薄嘅魚蓉 煎到外脆內嫩 脆脆嘅魚蓉配香滑嘅豆腐😏~👉家鄉炒米粉($10/1份)黎呢間如果凈系叫豆腐嘅食物唔夠飽 可以試下個米粉 米粉比出面個質感比較粗 食落好似粉絲 大大碟米粉入面會有椰菜同紅蘿蔔絲 唯一改善地方就系可以整熱少少💪💪 ~👉豆腐花($10細碗/$12大碗)凍/熱都有食到好飽但最尾都同個朋友一齊share碗豆腐花 豆腐花好嫩滑🤤🤤 碗豆腐花有微甜嘅糖水 我個人覺得唔洗落黄糖已經夠味 落左反而試唔到最原本嘅豆味😞 👀👀呢間店最特别系餐牌有多國語言 可能知有好多遊客都會慕名而來 好貼心🤷同埋價錢真心好親民 買外賣夜晚番屋企加餸都仲得

每次黎深水埗買野都必定順便黎食公和豆品廠，除左係老字號，仲有獲得米芝蓮推介，平靚正之選但店內位置唔大，坐得比較迫，需要同人搭枱坐，大家都好好快手食完快手走，所以唔會話要等好耐先入到。除左豆類製品，旁邊間魚蛋舖都係佢地。雙拼 煎釀豆腐+黃金魚腐 $13 釀左細細舊鯪魚肉，食到魚肉彈牙，豆腐豆味濃，煎到底面無咁易一夾就散。而魚腐煎炸到金黃色，脆薄薄，入面魚腐夠滑。食呢兩樣必定要加泰式辣醬食，好似食緊泰國野咁酸甜辣，好惹味。豆腐花 $12熱豆腐花豆味重，夠滑溜，再落少少黃糖，加左脆脆地口感。菜單