公和荳品廠

营业中

休息中

行過路過見到荳腐花都想食番碗，今次路過出名嘅公和荳品廠無理由唔食番碗。冷/熱荳腐花 $12第一次食到滑得來唔會太冧嘅荳腐花。平日買嘅荳腐花都會好冧好快爛哂。而公和嘅出品果然非常有荳味同時比較結實，口感較一般荳腐花好。另外不得不提佢加既黃糖落同平日食既唔同，糖係大大粒，食落卜卜聲，唔會好快融哂又唔會好甜。真係好好。參拼 $15一碟試齊3大荳品小食~荳腐、荳朴、魚腐。每樣2件，岩哂同朋友開心share。3樣都唔會濃味，食到淡淡荳香。枱上有荳板醬同泰式辣醬可以加，會惹味d。3樣中最喜歡煎釀荳腐。雖然上面既魚好少，但荳腐非常滑，好味。其他2樣都ok~

今日去到深水埗，記得有好味豆腐花，就去公和朝聖一下，真係座無虛席，姐姐話一樓有雅座，係隔離樓梯上一層，有冷氣有電視，好過係樓下迫好彩前面有另外兩pair人，一齊叫野食，如果唔係可能要等姐姐上黎！行到好熱，所以叫大凍豆漿($10)同細凍豆花($10)，等左一陣就送上，豆漿好有豆味，但凍豆花真係無熱禁滑禁好味呢！下次都係叫返熱豆花！因為今次一個人黎，食唔到禁多野，下次試下d豆腐豆卜魚腐個d! 見到人地食都好似幾好錦！

老字號公和荳品廠好耐無食過豆腐花，今日出開深水埗黃金買野，一於去公和食碗豆腐花先。每次黎到鋪頭都係坐滿人，街坊遊客都唔少，好彩等左大概10分鐘左右就有位lu。每次黎食都一定會食凍豆腐花，my favourite!好滑，豆味十足，最緊要都係落黃糖。😋另外叫左杯豆漿同埋豆卜加豆腐雙拼。呢間d豆品真係好出色，每次都唔會失望。雖然鋪頭坐得並唔舒服，有d迫，但係呢度食的是味道同回憶，唔係咁容易可以被取締的。

由細食到大嘅老店每次黎就會諗起日本嘅一個節目: 百年老店雖然呢間店冇百年，但幾十年都一定有啦由以前淨賣豆製品，到而家連魚蛋燒賣都賣埋仲有埋精美嘅menu一人一碟雙拼嘅豆卜加魚腐我最鍾意食豆卜，每次黎都必叫外脆內軟嘅口感，加上咬落去少少嘅油香散發熱辣辣當然最好味，但偶有失準放耐咗凍咗就冇咁好味今日呢碟就靚啦！魚腐都炸到脆卜卜13蚊有5舊大大舊！好ok啦！再叫咗碟大腸粉記得上次食過係好滑，而且麻醬香濃今次都滑！可惜係麻醬得少少，失色不少下次要嗌多醬先得！人流絡繹不絕街坊遊客比例一半一半真正嘅香港老店！

從小朋友時候 阿媽打完麻將 帶來吃一碗$5-6的凍豆花到現在$10，數不清的歲月，依然是我心中No 1豆花尤其豆卜，好香口又不油，次次來深水埗都要來一份。就住豆花食，開心到爆！

古色古香的店鋪，位於北河街街市附近，檯面沒有號碼，店員還是用口述嚟下單，然後用心算來計算。起初只有豆漿、豆腐花等，其後出現了豆卜魚肉，以半煎炸形式處理，那個豆卜十分脆，加少許豉油及豆瓣醬，十分好味。別看他的外表平平無奇，但是外脆內軟的。很適合外國朋友到港時帶他們參觀，但是不能坐太久，因為每張枱翻枱的速度十分高，吃了便走。吃東西的時候可以見到店舖職員買芽菜豆腐的情景。

我最鍾意食豆腐！唔係食人地豆腐果種😂，係食堅豆腐果種，同所有豆類製品我都喜歡😘之前我住在深水埗附近時，這家老字號公和荳品廠的煎釀豆腐豆卜等豆製品就時常成為我的餐前小食，真的非常好吃！😋😍 我時常放工經過都會到來買外賣，最愛買煎釀豆腐$14/五件，和出面街市賣的不同，自家製豆腐豆味特別香濃而且很嫩滑，只抹上薄薄的魚蓉，把豆腐煎至金黃色，阿姐好手勢能保持外脆內嫩👍配上特製甜豉油已經好好味，真的令人不禁一件接一件，我試過一口氣買10件狂食😂另外其他嘅豆漿豆卜豆腐花等豆類製品都非常值得推介，都係豆味非常香濃，純粹因為我太鍾意食豆類製品，所以我特別鍾意光顧😛______________________________環境：5/10服務：6/10 價錢：7/10食物質素： 8/10 整體：7/10

很久沒食公和的豆花了，依舊滑溜並帶有豆香味。同時非常欣賞豆花是暖，岩哂依家嚴熱既天氣進食。食了一啖老公的凍豆花，發覺我的堅持是沒錯的。熱豆花比凍豆花確實是較滑溜，哈哈第一次食三寶，有魚腐、豆腐、豆卜，每樣各兩件。豆腐勁有豆香味，不過老公嫌上面的魚肉太薄太少我最欣賞豆卜，豆卜皮又薄又脆又香，連埋入面既魚肉一齊食，口感及味道平常平衡。而我老公最欣賞魚腐，夠厚夠脆夠份量

今日平日放假，一早去開深水埗唸住食少少野，終是揀左公和，好耐無食過。唔算太多人，我揀左三寶既係有煎豆腐，豆卜同魚腐。碟野黎到唔算太熱，d豆腐有少少黑點獲屎🙈，感覺有少少扣分，味道都還可以，個辣醬幫佢加左唔少分。之後叫多左個熱豆花，十分之滑👍🏻，好想再食多碗但想食其他野所以放棄左。豆花好味，其他一般

Old style but amazing bean product shop! I always know that this restaurant is good for bean products, so I must try. The price is really reasonable and many selections. Customers can either eat alone or share with friends. The portions are not too big, so I can try more items. But they were not hot at all. They prepared those dishes for awhile, so they were cold. This place used to be very old and looked a bit dirty. But now they decorated and changed the style. Now it looks more modern with mo

公和荳品廠有經過深水埗的朋友應該對老字號 - 公和荳品廠的名字不會陌生。但依舊都是內設工場，對荳品有一定的水準鋪面新裝修了之後，少了一件懷舊感，價錢依然大眾化，所以一直都有大量捧場客⭐️煎釀豆腐 $11 - 4件 新鮮熱辣辣煎好出黎，豆腐好香好滑溜⭐️煎釀豆卜 $11 - 5件 佢雖然寫係煎，但應該是炸，食既時間已經凍左，但口感依舊脆口。⭐️黃金魚腐 $11 - 4件 本來抱好大的希望，因為朋友極力推介，但可惜應該炸了多時，已經凍了。但吃下去魚腐配入了豆腐口感更佳，如果新鮮炸好一定更美味⭐️豆漿 $10 豆味香濃，但偏甜⭐️豆腐花 $12 點左熱既，但比左碗暖既我，應該係一早裝好左幾碗出黎。雖然帶有香濃豆味。但因為吾夠熱既關係所以無咁滑溜。

1.叫左熱同凍豆腐花各一，熱豆花食落更滑更軟2.仲叫左豆腐小食拼盤，乜都有2件，新鮮熱辣煎好，好味，推薦薄薄似魚腐既物體3.豆漿唔會太甜，有豆味總結：好味又抵食

一日之計在於晨，早餐緊係要食豐富d啦！公和荳品既豆腐出哂名，夠香夠滑，所有豆品製既野食都唔錯☺️豆腐花就咁食，唔加黃糖都冇問題; 魚腐外面炸到金黃，入面就係滑lut lut既豆腐蓉; 不過豆漿有d甜，大家記得嗌少甜。可惜既係炒麵，炒米粉真係麻麻地，炒得太濕，而且冇乜味同偏油，魚蛋燒賣腸粉一般，不過勝在唔貴。而且有齊甜醬，辣醬，泰式辣醬係枱面任你落，滿足哂嗜醬既朋友仔😌-香滑腸粉 (大)($11 /7條)魚蓉燒賣 ($6/ 5粒)咖哩魚蛋 ($6/ 6粒)咖哩蘿白 ($6/ 1份)咖哩豬皮 ($6/ 1份)豉油王炒麵 ($10)家鄉炒米粉 ($10)荳花 (大)($12)荳漿 (大)($10)參拼(煎釀荳腐 煎釀荳卜 黃金魚腐 各2件) ($15)-好味指數: 6.5/10賣相: 5/10性價比: 7.5/10

去開附近既玩具街買野，係地鐵站附近就發現公和，之前報遵導話佢無牌唔做得堂食，而家有牌後就開左係地鐵站附近，鋪面唔太大，隔離個鋪位都係佢地，隔離鋪位主力煎豆腐，蘿蔔糕等咸食，豆腐花豆漿就係店內廚房出，其實內裏約容納20人到，門口位置就賣埋其他荳品。去既時候係早餐時間，只有煎豆腐，其他煎豆卜暫未供應，所以叫左煎豆腐，豆漿煎豆腐好滑，就算凍左都好滑，好好食，豆漿亦唔錯，店鋪叔叔一人兼顧賣荳品同落單，雖然時間尚早，但買荳品同食早餐既人都唔少，亦唔少遊客，埋單都要等一等，叔叔先得閒，下次再黎會試埋豆腐花~

男朋友黎接收工 準備睇戲 但收工咁餓就去公和食少少野醫下肚先 因為睇完戲會食晚飯 我地都唔係叫左好多野食 一碗細既凍豆腐花$10 好滑好想豆味 凍冰冰 加埋黃糖食 正啊 一份雙拼 $13 有五件魚腐同豆卜 配埋辣豆瓣醬 好惹味 黎多杯細既凍豆漿$6 唔會太飽又唔怕睇戲個陣個肚餓到咕嚕咕嚕嘈親人啦 男朋友唔係香港人不過餐牌有英文 佢都睇得名有咩可以食 又可以比佢練下廣東話 佢話前面賣生既豆腐 後面又賣咁多黃豆製品好得意 感覺一定會好新鮮好好食喎 我帶佢去既梗係好食啦 哈哈