八王子拉麵館 (已搬遷) 新店位置

本人已偷懶了一段時間冇係呢度寫食評,但昨晚吃過這間拉麵館後,使我再次讚揚他.昨日同朋友行過油麻地想周圍逛逛搵嘢食,朋友突然拿出新買的i-phoxx來,(還以為佢曬命)原來他上網搵openrice睇下附近有咩好野食(真方便),一睇原來附近有間新開張拉麵館,我們一於去試下.到了門口入面不算太多人,好快有位,地方幾舒服,尤其牆上有幾幅攪笑掛晝,好得意令整間店舖增色不小.未幾有個女侍應行來介紹餐牌(好厲害見佢枱枱都介紹),見佢咁落力一於聽佢話柯打一個八王子拉都,一個豚組拉麵同燒魚翅同唐揚雞.燒魚翅. 見佢賣相似尤魚絲,剛燒出來好香,食落幾夠味,送酒一流所以我哋立刻整兩支啤酒.唐揚雞. 冇咩特別,夠味不過最仲要夠熱.八王子拉麵. 我剛想吃時,剛才個姐姐仔突然走來教我呢個麵既方法,(.先飲兩啖湯 2.放兩匙枱面預備的炸蒜撈勻麵一起吃.)我好聽話跟著做,先飲湯,好香牛骨味完全冇腥味.正跟著落兩匙炸蒜撈下,果然味道截然不同,好惹味炸蒜完全把牛骨味帶出來,湯底變濃了,一清一濃感覺不同.正言歸正傳.麵質唔錯冇梘水味夠軟滑,叉燒肥廋均勻好甘香,而且仲有四片抵食,不過最令我意外係隻蛋,見蛋黃仲流油,入口有蛋味

師傅又懶左一段日子, 而食評亦累積到有點兒不勝負荷, 唯有的起心肝勤力少少啦; 今次就打個靚尖寫左呢個食評先啦! 話說師妹回港, 咁師傅當然要同佢食番一餐啦, 於是問下師妹有咩想食啦, 佢諗都唔使諗就話要食拉麵, 咁師傅嗰一刻個腦裡面淨係諗起橫綱, 本來打算去; 但同好友食家"乜都放入窿"閒談, 佢問師傅點解唔試下呢間食店呢? 係喎呢間食店新開張一段短時間, 加上食店比橫綱更近, 於是就黎試下啦! 為免師妹詐型, 師傅先旨聲名呢間食店從未試過架! 星期六晚, 冇訂位(唔知可唔可以訂), 去到食店好彩唔係好多人, 所以唔使點等位, 正! 一坐底當然係睇下有咩好食啦, 點知都未睇, 個侍應就主動行埋黎介紹, 話呢間食店主打係食叉燒, 而湯底係分牛骨湯同豬骨湯, 然後師傅又再睇下有咩好食喇! 最後師傅柯打左碗元祖激辣拉麵, 而師妹就揀左胡椒風味拉麵! 由於人唔算太多, 所以等左大約五分鐘到就有得食喇! 先睇下兩碗拉麵嘅賣相, 賣相真的不俗, 而且幾吸引, 趁師妹未起筷, 師傅第一時間試下佢個胡椒湯底先, 發覺真係好重胡椒味, 幾濃不過幾好味, 唔錯; 再到師傅試下自己個元祖激辣拉麵, 湯底真

教會完左之後一行8人去到八王子試下牛骨湯拉面~真係唔錯呢~好清~好濃~不過始終唔係好慣依種味~但加左d桌面既炸蒜之後完全唔同~好好味~d蔥同配菜都好香好好食~最好食都係溏心鹵蛋~超好味~柔軟得黎又有鹵水味~超正~可惜分量太少~細佬叫了胡椒風味拉麵~超濃黑椒味~靜係聞都聞到濃濃的黑味~連叉燒都是特別加入黑椒的~正~仲有叫了自家豚組拉麵同牛油粟米拉麵大受好評~湯都飲晒~經理非常好人咁請我地每人半隻溏心鹵蛋~嘩~~凍食都好好味~好Q噢~~介紹埋點樣食碗麵~原來佢地都好細心特登唔將D麵煮得太熟~等D人食到尾D麵唔會太霖唔好食~仲話遲D會再出新口味~好期待呢~~一定再幫襯~

佐敦最近開了家以牛骨湯為主的新拉麵館，星期六中午時份便決定試試。胡椒風味拉麵 (牛骨湯) 有黑椒味叉燒，湯底惹味之餘還帶著微微牛骨味豚組拉麵 (豬骨濃湯) 豬骨沒有想像般的濃，但叉燒粒卻比叉燒更香更滑更肥叉燒沾麵，廣式撈麵的IDEA，雖然沒有濃湯，但個汁都好好味，別有風味每碗麵都有有芽菜、半集溏心蛋、和海帶等的豐富配料，當中特別喜愛鹵水溏心蛋，溏心之餘有鹵水味。之於拉麵亦彈牙煙齦，十分討好。不過男友還是喜歡橫岡多一點，至於我，則會選擇八王子的拉麵，只因他環境舒服，味道OK。

好﹗由於朋友睇完呢間食評後有興趣...所以就帶左佢地黎試了~其實，當中有朋友都已經試過.. 仲要覺得好好味呢~今次就讓另外2個朋友試下~一坐低，我地就叫左每人一客溏心蛋，何解？正如我之前所講，溏心蛋係有凍食同熱食之分...凍食既溏心蛋係可以做前菜，令你有一種特別既感覺先..結果... 我既朋友就覺得好special呢~^^~今日一行5人.. 叫左2個八王子拉麵，1個自家豚組拉麵，1個牛油粟米拉麵，1個味噌拉麵~對我黎講，由於牛骨湯既感覺太深刻，對唔住.. 我改變唔到去接受豬骨湯~~ 還是需要我將成碗湯飲下~不過，正如我今晚所講.. 叉燒可以繼續努力既~但係我知道下次就會有新既感覺.. haha~anyway.. 今次想講講飲邊種湯底好~如果2人同行既... 就一定係要試1款牛骨(推介八王子)﹑1款豬骨(推介牛油粟米)...原因.. 係因為唔係太多人會即時feel到牛骨既甜..因為呢間既牛骨湯.. 唔係清湯腩既鹹.. 也唔係味精既濃.... 會係比較fresh既甜~ 叫豬骨既原因... 係因為味道會比較濃，會迎合大眾化既合味既~ 繼續會推介俾d friend試~(紅豆雪糕... 如果大家

We saw this new place some time ago but we only went here this time cos we needed a quick dinner. It looks clean and tidy since it’s still very new. We ordered:Super spicy pork ramen – v. hot so I couldn’t taste much of the beef soupBlack pepper pork ramen – tasted good but a bit oily cos of the beef soupThere are only limited choices so we were not v. full but it’s fine for a quick and light dinner. It would be nice to include dumplings on the menu. In additional, they can also improve the desi

看見Openrice這麼多好評, 去試了一下!有點失望.1. 湯不熱 - 吃麵湯不夠熱, 興趣大減2. 湯十分少 - 麵來到的時候差不多看不見湯3. 麵的"質地"不夠好 - 相信是來貨問題, 要source好一點的4. 份量比較少 - 相信女孩子吃, 也是"剛剛"好夠飽(是晚點了一碗八王子拉麵和一碗胡椒風味拉麵)雖然有點失望, 但它的湯是不錯的, 但作為日本麵,只標謗自己的湯是不行的, 麵也是十分重要.而且煮麵的技巧, 流程也不能忽視.另外, 大部份的員工的服務態度很好,只是其中一位男生的態度欠佳.會否再來? 真的有所保留.PS.: 本人以前是住在東京的八王子.....

今晚再去多次八王子拉麵館食晚餐~老闆真係認得我地~好野!~不過.. 因為今晚的豬骨湯沽清，所以我再次點了八王子拉麵。而我女朋友就點了胡椒風味拉麵~首先說說八王子拉麵，我發覺牛骨湯味濃了很多，而家叉燒也都好似濃了點~對於我這些鍾意有味，但要自然味的人，我既反應係正面既~坦白講，濃左既湯個種牛肉味會比較甜，的確係會令我更鍾意成碗湯飲清~而胡椒風味拉麵就真的如老闆所講，如果唔受得胡椒味既就會好辛苦~但我女朋友就食得好滋味，唔錯~但對於第一次幫襯既食客黎講最好都係先試傳統既八王子拉麵後先再試其他種類呢~^&^~今晚最大的surprise，就係溏心蛋呢~如果你另外order溏心蛋既，就會係以凍既方法送上，我就覺得凍食真係好味好多，如果鍾意食蛋汁既人，凍食係不二之選，9蚊我都覺得值~最後，如何欣賞牛骨湯好味既感覺，還是你每次到店舖既時候，坐響吧位，慢慢聽老闆的介紹呢~響呢度唔多提了~ haha~

星期二落完吧，順道行回佐敦，記得早兩期<飲>介紹了拉麵，知道附近有間牛骨湯底的日本拉麵店，便與男友來試試。二人分別要了八王子拉麵和味噌風味拉麵。兩碗麵的配料是一樣的，只是湯底不同。牛骨湯底比大路的豬骨湯底為清，味道不太濃，卻很特別。麵條不是攣的一款，但頗彈牙。配料有芽菜、半集溏心蛋、叉燒和海帶，非常豐富。以不收加一兼只賣約 $40 一碗麵來說，質素中上。

拉左同事係星期六既下午來食個lunch當時兩點左右, 都要等一陣先有位我地兩個都決定試下佢既鎮店拉麵 -- 八王子拉麵都等左成15分鐘先有得食... 餓死第一時間飲啖湯幾濃味!!! 但感覺好清~ 正!!! 叉燒幾爽, 質地岩岩好, 同domon有得揮糖心蛋如果大隻d 就好啦唯一麻麻既就係d 麵... 唔彈牙... 一定會再來 (話晒係佐敦返工...)下次要試埋個沾麵先~!

前排o係佐敦地鐵站口見到易拉架，宣傳開左間新拉麵店，就已經諗住同女友去試下。上星期有一晚約九時許，放學後正打算去試一下，點知剛進入店面，店員即告知是日湯底賣完...結果白走一趟。返屋企上openrice 睇，睇到食評笑多過喊，於是決定今日同女友再去一次。今日約一時半去到，二人分別叫了八王子拉麵同胡椒拉麵，一入口，已經覺得大失所望。1. 叉燒嘛...成塊煲湯瘦肉咁，質感差之餘仲要唔好味...2. 個拉麵...太硬，不過依個可能係我唔係好接受硬身麵的關係...3. 溏心蛋...咸到飛起，特別係個溏心..好似落左好多鹽咁....同樓下咁多個食評相比，唔知點解...真係差好遠....總結：唔會再o黎

開飯了﹗今晚與女朋友去了八王子拉麵館去嘗試，去的原因，就是因為在openrice內search到這間麵館，又用牛骨作湯底，於是去試試呢~一入去，不太多人，但老闆就已經好熱情同其他客人暢談整拉麵既故事等等... 好親切﹗店員也嘗試大概講講有咩食，或者係特別推介既~由於我地都係坐響bar seat，所以就一直都聽著老闆講拉麵的事... 我地兩個叫了八王子拉麵(其實即係傳統叉燒拉麵)，激辣拉麵，火炎叉燒，綠茶雪糕及宇治綠茶~呢間店舖最出名就係用牛骨去整既湯底，入口後... 真係覺得佢冇落味精，而且好清甜呢﹗同平時我去某d大型拉麵店所食既超濃豬骨湯底完全相反... 結果我忍唔住拎起隻碗飲哂所有湯﹗~牛骨既味響飲完水後都仲留響我口...女朋友碗激辣拉麵就真係好辣，的確... 要想想點樣先可以令個湯辣得有牛味..~火炎叉燒，好食~ 因為d叉燒唔太肥，而且佢用左銀芽(唔係芽菜)做底，唔會太肥~雪糕果然係日本進口... 正常都係好食既.. haha~ 綠茶都真係幾濃，冇添加﹗都係個句，鍾意老闆既nice，也鍾意碗麵夠誠意，好有我響日本食拉麵時候既感覺，放心﹗我會繼續再食，目標12個印花﹗~^^~(唯一

星期六經過見鋪頭好乾淨，感覺應該開左無耐，不如試下好唔好味啦!!! 同行兩人，食左八王子拉麵同埋牛油粟米拉麵...湯底比較清，淡淡o既牛肉香..唔係預期日式拉麵o個種特濃湯底，但係又幾好味...配料全部都好新鮮，最正係隻溏心旦，單睇賣相真係估唔到咁好味!!!有蛋香，但又一d蛋腥味都無!!煮得好嫰!食完一大碗麵之後都仲想再散叫多一客!! 湯底應該無乜落味精，飲晒d湯之後一d都唔覺口乾..唔會好似好多拉麵店咁，一路食一路要不停飲綠茶解渴。好窩心o既係連作為調味料o既炸蒜蓉都好新鮮!!雖然食到中途時師傅話唔使落咁多，吊番d味就夠，但係我都係忍唔住落完又落..唯一覺得一般o既就係d麵條...有蛋香，但係比較硬同埋重鹼水味，可以有改善o既空間!! 整體感覺好有家庭feel，唔係o個種一拎碗麵出來就令你見到都「嘩」一聲o既鋪頭，不過真係食到師傅好俾心機去做，會再幫襯!!

團長一早擬定,位於白加士街的"八王子拉麵館"作頭炮,一行九人,要斬開來坐.場面都幾有趣.作為差不多全港唯一用牛骨湯作主力的日本拉麵點.個人對日本拉麵的湯底認識,不外乎麵豉,鹽味,豬骨等等.牛骨湯做湯底,好像未聽過.叫個用店名作招牌的"八王子拉麵",材料有叉燒,溏心蛋,昆布,芽菜,荵等等材料.每次吃拉麵也是先嗒一口湯,味道淡薄,隱約地喝到一點點牛味.之後就散得無形無蹤.唯有去加一點在檯上任添的蒜粒來吊味.主角叉燒質感粗鞋如瘦肉,溏心蛋外型對辦,但溏心又是很單薄.沒有豐厚的感覺.麵條呢?帶點煙齦,不過鹼水味頗重.照看這一次經驗來看,店方應該要向那些清湯腩名店借鏡.

昨日行過油麻地搵食,見有間鋪頭人頭湧湧,心想一定有料到.裡面環境舒適,不過比較嘈.侍應介紹我試胡椒拉麵,幾好湯底有濃濃胡椒味,麵質爽滑,最正片叉燒好香,侍應生話原來佢地為這款麵專登整既胡椒叉燒,好窩心,最後值得一提鹵水蛋,他是我見過最好的,不但糖心還很有蛋味及鹵水味.正值得回味既餐廳