八王子拉麵館 (已搬遷) 新店位置

原本諗住去油麻地食好麵線的不過重陽冇開信步沿彌敦道一直行諗住搵間坐得舒服o的o既見到佢冇咩人，裝修又幾骨子，於是就入去食因為冇咩特別心水於是叫o左招牌o既「八王子拉麵」其實入去前已見到佢o既招牌菜係牛骨湯底對呢樣o野冇咩特別期待但係想像中牛骨湯係好濃的點知一上來係淡黃色湯底食麵第一件事梗係飲湯先.....弊家伙！有味精！真係好耐未試過飲麵湯飲到會「刮口」個口好似俾o野「拿」到咁味道嘛真係比想像中差好多我第一個感覺就係清湯腩個湯底有牛肉味，唔覺有牛骨味真係好失望至於麵身係合格o既不過我覺得偏硬o左o的其實可以更好的佢o既糖心旦真係好好好好食係我食過最好的美中不足係糖心蛋黃係凍的如果係暖暖地就100分！不過宜家都有99分！至於叉燒份量好多有4-5塊(唔記得)第一件有點點肥膏痴住，好好食之後幾件唔知係因為我俾o的麵塞飽o左還是點總之就係冇咁好食冇咩肥膏好dry，冇咩味好似煲湯肉咁...........值得一提o既係佢地o既招呼好好值得一讚

我已經嚟左八王子食左兩次拉麵, 第一次和男朋友坐bar枱, 一邊食一邊看到老闆煮拉麵, 這位老闆好友善招呼我地, 又問下我地對拉麵的味道如何, 仲好詳細介紹如何預備牛骨湯底, 又解釋糖心卤蛋之所以咁多客人讚賞, 是因為佢地用日本的雞蛋, 所以蛋黃特別有蛋味。 牛骨湯底很清, 牛骨味不太濃, 而且沒有任何味精, 食完唔會覺得口渴。相比橫岡, 味千, 我覺得八王子的拉麵比較簡單, 不花巧, 環境舒服的拉麵館。而且我第二次嚟食的時候, 老闆仲認得我, 不過因為佢地自家製的胡椒叉燒剛剛賣完, 所以我未能一嚐胡椒叉燒的味道如何, 還好老闆承諾下次送我一客胡椒叉燒, 真係多謝晒, 一定再捧場!

真係唔明點解都會有咁多好評...我叫左個八王子拉麵..所謂既牛頭湯....滾水一碗,,,,d麵....我一食...就知係cheap 野...唔係手打麵....d肉...唔香..又冇肉味...最好係隻蛋..死未...總知我唔會晒錢再去...佢連一間港式拉麵店味千都不如...仲話日本人開..唉...

我係上星期六晚o黎食坐吧枱既個對情侶。我食既係八王子拉麵，男朋友食既係xxx醬油拉麵。我覺得我個牛骨湯底唔錯，我本身唔鐘意濃味，清清地。男朋友既係豬骨湯底，味道比牛骨濃dd，不過都係清既。我同男朋友都好欣賞個拉麵好彈牙，個糖心蛋都幾好味。不過，男朋友話個叉燒好似"葉"得唔夠。好欣賞你地既服務，仲同我地講解好多。你個湯底測試方法，下次都會用黎試下其他店先我地真係試到你地個湯無味精，仲真係有骨味。下次會再幫襯你地。希望你地越做越好食！

* 八王子拉麵完全沒有日本八王子拉麵的特色. (豉油湯底, 碎洋蔥) 為甚麼起"八王子拉麵"的稱呼?* 牛肉湯底對日式拉麵來講算少數, 很特別. 但是湯底非常非常淡. 沒有牛肉湯的鮮味. * 湯底不夠熱.* 麵都不怎麼樣. * 唯一可以接受的是糖心鹵蛋. 做得還可以.總之, 不好味. 雖然價錢不貴, 但是吃了就很後悔, 不值得吃. 這樣的水平的日式拉麵店, 不會有第二次.

專門店成為茶餘飯後的新話題，想試的店太多了，過不了海吃豚組，只好搭程小巴吃碗鹽味牛骨湯。骨緻拉麵小店，大隻牛頭Logo店方對自家牛骨湯有著一定信心，六款湯麵，四款以牛骨湯為主，其餘以豬骨湯作副線麵豉湯拉麵，有點港式味道，最後，叫了招牌八王子拉麵。大熱天時，沒有麥茶只得凍水，靚靚杯仔盛著，看也是美。牛骨湯喝過不少，港式如九記、群姐清湯腩，火車頭的Pho、錦城的韓國牛骨湯做得認真亦濃鮮美味，反而日式牛骨湯拉麵，還是首試。簡潔闊口大碗，海帶、蔥粒、銀芽不少，三塊日式叉燒及溏心滷蛋，湯清不著油漬，賣相不怎差，當然也不怎好。湯底帶著微微牛骨味，烹煮時下了些香料味去羶，喝得出是用過心機熬製，由於是「鹽湯」關係，其後不會加入醬料，要做到平實中見真章，極考師傅功力，此品味道略淡不夠牛鮮，要多加努力。配料豐富，自家製叉燒肥的部份豐腴，但瘦的位置粗韌；最欣賞反而是不瀝的銀芽，溏心滷蛋賣相麻麻，但蛋芯濃滑、蛋白富蛋香亦有薄薄滷汁味，不錯，拉麵煮得不夠身，入口帶渣，幸而無鹼味，算不上很好的蛋麵，但一碗只收四十二元，已交足功課。經理除了對手上G9帶點疑惑外，服務及態度均見認真，要熬出鮮而不俗鹽味牛骨湯不易，加油

食左兩次，第一次就係見佢有牛骨湯底，幾特別，清得黎又有味，不過伴碟既牛展就激韌，完全咬唔開，麵亦都有鹼水味，反而蛋就唔錯。第二次都係食同一款拉麵，今次就好左好多，唔用牛展同叉燒，麵滑無鹼水味，其他都進步左唔少，四十銀既拉麵黎講，算做到加零一啦，唔通拎佢同中環交易廣場比咩﹖

今天晚上8時多,與友人到佐敦區覓食...發現許久沒去的白加士街,多了一張新面孔.就是前身是八太郎的八王子拉面。裝潢跟之前的截然不同,黑白分明的店面與招牌在街上反而醒目。店裹掛了幾幅有趣的油畫,幾個"笑到4萬咁口"的畫中人...會越看越好笑!餐牌只有7~8款拉面供選擇,我點了入王子拉面(牛骨湯),友人點了叉燒拉面(牛骨湯),豬骨湯倒是常見, 牛骨湯底可沒試過...面來了!八王子拉面即是牛"月展"+半隻糖心蛋..牛展有4~5片,,本人很喜歡吃糖心蛋, 見到糖心蛋心情立刻好起來了!拉面十分爽口且滑!聽店員說是手打的拉面呢! 果然不同!牛骨湯底也不錯! 很有新鮮感~不過如比較喜歡濃味的朋友, 這湯可能略嫌淡吧!友人的叉燒拉面...叉燒也有4~5片呢!這店的環境也不錯的,邊吃拉面, 邊播著柔和的音樂,是一種享受喔~