八王子拉麵館 (已搬遷) 新店位置

平時吃日式拉麵，湯底大多可選有麵豉、鹽味及豬骨的，但用牛骨餚成的，還是第一次喝到...這家應是首間以牛骨湯底作賣點的拉麵店，雖已開了好一會，但卻一直提不起興趣去吃，原因在於自己本身是一個不折不扣的拉麵頑固，吃了十多二十年日式拉麵，從來沒有吃過用牛骨來作湯底。一直覺得豬骨湯的豐腴濃厚與拉麵才是最佳配搭，牛骨湯相對來說比較"清新"一點，與麵相配總像有些格格不入....吃過一碗招牌的八王子拉麵後，証明了自己的想法是不差的....這牛骨湯底嗅落雖有少許牛骨香，但喝落卻有頗為淡口，只感到有丁點點的鹹味，是毫無個性可言。論濃稠味道，如與越式牛河湯底比較，就差得太遠了 (對不起，雖明知兩者很難直接相比較，但若要讓小弟選擇，我還是愛喝越式的)；义燒鹵醬得不算十分入味，而且只片成薄薄的，跟小弟愛吃的厚切可謂大相逕庭，肉質也帶點韌，不算特別肥美....麵條是值得一讚的 ---- 夠彈牙亦有咬口，鹼味不過重....跟餐的小吃炸廣島蠔弄得很普通，炸粉太厚也極油膩，不過勝在蠔本身夠juicy而且很有鮮味(這正是廣島蠔的優點)，一咬之下，蠔汁即傾瀉而出....做了一次白老鼠，下次還是老老實實吃回豬骨湯底吧...

我啱啱食完Lunch,即刻pos上嚟^^我第一次嚟覺得好有日本小店feel,員工禮貌勁好,不停幫我哋加水.我叫咗個八王子拉麵,湯底比平時食開豬骨湯淡,但好有骨味同埋佢哋好特別,除咗加京蔥外還加上洋蔥碎令湯底更惹味.但拉麵有d梘水味有點破壞湯底的骨味.不過最令我意外係佢哋隻蛋,糖心之餘仲流心,而且好有鹵水味,香港實難找到咁正既蛋,所以再柯打一客.最後覺得這間拉麵店在香港已經做得很好,不過仲有好大進步空間,好似牛骨湯咁,香港人食慣豬骨濃湯覺得牛骨湯淡,所以要慢慢改變及研究,斷續努力.奸爸爹!

不知所謂!!黑椒叉燒拉麵得個辣字，完全吃吾到湯的鮮甜，失敗!!老公那碗呢?不消說，豚肉拉麵，仲話係甚麼推介，點知豚肉竟然用豬頸肉! 吾係fa?? 湯底仲有陣古怪藥味，麵質是硬但無趙頭，好硬，似未煮熟! 炸蠔總算ok, 但牛舌粒，又乾又無味，雪藏貨! 一定吾會再食! 又吾係平!

已一段時間冇去佐敦,今日約朋友食晏,唔知去邊好,諗起之前食過八王子拉麵幾好食,環境舒適,一於再試.大既一點未見人龍,地方依然乾淨舒適,唯獨轉了餐牌粉紅色好搶眼,同埋晏畫原來有拉麵定食,三十幾蚊有拉麵有小食有埋嘢飲,好抵食.八王子拉麵做主打,本人略謙湯底唔夠濃(不過佢擺明話冇味精)清D都可接受,小食炸蠔十分正,金黃色外層入面忡有肉汁一流.咁耐冇見仲保持到咁既出品十分難得,努力

dinner timeService: 第 1 次去..個老細係度....佢好nice 咁黎問d野 o ng ok.....第 2 次去..個 staff 黎話落 d 蒜粒係面度會好食 d.....經常有人同你 refill 水Environment:好乾淨....地方都幾迫下....Foods: choice 比較小....唔同麵既湯底真係有唔同....唔似 d 某大連鎖店咁d 小食都唔錯....

因已過食晏時間很久﹐所以進店內沒有很多顧客﹐只有一枱日本客。這店的掛畫用了一點心思﹐因全是大笑著的男人﹐幾特別。仕應給我們餐牌時也很特別﹐他們不是把整個餐牌放到我們手上﹐而是把兩個高高粉紅色的餐牌‘董’在老婆與本人之間﹐覺得有點兒古怪。仙台牛舌拉麵 -牛舌四塊﹐半隻糖心蛋, 鳳鳴卷﹐棍佈﹐萬能蔥及芽菜在碗底。 把芽菜放在碗底的做法不錯﹐因可另熱熱的湯底把芽菜煮熟﹐然而能辟走那青草味。湯底顏色深深﹐ 但味道不像其他拉麵店般的鹹﹐濃烈及杰。這裡味道剛好﹐濃度適中﹐灑在湯上炒過的芝麻粒另味道更香。適合不嚐太鹹的朋友。牛舌肉質淋身﹐煎過後放在湯內亦沒有喪失其肥肥牛香的味道。總體上價錢相宜及與大形連鎖拉麵店差不多﹐但食物質素就有過之而無不及。服務也算不錯﹐因會不停地為顧客加水。進食時亦見店員正在清潔其開放式廚房﹐衛生亦算不錯。

Have been to there over ten times when it's first open, food is excellent at that time..However when i came to visit again after 2 months, things changed............. have ordered chilli noodles, but the soup is merely a mixture of water and chilli, not even with beef/pork soup as base.The oyster also became smaller than before, those pieces of BBQ pork are like 0.2mm thick. (previously is 2-3mm thick, whole piece of BBQ pork).......I saw the guy in the kitchen has switched to a new guy, don't k

放工突然決定出油麻地買d野, 突然記得有朋友講過呢間d拉麵幾好味, 見又係附近, 就決定去試下.約七點半去到唔洗等位, 坐係bar枱. 一坐底就覺得冷氣不足, 有少少焗, 唔知會唔會坐bar枱位比較近廚房, 所以焗d呢?牛舌拉麵: 湯底唔算太濃, 有四大片黑椒牛舌, 夠淋, 但唔係好食到黑椒味. 糖心蛋好滑, 好好味, 八王子拉麵: 2-3片豬肉眼, 帶爽身, 湯底同牛舌拉麵相同.呢間係用直身既拉麵, 但個人偏好曲拉麵多d, 但麵質都ok.埋單都係八十幾蚊.

師傅都有成差不多半年冇黎過搵八王子, 撞啱今晚路經, 於是決定一個人都食好少少啦, 所以就入左去! 入到去發覺都幾少人, 但時間都係晚上八點半到, 少人得有d令師傅擔心!一坐底就即刻睇下有咩好, 而侍應就推介師傅試下個仙台牛舌拉麵, 師傅見幾特別加上又好耐冇食牛舌, 就試一次啦; 再加多一客炸餃子, 滿意下師傅為食同大食嘅心理! 等左一陣, 首先登場嘅竟然係炸餃子, 炸餃子一客有四隻, 並唔算好大隻, 不過就炸得好脆, 皮脆而不硬更唔油膩, 而餡料又夠熱, 幾好味; 另外呢隻炸餃子並唔係點豉油, 而係點沙律醬, 炸餃子配沙律醬, 比師傅嘅感覺係勁似酒樓嘅沙律明蝦角, 頗特別; 師傅一口氣食晒四隻餃子後, 仲要等一陣先可以食到碗仙台牛舌拉麵!仙台牛舌拉麵裡面有四塊牛舌, 半隻糖心蛋, 加大量銀芽; 先講下個湯底, 香香濃濃嘅牛骨湯配上少少芝麻粒, 份外配晨, 加上牛骨湯全無味精, 新鮮餚制, 就咁飲都唔會有問題, 掂呀; 而牛舌並唔算大塊同厚身, 不過就好鬆軟, 加上都幾香, 所以都幾好味; 溏心鹵蛋係非常軟熟, 而蛋黃唔係實的的, 半溶半漏咁, 真係非筆墨所能形容, 正呀; 而拉麵睇

尋晚係旺角會合了朋友仔之後向油麻地方面逃走,行過橫綱,人多到喊,所以不屑等就走左.正煩惱吃甚麼之際,左兜右兜,經過呢間拉麵館,當時7點幾,店內只有員工,沒有食客,侍應遞上餐牌,耐心講解其麵店之特色,有禮貌,讚.基於朋友仔擔心本小姐太肚餓,行得太累,所以便決定入店內一嚐其拉麵,首先,麵店的menu選擇不多,只提供數款食物.朋友仔叫了一碗八王子拉麵,我就叫左一碗紫菜拉麵,再叫一客炸餃子,拉麵的份量不太多,湯底味較澴,不油膩,不過比較重胡椒粉味,拉麵爽滑彈牙,讚!朋友仔包底,食埋我的那一半碗麵,比較之下,佢認為八王子拉麵的牛肉湯底比豬骨湯底好味,(本人不吃牛)更讚此店比康怡的火頭山拉麵更勝一籌....最後,本人很喜歡此小店的裝潢,有點日本家庭式的小店,衛生乾淨,每檯都有一樽小花,很清雅.美中不足的是,如果可以把遞給食客的凍清水換上熱綠茶/煎茶就更佳.p.s.當我們坐低叫食物的時候,食客陸續增加,麵店負責人很好客,侍應很有禮.

舖面外張貼好多雜誌及報紙採訪,話由日本師傅主理,諗了又諗,試試招牌拉麵八王子&限定食物燒牛舌實話實說,兩款食物都冇特別,未能吸引我有下次的感覺牛筒骨湯,唔油但味唔太濃,味道唔算一試難忘,麵唔太淋,有哨口,但鹼水味重d,d义燒好淋,唔"鞋",反而有d驚喜,可惜雙溏心旦就鹹d,不過整體來講比味千好.款式唔多唔緊要,最緊要pro,日本有好多拉麵都係得幾款但就好出色,八王子要到 li 個地步仲有距離,要下多d 功夫p.s. 其間聽到店員話師傅轉咗,眼見全店都係年輕香港人, 可能款式及味道上都有改變

想食日式拉麵, 但又唔想食普通茶記的港式拉麵, 便第二次再來呢間拉麵店, 叫左一碗北海道蟹柳拉麵 & 一碗野菜拉麵, 個樣ok, 起碼似一碗日式拉麵,唔係求其加片魚嗚卷既港式拉麵, 蟹柳都有蟹柳味, 應該係中高檔次, 唔會太林或一d味都無, 拉麵都幾"甄刃", 而野菜拉麵有幾多野菜, 湯底係豬骨湯, 都夠晒濃味, 仲有一片豬頸肉.p.s. 環境清幽衛生, 但款式太少,差不多全部都係以豬肉為主既拉麵...

老公諗起附近有間食拉麪既,於是就決定去試下~老公叫左紫菜豚肉拉麪($43)而我就叫左個季節限定既仙台牛舌拉麪($42)~呢度既賣點係牛骨湯底,其實個湯底都唔錯,不過唔知點解用黎配拉麪好似唔係太夾...老公覺得味道比味千好...不過我地都覺得最好味既拉麪依然係橫綱,呢間算ok啦,價錢都可以接受既~

一行三人嚟到八王子拉麵，叫咗一碗八王子拉麵，嚟到連個碗都熱辣辣，麵夠彈牙但偏少，半只雞旦，一Ｄ芽菜、一Ｄ海帶，有四至五片薄义燒，真係薄到透晒明。食完都唔覺得飽，仲要成四十三蚊碗，不值這個價位，三十幾就差唔多，個湯話係牛筒骨嚟煮，但唔覺特別好味，只覺得咸味，唔係鮮味！我覺得同出前一丁仲好味過佢。另外又叫左一碗蟹柳拉麵，一碗麵豉味拉麵，唔記得叫嘜名。全部冇驚喜，不值一提，以咁價錢橫棡好食過佢，起碼碗麵大碗Ｄ。

上網找看見openrice 介紹 , 評價好像不錯就姑且一試 . 朋友先到步 , 原來是在永安百貨附近 , 好少來這裡吃飯 , 不是上網看也不知有這間拉麵館 , 有些偏僻 . 看看 menu , 選擇的不多 , 拉麵當然是主打 , 小吃的也不多 , 大多數也是炸物 . 我們點了推介的八王子拉麵和新宿紫菜拉麵 , 麵來到了 , 師傅說先入一啖湯 , 品嚐一下味道才決定加多少炸蒜頭 . 其實兩個湯底已經好夠味 , 不加也可以 . 個人比較喜歡新宿紫菜拉麵 , 是豬骨湯底 , 好甜好濃 . 至於八王子拉麵 , 說不出是什麼味道 , 就是好像有一種燒焦的味道 ,應該不是的 , 想請教一下師傅 , 最後也是沒有問 . 這個麵的伴菜比起八王子拉麵多了些 , 麵的份量就差不多 . 店舖雖然不大 , 有些像日本 local 店 , 好乾淨而且坐得也舒服 . 服務員也好 nice , 尤其是煮麵的師傅 .下次會在帶朋友來試試 .