八王子拉麵館 (已搬遷) 新店位置

同阿媽去試八王子拉麵。12:45到達，全店只得小貓3-4隻，非常冷清。被安排坐二人，座位非常逼非常窄。面又細，仲要擺餐牌、一樽花、兩杯水同一個推廣飲品的牌，真係好逼。無lunch set, 唯有散叫。我要了八王子拉麵，阿媽要個胡椒拉麵，再加多個炸蠔。八王子拉麵有半隻溏心蛋、幾片豬肉同芽菜。就連荀絲也沒有。先飲啖湯，咁淡。佢標榜用牛骨湯，但就一d濃郁都無，好淡口;牛骨湯底亦欠缺香味，沒有一飲再飲的衝動。而且要加七味粉先有味道。湯底可以話係完全唔掂。麵就反而ok，麵身滑且彈牙，沒有鹼水味。溏心蛋也不是太出色，很普通，不能帶出蛋味，且不夠溏心。豬肉與平日食開日式叉燒唔肉，沒有肥，切得薄薄的，看似豬頸肉，但口感又不像。阿媽個胡椒拉麵湯底一樣唔濃又唔香，淨係得個辣字，卻沒有胡椒的香味。阿媽話佢d豬肉片又鞋又瘦，佢食一塊就無食。炸蠔 $19得三隻細蠔，脆漿不錯，不太厚；炸得好脆，新鮮熱辣，但蠔味稍弱。呢間野真係要努力改善食物至得呀，lunch time 都只得幾個人，點經營落去呀！

見到咁多網友話八王子既拉麵唔錯,尋晚放工專登同bf去試下,我叫左激辣拉麵,bf叫左八王子麵,叫左炸餃子同炸蠔,一見碗麵有幾粒炸花生已經覺得好奇怪,飲左啖湯先知出事…..無味既?!又話激辣,d湯又唔辣又唔鹹,得個樣,唯一好d係隻溏心蛋,bf碗麵都有d胡椒味,問佢好唔好食,佢話得d胡椒味羅, 炸蠔咬左一半,中間有水,食左一隻就冇食, 炸餃子係最正常,埋單$117,個staff俾左張卡仔話可以儲印仔換拉麵,我心諗:”仲有下次….”下次都係食番山頭火好d

由於我唔係太熟悉油麻地既街道，好彩得部i-phone既導航，最後都可以遇到「八王子」 時間較古怪，4點8，所以全店只得兩枱客 侍應招呼週到，問佢 黑胡椒拉麵 係甚麼湯底，當我聽到是牛肉湯底後，問可否改(我不嗜牛的)，佢話ok~ 所以我就試左個套餐，食物如下﹕黑胡椒拉麵﹕先呷一啖湯，唔~ 好香黑胡椒味呀 但就好似淡左d 如果可以咸返少少就perfect 餸就只得兩片日式叉燒、芽菜及海苔，好似弱左d 而果兩片叉燒又較瘦，食落去真係較「柴」，口感麻麻 再者，叉燒又較淡口，所以個人就唔係咁欣賞呢碗拉麵既餸喇~ 拉麵既麵質較硬，個人不太喜歡 成碗麵最令我難忘既就係果d 黑胡椒 既香味溏心卥蛋﹕一隻蛋切半上，賣相吸引 但食落去...凍的﹖這是否凍食的﹖﹖蛋心似係雪櫃的溫度係日本食果d 明明唔係咁個喎..... however，呢隻凍蛋既味都ok的，但若然唔抱太大期望就應該好食d既~餐飲﹕可樂一罐，無咩特別，不詳述。散叫﹕吉列廣島蠔﹕$19，一碟3隻。剛剛炸好的，真係熱辣辣，好好味 咬落去要小心，因為真係有汁架~~ 面層既吉列做得厚薄適宜，真係做得唔錯套餐 $ 39 + 吉列廣島蠔

叫左八王子拉麵 (牛骨湯)湯底冇咩牛味, 太咸, 叉燒一般,唔算特別好食,糖心蛋就好好食, 個蛋黃有”流沙” 既效果.

星期六下午路過佐敦，沿百加士街行近佐敦道一截仍然熱鬧但越行越冷清，原來有不少鋪位空置，在現今經濟勢頭下，呢間食肆都算生不逢時。鋪位不大，採用開放式厨房，厨師預備食物可以一目了然。點了八王子拉麵（$43）、胡椒拉麵（$39）、味增拉麵（$38）同炸餃子（$19）。全部配料都差唔多，都係义燒同半隻溏心旦，標榜牛骨湯底但牛味並未想象中濃，胡椒味更把牛味完全蓋過，味增湯反而唔錯，不過可以肯定係無落味精，飲晒D湯都唔會口渴。最欣賞並不是湯底而係拉麵，不知是自製還是來貨，麵質爽口彈牙，可以學日本人咁食到聲。炸餃子嘅水準亦唔錯，炸得香脆而餡料又有鮮味。整体而言是一間水準不俗的小店，全店由老細、厨師到侍應都係年青人，服務快手快脚亦不失禮貌，而且厨師相當健談，氣氛富人情味，希望佢地可以撑得住繼續做落去。

為左牛骨湯底而去叫左個牛油粟米拉麵個麵來到, 我聞唔到有好香ge牛味不過糖心蛋就好好味, 食完想再叫多隻蛋食,不過唔係話好開胃先冇叫d麵冇咩特別, 牛油粟米唔錯點解會冇胃口呢,其實係因為食唔落碗麵個湯真係冇咩味, 雖然我自己好喜歡食牛, 但係飲落口真係覺得個湯太清太淡,送唔到d麵如果佢只係一碗湯,用尼淨飲,我覺得ok但身為拉麵湯底, 係唔係應該濃d 重味d呢? (起碼要濃一倍以上!)我覺得個湯唔係唔好味, 而係根本唔適合做拉麵湯底隻蛋好但同橫岡差唔多張台細,對腳會同對面的人撞,不舒適冇必要唔會再尼

Hello ！啱啱同男朋友去完呢度食飯立即介紹比你。我男朋友經常來而我係第一次幫襯，不過我keep fit，唔想食太多肉，侍應介紹我食野菜拉麵，男友食八王子拉麵。不用五分鐘就有得食，賣相唔錯好豐富，好啱我食有椰菜、甘筍、粟米、銀芽、海草、一片叉燒、半隻蛋。同埋原來佢哋有豬骨濃湯，配搭得宜。我男友個麵應該唔錯因為見佢連湯都飲埋。我就好喜歡呢間店

我在附近上班所以經常在油麻地搵食而八王子更是我時常幫襯的店佢哋近排有拉麵定食$39（有麵，有小食，有飲品）不過冇我喜愛的八王子拉麵每次都掛住佢個牛骨湯同鹵水蛋所以每次都以正價食雖然這樣但我可儲印仔換拉麵（就快儲齊啦）

個晚特登同X過黎試拉麵.晚飯時間去到都唔洗等位.小店1間,服務都幾親切.打開MEAU,得10款拉麵,10款小食,10款飲品.選擇較少...我地要左8王子拉麵,牛油栗米拉麵,炸雞同炸豪.拉麵都係牛骨湯底.試第1啖就覺得...太咸啦!再試下麵.煮得未夠時間,頌有"揀"水味...碗入面有"大量"既芽菜同海草.唔中意食既食友記得DOWN聲.8王子拉麵:就係有蛋半隻同叉燒...和鳴卷都無片...蛋OK,叉燒我覺得未夠軟.都唔夠肥美.太普通而且湯太咸.我食左1啖麵都叉燒就比曬X食咁濟.牛油栗米拉麵.湯1樣都係咸.就算有牛油都無補於事.栗米都算甜.但份量唔多.麵我無試.炸雞同炸豪.個面都炸得唔錯.熱辣辣既炸豪有汁嫁炸雞就係味精雞肉...唯1好講既係價位算幾公道.埋單都係百3蚊度.但每款拉麵都係得叉燒...我未試過叫1豌拉麵只係食得落1啖麵...個晚著住個對鞋頌令我苦不堪言.早知唔黎啦...

11.8.HH後的一頓。在Tokoro飲到wing wing地，胃口一般，然而拉麵計劃已擱置個多星期，不想再拖，照舊來了這間牛骨湯底馳名的八王子拉麵館。 　很喜歡小店清雅的環境，與龍試了：　胡椒風味拉麵($39)-據介紹是特色所在，還可品嚐到牛骨湯底，也抱有期望的。拉麵上場賣相十分吸引，可惜味道強差人意：筆直的麵條有點韌；胡椒味又太搶，完全蓋過了牛骨湯鮮味；叉燒又乾又柴，幾乎一無可取，還好有棉香滑溜的溏心蛋，取回一些分數。有食友講此店的麵鼓湯底會較好，留待有緣人去試了。　散叫溏心蛋($9)-小店食物選擇不多，連拉麵良伴餃子都沒有，那就再來一客美味的溏心蛋吧。如圖可見生熟度剛好，一碰之下還會蛋液蕩漾呢。　其實也對店內的紅豆/綠茶味雪糕動心，不過作病中的我要忍口，嗚嗚。 此店不收加一，埋單還會送coupon，真是萬事俱滿意，獨欠味道!

今晚去油麻地接女友放工去旺角睇戲，未夠鐘搵地方食嘢，起初打算去打邊爐不過好多人最後打消接著我女友話附近開左間拉麵館，一於試試。去到好快有位，經侍應生介紹，原來佢哋主打牛骨湯，所以試吓個招牌拉麵而女友試個野菜拉麵，另叫碟吉列蠔同炸雞。＞１柯打不用三分鐘就有麵食（快過碌杯麵），麵一來就試試個湯，熱度夠味道冇預期咁濃，但感受到淡淡牛骨味同飲落唔渴喉，麵稍硬淋Ｄ好Ｄ，叉有四片咁多，幾好肥廋均勻，不過最正係嗰半隻糖心蛋，夠味。＞２我女友個野菜麵佢好鍾意，因好多料好多菜，不過湯底係豬骨濃湯，湯底冇咩驚喜好似味Ｘ的味道，勝在味濃。＞３唔知係唔係專做拉麵，個小食等咗一段時間，好在個炸蠔幾好食，好香入面仲有汁流出來，炸雞味道唔錯。總括食物質素唔錯，牛骨湯好特別，值得再幫襯。

My friends bought me dinner at this shop.The boss is a nice person. Reminds me of 車品品. Willing to talk about his shops, his ramen, let us tried his new dishes, a very hospitable host.Ordered pepper ramen. I was told that the soup is made of ox bone. The soup was clear. However, the pepper was a bit too much and covered the taste of the soup. Having said that, the soup is still very good, and there was no MSG as far as I could tell. The ramen was chewy. With a few slices of pork and half

拉麵橫叮接摺左之後，要食似樣正宗日式拉麵一d都唔易。早排睇完周刊介紹，就去呢間試試。非繁忙時間去，招呼幾好，地方幾好。野食呢，就相當之麻麻。招牌糖心蛋，無警喜，舊底拉麵橫叮上去第一間（有得追加麵，賣幼蛋麵濃豬骨湯底果間果間）已經食開。八王子佢地既賣點，牛骨湯底，當然要試，結果係，好唔得。味唔濃，亦無青香牛味，好單薄。蔡瀾都講好多次，齋牛骨唔得，一定要落雞，個味先起。要好既牛骨湯底，去火車頭或者班叛將自己開果間好過，要日本麵當中造出靚牛骨湯，似乎眼高手底，彷且呢間既牛骨湯並無飲得出咩獨特日本風味。同行友人食豬骨湯底，好過牛骨，不過都係citysuper food court果種質數。唯一值得安慰係無好小家得丁多湯。（不過失色既牛骨湯有當寶，比好少，腕野來到差些少以為叫錯撈麵）日本麵湯底一定要好熱，比較鹹，呢間做唔到。跟住講麵，同牛骨也好，豬骨也好，都無配合，質哽爽，似湯意。叉燒非常失敗，乾到毫無油水，柴皮咁。麵既配菜亦慳皮，落鬼咁多芽菜做乜鬼？！位煮麵既肥仔好慇勤，問小弟覺得點，唉，都費事當面講。三四十蚊腕係平，不過個質素唔係倒，平有咩用！

返學前食左"八王子拉麵" + "溏心旦" Good的:室內裝修是不錯的, (但何解咁多岳敏君的畫...?!是真品嗎?...放一些日本風格的作品較好)"溏心旦" 好好味~ : )需要改善的:"八王子拉麵": 肉好瘦, 好硬, 好"鞋口", 拉麵略"韌"餐具: 碗太闊太淺, 變相令面很快變涼 (溫度對拉麵來說可是很重要的呢!!)我寧願碗細d深d, 個賣相都豐富d嘛.

今晚八王子推出了新菜式~結果剛剛好與朋友既惠顧就可以嘗試新食物了~我今次點了全新既咖哩叉燒拉麵，而朋友們分別點了北海道蟹柳拉麵 x2, 和風野菜拉麵, 八王子拉麵~首先研究我既咖哩叉燒拉麵，由於小弟係咖哩之人，所以咖哩既口味就近合我既喜好了。湯，入口覺得有一定既辣味，但感覺係好重既咖哩味，而唔會只係給你辣，我個人就不需要飲水就能夠食呢碗麵，唔錯唔錯~ 雖然係叉燒拉麵，但入面就有一定既粟米，令呢碗麵比較有色彩~至於北海道蟹柳拉麵，我就偷左1條蟹柳去試，我會強烈建議先將d 蟹柳浸一浸d 湯先食，因為蟹柳本身係凍既，浸左湯後就會入味，口感也會好好多~和風野菜拉麵，太菜了~ 我朋友就非常喜愛，應該咁講~ 真係唔鍾意叉燒既人可以一試~至於炸物，我地叫左炸蠔﹑炸雞及八爪魚，其中我地全體最欣賞既，就係炸雞了﹗因為炸雞並沒有一般既炸漿味，會比較有肉感，點了沙律醬後口感更好﹗可能d 炸粉唔係一般既炸粉吧~ 但我就會較愛炸蠔，因為炸出黎既時候，我仲以為佢會炸得好老，沒有味道。但原來唔係... 咬起黎既時候仍然有蠔本身既水滲出，非常新鮮~^^~反而八爪魚相對下會比較失色，感覺與其他餐廳既炸八爪魚水準上唔會有