八歌仙 (家樂坊) (已結業)

從open rice 在旺角找一間有質素的日式餐廳，新嘗試一邊燒烤，一邊打邊爐。真係估唔到食物質素佳，上菜速度快，服務一流，日本風環境，價錢合理，真係可以同朋友消磨整個晚上。

第一次試呢間燒肉,見環境唔錯所以試下我地揀左$3××燒肉套餐晚上8:00入座!八點半個邊爐D火都唔滾八點落單落左第一次五樣炸物 黎得兩樣九點再落 直頭黎都無黎 職員同我地講last order 我地話野食都未黎 之後幫我地跟到十點準備走 佢走黎話炸爐壞左真有料 食放題可以話炸爐壞左 咁你早D講啦 唔係臨走乜都無黎先話炸爐壞食物款式已經少 飲品已經都係少竟然個炸物都係冇 唔知你地乜料埋單每人400蚊，唔知食過乜絕對無下次 真係差到不能再差

本身都唔想寫食評，但食完一肚氣，一定要寫低。人手不足，客人自己手機落單唔係問題，但冇人服務先最大問題，然後黎到啲態度又差。啲食物第一轉ok 架，但後續再落就出事了，比唔夠數量，90分鐘用左大半時間去等... 仲要再燒，咁仲食乜...食物性價比唔高，收咁嘅價錢，食物叫正常，但服務都已經客人自己落單，人又冇，仲好意思收服務費？唯一好處係我黎嗰陣唔使等位直入😂 食飯時間都唔使等位，梗係有原因嘅，領教過了, 一句講哂，冇下次

第一次食完野，會嬲到上來俾差評，同一班fd 12點入去食，上菜慢到龜甘，遲左成半個鐘先上到佢架頭盤，12點半先俾QR code我地落單，落完單又不斷漏單，第一轉落單架野到佢哋催咪單先上緊，上菜真係勁慢，叫店員換燒肉板都可以等左成10分鐘先有人換，時間食個半鐘左右，但係俾佢哋拖左一半時間，又唔會補翻時間俾人，到埋單個時啲店員就先會好趕，係甘催催催催，但係佢啲野都仲係未上齊架囉，檯面都一堆野食未食完。啲店員就夾硬收走食物，同店員講我未食完，店員都係照收走，浪費食物，啲服務態度真係勁差***想食到一肚氣可以去啲野好食都冇用服務態度係超差

【😏誠實豆沙包：有驚喜的日本和牛午市放題】bk唔到新開嗰間xx一郎，唯有嚟呢間~點知呢度好有驚喜！😊食物質素燒肉+鴛鴦火鍋，每桌會送一盤高質刺身（冇得再叫），匙羹咁大粒帶子、厚切三文魚、爽甜大蝦……一次的食物真係特別高質😂為食肉而黎，當然要睇返主角質素~日本和牛真係冇得輸！和牛三角、肩胛肉、牛背峰、牛髀肉都係油花勁靚！！今次主力食燒肉，冷落咗火鍋……小食質素都好味~推介：墨魚咀、芝麻雞翼、粟米芯天婦羅~鴛鴦鍋：今次揀咗壽喜燒+辣湯，推介：花生麻吉燒、粟米流心丸，日本和牛~服務本來上網睇話漏單嚴重、上菜慢，但可能今日去的時候剛開始午市，未有太多客人，所以服務好好，好到令老公都叫我寫篇食評~哈哈~雖然每次手機落單都只能叫十件，但我地一開始燒就會再叫，所以上得都幾快，冇乜漏單，完全冇真空期，不停燒~😂火鍋雖然被冷落，但店員兩次主動黎加水~而且，一開始我問生日有冇優惠，店員話冇，但最後送上甜品（蛋糕仔+蜜瓜）時插咗個生日牌仔同蠟燭~老公已經好開心😊而冷氣太大風吹熄咗蠟燭，店員都好體貼主動去熄一熄冷氣！實在太細心了！環境店鋪寬敞，日式木系風格，清雅的竹葉和淡雅月亮更添一份愜意~卡位好闊，坐得舒服

即興下午同朋友一齊黎試新燒肉😆一開始系俾佢個名吸引左，因為日本有間食燒肉好出名既又系差吾多名😂一入門口，心諗大獲真系伏左，一個人都無，坐低左之後，就拿拿聲落單，仲要系吹左好多次先俾個qr code我落單🥲cut單就系一個鐘前，變相前後系得一個鐘落單，扣埋左整右揀，得45分鐘落單，都真系有啲吾不爽，搞到食得好似好急甘，食得黎又落吾到單，落得單黎又食吾到先上左一盤刺身，質素幾好，新鮮肥美，唔同平時嘅放題質素，不過只限一盤（蝦同三文魚既質素最好）揀左日本和牛燒肉餐，我哋都系主力食A5個2款和牛，口感豐富，油脂分布均勻夠香口，牛味十分濃郁，不過食多2塊都好濟😂相對而言澳洲既M5牛真系差太遠🤔牛味不夠香吾夠軟身，油味吾夠香，燒肉真系一定要食日本牛！打邊爐個到我地直頭無乜點食，因為火鍋配料較少，吾系樣樣岩食，拎d牛去打邊個口感吾太好，無左個牛既油香味總結：落單時間過短有漏單情況，吾知點解得我一台都會漏，日本和牛質素ok 服務可改進，抽風系統都算ok

向旺角中心地帶，難得有坡清幽嘅環境。餐廳開業少於半年，地方潔淨，向旺角黎講，係難得的寬敞。放題分午餐90mins, 晚餐120mins。其實食得比較趕。肉類品質尚可，只係切得太薄，容易燒燶、唔夠𡁻頭。上菜速度開始時都算ok，但後來就慢好多；每樣order size比較少(eg 肉類每次兩片，而且上面講過，d肉切得好薄)，而且每次每部電話限點10樣(上網落order)，所以點菜工作要分配好。放題價錢隨牛肉等級有分別，最貴既日本和牛晚餐要$7xx，連放題飲品plus加一，每人賣單要見8字頭。抵唔抵見仁見智。可能食中等級澳洲牛會抵d。(留意，如選最平果隻，放題menu唔可以叫海鮮；不過以120mins黎講，講真，食海鮮機會唔多，因為肉咁薄，要食飽，要不斷re-order同燒....已經夠忙😅.....)

環境非常日式，感覺非常好的平日午餐放題👍🏻首先有幾個選擇Set A, B,C，包括燒肉加火鍋其他食物有刺身，壽司，天婦羅，炸物等我哋選擇Set A抵食之選肉質正常好有肉味，刺身好新鮮，壽司都好推介😎今次幾個女仔傾吓計食得唔多😂下次有機會食最靚日本和牛😋

日本餐廳不外乎壽司刺身燒肉火鍋天婦羅串燒拉麵烏冬依間一次滿足曬所有願望只係欠缺懷石鐵板燒佢並唔係放題一入環境寬敞職員親切殷勤上菜快收碟密仲主動換燒板一個人毒食除咗難肥外就係把口只需要食可以試盡所有食物嘢食上到影唔切相和牛唔錯，火鍋正過燒串燒過癮，唔理錢任食刺身壽司，新鮮無欺場前菜海鮮，天婦羅特飲真係只怕你個肚唔夠放最後最正最驚喜係個生果甜品盆當你以為飽到連水唔想飲你仲會食到件蛋糕嘅香提子蜜瓜嘅鮮真係一個滿足嘅結果Edaciousness 7/10佢唔係放題係一種放任

上網見有推介的燒肉店咪試下，環境係唔錯既，幾乾淨，但食物地方就真係出晒事，佢用手機落單，每次最多叫十樣野，無酒精飲料好垃圾，我寧願你比盒包罐裝飲品好過，自家製都唔知咩味，最嬲係果95%蝦滑，我落1，佢真係比一我，你話好似出面一粒魚丸咁都好D呀～真係丁屎咁細粒，睇圖有幾粒但你落一佢係比一粒你，我真係好佩服佢，我今次第一次打食評就咁比左佢，燒肉方面，我唔知生意忙定點，D肉落單同我要的野都唔同，咁啲價錢完全唔值

今晚約雞仔食開年飯當然要食豪少少，於是揀了這間燒烤同時又食火煱的放題餐廳有三個價錢選擇，set A$328~美國安格斯牛。set B$488~澳洲和牛。set C$628~日本和牛。衹是牛肉有分別，其他任食的食物種類都是一樣。而任飲汽水要另外加錢，但有茶免費供應。火鍋鍋底有4款選擇，可選鴛鴦鍋。另有加一收費。時限120分鐘。我們選擇了set A，火鍋選了豆腐牛乳鍋及壽喜燒。套餐包一次牲刺身拼盤(蝦，尤魚，三文魚，帶子)，味道中規中矩。前菜4小碟及壽司，味道一般。而美國安格斯牛就比較吸引，肥瘦均勻，色澤新鮮然後可以於手機用QR code下單。有牛肉(燒烤)，天婦羅，炸物，壽司，野菜，串燒，海鮮(種類非常少)，等等。也有火煱配料，牛肉，菜類，丸類等。但叫第二輪時，有些食物到了，但牛肉及天婦羅等極都沒有，於是問侍應，他回覆沒有收到訂單，但我是用手機下單，出單前有確認過食物才按出單的，電子下單也會漏單咁奇怪？不過待應哥哥服務好好，即刻幫我加返單，而且第二輪牛肉同第一輪牛肉質素都好好燒烤同火煱味道都不錯但食到最尾天婦羅都沒有到其他食物味道就中規中矩。最後甜品是一個亮點有清甜的蜜瓜，清脆的提子及香

睇到網上介紹 決定試一下 職員好有耐心介紹我三個套餐 最後決定試一試澳洲牛 首先上一個刺身拼盤 質素真係比旺角其他放題好好多 個人特別喜好油甘魚👍🏼食到我同朋友想再添一盤 可惜職員同我講冇得添購 每枱只限一盤 之後每台都會有小食 今次我哋係凍豆腐同埋山葵八爪魚等咗一陣之後就上牛肉拼盤 每一款牛肉都有晒牌仔介紹 之後落單都用QR code比較方便 唔使每次都叫人落單 今次放題包埋火鍋 雖然配料選擇唔算好多但係質素都算唔錯 同朋友揀咗壽喜燒同埋豬骨湯底 壽喜燒湯底偏鹹 但係加咗幾次湯都保持到個味 燒肉燒到咁上下一個版有啲焦 職員都主動幫我哋換 佢哋有一隻明太子海膽味增醬 口感都幾特別可以一試食到一半有啲頸渴決定加$38無酒精飲品放題 私心推薦青蘋果乳酸梳打！最後上埋個水果拼盤 不過自己都識都唔記得咗影！食到個蜜瓜唔係街邊貨 好彩當初冇得加刺身拼盤 如果唔係一定飽到食唔晒啲嘢😸最大不足係冷氣可以開大少少 總括而言可以有下次！下次會想試吓梅酒 望落都吸引！

一邊燒肉，一邊火鍋，兩種食法。所以大家都超忙，不停燒不停灼。晚上分2個時段，6點和8點，限時2小時。我們早入場，7點幾只有我們一枱早開場。4人坐超大張卡位。環境清幽，座位寬敞，市區難得。3個價錢，我們點了中價的澳洲和牛+海鮮/冇酒精飲品放題($488)1位。食物水準是OK的，QR code點餐，每次10個item. 用3個手機一齊點餐可以加快上料速度，亦沒有漏單。換咗鐵板3次，(不是用網燒)，比較容易燒燶。熱力超強。推薦：M5澳洲和牛西冷，牛舌，刺身，蝦丸，桃味梳打。

之前係日本食過呢間一次, 都覺得唔錯。成2年冇得去日本, 又撞岩老公生日, 就黎食返餐!首先打黎confirm booking 既職員已好有禮貌。到左個度, 由reception, 帶位, 介紹, 同上菜既職員全部都好有禮貌。佢地會先上前菜, 刺身拼盤, 蔬菜籃同你叫個set 既牛。我地嗌左日本和牛set. 仲送左無限暢飲比我地~刺身好新鮮 個人最愛牛小排同牛背峰! 好肥美!!當然d 牛同蔬菜可以再encore, 只係刺身唔可以。然後可以用QR code 點其他野食同飲品。基本上點完冇耐就送到, 亦冇漏單情況出現除左燒既肉, 仲可order 火鍋既肉~但薄好多, 所以同燒既肉比下去😆火鍋可以揀2個湯底, 唔錯!! 同埋我記得日本食個陣, 得個燒爐, 妳唔叫火鍋就唔會比你。呢度2個爐放埋一齊, 一點餐就問埋你要咩湯底👍其他食物唔多介紹, 睇menu 就知有咩~~最後食完, 會上埋生果同蛋糕~~件蛋糕都唔錯架!基本上我同老公都好滿意呢一餐, 好味又夠飽, 我地都order 左幾轉和牛呀, 所以抵返晒同埋店裡既環境都幾舒服乾淨, 好有日本既氣氛. 影相都靚。我覺得可以要黎多次美中不足係, 明

今日諗住食d好少少燒肉放題就揀左呢間食物質素真心ok 但係上菜速到真係超超超慢同漏單 90分鍾放題 有個半鍾都係係到等叫你埋單就超快 食得果2成飽就俾張單埋單重要cut單 上埋甜品同樓面d人講話等左勁耐d野都未到跟住好hea咁幫我跟 是但求其上左幾片牛唔知以為係爆場所以耐 眼見得幾張枱有客埋單＄1130幾寧願食其他都冇咁激氣唔好叫放題拉 叫放氣好過