八歌仙 (家樂坊) (已結業)

見到佢個餐牌好吸引咁，諗住慶祝結婚紀念，揀左最貴嘅日本和牛set，首先一入到餐廳就已經好大陣味，抽風做得好差，到上第一碟刺身前菜，雪都未融哂，第一碟牛有5個部位，頭三個部位都好鞋好硬，另外兩個部分好少少，但隨後上果d多筋多到乜咁，有大半都食唔到，火鍋和牛片仲衰，聲稱A5和牛級別，但塊塊都又鞋又硬，食左一塊已經唔想再食，諗住算啦唔食牛食其他熟食，點知清酒煮蜆同煮花螺都好難食，最後淨係食左d丸同菜同烏冬就走人。呢個價錢同質素完全唔係正比，我唔知係我咁岩唔好彩，定係佢真係咁差，真心就算唔洗錢我都唔會再食。