八木橋日式燒肉

营业中

休息中

這間位於旺角t.o.p商場裏面嘅日式燒烤, 餐廳做緊放題買一送一嘅優惠, 感覺都幾抵, 有94款嘅食物選擇, 我點算”霞”個餐先食個五色刺身, 有肥美三文魚, 再加油脂豐富嘅吞拿魚, 油甘魚 再加帶子添 我覺得幾讚嘅就係佢嘅抽風能力都幾好, 食完之後都冇乜煙味, 先燒個M5西冷和牛, 一整塊西冷和牛, 都幾容易燒, 燒到七八成熟就食啦, 咬落去, 和牛真係和牛嘅油脂非常之豐富, 又不失咬口, 肉味非常之香濃 之後就係食個芝士雞胸肉, 雞胸肉質一點都不靭, 再配埋mozzarella嘅芝士, 感覺非常之邪惡, 好香甜韓風 瓷壺醬油牛肋肉, 用了醬汁關係, 燒完就可以直接食啦, 唔需要再點醬汁,, 有醬汁加持, 牛肉味道多了一份層次, 入口又有咬口之後就食過三元豚肉, 豚肉就要燒耐少少, 油脂慢慢滲進口內, 非常滋味比目魚西京燒, 原來自己燒都別有一番風味, 外面焦香, 裏面非常之軟熟

六點後不可以堂食關係，所以特別相約朋友中午去食燒肉😊，他是食肉獸🥩，我就喜歡食海鮮，所以決定食放題！行經旺角T.O.P 商場，見到呢間(八木橋日式燒肉)外觀好吸引，加上openrice訂座有買一送一優惠，當然要試試啦！店內套餐有多款，我地就訂咗～90分鐘(霞)燒肉放題＄398（平日）一坐低店員就送上一份刺身拼盤，一份海鮮燒肉拼盤和西冷牛扒 👏👏，牛扒肉質鬆軟，牛味重，不錯😋！其他食物就可以電子落單，夠晒方便👍🏻！只係牛既種類就已經有很多，分別有(肩脊肉)(一口牛粒)(牛舌)(牛胸腹)(牛板腱)，牛肉香滑，脂肪平均又夠肉汁，想要油脂豐富，入口即溶既完全有齊，連味道都有幾款，啱晒牛肉控既人去食😋😋！另有炸物和小食，炸物亦炸得脆卜卜又唔油膩，清酒煮蜆、牛油金菇等．．選擇豐富。甜品亦有好多選擇，最好的是可以單件點，唔浪費之餘又可以食多D唔同款式😅😅！店員亦好有禮貌，不厭其煩地幫我攞咗幾轉，又會經常問我需唔需要換燒板，有鐵板和網燒！👍🏻👍🏻👍🏻

新開張 $398 買一送一好抵食。話說係fb 愈黎愈多xx 關注組， 加入左燒肉關注組後， 日日畀人引到流哂口水。所以搵左呢間抵食既試下先。我地叫左$398 買一送一。 種類都好多。 豬，牛，雞， 海鮮， 菜呢d 基本野啦。一黎就送個刺身， 海鮮盤。個西京燒得一塊， 但係好味既。有得encore 我都會叫。最特別係有個味淋魚乾。而今日去係冇甲羅燒， 轉左北寄貝。d 牛食落唔係cheap 野。 醬料入味。我中意食牛胸腹， 牛舌，一兜兜既黑松露菇同廣島蠔， 黑糖甜薯仔。即食系列salad 燒物 天婦羅都幾吸引， 其中有櫻花蝦天婦羅算係幾特別。同埋有支韓國雪條有爆炸糖ga. 好吸引。隊左三條。 哈哈哈哈。

今日出咗嚟旺角金魚街行街就喺附近搵吓有咩好食見到top商場新開呢間燒肉只要like 社交平台就可以享有買一送一優惠食肉獸老公即刻話要去試既然咁耐冇出街食就試試看依家好多餐廳點餐自動化掃QR code自己點菜上菜更有效率第一round 會自動上刺身，和牛及燒肉拼盤當然唔夠可以再encore食肉獸老公當然唔會錯過任何牛肉包括牛肩瘠，牛板腱，牛舌，一口牛等等可以揀原味，醬油及七味辛辣喜歡原汁原味就梗係揀原味就可以試到肉類夠唔夠新鮮海鮮類我揀咗虎蝦及帶子虎蝦夠大隻口感彈牙少見的黑松露雜菌令雜菌口感更上層次每份菜式份量唔算太多對於我哋兩個人就剛剛好仲可以試多些唔同的口味不過每一次食完燒肉身上都會有種燒烤味如果門口有提供清新劑噴一下就更體貼

朋友帶我哋食八木橋燒肉，地方唔係好大，但係應該新開，所以都幾乾淨整潔。任食燒肉分雪、雲、霞和雨四個餐，四個價錢，今日我哋揀選係「霞」（ $398一位），比起最貴嘅「雨」，只係冇咗刺身放題、生蠔放題和A4和牛放題，不過我哋都有M5和牛，我覺得都足夠了，而且黎食燒肉就係食燒肉，所以唔食刺身都OK。食物款式好多，而且部份肉類仲有唔同醃製方法可選，例如原味、韓風醬料、七味辛辣、山葵味等等，可以各有選擇。其中我最鍾意嘅包括M5和牛西冷、肩脊肉等，但要小心不要燒過耐呀！芝士雞腿都好好食。海鮮類就推介黃金螺、鹽燒鯖魚和多春魚，味道唔錯！而套餐本身送既甲羅燒亦令人齒頰留香，可惜冇得再order。其他雜項就極力推介一口芝士，我哋encore咗幾次！另外甜品中的泡芺都係我嘅至愛，仲有馬卡龍比起平時出邊嗰啲冇咁甜，所以都可以多食幾粒！提一提，呢度採用發熱線嘅燒烤爐，所以油煙冇咁重，不過可能燒嘅時間就稍微多一點，同埋我哋可能唔小心揩到個冷凍制，所以個爐變咗冇咁熱。同埋呢度用QR code落單，方便快捷仲睇到之前點咗咩，店員收碟速度ok,仲好細心有埋鉸剪俾你地。

天氣凍，打咗好多次邊爐，突然間就想食燒肉，發現呢間燒肉店做緊優惠，買一送一，於是同朋友嚟一齊試吓。環境好企理闊落，坐得舒服，而且入到去唔會一大陣油煙味，餐廳嘅防疫措施都做得好好。首先就係刺身拼盤，都幾新鮮，但就唔係任食，如果需要encore嘅話，就要額外加錢。之後就到呢一個拼盤，裏面有雞脾肉，甲羅燒、同埋雞泡魚乾，第一次烤肉食到雞泡魚乾，呢個體驗真係幾正，而且新鮮烤出出嚟，你平時食到嘅更加好食。甲羅燒都好香好正，配埋餅乾食，口感層次更加豐富。之後就到燒肉，款式選擇都幾多，肉類新鮮，脂肪比例平均，而且全部都係好薄身，食完一碟又一碟。除咗燒肉之外，仲有海鮮、天婦羅、炸物等等，食飽之後就係甜品，朱古力布朗尼真心幾高質，裏面有朱古力碎，朱古力味都好濃，食左好多舊。同事仲有雪糕同埋飲品任飲，呢個價錢食到咁多嘢真係幾抵！

雖然我明白買一送一不可以要求太多 但想像唔到不係買一送一的話這樣的價錢食這樣的食物質素真的不能接受 同埋小編所介紹的食物不論是分量 質素或者是外觀根本差天共地 圖文不符 我之後再上網睇啲食評 一早已經講佢哋嘅爐唔掂 點知原來換過新既都唔掂 佢嘅火力只係集中係中間 旁邊嘅嘢食根本燒唔熟 仲有當我較到最大火既時候 個爐好似負荷唔到咁 幾驚燒燒下著火 同埋大家如果想食刺身有雪味有腥味 M5 冇味薄切咬唔開和牛 特薄比目魚片 歡迎試食 我自己食到一半食唔落走咗 大家自己諗吓

好耐冇食過放題自從冇咗夜市之後就日日都cook from home好悶😂於是今日出嚟做一餐食肉獸上網搵有咩好食咁啱見到呢一間有優惠好似幾抵 所以就過嚟試吓啦兩點入座 食個late lunch做優惠嘅係$398嗰個餐都真係幾多嘢食一坐低冇耐就有個刺身拼盤質素中等 唔算太差不過就一定唔會加錢去任食🤫之後兩碟都係冇得追加嘅食物質素非常之好尤其是係個蟹膏 真係好香🤤侍應仲會好細心問需唔需要講解點食例如個雞泡魚乾如果佢唔講就真係唔知點樣燒先至啱之後我哋都瘋狂叫肉食😂整體上所有牛嘅質素都好高好有肉香試咗咁多款我哋認為個牛肩脊係最好食嘅個牛舌亦都好好 唔會話切得太薄亦唔會太油膩海鮮就冇乜特別試完一轉可以唔需要再食作為垃圾食物達人😂😂😂我覺得啲炸嘅嘢食非常之出色我哋坐個位對住個吧枱見到師傅真係即叫即炸嘅所以全部炸嘢都好熱辣辣尤其是個香芋丸同薯角真係好好食另外仲叫咗啲泡菜同凍豆腐小食都OK可以用嚟解膩最後佢嘅甜品我覺得都好好食例如蕨餅同埋brownie 雖然係攞貨嘅食物但係都唔會好似某啲火鍋放題咁樣垃圾級數🌚都算係食得過嘅整體嚟講咁嘅質素咁嘅價錢真係物超所值！食完飽到夜晚10點都仲係飽嘅🤣一餐抵三餐如果

近排很多人都宅在家,無聊就會上網Look下有咩好玩,好食,好去處~我就碌到依間,就試下係咪真係咁抵,試下會否中伏?! 今次和美食之友試了-$398 "霞"90分鐘燒肉放題(買一送一)去圖:入座:有卡位,位置寬闊,刺身是附送的。如想任食,需另加費用。看圖:食材新鮮還有,怎少得炸物 及 甜品呢~*個人覺得此環節可 忽略, 因為麻麻地好食,哈哈總括來說: 抵食,食材新鮮,值得一試QR Code落單非常方便上菜速度快， 沒有漏單地點方便

位於旺角T.O.P嘅八木橋日式燒肉，依家做緊買一送一優惠，星期六日都有架，勁抵食！我地Order咗靚啲嘅《霞》Set，正價一位$398，有94＋款高質食材任嗌，仲有超豐盛嘅頭盤送！Order係自助QR形式，可以用快狠準黎形容，剛按送出不久，食材就陸陸續續送到枱上，仲要跟足晒你Order嘅件數！頭盤除咗有新鮮甜美嘅刺身盛合外，仲有濃香鮮美嘅蟹味噌甲羅燒，同埋酒脂清香嘅雞泡魚乾！濕式熟成嘅M5和牛西冷肉香濃厚而且勁Juicy！初初以為頭盤先有咁高質嘅牛，原來《霞》Set係任嗌架，瘋狂Encore！其他肉品都有多款口味選擇，例如有韓風醬油、山葵、七味辛辣等，各具特式！不過我最鐘意嘅都係原味，因為食材夠新鮮而且處理得宜，唔會雪到硬晒或者出晒血水，齋落鹽同黑椒帶出鮮味，已經超正！二人同行一人價錢，食足90分鐘，除返開每人都係二百零蚊，仲要勁高質，超滿足！

難得閒日星期四放假，疫情問題媽媽成個星期都在家，決定陪媽媽出街行下買下野，順便揾好野請佢食，兩母女可享受開心輕鬆午餐，問媽媽想食什麼，諗住揾定餐廳訂位，食飽後就去行街買餸。最後揾左旺角區最新地標 T.O.P. 嘅一間日式燒肉店，位於4/F沿扶手電梯直達。(買一送一) 刺身+熟成M5和牛燒肉半放題$398 實在吸引，門口店員安排入坐，四人卡位兩人坐，舒服又衛生，落單彩用 QR code, 唔會走單可以知道自己嘅 order, 除外任食亦有收費嘅項目，大家要留意嘅。先黎上枱送上刺身，生文魚，帶子，希靈，牡丹蝦，鯛魚等等，鮮味的，不過今日主角係食燒肉，刺身當頭盤吧。主角出場熟成M5和牛，雖然薄切但牛味濃，燒到剛轉色不要過火，連媽媽都讚話好諗香，啱佢食。驚喜再黎除即再送上燒肉盤，超豐富賣相好得，先入眼就係好大隻嘅甲鑼燒配餅干，急不及待放落燒爐，好快微微滾起卜卜，用餅干剩起比媽媽食，好香好鮮蟹肉蟹膏充斥著口腔。之後再黎韓式醬油牛肋條，醃製過所以特別入味，燒到差不多可用較剪剪細點易入口，有嚼頭我鐘意。味淋魚乾輕烘脆後再醮點蛋黃醬，超級好味。其他雞肉同豬肉都好味，基本野。食物選擇不少，QR code

以往首選燒肉放題都會到牛角Buffet但經常大排長龍，所以這次轉而一試附近新開張的八木橋日式燒肉。放題套餐分為「雪、雲、霞、雨」四個級別，價錢由$198至$688不等，而我們當日則選了每位$398的「霞」，共有94品項限時90分鐘。入座後首先會送上數款限量菜式，拼盤包括韓風瓷壺醬油牛肋肉、Mozzarella芝士雞腿肉、米澤三元豚肉、蟹味噌甲羅燒、味醂魚乾及比目魚西京燒，當中最特別在於有常見於日式浜燒的甲羅燒，鹹鮮濃厚。濕式熟成極上牛西冷肥美軟嫩，網上看過開業初期的相片切得甚薄，但這次厚度適中可見店方有聽從意見認真改善。刺身盛合有甜蝦、三文魚、希靈魚等，只限一份如要任食的話則需另加$58。任食肉類方面有牛板腱、肩脊肉、金錢展、牛胸腹、雞腿肉等多個部位，而且有山葵、韓風醬油、七味等不同醃料口味選擇；另外亦有牛油帆立貝、牛油廣島蠔、虎蝦、醬油魷魚圈等海鮮及一系列小食。

近排天氣咁凍都冇乜點出街見暖返少少就同朋友去咗TO食lunch放題呢間日式燒肉係新開張嘅 主要都係卡位 坐得好舒服夠闊落呢度嘅放題有4款揀我哋揀咗 霞($398) 因爲依家做緊買一送一優惠 兩個人食都只係$478 (連加一)首先上咗頭盤刺身盛合有 牡丹蝦 三文魚 帶子 希靈魚同立魚頭盤仲有蟹味噌甲羅燒 芝士雞腿肉 韓風瓷壺醬油牛肋骨 味淋魚乾 米澤三元豚肉好surprise第一次食燒肉有甲羅燒同埋鱈魚乾燒完嘅味淋魚乾配埋沙律醬好好食濕式熟成極上牛西冷牛西冷肥瘦適中 比目魚西京燒比目魚燒完外脆內嫩好juicy 仲有魚油呢個餐足足有94品 勁豐富 除咗有燒肉必備嘅肉類 仲有唔同嘅海鮮 野菜 主食 甜品 天婦羅 炸物 出面仲有雪糕櫃同埋飲品櫃蝦好新鮮清酒煮蜆牛油香草藍青口 牛油燒廣島蠔 呢度嘅牛同埋豬仲可以揀埋醬汁嘅味道黑松露牛油雜箘 黑松露味好香濃天婦羅甜品都唔錯 蕨餅同泡芙都好好食試咗呢個奇異果味嘅雪條好好食總括嚟講呢度嘅食物選擇好豐富依家仲有買一送一優惠都幾抵食

今日約咗朋友係旺角行街，預先OpenRice睇吓附近有咩餐廳好食，就見到喺旺角top商場新開嘅食日式燒肉店做緊買一送一優惠，所以就去咗呢間「八木橋日式燒肉Yagihashi」上到4樓就已經有清晰嘅指示，佢嘅牌面令我覺得有少少去咗日本嘅感覺。一入到餐廳既第一感覺係乾淨整潔。除咗日式間隔、座位舒適之外，我食燒肉好怕枱同用具好油膩（因為無清洗乾淨），而佢呢一度張雲石枱潮爽整潔，無半點油漬。坐低之後，就揀選自己食咩餐。餐選方面分別有「雪、雲、霞、雨」，價錢介乎$198至$668。（附上圖片以供參考)我同朋友就選擇咗「霞」$398。優惠期間除咗係買一送一優惠之外，仲擴充時間增至120分鐘，同朋友咁耐冇面對面見面，邊食邊傾都唔需要食到好急促。至於落單方面，都係選用大趨勢掃QR CODE落單。我同朋友對於店員清晰講解，同埋過程之中嘅服務有禮，都感到用膳愉快。首先係一次性嘅食物刺身拼盤比目魚西京燒 ，非常喜歡呢個比目魚肉嫩滑，配埋佢嘅醬汁簡直覺得食一塊都唔夠喉。濕式熟成極上牛西冷，唔算厚，但油脂同肉質嘅分配係相當好食，每一啖都係滿足感米澤三元豚肉味淋魚乾（雞泡魚乾），平時喺屋企用氣炸鍋整當零食就食得多

疫情咁耐真係好耐無去過旅行，慳返啲旅行錢就轉化落個肚，2021新一年，緊係要食好啲！朋友話係飛卜見到呢間新開張既日式燒肉，做緊買一送一新張優惠，90分鐘任食燒肉，而我地就揀咗價位$398既選項，有刺身加M5熟成和牛，仲可以食到94款食物，除返開人均價錢都幾抵食！一坐低，店員就好快送上刺身拼盤，望落都幾新鮮靚仔，食落唔錯，尤其帶子刺身夠鮮甜！蟹味噌甲羅燒都好吸引，平時出去食日本野，一客甲羅燒都起碼$80，估唔到燒肉放題都有得食，正呀！至於呢個韓式醬油牛肋肉都值得一試，用咗個陶瓷醬壺去醃肉，好有風味，味道都好香濃，牛肉好軟滑而香口，肉味幾香！作為芝士控既友人就鐘意Mozzarella cheese配上雞腿肉，拉曬絲，好邪惡呀！不過重點就緊係熟成牛西冷，滿滿都係雪花，肉味香濃，好多肉汁，就算唔加醬汁都好食！另外可以scan qr code 點選其他唔同肉類部位嘅選項，亦有好多款熟食、炸物、甜品等等。飲品嘅選擇都算豐富，不過就要出去飲品區嗰度自己揀，同一般嘅放題相若。除咗肉食之外，亦有唔少嘅海鮮選擇，例如虎蝦、牛油帆立貝、廣島蠔、青口、清酒煮蜆等等，我就比較鍾意食蝦，因為大大隻啖啖肉。最後就梗