影片
更多
2021-01-13
31 浏览
疫情咁耐真係好耐無去過旅行，慳返啲旅行錢就轉化落個肚，2021新一年，緊係要食好啲！朋友話係飛卜見到呢間新開張既日式燒肉，做緊買一送一新張優惠，90分鐘任食燒肉，而我地就揀咗價位$398既選項，有刺身加M5熟成和牛，仲可以食到94款食物，除返開人均價錢都幾抵食！一坐低，店員就好快送上刺身拼盤，望落都幾新鮮靚仔，食落唔錯，尤其帶子刺身夠鮮甜！蟹味噌甲羅燒都好吸引，平時出去食日本野，一客甲羅燒都起碼$80，估唔到燒肉放題都有得食，正呀！至於呢個韓式醬油牛肋肉都值得一試，用咗個陶瓷醬壺去醃肉，好有風味，味道都好香濃，牛肉好軟滑而香口，肉味幾香！作為芝士控既友人就鐘意Mozzarella cheese配上雞腿肉，拉曬絲，好邪惡呀！不過重點就緊係熟成牛西冷，滿滿都係雪花，肉味香濃，好多肉汁，就算唔加醬汁都好食！另外可以scan qr code 點選其他唔同肉類部位嘅選項，亦有好多款熟食、炸物、甜品等等。飲品嘅選擇都算豐富，不過就要出去飲品區嗰度自己揀，同一般嘅放題相若。除咗肉食之外，亦有唔少嘅海鮮選擇，例如虎蝦、牛油帆立貝、廣島蠔、青口、清酒煮蜆等等，我就比較鍾意食蝦，因為大大隻啖啖肉。最後就梗
朋友話係飛卜見到呢間新開張既日式燒肉，做緊買一送一新張優惠，90分鐘任食燒肉，而我地就揀咗價位$398既選項，有刺身加M5熟成和牛，仲可以食到94款食物，除返開人均價錢都幾抵食！
一坐低，店員就好快送上刺身拼盤，望落都幾新鮮靚仔，食落唔錯，尤其帶子刺身夠鮮甜！
蟹味噌甲羅燒都好吸引，平時出去食日本野，一客甲羅燒都起碼$80，估唔到燒肉放題都有得食，正呀！
至於呢個韓式醬油牛肋肉都值得一試，用咗個陶瓷醬壺去醃肉，好有風味，味道都好香濃，牛肉好軟滑而香口，肉味幾香！
作為芝士控既友人就鐘意Mozzarella cheese配上雞腿肉，拉曬絲，好邪惡呀！
不過重點就緊係熟成牛西冷，滿滿都係雪花，肉味香濃，好多肉汁，就算唔加醬汁都好食！
另外可以scan qr code 點選其他唔同肉類部位嘅選項，亦有好多款熟食、炸物、甜品等等。
飲品嘅選擇都算豐富，不過就要出去飲品區嗰度自己揀，同一般嘅放題相若。
除咗肉食之外，亦有唔少嘅海鮮選擇，例如虎蝦、牛油帆立貝、廣島蠔、青口、清酒煮蜆等等，我就比較鍾意食蝦，因為大大隻啖啖肉。
最後就梗係唔少得甜品啦，外面嘅甜品區就有雪糕雪條，亦都可以點選泡芙，或者蛋糕等，不過食完烤肉都已經好飽，好彩甜品嘅份量並唔係太大件，可以每樣都試吓，細食嘅女仔都唔怕！
整體來講性價比都幾高，買一送一真係幾抵食，呢個價錢真係無敵！
张贴
