影片
更多
2021-01-13
996 浏览
今日約咗朋友係旺角行街，預先OpenRice睇吓附近有咩餐廳好食，就見到喺旺角top商場新開嘅食日式燒肉店做緊買一送一優惠，所以就去咗呢間「八木橋日式燒肉Yagihashi」上到4樓就已經有清晰嘅指示，佢嘅牌面令我覺得有少少去咗日本嘅感覺。一入到餐廳既第一感覺係乾淨整潔。除咗日式間隔、座位舒適之外，我食燒肉好怕枱同用具好油膩（因為無清洗乾淨），而佢呢一度張雲石枱潮爽整潔，無半點油漬。坐低之後，就揀選自己食咩餐。餐選方面分別有「雪、雲、霞、雨」，價錢介乎$198至$668。（附上圖片以供參考)我同朋友就選擇咗「霞」$398。優惠期間除咗係買一送一優惠之外，仲擴充時間增至120分鐘，同朋友咁耐冇面對面見面，邊食邊傾都唔需要食到好急促。至於落單方面，都係選用大趨勢掃QR CODE落單。我同朋友對於店員清晰講解，同埋過程之中嘅服務有禮，都感到用膳愉快。首先係一次性嘅食物刺身拼盤比目魚西京燒 ，非常喜歡呢個比目魚肉嫩滑，配埋佢嘅醬汁簡直覺得食一塊都唔夠喉。濕式熟成極上牛西冷，唔算厚，但油脂同肉質嘅分配係相當好食，每一啖都係滿足感米澤三元豚肉味淋魚乾（雞泡魚乾），平時喺屋企用氣炸鍋整當零食就食得多
上到4樓就已經有清晰嘅指示，佢嘅牌面令我覺得有少少去咗日本嘅感覺。
一入到餐廳既第一感覺係乾淨整潔。除咗日式間隔、座位舒適之外，我食燒肉好怕枱同用具好油膩（因為無清洗乾淨），而佢呢一度張雲石枱潮爽整潔，無半點油漬。
坐低之後，就揀選自己食咩餐。餐選方面分別有「雪、雲、霞、雨」，價錢介乎$198至$668。
（附上圖片以供參考)
我同朋友就選擇咗「霞」$398。優惠期間除咗係買一送一優惠之外，仲擴充時間增至120分鐘，同朋友咁耐冇面對面見面，邊食邊傾都唔需要食到好急促。
至於落單方面，都係選用大趨勢掃QR CODE落單。
我同朋友對於店員清晰講解，同埋過程之中嘅服務有禮，都感到用膳愉快。
首先係一次性嘅食物
刺身拼盤
比目魚西京燒 ，非常喜歡呢個比目魚肉嫩滑，配埋佢嘅醬汁簡直覺得食一塊都唔夠喉。
濕式熟成極上牛西冷，唔算厚，但油脂同肉質嘅分配係相當好食，每一啖都係滿足感
米澤三元豚肉
味淋魚乾（雞泡魚乾），平時喺屋企用氣炸鍋整當零食就食得多，要點燒真係唔清楚，不過唔使驚，因為我未開口店員已經係教咗我哋要點樣燒，本身塊魚乾就係透明色，燒到略為白色就已經可以食㗎啦，如果燒得太濃就會唔好食。
蟹味噌甲羅燒，第一次係配餅乾食，又有出乎意料嘅驚喜。
韓風瓷壺醬油牛肋肉，本身就咁睇佢嘅買相以為會好un ，點知係肉質鮮嫩，厚而好味。
Mozzarella芝士雞腿肉，個芝士有少少搶咗雞肉嘅風頭，佢個芝士我同朋友都覺得好好食。
然後就係自己用手機落單嘅時候啦，佢嘅種類非常之多包括有肉類、菜類、海鮮、揚物、沙律、甜品、麵飯...
另外設有飲品櫃同雪糕櫃，因為淨係限擺12張相，我見其他人有分享，我就唔貼圖啦。
總括而言，基於佢嘅服務、環境、食物、同埋價錢，真係會成為佢返轉頭嘅顧客。另外，抽風方面都做得唔錯，因為埋單之後，離開間店聞一聞自己嘅衣物都冇咩油煙味。
八木橋日式燒肉Yagihashi
地址：旺角彌敦道700號T.O.P商場4樓409 A &409 B舖
電話號碼：21519939 61448242 (whatsapp)
營業時間: 星期一至日12:00 - 23:00
张贴
