八木橋日式燒肉

营业中

休息中

今日和朋友往旺角Top 八木橋日式燒肉食午市日式燒肉放題, 現時午市現時有買一送一優惠, 見價錢吸引, 於是便光顧。我們燒肉點了西冷、原味肩脊肉、牛胸腹、牛板鍵、比目魚和雞腿肉。西冷肉味香濃, 食落啖啖肉；原味肩脊肉、牛胸腹和牛板鍵牛肉味濃、比目魚肉質鮮甜, 入口即熔、雞腿肉肉質鮮嫩彈牙配上mozzarella芝士, 口感豐富有層次；刺身我們點了三文魚, 吞拿魚、帶子、甜蝦和希靈魚, 食落新鮮,鮮甜味美；炸物我們點了蝦天婦羅, 蟹柳天婦羅、脆薯角和炸蕃薯, 蝦天婦羅和蟹柳天婦羅炸得金黃彈牙, 落爽口、脆薯角炸得金黃香脆, 炸蕃薯食落軟腍, 口感爽口；另外餐廳有很多飲品選擇, 除可樂外, 有沙示, 菊花茶和冬瓜茶等, 最後甜品有雀巢朱古力雪糕。餐廳食物美味, 而且款式多, 材料新鮮, 燒肉, 刺身和炸物食落高質, 而且餐廳座位舒適闊落, 食了一頓好味日式燒肉。

和牛有分很多國家的出品，而M系的就是澳洲的混種和牛，他們都是日本和牛跟澳洲牛肉的混種，既有牛肉香，又入口即溶。而今天這個$398的套餐，竟然可以任點！環境：隔離措施做得非常充足，值得一讚服務：良好有禮，送單有效率，無漏單情況食物：先來前菜就已經非常豐富前菜系比目魚西京燒非常多醬汁，而且很快熟，好吃濕式熟成m5和牛西冷超正！熟成過的和牛沒有多餘的筋膜，入口即化，牛味肉汁都不缺，很好吃！莫薩里拉芝士雞腿肉雞腿肉無論怎煮也不鞋，入口夠彈牙，反而芝士醬有點漏米澤三元豚肉夠肥美！只論油香的話不輸和牛鮑魚上桌時的鮑魚竟然還在動！超新鮮！令人感動！刺身盛合普通味淋魚干有趣的魚干，基本上就跟平時吃肉干的一樣，只是比較熱 任點系基本上全部肉類都有數種味道分別是原味，韓風醬油，山葵，七味辛辣，法芥最惹味又好吃的是山葵，法芥刺鼻得來又不會咸，可以自加醬油/岩鹽，韓風醬油味道比較濃郁，辛辣麵比較普通不太辣， 原味則讓你可以選擇自己喜歡的醬料/鹽牛舌必點！超快煮好超彈牙！肩脊肉僅次於和牛入口即化的鬆軟牛肉部位牛胸腹略為肥膩， 適合喜歡牛油的朋友牛版鍵比較就着牛味濃郁，愛吃牛味濃郁的朋友必點豚拖羅極肥美又薄，超快

上星期lunchtime 同事們一齊黎食燒肉，個個都話好耐冇燒過，又做緊買一送一優惠。有雪、雲、霞、雨四款套餐可選，我地揀左食霞，想食好d。120分鐘燒肉放題，夠晒時間俾我地。d卡位舒服，我地都坐左2台。一坐低就上左刺身8點冰盤，擺得靚呀，刺身新鮮，宜家開始熱，哩盤正好用黎解溫。有鮑魚、雞肉、牛助骨等燒物、好豐富呀！濕式 熟成M5和牛西冷哩塊正呀，牛味濃，新鮮，輕輕燒兩邊已經好味。比目魚西京燒哩個魚好味，好滑，用醬料醃過。仲有唔少熟食可以食，天婦羅炸到金黃色。真係岩晒中意食牛肉既朋友，多款部位任食。自助任飲飲品。食完仲有雪條雪糕食，哩款韓國雪糕有好多口味揀呀。

入到去, 就送上個餐的牛扒, 牛粒.....和牛.......不知所謂, 來到所有牛都係瘀色的, 燒起來硬柴柴, 干巴巴的, 還要說自己是什麼熟成和牛(利申, 我食$4XX果個餐)三個人,  不過個服務員好有禮貌幫我換過晒佢, 顏色似番D樣, 但都係冇牛味的!  最終食多30分鐘就離場食過另一間.......比錢都唔好去呀!

餐廳門口都幾有格調，同商埸T. O. P裝修 融為一體。燒肉放題分別雪、雲、霞、雨俾你揀，可以 跟據自己嘅喜好所揀。我就揀咗霞滿足我對食物嘅好奇心。同埋呢到係用QR code 落單，環保同減少人嘅接觸。首先會送上套餐頭盤，有：五色刺身，冇腥味，新鮮鮮甜。芝士雞腿肉，香濃芝士同雞肉意外地夾，絕對要試。韓風瓷壼醬油牛肋肉， 肉質鮮嫩， 醃得好入味。米澤三元豚肉，肉質細膩，食開日本米係唔同d。M5和牛西冷，多肉汁，落少少晶鹽就引出香濃牛肉味。 比目魚西京燒， 醃得超入味，冇骨又唔腥。味淋魚干，比較硬身，咬落好有口感，係口入面慢慢咀嚼，魚干嘅鮮味越嚟越濃，係食到停唔到口。韓風醬油牛舌，切得好薄，煙韌爽口。胡麻豆腐，清淡解膩。味付螺肉，入味彈牙。 炸物香脆可口。飲品都係任飲，有甜有唔甜。甜品選擇都唔少，有雪糕，泡芙等等

🎈旺角t.o.p商場開咗間日式海鮮燒肉燒烤放題， 地方寬敞， 卡位好闊落坐得舒服。 餐廳最近推出咗【霞】最新優惠升級埋20分鐘 Total 食足120分鐘，任食多款燒肉，前菜及小食💯呢一個海鮮刺身雜錦拼盤真係唔好講笑， 選材優質新鮮🦐🦪， 鮑魚大小有番咁上下， m5熟成和牛西冷扒🥩超有牛味， 口感非常rich😋😋。 值得一提係佢個比目魚西京燒做得好地道和風， ichiban♥️ 我哋叫嘅【霞】 總共有94款美食可以點💋服務員態度非常好, 上菜速度快， 值得推介💓~~~~~📍八木橋日式燒肉旺角彌敦道700號T.O.P. This is Our Place 4樓409A & 409 B號舖~~~~~

帶媽媽食燒肉，我地揀左《霞》因為呢個熟成M5和牛餐有買一送一優惠，同埋用餐時間120分鐘以QR code 點餐，飲品、雪糕喺自助區點左餐店員會先送上一次性食物M5和牛西冷，以wet aged處理，肉質軟腍，雪花均勻好juicy🥩~鮮鮑魚上檯時仲旭既，好鮮味韓風瓷壺醬油牛肋骨，大大件牛肋骨肉醬汁入哂味，燒至半熟剪開再燒一陣就得。醬汁味香甜得黎無蓋過肉香Mozzarella cheese雞腿肉，連埋裝住芝士既兜仔一齊放爐上，燒好雞腿肉點埋芝士汁更加香滑美味😋🐟比目魚西京燒，甜甜地既味醂味噌肉質細緻味醂魚乾平時少有既放題項目，一大片燒得黃金乾身米澤三元豚肉，油脂芳香，肉味濃五色刺身盛合有甜蝦、吞拿魚、希靈魚、三文魚、帶子、鯛魚，呢d都可以再點既！試咗牛板腱、牛舌、肩脊肉，都有幾款味揀，原味、韓風醬油、山葵、七味辛辣。我就中意韓風醬油，比較甜香牛油燒廣島蠔、牛油香草青口、清酒煮蜆、黑松露牛油野菌、粟米都用個兜仔直接燒就得。廣島蠔真心正，脹卜卜點左幾次先夠喉！牛油燒帆立貝都鮮味～ Last order 係交檯時間前30分鐘，我地太遲先order甜品，所以拎左雪條，係韓國雪條～整體都唔錯，尤其抽氣

午市“霞”做緊一送一，真係好抵食，平均每人只係240蚊左右，不吃都對不起自己🤣🤣刺身拼盤～加錢點了，坐下便直接先送一盤上來，有甜蝦希靈魚，三文魚，珍寶帶子及八爪魚，刺身都很新鮮肥美，不夠還可出去再攞，值😈鮑魚燒肉拼盤～也是一坐下便有，鮑魚很新鮮，都在動的；還有豬肉，豬肋骨，豬肉，雞肶菇，雞泡魚干等～豬肉很有肉味及冧軟，雞泡魚干燒起來很香😍還有銀雪魚及牛扒都是坐下便有，真心正～天婦羅～種類都不少，直接用手機落單，可邊吃邊等燒肉熟😋另外，餐廳都很乾淨枱也大，飲品櫃有兩個，種類都多～甜品都有數款可手機點，心急的也可直接出去攞雪糕及雪條😋

又到放假日當然要食餐好啦，呢間新開咗唔算好耐，主打燒肉放題，早排去食仲郁做緊買一送一啊我哋揀咗$398霞餐，餐廳環豐都寬敞唔會好迫出面有個漿油調味區，可配不同燒肉去食飲品都係自己出去攞個餐第一輪先來刺身盛合，都幾新鮮前菜我瘋狂食泡菜，可減輕油膩感㗎之後有濕式熟成極上牛西冷，呢個食落好有口感，牛味都重 比目魚西京燒肉質嫩滑，加少少調味已經好好食，我幾鍾意呢個仲有芝士雞腿肉仲有牛舌海鮮有蝦、螺同埋帆立貝，蝦都好新鮮另外必叫清酒煮蜆，好新鮮肥美，仲有生蠔及牛油青口甜品有泡芙同埋韓國雪條㗎

旺角top最近開左呢間日本放題式燒肉店，小金見好評都唔少，而且用openrice預約仲有’霞’套餐買一送一(大概$250一個人)，即係可以係120分鐘內無限任嗌94款食品，除左有多款肉類/部位之外，仲有唔少熟食，再包刺身任嗌，西冷任嗌，鮑魚2隻，一份壺漬肉等等伏talk來啦：-牛油粟米嗌兩份，無一份有牛油嘅-mozzarella芝士雞肉，佢比左個細兜仔嘅芝士比我，但我見到嘅只係一pat奶水，係無芝士嘅-啲肉我諗無論嗌邊款口味都係得佢本身嘅肉味正常：-刺身大部份食落都正常幾新鮮嘅-海洋類食落正常-西冷配鹽同黑椒都ok嘅基本上無一款我會想encore，一人$270但食落係比$100都嫌多個隻...🤢

今日好朋友突然約我食好西 燒肉放題我哋揀咗 $398 可用餐120分鐘！餐廳先送上一份雜錦燒肉，我哋覺得M5和牛西冷最好味，入口即溶，牛味十足，脂肪分佈平均，好味到 encore 咗三次。比目魚塊好滑，最好味係我第一次食的雞泡魚干，燒一會就得，魚味十足又好似煨魷魚的香味同口感，最可惜得一塊，冇得encore！我哋又叫咗魚生刺身，超新鮮，咁就緊係 order 多二次啦！天婦羅都炸得好脆，我覺得這間餐廳比其他的放題，用料尚盛。最後緊係要食埋甜品，有我最愛的和果子，忍唔住食多幾件！跟住抱住唔好蝕底的心態，食埋韓式雪條，飽到捧住個肚結賬，每人都係二百多元，應真超值！

生日飯 5位 有85折 19xx埋單。食物款式少仲有部份賣晒。重點係食物唔新鮮。食嘅牛肉質素參差唔值人頭$400。唔會再幫襯🥲魚生好大浸雪味，帆立貝刺身冇相片咁大粒而且淡而無味，只係得融雪水嘅味

經過見到日式燒肉 諗住一試 伏到呢牛肉冇肉味 海鮮係臭既好似去返好多年前放題時代100幾蚊cheap cheap野d魚生又乾又灰灰地色我用400蚊食埋d垃圾一開頭有個拼盤，有一碟肉已經係全場算最正常質素既肉，我問仲有冇得叫 佢話要收錢What???咁普通質素既肉都要收錢咁我400蚊任食個d係乜野黎 完全擺唔落口食完都吐返出黎GG食到成肚火我依家食到一半坐喺度打埋個食評先走 各位！千奇唔好食d肉上面求其接啲芥末醬落去咁就叫芥末x肉？

Lunch @ 八木橋日式燒肉 ~今日食燒肉放題，話說，好耐沒有吃放題了 😁點解會走來!? 因為有買一送一優惠，我們點了平日價錢 $398（另加一）一位的 “霞－濕式·熟成M5和牛西冷、刺身之燒肉盛自選放題”，全部共94樣食物可任點任食120分鐘 (包括M5和牛西冷) ~除了燒肉還有刺身、海鮮、天婦羅、野菜、沙律 etc. 可以說得上是應有盡有 , 而且性價比高 ~燒肉來說 , 我就主打牛肉 "熟成M5和牛西冷" 覺得其肉質不錯 , 燒得香口一些都不柴皮/嚡口 ~制身的選擇都頗多 , 亦食到其原鮮味 , 即是俗稱的 "魚有魚味，蝦有蝦味" , 「以放題質素來說 , 已是不錯」 ~天婦羅和其他的食物都算OK, 但我就會主攻肉類 , 說到底，我是因食燒肉而來 ~當然也不要錯過甜品，有些特別味道的韓國雪條喔 ~本篇完 ~

今日約男友黎到Top食放題午市叫左「霞」套餐一坐低，就有人比一系列既頭盤我地有牛肋骨啦🐮魚乾🐟豬🐽同雞肉🐔包羅萬有😂隻鮑魚仲識郁，非常生猛🤪🐟比目魚西京燒呢個比較脆弱魚肉質都比較易夾散（因為我夾散左）好易痴底 記住噴多啲油🐮M5和牛西冷扒好大塊 要煎快少少 兩邊微微煎一陣中間紅紅地既時候食比較易咬口可以不斷order 但好大塊 💜刺身拼盤刺身係新鮮既 推薦 馬刀貝同帶子都好新鮮鮮甜👍🏻建議一次份量唔好點太多因為午市佢地出得好快鮑魚好新鮮 食落好爽口 唔會靭因為得一粒所以好珍貴💜飲料吧雪糕吧沒什麼特別飲品都係基本野茶類選擇唔多雪糕吧就雀巢同韓國雪條💜日式冷素麵呢個麵係好味 如果同枱有兩個人都想食的話 可以叫 因為份量有點太多如果可以比客人選擇要大份定細份會比較好因為我本來好想食下烏冬又食下冷麵結果冷麵一份都食唔曬🥺🙅🏻‍♀️虎蝦有點梅唔太新鮮建議大家當日點一兩隻黎試試先推介大家可以點多幾個清酒煮蜆因為一次只會比四粒 鐘意食蜆既朋友食一份又點會夠喉丫🤣甜品推薦明月卷同嵌餅場內裝修都幾別緻又新淨而且間隔幾舒適整體黎講😳價錢唔貴，刺身都新鮮，環境都舒服，食完會有酒煙味，貪靚既女士記住要帶香水噴一