八木橋日式燒肉

营业中

休息中

自從旺角T.O.P商場開業後，每次去旺角吃飯，我都會首選商場的餐廳，因為地點夠方便。餐廳一貫放題的格局，汽水和雪糕可以無限添。有不同價錢的放題，我們點了霞，買一送一。有M5和牛西冷、韓風瓷壺醬油牛肋肉、Mozzarella芝士雞腿肉、比目魚西京燒、五色刺身盛合、鮑魚、味淋魚干和米澤三元豚肉。以上的食物大部分要再吃都要加錢添加。我比較喜歡的是韓風瓷壺醬油牛肋肉。本身醃過，烤完之後很入味，牛肋肉的位置很香很有肉味。⭐️比目魚西京燒烤過之後表面有醬油香味，入口夠嫩。⭐️味淋魚干魚干第一次要自己燒，醃過之後入口特別特別香，表面是醬油，軟軟的口感，很好吃。⭐️五色刺身盛合有三文魚、珍寶帶子、吞拿魚、甜蝦等，入口鮮甜。⭐️鮑魚自己烤鮑魚，不過需時較長，先烤表面，再烤鮑魚殼。⭐️ Mozzarella芝士雞腿肉芝士雞腿肉頗特別，配芝士吃很惹味。還可以自己選擇法芥肩脊肉、原味肩脊肉、牛油香草藍青口、多春魚等。甜品還有很多選擇，例如蕨餅，煙煙韌韌。

細佬生日，正好大家都放假，就同佢食放題🥰🥰喺旺角地鐵站t.o.p新開咗呢間八木橋做緊買一送一優惠，真係好抵呀😍😍一於嚟試下先地方就一定非常就腳啦！環境都好靚，座位好大舒服店員服務都好好👍揀咗398霞餐，買一送一折實之後每人計返$239，極易回本，啱曬我哋呢啲大胃王🥳🥳先嚟一次性嘅食物，一坐低已經有喇上菜非常快🤤🤤刺身新鮮有五款添，最鍾意食甜蝦，超大隻，仲有吞拿魚帶子劍魚三文魚👍分量剛剛好！太多就食唔落燒肉啦，哈哈😝😝熟成m5和牛西冷牛味濃郁，食得出係高質貨，好細心cut開一件件食起上嚟就更加方便，每枱有海鹽、黑椒韓風醬油牛板腱醃得好入味，口感唔錯，仲有可以自己切到細細件，好多細心位銀鱈魚呀，果然高成本製作，要回本一啲都冇難度！仲有好多其他嘅小食天婦羅，日式前菜泡菜仲有泡芙添😜😜汽水雪糕當然任飲任食啦！啤酒係要收費嘅，揸咗車就下次先啦😉總體唔錯，性價比高，極意回本😬

又到咗大吃大喝嘅時間，今日Book咗位於旺角T.O.P商場4樓嘅八木橋食日式燒肉放題。 呢度放題套餐分“霞”、“雲”同埋“雪”三個等級，分別係66+品、82+品、94+品之外，一次性食物嘅級數都唔同，加上“霞”係食120分鐘，雲”、“雪”係90分鐘。因為最貴個放题套餐“霞”，六點前做緊買一送一優惠，我同朋友係預先訂位，專登約中午嚟食。 其實全場都係食“霞”套餐，計一計就知咁食係仲平好多啦~ 可以慢慢傾計慢慢燒添。“霞”套餐有熟成M5和牛西冷，咁就梗係要試下佢有幾把炮啦。 牛肉味道特別濃郁，入口即溶，回味回本之作。五色刺身拼盤份量按人頭計算。 有吞拿魚、帶子、希靈魚、八爪魚、牡丹蝦，都唔錯，顏色靚又無雪味。 刺身係任食架，梗要encore！然後上枱嘅分別係韓風瓷壺醬油牛肋肉、大大隻鮑魚、味淋魚干、米澤三元豚肉、比目魚西京燒。瓷壺牛肋肉係韓式燒烤名物，先將牛肋肉切成一片片再以特製醬油調味，再放入瓷壺入面，賣相相當吸引。比目魚西京燒醃得好入味，燒完魚肉依然嫩滑。味淋魚干燒至焦香，令我回憶起日本街頭小店嘅味道。無限次任點食物入面，虎蝦大隻又新鲜，必點！ 而清酒煮海蜆就無乜清酒味，有啲令我失望喇

早前替朋友慶祝生日 而大家又係愛肉之人所以就揀咗T.O.P.的八木橋仼食燒肉因為食飽飽仲可以到附近行街八木橋有提供四款價格的套餐由$198-$668 （假日+$20）當日想慢慢食 慢慢燒所以選擇「 霞 」$398/位 無限仼食120分鐘❤️其他較平價位的則90分鐘當中超過94+種食材仼你燒連鮑魚、比目魚西京燒、米澤三元豚肉等都有😍不得不分享一下牛肉的高質肉質飽滿嫩滑 而且有多種醃製配方本人極力推薦七味辛辣醬汁口感非常 除了多款部位牛肉更有海鮮例如帆立貝、廣島蠔及虎蝦😍😍😍海鮮唔夠滿足？ 仲有多種刺穿提供🤩真心選擇好多

八木似係近期新開既燒肉放題, 我今次食既係霞主打係熟成M5和牛西冷.先睇下和牛西冷先, 肉質相當唔錯, 主要岩D中意肉味比較重既人油脂味不高, 不容易濟, 預係A2,A3 左右既肉味. 則面脂肪比較重,可以切開脂肪唔食都得. 肉身易入口, 唔硬, 我覺得係入面牛肉之中數一數二好食.自己加小小鹽, 點來食唔錯.最頂: 韓風瓷壺醬油牛助肉, 肉質比較硬返小小, 肉身比較厚, 因為燒肉無刀切, 所以會難咬小小, 可以用剪刀剪開小小先煮, 入面會易熟d.醬算係入味既, 牛味本身都濃, 係肉感有點太厚, 燒肉黎講有小小難入口.右下: 豚肉&雞肉, 豚肉應該師傅有調過味先, 所以味道唔錯, 肉身夠薄易燒易熟, 都易入口, 薄身豬係幾岩燒黎食, 雞肉比較無咁多調味, 我會中意自己點小小醬再食, 都係薄身易燒, 左邊牛板鍵 配唔同既味, 如果中意食純肉味濃既牛, 可以選呢個款, 一樣易入口, 軟硬適中, 牛味本身就濃, 建議都係點小小鹽食已經好好,玉米呢到係生的, 要自己煮一煮熟先食得, 感覺有點難燒 , 因為要定期搞一搞 底先唔會燒焦, 而且咁燒法會容易變乾, 如果師傅整好熟食比我地我覺得會更好.牛

很久未試過放肆地去吃放題了， 今天趁著有優惠， 就跟朋友去吃日式燒肉放題！選這家除了因為地點方便之外， 還有貪他放題的種類選擇超多。我們挑了「霞」套餐，全94+品可選。入座後店員耐心地講解菜單類別， 下單方法， 醬料及飲料位置等等，態度友善可親。下了單， 店員會先奉上頭盤， 其實就是把基本必試的菜品都上一份， 包括濕式、熟成M5和牛西冷、芝士雞腿肉、韓風瓷壺醬油牛肋肉、米澤三元豚肉、鮑魚、味淋魚干、比目魚西京燒、五色刺身盛合。我最喜歡就是和牛西冷， 經過濕式熟成牛味更加濃郁但又不減腍軟鬆化的口感。我們為他encore了兩遍！韓風瓷壺醬油牛肋肉，肉質結實有質感， 味道較重有點似蜜汁叉燒的味道。鮑魚質地唔錯有鮮味，相比下豚肉及雞肉就較失色了。刺身其實還算新鮮， 雖然味道較淡。另外其實還有多款炸物及蔬菜，但因肚量少所以集中吃牛算了。最後還留肚吃了雪糕雪條同甜品呢。如果加杯咖啡就更完美了！

今日下午大佬又推介我食好嘢，今次食燒肉放題～～～嘩！傾計途中發現原來大佬係食肉獸，難怪會約我下午食啲咁重口味既野，因為一般食午餐比較少食放題，1）時間較長、2）食完成身燒肉味座你隔離果個真係恭喜晒你呀🤣🤣，不過間唔中一次半次有好嘢食真係唔好諗太多喇🤷🏽‍♂️前菜先嚟刺身熱個身，雖然不是主角，但都算新鮮好味！根住就不停上唔同款式、產地、部位既牛肉，入座用QR code點餐～既方便又環保（個UI仲要係我之前Freelance 時做既添😎～讚！因為店員上菜時沒有講解上緊既係咩肉，所以成個體驗我只可以講「好食」/「唔好食」🤣🤣，而我既最後答案係「好食」同「好抵食」，除咗飲啤酒要加$20之外基本上嘢飲嘢食都係全包的（仲有雪糕櫃，雖然只係普通雪糕杯跟甜筒🤤🤤）平日正價成人每位$398，小童$148（90-130cm高），好似仲有其他唔同既優惠做緊，大家入座前都可以留意下！

食物一般，肉類款式不多，只是幾種肉類有幾個味道可選。本來想食推介的濕式熟成牛，但去到也沒見有得選，不知是不是我選的餐沒提供。魚生order了但很久也沒來，再訂一次但手機落單系統一直顯示「上次送單的食品還未製作，請等待請退出後重試」，試了幾次，用不同手機都是點不到餐。圖中可見，2pm入坐，2.09pm order豚拖羅，2.28pm order西冷，但3點都未來一直話製作中叫我等，其他食物都不能落單！但根本沒來過，後來魚生是用紙手寫落單，之後改手寫，手機不能用。原來是system壞了，有漏單同落不到單要寫紙仔，寫紙仔時沒提醒last order，想叫甜品才知last order巳完，連甜品也無得order。等了一大輪，原來3.30pm巳last order，又沒提醒，order紙要問一輪才給，只給了我兩次，其間有些時間枱面都是吉的。自己公司有問題但要客人承受。仲有職員大聲鬧交，食物、點餐系統、職員服務態度水準皆欠奉！

早前見到午市做緊指定放題買一送一平均一位都係$200左右，特登搵左一日平日午市試下餐廳用QR Code落單，環保又方便飲品跟醬汁區要自行出去自取最後揀左霞$398/位，120分鐘熟成極上牛西冷、 mozzarella 芝士雞腿肉、 韓風瓷壺醬油牛肋肉，味淋魚乾、 米澤三元豚肉、 比目魚西京燒同刺身盛合 ，另外仲有94款食物可點先用上一次性刺身盛合，味道不錯再來就是一份海鮮燒肉拼盤和和牛西冷牛扒和牛西冷牛扒肉味濃，油脂豐富，有驚喜任食也有不少牛種類，牛魔王定必大滿足另有炸物和小食，炸物亦炸得脆卜卜又唔油膩，清酒煮蜆甜品亦有不少選擇，外面更有韓國雪條可拎待應服務有禮，值得加分！

預訂左買一送一「霞」grade 放題。第一轉會上預設嘅拼盤，有肉有鮑魚，仲有令我驚喜嘅比目魚西京燒。啲單都嚟得好齊，落幾多就嚟返足幾多。刺身質素就一般般，帶子三文魚都還算新鮮，馬刀貝爽口好好食！而啲肉類都算味道幾好，尚算新鮮，都幾淋，幾有肉味。但係原味會比較好，因為汁燒味道較濃，蓋過左肉味。炸物就都似係新增炸出地，炸番薯好香好好食。飲品類選擇好多！！再加埋有甜品，咁韓國雪條，再有雀巢杯裝雪糕。整體來講以買一送一嘅價錢來講都算超值，又食到刺身又食到肉又食得炸物，絕對推介！

由於疫情關係 好多餐廳都做下優惠吸引顧客今日豬先生豬小先尼到T.O.P.嘅.「八木橋日式燒肉」享受燒肉套餐買一送一嘅電視框我地揀左「霞」套餐先上刺身頭盤加指定頭盤刺身拼盤有7款刺身 整齊排列 雖然size不算厚切 但頗新鮮的尤其喜歡牡丹蝦及三文魚 牡丹蝦大隻爽彈 三文魚為腩位 帶溶化感指定頭盤擺盤上有心思 魚肉菜海鮮 樣樣有齊魚-比目魚西京燒肉-M5和牛西冷 -Mozzarella芝士雞腿肉 -醬油牛肋肉 -米澤三元豚肉味淋魚干和風鮑魚特別推介比目魚西京燒 M5和牛西冷 Mozzarella芝士雞腿肉同味醂魚干比目魚西京燒非常好食 魚肉白滑嫩口 每一口都充滿著味醂及清酒香 咸中帶甜和牛薄薄易燒 牛味重且不膩雞腿肉滑溜 而且充滿酒香 點埋芝士更邪惡滋味 味醂魚干平時係居酒屋成日點 自己燒真係第一次燒岀尼煙韌帶甜 係燒得有點油 但自己燒嘅要加分 收貨啦溫馨提示醬油牛肋肉要剪開先燒 否則大大舊非常難熟可惜以上唔係無限追加 不過少食多滋味啦食到尼到 豬小姐表示有啲飽肚 無限追加嘅item都唔算叫得好多 不過仲有豬先生繼續戰鬥 order係用QR code的其實係牛方面真係好多部位同調味選擇部位

是咁的， 我見到佢地有個優惠買一送一好老實講，對於呢啲我都係抱住冇希望嘅心態去試，結果係兩個字「後悔」我地話晒都叫食個最貴嘅餐「雨」坐低嚟咗個頭盤刺身+和牛刺身個樣見得下人嘅，食落去都ok令我有少少期待（少少姐）之後就到頭盤嘅牛都真係唔錯 雪花幾靚落口都有溶嘅感覺之後....就冇之後了因為我前前後後再叫多8份和牛吹咗3-4次只係嚟過1次仲要係我cut單前最後5分鐘嚟 真係唔該晒佢😌😌😌😌😌😌其他非和牛食品，幾本你可以講係秒上但我可以話啲質素差到嘔先講其他牛，啲大細，細過你兩隻手指拍埋一齊嘅粗度，然後薄切，完全冇牛味啲芝士醬，得水味，我唔知佢地係咪冇食過芝士啲刺身，除咗頭盤厚切+大塊之外，得番薄切，細過一個一蚊雞嘅大細😉，然後切工都係9切，啲根完全冇諗過切走然後就係咁，我今次剩係食咗頭盤同尾盤嘅和牛中間都係食埋啲垃圾牛佢仲要幾次都話師傅整緊啲和牛，但我想講成間店得嗰2-3枱客都整唔切？咁你開嚟做乜？最後我真係可以講，人唔可以貪心所謂買一送一真係唔好亂信呢間都算係我人生中食過數一數二嘅伏😀留意返（以下係其中一part我叫過嘅牛，當然係一次都冇嚟過🤫）兩個人承惠826如果真係食到和牛就抵嘅🤫

係top 濕平完見到呢間燒肉店，午市價錢都幾優惠，復活節假梗係要做隻豬享受下試左霞套餐，包幾款和牛。除左牛肉，仲有炸物同海鮮，用手機掃qr code點餐，衛生又方便刺身種類都幾多，魚生厚度同新鮮程度尚可滿意，另外上得都幾快，encore唔會有漏單情況呢款肉類set係一就座就會送上，有和牛、雞同海鮮等，唔洗自己點！個爐都幾夠熱，啲野食好快就熟，店員都會好樂意幫客換爐，keep住啲野食都可以燒得靚飲品櫃提供一般放題既選擇

最近好想食燒肉放題，就上網睇下有咩推介啦！見到介紹呢度做買一送一優惠，除返開每人都係$200左右，就同朋友黎試下啦！我地叫左午市 霞 套餐，，任食90分鐘。早三日訂座仲有刺身送！任食架！刺身好新鮮，又多，食落鮮甜無腥味！唔錯！韓風瓷壹醬油牛肋肉牛肋肉先用醬油去醃，唔會太咸，甜甜地，韓風醬油味，好入味。燒完後肉汁都多，好juicy！望見到流晒口水！鮑魚好大只，新鮮無腥味！食落好爽口！濕式 M5和牛西冷肥肥地，又唔會好瘦，食落好重牛味，肉質唔會鞋，而且好嫩滑。無醃過，原汁原味好正！仲要任叫添，無得頂！韓風醬油牛舌我都幾中意韓式醬油，所以牛舌用韓醬去醃真係無得輸！牛舌薄薄地一片，好快熟，醬油入晒味，食落爽口，好好味！味噌豚拖羅肥瘦一層層甘，分佈得好平均，食落一啲都唔油膩，肉質稔稔地，咬落去有肉汁同少少油脂，好夾，好好食！仲可以任叫炸物全部新鮮炸起，唔會凍晒，鬆脆熱辣，抵讚！飲品櫃同雪糕櫃，仲可以係單嗌其他甜品！職員好有禮物，無漏單，上菜又快，加上午市有買一送一，價錢唔貴，值得再黎！

小編有一日親身帶住媽咪去旺角食日本燒肉, 用自己錢請佢食餐好！去到This Is Our Place商場已經發覺佢哋嘅餐廳裝修與眾不同，同埋當時我哋係中午去食有霞一送一嘅優惠，小編真係諗唔到有牛角嘅質素但只會係兩個人$500都唔使，同埋佢哋個態度服務真係冇得頂非常之貼心細心去解釋啲肉嘅質素來源燒幾耐等等。小編就薦咗”霞”套餐呢個選擇，佢哋包住頭盤(只提供一次之後玩加錢)同埋自選放題(都已經真係乜都有晒)。頭盤分別有：濕式熟成M5和牛西冷，Mozzarella 芝士雞腿肉，韓式醬油牛肋肉，米澤三元豚肉，珍寶北極貝，味淋魚干，比目魚西京燒同埋五色刺身盛合。自選放題嘅款式真係多到小編列唔到出嚟，但係小編推薦分別係原味牛舌啦、山葵肩脊肉、原味肩脊肉、所有嘅海鮮貝殼類、黑松露烤菇。同埋最重點小編覺得佢哋嘅天婦羅處理得非常之好，炸粉厚薄度真係完美冇得挑剔，之餘入邊嘅肉汁依然保存得好好。如果大家想食日式燒肉但係又唔想比牛角嘅價錢，同時又想食啲高質素嘅牛肉海鮮天婦羅冷盤等等嘅，小編真係誠意推介呢間餐廳俾大家去試一試，應該係小編暫時係2021年食過最好味嘅餐廳。