八木橋日式燒肉

营业中

休息中

想食個豐富午餐 今日黎到旺角TOP四樓的八木橋日式燒肉放題唔好以為放題一定係食垃圾 呢度超高質四個唔同價位的套餐 最平$198有交易我地就食左最扺食的【霞】最新優惠升級埋20分鐘 Total 食足120分鐘！任食多款燒肉 前菜及小食✨午市“霞”買一送一 2位收費只係$478！只要like左社交平台專頁及在短片留言“買一送一”就可有買一送一優惠啦！首先送上一大堆野食 有刺身 濕式熟成M5和牛西冷 Mozzarella 芝士雞腿肉 韓風瓷壺醬油牛肋肉（呢個超推介 厚切濃味又啖啖肉）人頭新鮮鮑魚 味淋魚干 仲有我大愛的西京燒！（其實食晒呢度已經飽左一大半）另外再叫左好多小食🤣佢的炸物做得勁出色 熱辣辣又脆卜卜特別推介蝦多士 同一口芝士另外海鮮選擇都好多 扇貝 青口 生蠔 螺 蝦 個啲都有！最後再食多碗冷麵甜品的黑糖蕨餅好食 另外有雪糕同韓國雪條整體買一送一真係超抵食！

難得平日放日假當然去行下街，唔使等假日咁擠迫，第一站就先去咗好耐冇去嘅旺中，太耐冇嚟原來隔離已經有個新商場T.O.P 仲有好多嘢食 平日晏晝有啲餐廳做緊promotion，其中一間係食燒肉放題 有買一送一我哋當然唔會錯過個優惠入去試下， 埋單兩個$500唔使 價錢合理依間餐廳有幾款餐選擇，基本嘅有刺身二人前， 仲有幾款海鮮e.g.超大size既蚌，不過呢個係冇得任叫，不過仲有其他肉類小食等等，整體質素都唔錯，lunch黎講選擇都唔算少～肉類都有好多款式，大部分都係醃好咗，味道啱啱好， 肉質都高檔 牛香嫩滑小食嘅款式都多 每樣少少 咁就可以試多啲唔同嘅嘢食食得放題 自助雪糕、雪條、飲品當然唔少得呢度亦有多個款式選擇“

🔎八木橋日式燒肉*📍 旺角彌敦道700號T.O.P. This is Our Place 4樓409A & 409 B號舖好耐無食過燒肉, 忍左咁耐梗係揀間正野試下啦!佢個$398霞既套餐好似幾抵食,除左送個刺身拚盤之外, 仲有和牛食! 濕式熟成M5和牛西冷牛味好濃, 雖然唔係厚切但都好好食好有口感~ 而且本身係M5和牛底, 脂肪比例比其他西冷高DD, 食落去真係成口牛味, 好滿足~山葵醬牛板腱好少見燒肉放題會有山葵醬呢D偏門野,見到梗係試一試啦~ 入口唔嗆,加上牛板腱本身就好嫩滑, 一D都唔似燒肉果種乾身既感覺!韓風瓷壺醬油牛肋肉另一樣好特別既野,本身睇名以為都係就咁上檯, 點知個店員拎左成個壺過黎,一開始仲以為自己點錯野XD呢隻醃好入味,醬油唔會好濃亦唔會好咸,同樣牛肋肉都係鬆軟嫩滑既部位,加埋一齊真係好好食~mozzarella 芝士雞腿肉燒雞肉食得多,註明係mozzarella就真係第一次見~估唔到又幾夾, 成個感覺似食緊無炸既韓式炸雞XD

好友告訴我這家燒肉店正在做「買一送一」的服務，看了一下他們家的菜單，感覺不錯，所以就相約好友一起去嚐一下！刺身是任點的，這個品質絕對配得上這個價錢！很喜歡這個天婦羅蟹棒，新鮮炸起，炸粉又不厚！每一個人也會送人頭鮑魚，然後店員也會教你怎麼燒鮑魚，很貼心！鮑魚本身則很有鮮味和又很有口感！還會有不同的菇類！我個人很喜歡這個牛舌，因為肉質夠薄和那個醬汁夠辣又帶點酸味，很開胃！這裡所有不同的肉類，整體上也不錯，然後還會有三種調味，讓你選擇！總結來說，性價比真的很不錯，款式又很多！

呢次係我第一次寫食評，服務都算ok！但係食咗個三百幾蚊嘅餐跟住食完返到屋企腸胃炎又屙又反胃⋯⋯啲嘢食唔新鮮，而且第一次食放題食到啲肉切到咁薄，真係唔值得呢個價錢！唔會再去咯！

冇筆直又無肉不歡嘅朋友話想食烤肉放題，即刻搵一搵附近餐廳，搵到旺角T.O.P.嘅八木橋有買一送一優惠，二人同行。一人收費，埋單都只係$480，人均消費$240，真係好抵啊😍 呢度環境仲要幾ok，坐得舒服唔會好迫。講返食物先，我係揀左「霞」呢個plan，有指定嘅肉類同刺身同埋海鮮，好似有鮑魚、海蝦等，最正一定係M5和牛西冷，另雞豬肉類選擇都多，仲有唔同調味比你揀，然後帶子同螺又可任食！食材相當豐富啦～至於味道方面，肉類真係好出色，特別係M5和牛，十分鮮嫩，入口即溶咁，豬腩肉都好好味～淨食豬同牛肉都飽一飽，真係啱晒我個食肉獸朋友😙

有朋友報料畀我知，旺角八木橋燒肉放題好抵食，平日午市有買一送一優惠，即刻約朋友去食先😋😋✔️【霞】套餐最抵，食足120分鐘，餐牌超多選擇，多款燒肉、前菜及小食都系任食。😍😍重點系夜晚6點前離座有買一送一，須先like 餐廳社交平台專頁及留言💻💻✨✨每位成人平日原價 $398+加一$39.8=$438 ， 宜家2位只需$478❤️（計原價加一）餐廳環境超闊落，卡位坐得好舒服，而且佈置有花心思，有日本當地嘅感覺😍入座會先安排刺身拼盤，一份M5和牛西冷，海鮮拼盤同埋肉類嘅拼盤刺身合格以上，之後都有再追加👍和牛西冷嘅油脂都幾豐富，牛味濃郁。我自己就最鍾意海鮮拼盤嘅鮑魚同埋比目魚西京燒，鮑魚新鮮，比目魚甜甜地好入味。另外仲可以qr code任點小食，例如有章魚小丸子、天婦羅等。上菜嘅速度都幾快，亦都冇漏單，呢點好滿意。最後有好多和菓子甜品選擇，仲有雪糕雪條，但係因為太飽所以就冇點到甜品，但係就食咗條椰子雪條，滿足。

朋友生日，相約於旺角中心地帶T.O.P.商場內的「八木橋」食日式燒烤放題，內裏環境寬敞，兩個人可以坐4人卡位，能慢慢燒、慢慢食、慢慢談心，享受了一個休悠的下午。放題價錢有四種選擇，現在有買一送一優惠，我和朋友選擇了$398那款。先上一次性的食物，有M5和牛、牛肋骨、鮮鮑魚、比目魚、芝士雞肉、雞泡魚乾……比目魚滑溜溜的，雞肉燒熟後點上芝士醬，另有一番風味。牛肉可根據自己喜愛的熟度來燒，鮑魚要先燒有肉那面，再燒背面。如鐵板燒焦了可以換新的。M5和牛非雖然有點肥肉，但燒後感覺一點都不肥膩，入口軟諗，牛味香濃，正。而其他可以再 Encore 的牛肉有很多款，品質也不錯刺身有甜蝦、三文魚、希靈魚、鮮帶子……也可以無限添加。冷麵好味，食了兩碗除啤酒要另外加錢之外，其他飲品都沒有限，種類頗多。雪糕也是任食

星期五晏晝想食好啲，去咗T.O.P搵食，見到呢間燒肉店2小時任食放題做緊買一送一優惠，就揀咗食《霞》任食套餐$418，有刺身、M5熟成和牛、其他肉類、海洋、蔬菜、麵食、甜品任食。坐低不久，店員就送上頭盤，有刺身拼盤、一塊M5熟成和牛、牛肋肉、鮑魚、芝士雞肉、豚肉、比目魚西京燒。食完頭款之後可以用QR code自己任點其他食物。先講刺身，頭盤嘅拼盤有兩隻大牡丹蝦，非常新鮮，蝦頭蝦膏鮮味，呢個就冇得任食。其他任點刺身有三文魚、吞拿魚、希靈魚、八爪魚、帶子、馬刀貝、甜蝦。全部都新鮮，質素OK。肉類方面，我覺得可以專攻食M5熟成和牛，牛味香濃，油脂豐富，肉質鬆軟，可以任食真係抵，食幾塊就覺得超值。另外芝士雞肉都好好食，雞肉鮮嫩多汁，沾上拉絲嘅邪惡芝士醬，鹹香，口感綿綿，正。海鮮方面非常吸引，除咗頭盤嗰隻鮮鮑魚同埋比目魚西京燒，其他海鮮都係任食，我哋叫咗扇貝、廣島蠔、大蝦、青口、清酒煮蜆、花螺、多春魚。其中我最鍾意燒鮑魚爽得來稔滑，比目魚肉質鮮嫩，燒大蝦爽口，多春魚甘香。炸物方面，我專攻大蝦天婦羅，天婦羅炸粉厚度恰到好處，蝦肉鮮嫩，又爽又滑，點上天婦羅汁，好味。另外仲有一個香芋球都好好味，出邊炸

「八木橋」主打任飲任食燒肉，一定要先要講講「八木橋」而家做緊嘅買一送一優惠😛唔係大家就食唔到性價比超高任食燒肉㗎啦！只要like 「八木橋」 社交平台專頁，再係短片留言“買一送一”就可以取得以上優惠，三日前訂位仲會送埋刺身任食🥰千祈要做足要求啊！今日午市嗌左「霞」套餐($478兩人)🥳食足120分鐘🤓有94+款食物任叫，雪糕飲品任食任飲，離場係好滿足！先上一份限定拼盤，兩大隻新鮮連殼鮑魚🤩厚肉Q彈，完全不需要加調味！另有輕輕一烤就好惹味嘅味淋魚干！比目魚西京燒幾驚艷，平時都比較少見，入口帶甜、肉質嫩滑，留下深刻印象😋熟成和牛西冷燒香後，只需灑上玫瑰海鹽就已經好好味🤤肉類較偏愛牛舌、肩脊肉😬食肉食到咁上下，點啲泡菜、胡麻醬豆腐等嘅前菜可以清新一下口腔😃五色刺生盛合嘅牡丹蝦超級大隻！入口鮮甜即化☺️天婦羅亦係即叫即製，炸餃子棒jeng，食落燙口有誠意😎❤️大推海鮮類！回本之選🤣大大隻廣島蠔😚清酒煮蜆🥳燒扇貝😘牛油藍青口😙舖頭用嘅錫紙兜都好高質🤣不惜工本。最後食返啲蔬菜就完滿滿足🌽牛油粟米粒簡單好味、黑糖蕃薯燒甜到漏😛、黑松露牛油雜菌有特色！飲品方便最特別莫過於橙色樽裝「胡蘿蔔南瓜橙混合果蔬汁」

呢間 #八木橋日式燒肉 #放題 #燒肉放題 #BUFFET #日式放題  #岩手縣和牛 #岩手縣 #日本和牛 #和牛放題 #旺角放題 晚市"二人同行，一人半價"大優惠最高級係用日本和牛既放題,同樣做半價！堂食至10點,唔洗打針都食到～～係我第2次食,上次到訪係剛開幕時候,當時仍然好多不足食物款式亦無而家咁多款式,自從佢有返晚市之後,生意好了很多佢個優惠做緊半價或買一送一 (指定價位)4個月後再食,感覺到牛肉既鮮度同水準都有進步,即係用左更加好既牛肉比客食,同一個錢下,食物水準更好,我係食客係樂見既自助區唔大,只有飲品區同醬汁區,飲品約20-30款,可加錢飲啤酒另有一部雪櫃放雪糕雪條,最好食係MEGA脆皮朱古力條,如果雪糕個PART可以再多少少款式,就更好啦,不過可能地方所限,係可以理解既最平價位$198無牛肉,只有雞豬共幾十款食品$298,可以食濕式熟成M5和牛西冷,呢個最抵食亦可選擇$398那個,仲有鮑魚~刺身最高級就係$668,共全110款食物任點,但都係只限120分鐘有各式沙律前菜,炸物小吃,雞肉有雞腿肉,雞翼,牛有胸腹肉,一口牛牛板腱片,濕式熟成M5牛肉,另有豚肉,有白飯,

又掋又性價比高既燒肉推介✨建議大家星期一至四到旺角- 八木橋日式燒肉依家做緊午市“霞”買一送一 (須18:00前離座)2位收費共:$478 每人只需$239 (已計埋加一)一開始 會先送一個頭盤🍴 (包括:八木橋燒肉、濕式。熟成M5和牛西冷、Mozzarella 芝士雞腿肉、韓風瓷壺醬油牛肋肉、米澤三元豚肉、鮑魚、味淋魚干、比目魚西京燒)接著 會附送五色刺身盛合如預早三天前訂座送刺身任食🤩刺身質素正常 可以放心任食🤤燒肉推介:韓風醬油牛版腱、原味燒一口牛🥩牛味好濃 油脂好香 食落好有口感 好軟熟😋海鮮燒（牛油帆立貝，廣島蠔，虎蝦，蜆）呢個價錢仲有海鮮燒😳廣島蠔配上沙嗲醬😍天婦羅/揚物（南瓜，蝦，金菇）意外驚喜🤪即炸好脆 炸粉好薄 真才實料😚最後 梗係要介紹佢哋既飲品櫃+甜品櫃😎

難得有時間約朋友食個午餐，見到霞最新優惠升級20分鐘，買一送一唔錯喎刺身拼盤，三文魚、牡丹蝦、帶子、希靈魚、八爪魚新鮮鮮甜。原塊M5 和牛西冷 一定要試，肉質鮮嫩，肉汁豐富，夠鬆化鮑魚爽口彈牙，店員提醒肉要燒到7成，起殼和內臟後再燒，連殼燒有機會爆開，夠細心比目魚西京燒 魚肉細嫩、半殼扇貝鮮甜、虎蝦爽口彈牙雞腿肉肉嫩，加上半溶芝士醬成拉絲雞肉韓風瓷壺醬油牛肋條 放邊位慢燒15分鐘，彈牙惹味味淋魚干 燒完剪成條狀，做小食一流幾款牛肉有原味、韓風醬油、七辛辣、芥辣味肩脊肉 肉味濃，牛胸腹 肉質細嫩，牛板腱 入口嫩滑，牛板腱 入口香滑，一口牛粒 煙韌彈牙，咁多牛肉好滿足香芋丸、一口芝士、章魚小丸子、番薯天婦羅、南瓜天婦羅，香脆可口日式蒴餅 香甜軟糯、香蕉冷卷和和果子外層煙韌、Brownie 朱古力味濃、仲有泡芙，幾款都不會太甜。

中午偷咗個時間出嚟同老公食過燒肉放題，一送一優惠就啱晒我哋加埋兩個人都唔使$500。一坐低店員就即刻送上唔同嘅嘢食俾我哋，有刺身拼盤，有濕式·熟成M5和牛西冷、Mozzarella芝士雞腿肉、韓風瓷壺醬油牛肋肉、鮑魚、比目魚西京燒仲有雞泡魚乾。其實佢真係好多嘢食選擇，我就食咗好多牛油燒廣島蠔平時出去都唔係成日有蠔任食。肉類選擇好多，質素都係水準之上，有牛肉味，當然絕對推薦和牛西冷。佢嘅熱食天婦羅炸得都好鬆脆，熱辣辣上枱，好過平時啲放題擺晒出嚟凍哂咁樣。 飲品自己喺出邊雪櫃攞，雪糕甜品汽水無限追加，如果想飲埋啤酒嘅話都係加$20一位。呢個價錢兩個人食，質素一啲都唔差，款式選擇多，座位又坐得舒適，食物一啲都唔馬虎。

次次行過ＴＯＰ都會聞到呢間燒肉店好香今日就黎呢到一嘗究竟用手機點單，方便快捷飲品雪糕當然唔少得，雪糕方面有黑牛，都幾特別調味料特別推薦七味粉因為佢唔係平時Ｘ野家果種黎辣椒粉係更細，而且味道更有層次前菜上左一ＳＥＴ刺身，味道都唔錯更有多種唔同既肉類同海產，勁期待濕式。熟成M5和牛西冷首先當然係食牛雪花好平均，令佢口感細嫩軟滑，而油花既鮮甜同濃濃既牛香保持到完美既平衡而且因為濕式熟成過，令佢既牛香更加成熟、濃郁又細膩通常濕式熟成都只會係高級Ｄ既餐廳食排果陣先食到估唔到燒肉放題都可以享受到鮑魚店員好細心地提醒我地要燒肉果邊，唔用燒殼，如果唔係會彈親，非常好鮑魚超新鮮，雖然我技術差面過左少少火，但係竟然都依然咁鮮味，仲要係爽口唔柴皮，勁高質Mozzarella芝士雞腿肉好特別，估唔到用Mozzarella芝士黎點燒雞肉係可以咁夾而且芝士係放係爐上即燒，然後點已燒肉既雞肉落去整成邪惡的拉絲雞腿肉米澤三元豚肉豚肉層次分明，肥而不膩味淋魚干又係好特別，而且幾有驚喜將魚干由透明燒到變實色即可因為調味用左味淋，所以甜甜地而且魚干將條魚既鮮味都濃縮左係入面而且硬硬地但又唔會咬唔到，幾有咬口難怪日本人咁鍾意