八木橋日式燒肉

营业中

休息中

八木橋日式燒肉 - 抵食午市燒肉放題今日介紹一間位於旺角TOP的一間燒肉店，是放題的形式，最近更有午市時段買一送一優惠，選了「霞」的級別，可以120分鐘任食M5熟成和牛西冷。刺身拼盤首先有冰凍新鮮的刺身，最愛厚身的三文魚，夏日炎炎清暑又開胃。燒肉類肉類當然要點熟成M5和牛西冷，厚度夠、油花均勻，燒烤後油脂豐盈，牛味香濃。另外推介米澤三元豚肉，肉質軟腍。海鮮類海鮮種類誠意十足，有比目魚西京燒，滿滿日式口感，還有鮑魚、扇貝、虎蝦和青口，扇貝鮮味彈牙可以再encore!炸物、天掃羅金黃色熱辣辣的炸蝦天婦羅，香脆鬆化，還有甜甜綿綿的炸香芋丸。

今日放假, 點知遇著黑雨, 於是同屋企人去旺角八木橋食放題,開懷一下,揀了日式燒肉放題, 響T.O.P.商場, 貪佢一出港鐵就到, 完全唔洗開遮, 夠晒方便, 而且非常抵食, 因今日係星期五, 佢地做緊平日買一送一優惠, 就算係最貴個Set, $398的霞套餐, 可以任食120分鐘，包了一碟燒肉盛，仲有一盤刺身, 另外可以用QR code order 到94款以上的食物，好方便, 即係每人只係$240位, 真係好抵, 店員先奉上燒肉盛, 有濕式、熟成M5和牛西冷, 海鮮包了比目魚西京燒、新鮮鮑魚、味淋雞泡魚干, 肉類包括拉絲芝士雞腿肉, 米澤三元豚肉, 韓風壺漬醬油牛肋肉等。M5和牛西冷, 好大塊, 油份均勻, 肉味濃, 另一喜愛係牛肋肉, 醬油醃製非常入味, 烹調教學咭教放在旁燒, 都燒得較長時間, 要有耐性, 好味, 而比目魚都好入味。食完第一輪, 去取飲品, 都有好多選擇, 還見到有雪糕櫃, 仲有一盤五色刺身盛合, 有三文魚, 帆立貝, 赤蝦，希靈魚同白肉既魚生, 另外自選可以無限追加刺身, 追加了甜蝦, 都好新鮮, 另外燒物, 繼續加了肉質較淋的牛板腱, 爽口的牛舌, 大隻廣島

難得放假同男友出去旺角濕平，行到成4點先捨得搵野食🤫係T.O.P商場度完全俾大大個餐牌吸引左，午市買一送一，仲要任食M5和牛，食肉獸既我地當然要試下啦成4點先入座，但都有幾枱食緊👍🏻證明品質有保證😏我地揀左（霞）既套餐，一開波店員會先上餐既頭盤，之後就可以掃qr落單🤤頭盤呢碟野樣樣都好好味🥺🥺比目魚係我最愛😋刺身拼盤-刺身鮮甜，同出面放題冇分別仲要唔係少選擇👍🏻M5和牛-肉質嫩滑，都重牛味，encore左幾次🤭有2個汽水櫃，野飲出面任拎竟然有cc蘋果😍落幾多黎幾多，完全冇漏單👍🏻拉絲雞肉😍我想講佢所有野都好新鮮，肉類亦超多選擇我地每款嗌左2片試下🤣試完已經勁飽🤭🤭喪嗌M5和牛，因為佢真係好重牛味😋仲有個人推薦可以試韓風style既肉，好惹味🤤佢除左肉類，仲有好多可以野揀，海鮮，燒蔬菜，刺身，熟食仲有天婦羅 ，甜品等等...所以唔怕成餐剩係食到肉🤭真心講咁平既價錢呢個質素真係好難搵到🤑🤑

平日吃霞呢個餐「買一送一亅，埋單$478/2人，仲要有啲高級野食，我覺得好抵食！M5和牛西冷(可以追加)油花分布平均，肉質軟嫩，每口都是牛油的香味。以下係一坐底就會提供:西京燒的魚塊肉質淋滑，帶一絲絲的甜醫油香氣，容易入口。芝士雞有別於他店的的普通雞塊，店家配搭滿滿的芝士，加熱後把雞肉浸入芝士醫，雞肉風味馬上更升一層！雞泡魚干餐前小食必須！鹹鮮鹹鮮的風味，讓人一口接一口的清完鮑魚鮑魚清洗得好乾淨，丁點內臟都沒有。店家更早已分離鮑魚的殼，方便燒完即食！刺身整體美觀，岩曬打卡！鮮甜不腥。以上係重點推介，當然仲有好多其他吾同種類，多達100款！食物吾洗再走出去自己攞，掃qr code 店員就會拎埋上枱，吾洗又帶、又除口罩🤣🤣🤣

其實都真係好貴下已經唔係嗌最貴嗰兩個餐係嗌第二貴嗰個餐兩個人埋單都要$700埋單果下我真係呆咗好彩佢啲服務態度唔太差如果唔係真係……..啲裝修睇落去好似都正正常常點知原來真係虛有其表先唔講佢啲嘢有幾咁難食淨係佢落單嗰個系統都有啲問題啲嘢食根本就嚟唔齊仲要早半個鐘頭截單同個朋友兩個人嗌左兩次就俾人截咗單我同我朋友都極級無奈再講啲嘢食睇落去正正常常 點知食落真係wow咗一聲個牛肉肥到嘔之餘啲魚完全唔似食緊魚雞肉會有跟一個芝士（可以撈埋一齊食點知個芝士真係水咁樣嘢飲除咗汽水之外就係一啲好甜嘅嘢如果唔飲甜野嘅就得綠茶揀雪糕以為佢呢個價錢會有多啲唔同款式點知一睇落去得雀巢最正常真係冇下次…..真係唔建議😵‍💫

點解有咁多好評 劣食肉 以後都唔會去d肉一d都唔新鮮 咬到嘴攰魚肉得醬汁既假甜味調味醬汁都唔夠味諗住要碗飯頂肚算 點知飯係硬既 好啦咁我叫碗烏冬啦 唔會出事掛點知仲硬過碗飯成餐飯20分鐘都無就跑住走俾完700蚊個人仲係餓既。。。。。。。。。。。。。。。。。。。。。。。。。。。。。。

收$220以為質素點都唔會衰得過韓和點L知可以差9條街。首先，環境衛生完全唔得，一行入去好似玩溜冰咁款油到一個點成張檯都癡嘅。其次食物品質，上菜慢仲要份量係兩片肉當一個portion我見到都嚇親，220包嘅肉唔多牛雞豬每樣有三隻味另外加啲螺肉同中華海帶，個3知味簡單啲就係求其噠啲醬落面就當係一樣連醃都無人地韓和都至少會醃下，加上佢啲汁全部都係杰身所以一落爐就好容易燶，比嘅醬汁都好少得一個甜到傻嘅芥末汁同一個得個甜字嘅燒肉汁，燒到一般都放棄打算叫碗白飯頂肚算點知碗飯黎到硬到癲完全係擺係到風乾完咁樣完全唔食得，爐就用個爛鬼大陸發熱線爐溫度完全唔L平均。總括黎講伏到一個點個220攞黎食爭鮮都會覺得抵啲

好差夜晚晚市食物選擇不多，正係得肉，飯，麵係賣晒，生菜都無，得日式好平嘅中華沙律，秋葵，認真唔掂，選擇超少，出面寫好多嘢哎，但係唔少賣晒。員工不足，落單速度慢。份量少，一份牛肉可以得2顆牛肉顆真係好唔掂。冷氣唔夠，地下好跣，爐係大陸cheap雞發熱線爐，正係中間夠熱，火力不足。牛肉可以無端端有堆芥末醬係上面，明顯質素差要用醬汁蓋過味道。個friend忍唔住叫碗飯食，啲飯係一舊舊，非常硬，好似法國麵包咁，非常失望。頭盤上嘅牛肉好靭，食唔落肚。總括而言，真係唔推薦，免費食我都未必食。😟

真係好食同埋抵食嘅燒肉都好多人介紹過，今次係我第二次再嚟過食啦已經，今次我哋都係食咗燒肉放題，咁佢包嘅嘢食都有頭盤刺身，屬成M5和牛西冷，肉類拼盤，比目魚西京燒同埋有兩隻鮑魚！呢啲嘢食都係行咗每人一份，依家佢哋仲做緊優惠有買一送一！佢哋嘅頭盤刺身都有好多選擇而且種類份量都多，肉類和西冷牛扒肉質都非常嫩滑，燒完出嚟都好有牛肉味！而且都好Juice唔會燒到好乾😙另外比目魚同埋兩隻鮑魚都好鮮甜好香。除咗燒肉set包左嘅嘢食之外，佢仲有好多可以自己叫嘅肉類或菜類，仲有唔少日式食物例如天婦羅等等。我哋就試咗佢哋嘅醬油蟹，燒廣島蠔，扇貝，牛舌等等。佢哋嘅燒廣島蠔10分推介，我哋仲叫多左一次！另外我哋都有試佢哋嘅天婦羅，又食咗炸金菇，蟹柳天婦羅同埋唔少得嘅炸蝦天婦羅🍤雖然係任食但係佢哋嘅質素都唔差，佢哋嘅炸粉唔會好厚，入面又唔會揸得好油！如果大家都鍾意食燒肉就趁佢仲有買一送一嘅套餐去試吓啦，我覺得係幾值得試吓同埋CP值高嘅一間燒肉👍🏻

#八木橋日式燒肉和牛放題嘅日式燒肉🥰提供四種不同價位午市“霞”一送一 而且要晚上六點前離座成人價錢 星期五六日公眾假期 2位只係 $418+41.8*2=502 價錢好抵🤩🤩提提大家要like fb page 及在短片留言“買一送一”先可有買一送一優惠餐廳地方環境舒服 我地點霞 套餐全94品項可選擇 呢到用QR CODE落單 好環保霞 套餐主打熟成M5和牛西冷肉眼 頭盤先，有熟成M5和牛丶刺身拼盤丶鱈魚丶鮑魚丶雞泡魚乾同肉類拼盤 剌身方面 相對普通 食返和牛正d😛牛舌丶牛胸腹丶牛板腱 眼牛味濃郁又唔會膩 油脂均勻 入口軟糯加少許鹽黑椒食就可以濕式熟成牛味濃郁肉質嫩腍推介濕式熟成 M5 和牛西冷😎

旺角既T.O.P商場都開左一段時間，都未試過行曬咁多層，今日同朋友每一層行下，shopping下先😆 行到4樓見到呢間「八木橋日式燒肉」，係任食燒肉放題見到有買一送一優惠，入去食先🤤【霞】$418 @一位有4個套餐，價錢係＄198至 $688平日和假日價錢係有D。呢家【霞】呢個套餐做緊買一送一既優惠，咁有抵既野當然要叫啦！有120分鐘，任叫多款食物包括：豬、牛、雞、海鮮、野菜、天婦羅、沙律等...入座後就有刺身拼盤、一塊M5和牛西冷、牛肋肉、鮑魚、雞泡魚干、芝士雞肉、豚肉、比目魚西京燒，安排好了送上枱。可以即刻食住先，之後先掃個QR code慢慢揀之後想食嘅嘢👍🏽刺身拼盤有赤海蝦，三文魚，油甘魚，希靈魚同帶子，呢５款剌身。餐廳好細心貼左烤燒小貼士，提提燒某啲食物要用幾多分鐘，幾時反一反。M5和牛西冷嘅油脂豐富，牛味香濃，重點係可以無限咁叫， 好正呀!最近去食燒烤好多餐廳都有燒雞泡魚干叫，呢一間都唔例外，唔好燒太耐如果唔係會燶曬食唔到，燒過既雞泡魚干好香口，拎黎送酒簡直一流🤤 瓷壺醬汁牛肋肉 ，用醬料醃製過好入味👍🏽淨係識佢嘅頭盤都已經好飽飽🤣另外用QR code叫咗啲海鮮同蔬菜，啲海鮮

因為放緊暑假 所以想輕鬆下 就去左食燒肉放題 特登簡晏晝時間無咁多人去左旺角top商場 呢間燒肉店 叫左個霞既套餐 因為佢做緊買一送一所以覺得比較抵佢個套餐本身包左D 牛肉 海鮮同刺身原本諗住食燒肉 點知佢個海鮮都好出色個鮑魚好新鮮 燒完仲係好腍 唔會好乾 好好食另外個比目魚補驚喜 佢本身醃料甜甜地咁 幾好味 燒完出黎好滑 不過比較快熟 要小心睇住燒佢另外補一塊M5和牛 好重牛味 有油香得黎 又唔會超肥。呢個仲可以再叫架 其他既肉類一樣新鮮 D 顏色都好靚 絕對唔使驚因為放題就將貨就價 有個豬肉又係醃得好好味呢到選擇多出貨又快 野飲雖然都係罐裝 但同平時出面飲到都唔同既選擇 睇得出都係有放心思再有時間一定再黎 真的值回票價

旺角新開日式烤肉店，就係T.O.P 商場上面，好方便呀，岩晒約埋親戚朋友聚會去食👍🏻店子都算多座位，可以容納多人 。坐得舒適～先嚟送我哋刺身拼盤，都幾新鮮！三文魚腩好肥美！八爪魚同吞拿魚都特別唔錯！烤肉拼盤好吸引！有心機既擺盤👍🏻貴妃蚌，大隻、幾爽口，正呀！鍾意燒海鮮食呢～烤肉既選擇都多，開心！食得幾滿足，好飽肚！牛舌口感正！要加單呀🤣有啲肉都醃得好味，同埋醬汁調得幾好。飲品都有唔少選擇～已經約咗朋友下個月再嚟食😆

早排上網睇到有間八木橋燒肉放題好抵🤩🤩🤩，只要經Whatsapp訂座同埋入座前出示優惠短訊，like 佢哋社交平台專頁就可享有2️⃣人同行1️⃣人免費，今日放假突登同朋友過嚟試下。 總共有120分鐘任飲任食，我哋揀咗「霞」套餐，早3日前訂仲有刺身任食，有三文魚、甜蝦、希靈魚、帆立貝、八爪魚，全部都好新鮮鮮甜，令人回味。 店員先送上頭盤，包括有自家制濕式熟成M5和牛、Mozzarella芝士雞腿肉🧀🐔、比目魚西京燒、韓式瓷壺醬油牛肋肉、米澤三元豚肉🐷，特別一提個Mozzarella芝士雞腿肉，燒完再點少少Mozzarella芝士，感覺個雞肉特別滑。如果無idea點燒，可以睇下貼喺檯側嘅燒烤小貼士，教埋你點樣食同埋要燒幾多分鐘。 食完頭盤，我哋就開始點餐啦，呢度係用QR code點餐㗎，好方便。 牛方面有唔同味道嘅牛板腱🐮，有原味、韓風醬油、山葵、七味辛辣，同埋有濕式熟成M5和牛任加，啲肉味好濃，油花分佈適中。 其他揚物、天婦羅都有啲，例如：櫻花蝦天婦羅、蝦天婦羅🍤、炸蝦多士、吉列芝士等 當然唔少得飲品任飲。🥤🧋 甜品有雪糕雪條，不過啱啱比條柱遮住咗，差啲睇唔到添。😛

今次有朋友介紹黎一間係T.O.P入面嘅八木橋燒肉店，午市任食又真係幾抵，而且食物都唔差。而家仲做緊”霞”套餐買一送一，包M5和牛，真係幾抵食。頭盤嘅刺身相當新鮮，有牡丹蝦，三文魚，帶子，希靈魚等等。牡丹蝦超大隻，啖啖肉。🦐😆😆😆套餐仲包左唔少高級嘅食材，新鮮鮑魚，比目魚西京燒，壺漬牛肋條等。比目魚出乎意料之外好食， 淹得好入味，肉質相當嫩滑。🐟主打嘅M5和牛西冷，肉味比較濃，相當juicy。🐮其他食材嘅選擇都好多，有金菇，廣島蠔等等。依度嘅任食仲係包飲品任飲，款式都幾多。總括嚟講用依個價錢食到咁多嘢，性價比都真係好高。👍🏻👍🏻👍🏻