八木橋日式燒肉

营业中

休息中

一個好差既體驗堅伏，唔會有下次！人均$350，冇乜款揀之餘仲要啲食物質素堅差！甘都唔系問題，出得黎食都預左唔系間間都岩食既，但員工既態度真系好西（馬尾阿姐+中年大叔）講野有骨之餘，仲要系背後推推搡搡，大佬，我有比加1服務費架，叫你黎問下野都甘唔願意，下下要你睇單睇單🤦‍♀️嗌左既野黎到枱面又拎走去隔離枱，人地話唔系佢既先肯拎返黎😩一次送錯就話姐 🤦‍♀️反正就一肚氣！各位去之前真系要考慮下🤦‍♀️

日式放題餐廳在坊間很普遍，以日式燒肉作主打的放題店則比較少有。是日造訪的八木橋日式燒肉打正旗號以日式燒肉作賣點，提供四種不同價位的放題選項供各食客選擇。小編所選的「霞」餐單，以濕式熟成 M5 和牛、鮮鮑魚 (限量) 及刺身作主打，另包 94 款其他美食，成人正價週一至四 $398/位，週末假日及其前夕 $418/位。以正價計並不算便宜，現在 18:00 前離座有買一送一優惠，性價比大幅提升。燒肉方面，小編推介濕式熟成 M5 和牛西冷、米澤三元豚肉及韓風瓷壼醬油牛肋肉這三款式。濕式熟成 M5 和牛雖然不屬高等級別和牛，但仍屬質素不俗的選擇。西冷部位的脂肪比例相對少，肉質更有嚼勁，肉味更易突顯。因牛扒切得夠薄，輕炙一會基本上已可享用，容易保留肉汁。小編試了不同的牛肉款式及部位，如肩頸脊、牛板腱等等，最後還是覺得這款 M5 和牛西冷最好，前後安歌了兩次。米澤三元豚肉由日本直送，質素富保證，加上醃料甜美入味，值得推介！韓風瓷壼醬油牛肋肉以瓷壼盛載，並浸潤在醬油之中。因牛肋肉條相對厚身，需耐心烤製。雖然烤煮時間長，但無減那份鬆軟質感的本質。加上那份濃郁的肉味，成功吸引大家的目光。只可惜韓風瓷壼醬

從未食過一間咁難食既野，千萬不要信話好食既人，員工態度又差，上菜極慢，款式小，肉唔新鮮，十級差，來來去去一種劣質牛肉加唔同D汁就當係幾款比人黎叫，叫左又拖超長時間上菜，量又小，真的十分難色

最近好想食肉😍咁啱見到openrice推薦哩間餐廳，而且午市時段做緊買一送一優惠，所以啦啦聲就book枱衝過去食😘入到去環境好乾淨😉係門口等咗2分鐘侍應即刻安排咗位置比我哋，坐嘅位置都算闊落😚😚一坐低侍應即刻比咗個刺身拼盤同燒肉拼盤，刺身三文魚好新鮮，甜蝦食落去好清甜，完全冇雪藏味最有驚喜係燒肉拼盤嘅瓷壺醬油牛肋肉，勁香，醃得好入味，燒完之後啲牛肉好淋好好味😍😍鮑魚好新鮮，芝士雞肉燒完都唔柴，點芝士醬好夾，一啲都唔膩🥰🥰牛舌，沙嗲蠔，螺肉，仲有其他小食都好好味😚😚😚下次一定會再黎食架

來呢度食飯，原本諗住食午市套餐，但原來佢而家做緊自助餐買一送一推廣，感覺幾抵。佢哋嘅抽風系統做得唔錯，周圍都唔會覺得好多燒烤嘅味道，亦唔會令到成身都有一陣味。一坐低即刻上咗一個特色頭盤，有飽魚、和牛、刺身、牛肋條等。M5和牛大大片，脂肪紋理明確，牛肉味濃。原隻飽魚燒烤都好似係第一次，好在個夥計教我點樣燒，10分新鮮，肉質鮮甜，高質素，下次在屋企都可以試吓咁樣燒。魚片唔知邊個品種嘅魚，但好有驚喜，肉質嫩滑程度有八成銀鱈魚水平，啖啖肉，醃製味道好平衡。睇任點嗰邊，法芥一口牛、青檸汁豚肉拖羅都幾正，我哋都點多幾次。而甜品亦都有水準，朱古力同忌廉泡芙值得食多幾件。

好耐冇食過燒肉放題啦，趁住呢日放假，同朋友出嚟食個lunch放題再去買嘢！八木橋地點方便，就喺旺角mtr隔離嘅T.O.P.入面！另外佢而家做緊📣買一送一📣優惠好抵食呀！我地叫咗<霞>套餐，可以食足120分鐘！有多款燒肉，前菜同小食！仲有汽水/茶/韓式飲品任飲雪糕/韓式雪條/甜品任食！最後埋單一人$240有找，好抵！落單後，店員先提供刺身，及燒肉拼盤。刺身新鮮！燒肉拼盤有：自家製濕式熟成M5和牛，韓風瓷壺牛肋肉，芝士雞腿肉，比目魚西京燒，鮑魚，味淋魚乾，每樣都好有特色！M5和牛，肉味香濃，嫩滑唔韌；牛肋肉肉質較有咬口，食落味道甜甜地；鮑魚肉質爽口彈牙，鮮味！我地仲試咗好多款不同嘅肉類、海鮮、蔬菜、揚物。肉類好多選擇，有牛肩脊肉、一口牛粒、牛舌、牛胸腹、牛板脻、豚拖羅、雞腿肉，仲有唔同嘅口味揀！海鮮有魚/蝦/青口/扇貝/蠔/螺/蜆，食得好盡興呀！小食叫咗天婦羅，熱辣辣脆卜卜！

呢排上網望到呢間餐廳賣廣告，佢哋有個餐午市買一送一！我同女朋友見咁抵，有日中午放假，就特登過去食下🤣佢有4個餐，雪、雲、霞、雨我哋揀左「霞」，本身都成4百蚊/人，但優惠左加埋一後，兩個人先$500都唔洗，其實價錢黎講真係幾抵玩！霞既套餐，本身會包左8樣特色野，再加上雪雲霞既series可以任叫，其實都差唔多有成100種野食可以揀，選擇好多。刺身黎講，色澤幾靚，食落都幾新鮮既到頭盤其他幾種野食上菜~食物質素黎講係幾好，唯一可以改善係隻碟😂um有d一般，可以換隻靚d既上頭盤時，有樣小小既事都令我覺呢度唔錯，服務員好耐心講一講頭盤有d咩野食、做法、或者有咩特別，咁係幾加分~特別有印象既，係醬油牛肋骨，佢既果香味幾重，燒起上來又香又有好好既肉味另外M5和牛更加唔洗多講，牛味濃郁，呢個係好味總體上，野食質素中上，不過叫個時要小心搞清楚1件同1份😂成日搞唔清搞到叫多/叫少左，午市買一送一真係幾抵，值得黎食下！

旺角𝙏.𝙊.𝙋 係行街既新熱點 除左好多鋪頭可以行 仲有唔少餐廳可以選擇 同朋友行街見到4樓依間八木橋日式燒肉 做緊買一送一 就同朋友黎一場瘋狂既燒肉放題放題有4款分別係「雪 雲 霞 雨」我地就簡左$398/位既「霞 」足足有94+品項 包左雪同雲入面既食物 有刺身 海鮮 M5和牛 甜品等等 真係包羅萬有☺️順帶一提 依度係用QRcode落單 快捷又環保♻️ 90分既放題正式開始～先黎刺身盛合 芝士雞腿肉 海鮮拼盤 味淋魚乾 比目魚西京燒 濕式熟成極上西冷 韓風瓷壺醬油牛肋肉刺身都新鮮 無雪味 最推介帶子同三文魚 以任食黎講 質素算係唔錯海鮮好有驚喜 虎蝦好彈牙 黃金螺鮮味十足 鮑魚爽口唔韌 牛油燒廣島蠔同牛油帆立貝都好正🧈燒肉選擇真係超級超級多 一口牛 牛舌 牛板腱 全部都係好高質素 牛味十足 色澤粉嫩脂肪平脂 濕式熟成極上西冷 厚切啖啖肉 岩哂食肉獸們去一戰🥩🐮好鐘意依個比目魚西京燒 連不愛魚的朋友都讚 比目魚肉嫩滑 醬汁開胃惹味 同魚肉配合得天衣無縫！依度仲有冷盤 揚物 沙律 烏冬 炸物同小食 清酒煮蜆🍶同炸天婦羅🍤都係我既大愛飲品同雪糕款式都有好多選擇🙂 絕對令你花多眼亂 臨走記

朋友仔好想食燒肉，見到呢道promotion 2人同行一人收費，一於來試試。首先一讚，店內抽氣充足，天氣炎熱但坐得好舒服座低店員便悉心介紹各種食物和怎樣燒最好，很用心先來頭盤M5和牛+刺身，和牛好嫩滑，好有牛味，果然係招牌菜，我們一共吃了5塊，大滿足，刺身都好食，但不是重點，除非你很愛吃，否則可留肚食燒物。肉類的醃料不太濃味，因為都好新鮮。牛板腱也是另一推介，也是很鮮嫩醬汁方便，他的酸汁好好味，酸度適中，朋友就好欣賞燒汁同岩鹽，話d牛一片岩鹽，一片燒汁咁食最能食出牛味唯一有點不足是店鋪沒有濕紙巾提供，此終吃燒物有點不便，希望下次來會有提供炸物叫左薯角同大蝦天婦羅，全部新鮮即炸，好驚喜飲品都好多選擇唔詳細講，但雪糕推介佢個芒果雪條，味道似芒果布甸好有芒果味，呢餐食得好飽好盡興，下次再來這個價錢有這種質素的食材好低食，二人放題$500有找

最緊八木推出緊優惠, 所以最近成日走去食,【霞】成人價錢 (星期一至四)2位收費 $398+39.8*2=478【霞】成人價錢 (星期五六日，公眾假期及前夕)2位收費 $418+41.8*2=502餐廳地方舒服, 放野食放袋夠晒位【霞】主打熟成M5和牛西冷肉眼, 基本上必番叫嫁啦,燒出黎既肉, 本身肉汁多, 入口易比較彈牙, 肉味偏濃, 唔洗點太多野就咁食都好好味.有時d肉會太油膩,其實如果唔介意點小小飽肚野, 配d飯同麵其實會更好食.中和返油膩巴味道.比目魚西京燒自己覺得比較難燒, 燒上去好易痴底, 之後整到爐黑左, 整體黎講燒到金黃色左右就食得, 唔洗太大火, 西京燒其實配咩魚都好食, 比目魚本身口感都有小小層次感既彈牙, 所以都唔錯,呢到薯角其實係好正, 推薦必試, 因為夠熱辣辣,口感都好好, 外脆內軟, 份量都唔算太多, 食小小過下口癮.刺生呢到黎講算係新鮮, 三文角都彈牙爽口, 但主食都係燒肉好食d.基本上我覺我最重要都係食M5和牛為主, 其他牛都唔算話好特別.野飲選擇反而唔算太多, 尤其有D客唔中意有汽, 可以選擇既比較少.整體黎講做緊優惠期既話比較抵食, 平均250一個.

又到燒肉時間了！友人係燒肉控，專登帶她來食燒肉放題，隨了各種肉類，還有刺身，海鮮，天婦羅....種類多，抵食！刺身不錯，新鮮又肥美！M5西冷，脂肪不多，肉質鮮嫩！醬油牛肋肉夠入味，啖啖滋味！西京燒比目魚最鐘意食，嫩滑惹味。鮑魚是重點之一，軟熟有嚼口。不同味道不同醃料的豚肉，薄燒好味。海鮮有蠔，蝦，帶子...食幾多叫幾多，滿足。蔬菜類不少，有肉有菜，均衡營養。現時做緊買一送一，係社交平台專頁及在短片留言“買一送一”先可有買一送一優惠。預早三天前訂座送刺身任食。小童並不適用買一送一優惠。咁抵食，要介紹朋友來聚餐最啱。

正正位於旺角地鐵站隔離嘅TOP，位置嚟講真係好方便👍🏻 我地揀左「霞」呢個set，貪佢幾乎都可以order到全店食物之餘，價錢亦都係affordable嘅😀 其實今餐overall我都覺得好滿意，食材新鮮，選擇夠多，環境都好好坐嘅，而且燒烤嘅抽風系統都幾好。當中我比較喜歡嘅食物就係比目魚西京燒，魚肉超嫩滑，而且無骨👍🏻韓風醬油極上牛板腱亦都好精彩，肉嫩又帶d肥，油香夠，配個韓風醬油好match 😋刺身方面會特別推薦三文魚刺身同埋馬刀貝刺身，馬刀貝好爽口，我地一共encore左3次😛而炸物嚟講我就最推薦一口芝士，外脆內軟嘅軟心芝士真係令人覺得好滿足，芝士味特濃，咸咸香香，好正😋海鮮嚟講沙嗲燒廣島蠔都出色，每隻蠔都肥嘟嘟，而且juicy😋

今日去了旺角 TOP 行街我們午餐去左食"八木橋"燒肉放題！"買一送一"要之前book 左先可有買一送一優惠架！任食多款燒肉 前菜及小食午市“霞”買一送一食足120分鐘成人價錢 (星期五六日，公眾假期及前夕)2位收費 $418+41.8*2=502#記得要like我地社交平台專頁及在短片留言就有不過要預早三天前訂座送刺身任食🤣😂食物種類都好多！有沙律，魚生，天婦羅，燒肉，甜品......我們點了"霞"一開始會上了一些食物，M5 和牛，比目魚，牛肋條，鮑魚，扇貝......總結味道不錯！牛好香！M5和牛肥瘦剛好，肉味香濃！服務好好！價錢好抵！買一送一！😍😍

這天因為工作的關係，前往了旺角，餐廳位於旺角鐵路站的旁邊新型商場之內，絕對是 一個新的潮人熱點，餐廳主打的也就是燒肉配搭日式放題，而我當中最欣賞的就是他的放題， 選擇眾多，性價比極高，另外燒肉方面，也是超水準表現， 選擇眾多，最重要有少見的熟成牛，這樣已經令我喜出望外， 牛味香濃，最重要脂肪分佈比例平均， 加上價錢方面，我會形容他為冠軍級水準，性價比之冠， 全因為平日星期一至星期五，正在進行買一送一大優惠，和朋友一同前來，兩個人進餐只需要一人收費。

放假同朋友出旺角掃街，但並唔係食嘢，而係買動漫公仔🤣。行程超緊湊，所以喺出動之前先要食飽飽，朋友想食燒肉，於是我哋就去咗T.O.P嘅「八木橋日式燒肉」食晏。只要預先訂座以及喺社交平台讚好同留言，凡於午市時段惠顧「霞」級別嘅套餐就可享買一送一優惠🈹，計返每人大約$240，任食嚟講算正常價。季節の刺身盛合 🍣，刺身包括三文魚、吞拿魚、珍寶帶子、甜蝦、𩶘魚以及希靈魚。魚片類嘅每款有四片，份量多，兼係厚切。如果早三日訂枱就連刺身都可以任食，不過而家呢個盛盒都好夠。濕式·熟成M5和牛西冷及比目魚西京燒，呢兩款係套餐嘅前菜之一，即係唔使落單都會送上嚟。前者可以任嗌🥩，西冷有一定厚度，牛味亦較濃；而後者就一人只得一件，相當矜貴。比目魚好高質🐟，加上我燒肉技術高超嘅關係，魚扒好似鐵板燒師傅整嗰啲咁好食😋。魚肉油香滿滿，調味有料到，肉質嫩滑，皮脆。套餐仲附有鮑魚，雖然唔大隻，去殼後變薄，但味道唔差，口感好爽，一啲都唔韌👍。肉類拼盤包括韓風瓷壺醬油牛肋肉、米澤三元豚肉以及Mozzarella芝士雞腿肉，另加雜菇同南瓜。牛肋肉如果單點要$48㗎😱！上述項目係前菜部份，其實幾搞笑，咁多嘢食都叫前菜，哈哈😜。可