八木橋日式燒肉

营业中

休息中

早幾個月前有朋友介紹我黎呢度食，但一直太忙又加上疫情唔敢出去食，今日終於有時間book枱試下呢間燒肉放題啦❤️前菜都係仼叫，我叫左我最愛既味付螺肉同中華沙律，兩款都好好食😋食多幾碟都唔怕多謝店員既溫馨提示: 烤肉之前先用牛脂肪塗抹網，咁啲肉就唔會黐底，肉質鮮嫩油脂平均，每一啖都係享受😎烤好之後點醬汁食就可以了，心水推介係牛肋肉，口感極佳，肉味非常突出，原味加少少鹽已經好好食😋點醬汁又係另一番滋味我地平時食燒肉好少會叫多春魚，因為燒完好易爛，但今次試下用店員提供既tips燒，真係唔會黐底，魚皮燒到好脆入面啖啖肉😚朋友果然無介紹錯，呢間八木橋係我燒肉放題店既Top3之一，值得推介比同事朋友過黎試😋

今日又黎旺角搵食，搵到呢間日式燒肉，餐廳位於旺角彌敦道700號T.O.P.商場四樓既八木橋燒肉放題，燒肉放題黎講食物種類同選擇都幾多，CP值高，價錢合理，套餐仲包埋飲品同甜品無限追加，而且你要靚牛都有得揀，真係唔錯👍🏻店內好闊落，兩個人都可以坐卡位夠哂舒服，個爐火力好夠，旁邊仲有醬汁同岩鹽、黑椒仼加，抵讚💯野食方面，我地叫左特盛熟成燒肉盛，一黎到見到雪花都幾靚，素質都幾好😎和牛好快熟，輕輕燒過兩邊，咬落牛味好突出，個人覺得只係加岩鹽去燒都已經好好食，牛油藍青口會連一個小型鋁盤一齊上，就咁放上爐到加熱就可以將牛油燒溶，真係幾好食😋

入到餐廳見到環境幾闊落，乾淨企理，梳化位感覺好舒服，食物上主要食燒肉放題，分左四個價位，我地今日揀左M5和牛仼食燒肉套餐，餐牌既肉類都好多選擇，淨係牛肉都有多款唔同部位，職員都有推介我地有邊啲好食，先上左一塊和牛西冷扒燒住先，職員好細心介紹點燒同要襯邊隻醬汁，呢度既西冷扒係厚切同比較大塊既，所以燒既時間會比較耐，燒到medium rare咁既生熟度就最好食😋食落口肉汁豐富，好重牛肉既香味唔食牛既朋友豬五花腩都唔錯，雖然呢度主打和牛燒肉，但唔食牛既朋友都有好多選擇，有五花腩、餐肉、台灣腸等等，食到咁上下叫返啲蔬菜中和返就最perfect💯總括黎講，職員服務態度好好，環境裝修得簡潔，食物質素高上，好值得再黎，眼見好多枱都慶祝生日，絕對係一個慶祝既好地方！❤️🔥

90分鐘餐，坐底點野食，頭轉都未到齊就拎單比你話last order, 同佢講唔係90分鐘咩，岩岩半個鐘未夠，佢答你一句：係呀最後15分鐘落唔到單架。好啦算啦照食，尾10分鐘開始催你夠鐘交枱，一共4次。以為好多人等位咁算啦，起身見半間鋪冇人⋯⋯🤦‍♂️

成日覺得人係貪心既動物，又想要A但又唔想無左B，真係想講句Why not both?所以近年都興起放題呢個概念，同自助餐都好類似，都係一個價錢仼食，放題形式比自助餐更加方便就係唔洗自己出去拎，用手機落單㩒幾個掣食物就送到你枱上👍🏻香港多左好多燒肉放題店，淨係講旺角區都有好幾間，點先為之一間高質放題店呢？我認為首要條件係多選擇、高CP值既肉品質素同進食既時間，今日去到旺角TOP商場入面既八木橋日式燒肉食個痛快😉今晚我地叫左 “雨”日本和牛燒肉套餐，有齊A4佐賀和牛、濕式熟成M5和牛西冷、和牛薄切同四式和牛拼盤，就以A4和牛為例，入口即溶，滿口油香，肉味都好濃，絕對係整個套餐既回本位💯店家將海鮮放上錫紙兜上面，直接放個兜去燒烤網度燒，可以減少海鮮於燒烤時蒸發過多水份，最後食埋杯haagen dazs雪糕就心滿意足啦😍

近排疫情好咗，終於可以放心食燒肉放題，今係日八木橋日式燒肉有買一送一優惠，梗係唔可以放過！😋 平日嘅lunch唔算好多人，兩人都可以坐非常寬敞嘅卡位, 而且成間嘢都唔覺有油煙味，私隱度又高。我們這個買一送一套餐呢一開始會有一個特色頭盤，枱邊也有貼了各樣頭盤食物的煮法建議, 很貼心。M5和牛西冷- 油脂分佈一眼望落去都唔錯, 肉質都一樣唔錯，重牛味。 芝士雞腿肉- 煮法先放裝了芝士絲的錫紙， 然後燒雞腿肉, 再將熟的雞肉沾落啲芝士到, 一夾起可以拉長長的芝士絲， 100分之作，encore了兩次。三元豚肉和鮑魚 - 豬肉比到驚喜，鮑魚質素都唔錯。比目魚西- 肉質好鮮嫩, 有一驚喜之作，但好易燒燶，要小心燒。飲品的選擇也有很多，推薦冬瓜茶👍全程上菜速度都好快，around 5~7分鐘上到菜, 也沒有漏單👍🏻

應該是第1次寫食評，因為真係伏得好緊要，不吐不快！佢有4種放題選擇，我地揀的每位埋單要$350, 寫明係和牛。入座時前台態度已經麻麻地，對眼冇望過我地，只係機械式咁講左一堆野。坐低用電話點餐，選擇少得可憐，牛肩牛舌都分左原味，芥辣，韓式，7味粉4種，老實講我食唔出佢地有咩分別，所謂芥辣味仲要只係喺面頭加d 芥辣醬，但係咁樣加埋就話有8類牛選擇，好取巧。最最最重要係，所謂和牛同普通牛冇分別，即係一上枱你唔會覺得佢係靚牛，紋都冇條，完全冇心情影相。其他飲品雪糕都係最cheap嘅楊協城同牛奶公司，我冇食到。總括嚟講，兩個人比左$700,只係食左一堆肉落肚，塞飽個胃，叫做買個教訓。

好耐冇食日式燒肉，見到TOP呢間八木橋好似好正，於是決定試試佢個放題😆頭盤都好豐富，有鮑魚、味淋魚干、比目魚西京燒等等，鮑魚好正，煙韌有咬口；魚干燒到香口，好正啊😝叫咗放題—霞，肉類、海鮮選擇都幾正，M5和牛西冷真心好正☺️，油脂分布好正，油香十足；mozzarella 芝士雞腿肉都不得了，雞腿肉雪白嫩滑，配搭埋半融嘅芝士真心絕配😚另外配料選擇都好多樣，最鍾意多春魚、清酒煮蜆，鮮味十足，熟食同甜品都正，一口芝士、Haagen Dazs 雪糕都係放題必食😝so happy ✌🏻飲品選擇都足，基本配套coke同雪碧，但我最鍾意雨前龍井同烏龍茶，解膩一流🤩

疫情緩和終於可以放心多啲出去食，預先經openrice訂枱星期五六日指定時段可享有85折❤️今日同男朋友過黎食，叫左個中價位既套餐，所以我地就揀左「霞」燒肉套餐，主打熟成M5和牛燒肉盛，食物種類多達94品，餐廳設有自助醬料區，有燒肉汁、酸汁、辣汁同七味粉，揀好左食邊款套餐就見到好豐富既頭盤濕式熟成M5和牛西冷: 全港首創濕式熟成M5和牛，是指把牛扒放在特殊的隔離袋中進行濕式熟成，以確保14天的產品成熟，肉汁豐盈，肉質亦保持嫩滑🤤鮑魚: 原隻鮑魚厚肉飽滿，火灸過後帶有焦香，好新鮮，食落好有咬口口感緊緻。味淋魚乾: 煙煙韌韌甚具嚼勁，配上特製醬油，唔會好腥比目魚西京燒: 雪白的魚肉配上自家調製甜甜的西京燒醬油，醬油可以提升魚既鮮味，啖啖肉既比目魚好嫩滑😍肉類除左有牛肉之外，仲有大大件既羊架，燒羊架唔會好羶，幾好食牛肉方面我地叫左牛肋肉，M5和牛西冷都幾大塊，仲有男朋友最愛既日本蠔，絕對值得回訪既燒肉放題❤️👍🏻💯

終於黎到呢間日式燒肉放題店，見咁多人推介過都好期待～～❤️❤️❤️今次揀左個中價位既燒肉放題套餐有82+款食物仼叫，雪糕飲品仼食仼飲，超豐富！店員先送上一份限定頭盤，比目魚西京燒好驚，入口帶甜，肉質嫩滑，食多幾件都仲得😋仲有送酒一流既味醂魚乾，輕輕一烤已經好惹味❤️熟成和牛西冷兩邊燒香之後，只需灑上少量海鹽已經好正😚😋多春魚都好好食，煎香左魚皮一咬落去feel到啲魚子跑出黎😉簡直係味覺既最佳享受天婦羅亦係即叫即製，炸餃子棒超正soyummy😋絕對係誠意之作😎

返新工之前要比自己放個假期休息下先，最好就係約返朋友食返餐好既，佢地揀左呢間位於旺角既八木橋日式燒肉‧地鐵站一出就見到個商場，上到四樓就見到，地理位置黎講都幾方便，餐廳光猛坐得好舒服👍🏻👍🏻今日我地嗌左”霞”套餐，食足120分鐘！肉類方面大推牛舌同肩脊肉，其實雞肉、雞翼同五花腩都唔錯，跟返店內指示燒咁就唔驚燒燶啦，食到咁上下仲可以叫啲泡菜清新一下口腔，或者叫生菜包住燒肉亦得🔥🔥飲品方面最特別莫過於荔枝水，平時多數都係見到汽水或茶，第一次見呢個荔枝水，又幾清甜同燒肉好夾💯😋😋

又到左食燒肉既季節啦0.0之前帶朋友講起有間燒肉好值得去食...仲要係全港首創仼食濕式熟成M5和牛燒肉...所以今日就搵埋朋友一齊去👫聽佢介紹成個套餐有齊肉類、海鮮、即炸揚物、天婦羅、前菜、沙律、甜品等，飲品同甜品都係仼食...咁吸引即刻燒著我🔥坐低揀好食邊個套餐之後無耐就會見到個頭盤放係你眼前...都係套餐入面比較多人叫既hot items....咁就唔驚miss左人氣推介必試既野食啦...食左一round之後就可以用QR code點餐💯牛肉方面牛肋肉、牛板腱都好濃牛味，頭盤率先試左佢地既韓風醬油牛肋肉，比較濃味，重口味人士必定會再encore😍😍小食方面要讚下佢個餃子棒，果然係即叫即炸，上到枱仲係熱辣辣，正！😋呢個價錢食到咁有份量又咁有質素既燒肉放題，你又點可以錯過呢？😎

食物種類少又唔好食🤮飲品都係比較唔吸引的牌子 （洋x城）🙄醬汁又少選擇又無味漏單加上菜慢，得90分鐘真係攪唔掂💥甜品得一款係比較好味💔通風又差，上巴士差點被歧視，返到屋企洗了兩次頭🥵最重要服務態度，得60分鐘可以落單，90分鐘一定要走，否則要再俾錢（明明好多吉位，同埋我都係清埋枱上嘅食物）令人激氣。🤯其實300幾蚊，我加多少少可以食自助餐。唔洗受佢氣～真係無下次同埋我會帶眼睇食評先book位🤢其實佢咁樣會令我覺得全個商場的舖頭都係伏，唔敢再去這商場食嘢

開post係唔想有人中伏 免費都唔會想去1. 食物份量質素真係好麻麻 每樣野都好少 女仔去食都會唔夠飽 而且quality真係好普通 唔值e個價 2.上野食超慢同點完1次等好耐 西利 賺錢都唔該有番d良心 果碗"日本南瓜"黎果陣仲要滿滿cover住d貴既肉 我黎係食野唔係同你尋寶 未見過上碟上得咁有趣 d甜品真係個樣都唔吸引 有d似塑膠demo食物 放埋落口真係搞吾掂 可一不可再3. 選擇好少 應該得牛同雞 用醬汁配搭2樣變10樣 你咁玩法 你之後可以標榜自己係最多選擇既燒肉店4. 服務態度真係有待改善 肉未燒 但係服務員塊面已經好似燒燶咗咁 利申咩都無做過 食左無耐就last order 都好驚我食窮你 係咁煩住你 食都唔安樂 比錢買難受 仲有你個燒盤古董咁既款 唔該你比下錢upgrade下 d肉點燒都係黏底 真係食條鐵 5. 環境衛生同通風差 食完成身好大味 你間野地下好多個位都好黏 d黏度拍得住d甲甴屋 麻煩你勤力d清潔下寫咁多字真心希望唔好有人中伏

為咗話比大家知有幾中伏🤮🤮🤮 今次係第一次寫食物種類少 已經唔係揀最平個個 牛得3款 但分左9款 因為唔同汁 (好似)好多選擇咁 海鮮得多春魚同青口食物質素差 除咗頭盤無得refill個幾舊之外 其他真係可以同漢x相比 甜品 見到都唔想食衛生環境差 行入去已經覺得好油 抽氣又差 食完成身好臭 成個人好似變左舊牛肩肉咁行返出黎😵‍💫服務一般 得2位侍應 態度仲需要改善性價比極低🤢呼籲大家識睇 一定睇負評絕對無下一次！😵‍💫😵‍💫😵‍💫