八木橋日式燒肉

营业中

休息中

旺角行完街梗係要搵好嘢食啦，呢間和牛燒肉放題係我心水推介！佢哋啲黃牛真係好鬼死正㗎😁我哋睇完之後就覺得套餐「雲」已經好夠我哋食，但係食物款式已經有82款，真係逐樣做樣嗌都有排食啦😁😁呢個套餐有個頭盤，包咗Mozzarella 芝士雞腿肉，韓風瓷壺醬油牛肋條，米澤三元豚肉等，仲有就梗係濕式熟成M5和牛西冷，快西冷啲顏色勁靚，上到枱都同佢影咗幾張合照，哈哈😍重點係呢幾款肉嘅肉質都勁好味，真係唔捨得咁快就食晒佢🤣不過食完都唔緊要因為個套餐仲有其他肉類選擇，嗰啲牛舌同埋牛肩肉，仲有豚肉同雞肉都好好味，每款燒完都好juicy!!!食完肉類就食下其他燒物，例如洋蔥，多春魚，虎蝦，廣島蠔😳仲有餐前小食，中華沙律，螺肉等，真係滿足晒我哋唔同嘅口味🫣最後梗係探埋佢嘅甜品同雪糕啦，食飽就帶埋啲戰利品返屋企啦🤤

自從禁左晚市堂食一段時間我地都無乜出過去食飯，但見到朋友推介呢間燒肉放題，好耐無出去堂食同食日式燒肉既我決定約埋個食肉獸朋友出山食飯😋👫朋友好鍾意研究煮野食，所以帶佢黎就無錯❤️對住每款食材既煮法都好講究，例如燒幾耐呀，落唔落調味料等等，我今晚就坐定定睇佢表演😎M5和牛西冷大大塊，先燒左有肥膏嗰面熱一熱個爐先，每邊燒兩三分鐘就食得，食落啖啖肉，肉汁豐富，一流🔥豬五花腩肥膏較多，燒嗰陣要好小心，否則好容易搶火，燒到咁上下中場休息嗰陣可以食天婦羅同燒下啲菜清下口腔入面肉既濃味，朋友都話呢個燒肉放題CP值高，下次要再encore

老公帶我黎食高質燒肉嚟慶祝我哋嘅結婚周年🎈浪漫欠奉但食物質素夠，算佢啦😊老公話難得食好啲就揀咗個「雨」，有成110款食物，真係每款叫一次都有排食😂頭盤嘅四品和牛燒肉盛，香蔥薄切和牛同A5和牛西冷，食完都驚嘆❗️點解可以咁好味😋另外嘅比目魚同韓風瓷壺醬油牛肋條都好加分🥰而個味淋魚干燒完之後用嚟送野飲一流呀不得不提佢哋嘅海鮮，包括鮑魚同埋虎蝦，兩款好高質，再嚟係日本帆立貝加廣島蠔😊餐廳仲有好多款嘅咋嘛，天婦羅，甜品同雪糕，今晚食得好開心，Happy anniversary to me😘

我哋今日特登出嚟食燒肉放題🤩我哋期待已久㗎啦，因為呢間上網睇到啲相好正，搞到立即要預約黎食😳今次有大食大😂我哋揀咗個雨（Rain)套餐，果幾款頭盤和牛真係食到我哋嘴舐舐😋包括四品和牛燒肉盛，香蔥薄切和牛，A5和牛西冷，呢啲和牛水準勁高，油脂分布勁靚👍🏻咪講笑，真係入口即化架🤤另外仲有幾款韓風瓷壺醬油牛肋條，米澤三元豚肉同Mozzarella 芝士雞腿肉都好正，但我心目中依然係和牛盛🤩食完頭盤再叫其他牛舌同牛肩肉燒😍已經好飽啦！今次真係肥都抵啦😂

燒肉不嬲都係我至愛，今日同朋友嚟食呢間燒肉放題，就係睇中佢有得食和牛😳仲有任食牛舌同牛肩肉，單係呢兩款食幾轉都翻本了🤩🤩我哋揀咗霞呢個set，佢嘅頭盤全部都好吸引，佢有鮑魚，比目魚西京燒，Mozzarella 芝士雞腿肉，味淋魚干，韓風瓷壺醬油牛肋條，米澤三元豚肉，呢啲全部都勁高質，但係都比唔上呢個濕式熟成M5和牛西冷👏🏻super crazy yummy🥹點解咁好味😋牛味重得黎又有啲油脂，好好食！另外嗰個牛舌同牛肩肉都好那正🤣佢哋各自都有幾款未包括山葵味，辛辣味，原味同醬油味，必推係隻醬油味❤️個set仲有其他海鮮，例如虎蝦、帆立貝、廣島蠔等，又有唔同嘅炸物、天婦羅、小食😎最後食埋個哈根達斯雪糕，無得頂！

今日喺旺角呢一個美食聚集點搵到呢間和牛燒肉放題🤟🏻上到餐廳門口已經見到好多人排隊入座，見到咁嘅場面應該冇有怕啦😳原來燒肉放題分咗幾個等級，我哋最後叫咗個雲嘅set💪🏻因為好似睇落最抵食😋食到我嘅和牛西冷，又可以追加海鮮同其他燒肉，唔錯唔錯😊嗰塊和牛西冷，肉同脂肪嘅比例好完美，分布又均勻，就咁睇都知道燒出嚟一定好味😋結果真係冇錯！個比目魚西京燒本身已經調咗味，燒完啲魚油標晒出嚟🎉 韓風瓷壺醬油牛肋條又係有啲牛脂肪，可能我嗰條特別肥美，燒完放入口即化😳然後再追加牛舌、牛肩肉、蜆、帆立貝、廣島蠔、虎蝦、炸蝦天婦羅、羊架。。真係堅飽。食完就要滿足個甜品胃，再食甜品加雪糕🍦今日真幸福美滿！

呢間餐廳喺旺角開咗之後就勁多人推介，我都唔執輸過嚟食下先🤤食完之後，果然唔錯！唔怪得咁多人排隊食啦😊餐廳提供幾個款式嘅套餐，我哋就揀咗個中間價位嘅”霞”套餐，超正喎🫣尤其個M5熟成和牛西冷，牛肉味勁濃，有少少牛脂肪痴住，好似啫喱咁，肥都肥得抵呀😂然後個頭盤仲有鮑魚，比目魚，米澤三元豚肉，韓風瓷壺醬油牛肋條等，全部都好好味😋特別要提個牛肩肉有幾款味👍🏻尤其隻山葵味，好味道！然後仲有其他類型嘅海鮮譬如帆立貝，廣島蠔，青口等等😚炸物又有，蔬菜又有，種類繁多，最後最後仲有甜品雪糕，真係飽到好滿足👏🏻

今日黎到呢間日式燒肉餐廳🍴黎慶祝生日🎂餐廳地點簡直無得輸🫣方便就腳！而且餐廳坐得舒服，地方又闊落😊食都食得開心啲！呢度啲燒肉無得頂，特別係個濕式熟成M5和牛西冷🤤燒到勁香一放入口啲肉汁噴出黎😋仲有唔同味道嘅牛舌，全部都好正！出面叫一多碟都肉痛，呢度可以任食牛舌真係好爽😄而個Mozzarella 芝士雞腿肉可以自己加減cheese ,唔錯呀！呢個韓風瓷壺醬油牛肋條又係勁正😃個餐仲有虎蝦，帆立貝同廣島蠔😋虎蝦大大隻，啲肉好彈牙🫡仲有個羊架，蘇得來又好鬼死惹味。、燒完食飽就食哈根達斯雪糕😳成件事超正！

🥲是日小妹同朋友打算吃燒肉放題，就去T.O.P揀下。睇到間八木橋，即刻上openrice search下食評，好評超過400好似好掂甘啵，所以就決定光顧。價錢由見到價錢由200up 至1100，真係豐儉由人。我地最後揀咗「霞」套餐，因為有m5和牛西冷同羊架任食。但食左第一輪肉就覺得，性！價！比！非！常！低！頭盤肉上場，有鮑魚，比目魚，雞泡魚，一堆豬肉，m5西冷同一串韓式牛肋肉。 首先讚下個比目魚真心好滑好食…..但係其他就….超！級！普！通！首先講下和牛，有牛味但無論燒幾成熟都係好靭，揀「霞」就係為左塊牛，但甘難咬真係唔想再叫，虎出嚟。然後到個韓式牛肋肉，同樣有牛味但咬唔開咬唔入，以為軟淋淋其實咬到牙齦痛。第二輪肉上場，點左啲醬燒肉，牛舌，一口牛，羊架，睇落都幾惹味，但虎！個韓風醬牛肉勁咸🥲 ，個芥末醬牛舌勁怪，真係喊出嚟。羊架係羊骨扒，一口牛，同樣又係咬唔入。😂好搞笑既係，呢間唔係日式燒肉？點解啲醬係韓式，😂啲基本日式醬呢？沾醬有燒肉汁有醋有辣椒粉，um隻辣椒粉味道令我唸返起係東門食燒肉串既味道。但個醋唔錯既，幾解膩。然後再叫左堆廣島蠔同埋虎蝦，蠔就不過不失但隻虎蝦應該未大就比人捉左

用餐日期：2022年6月 下旬 晚餐地點：T.O.P餐廳：八木橋日式燒肉同朋友心血來潮係旺角想食燒肉 但事前無特別Book枱 打開Open Rice 見到呢間餐廳 就一於去睇下咩環境星期6 7點半去到 繁忙時間竟然唔洗等位睇下Open Rice d 食評400幾個讚 都覺得伏伏地諗住叫個貴d 既燒肉Set 應該點都無死既而且咁夜 唔想再行再搵餐廳 就一於試下點知就出事啦！！！！！！餐點：霞價錢：438$ + 1呢個Set 叫做第3貴 食完我會覺得180$ 都唔值個餐有M5 和牛任食 一上菜errrrr 大家睇圖就知438$ 既和牛 毫無雪花可言燒完硬到 勁難咬開其他肉就更加唔洗講成個Set 無一樣野好食都有既 就係唯一果杯 Haagen Dazs 雪糕好食囉食完覺得個Set 180$ 都唔值餐廳環境：一般放題樣 衛生情況一般 總覺得周圍油膩既感覺餐廳服務：侍應無咩禮貌呢個價錢係旺角一定搵到間更好質素食完即卡後悔 早知去Pizza Maru食仲開心永久Blacklist 呢間餐廳 唔明點解做未執一堆打手比好評想試既 可以慳番 唔係盞激到自己成肚氣留意番 我剩係Upload 左M5 和牛

和牛燒肉呢間餐廳嚟講算係性價比極高！仲要係旺角，地點極為方便！餐廳環境好闊落，枱月台之間都有啲距離，坐得好舒服，嘢食上台速度都好快，唔會要等好耐，呢個值得讚🥰員工都好用心咁介紹食物同餐牌👍🏻睇見餐牌有幾個唔同級別嘅套餐燒肉，我哋就揀咗霞呢個套餐，其實已經好足夠，食物種類高達94款❤️落單之後，唔使一陣間已經送上呢個套餐嘅頭盤，包括有濕式熟成M5和牛西冷，鮑魚，Mozzarella 芝士雞腿肉，韓風瓷壺醬油牛肋條，米澤三元豚肉，比目魚西京燒同味淋魚干，M5和牛西冷唔使講啦，正到冇得頂！但原來個醬油牛肋條同埋個米澤三元豚肉都好正好食😋食完頭盤個套餐仲有其他燒肉譬如羊架，牛舌，牛柳粒，牛肩肉，虎蝦，廣島蠔，帆立貝，青口等等，鍾意食海鮮嘅人都照顧埋👍🏻當然放題少不免就有勁多雜物，天婦羅，小食拼盤，甜品同雪糕，真係食到滯一滯呢🤣

疫情緩和之後，立即約朋友食飯！呢間燒肉放題想食好耐啦，成日俾佢嘅和牛吸引🥳今日終於嚟到食啦！好興奮！我哋今日挑戰呢個叫做雲嘅套餐，食物款式高達82款，咩都有齊，真係想食咩都有咩❗️套餐頭盤有濕式熟成M5和牛西冷，米澤三元豚肉，韓風瓷壺醬油牛肋條，Mozzarella 芝士雞腿肉同比目魚西京燒🤤果款M5和牛西冷好正，燒完啲肉質都係咁鮮嫩多汁，而個牛肋條調味調得好啱我口味😃而芝士雞腿🍗肉又係好嫩滑，加埋芝士一齊食，無敵好味😋另外嗰套餐仲有得任食牛舌、牛肩肉、牛柳粒、羊架、海鮮、炸物、天婦羅、蔬果、甜品同雪糕，真係好豐富呀😊😊

仼食燒肉放題真係愈開愈多，之前同朋友行開旺角發現喺TOP商場四樓有間日式燒肉放題，而且性價比都高，於是約埋朋友去試下，除咗仼食燒肉，熟食、甜品同飲品都係無限追加！燒肉方面其實主力食牛都已經回本，醬汁都多選擇，平時出面多數只係得鹽、胡椒同燒肉汁，呢度多好多款，燒肉控可以一次過試哂咁多款醬汁，正呀！豬肉方面我地就叫左五花腩，燒完之後用生菜🥬包住泡菜食就唔怕漏啦😋食到中段可以叫埋前菜，例如味付螺肉同中華沙律🥗仲有即叫即炸既天婦羅同揚物，燒肉控表示下次定必再回訪既燒肉放題店❤️

同事升職請食飯，呢餐燒肉真係冇得頂！任飲任燒任食🤩全部同事都食得好high😳呢間餐廳地方夠大，坐得好舒服，侍應姐姐又好禮貌，上食物嘅速度又快，全部都好抵讚👏🏻我哋揀咗霞呢個套餐，頭盤一黎有哂濕式熟成M5和牛西冷，比目魚西京燒，鮑魚，Mozzarella 芝士雞腿肉，味淋魚干，韓風瓷壺醬油牛肋條同米澤三元豚肉🤩🤩和牛西冷無得輸😳我果塊靚到不得了❤️鮑魚勁新鮮，燒完勁彈牙！而個比目魚西京燒啲魚油好正🤤其他仲有海鮮，炸物，天婦羅，羊架，廣島蠔，帆立貝等等，燒完再嚟多幾杯雪糕🍦，真係超飽超滿足😍

男朋友放工話帶我去食好嘢，結果黎左食燒肉😍勁開心呀🥳呢個燒肉店係旺角top商場，地點非常方便。重點係啲食物好高質👏🏻侍應服務態度又好好！我哋左揀右揀終於決定食-霞🤤興奮仔，一見到個頭盤上已經嘩嘩聲🤩果塊濕式熟成M5和牛西冷靚到不得了😋一睇就知燒完勁好食😋而個米澤三元豚肉又係勁正喎🎈啖啖肉嘅感覺真好！而個韓風瓷壺醬油牛肋條嘅味道好岩我口味🥳而且大大條，好正唷😍再推薦個味淋魚干，燒完卜卜脆，無論送酒定汽水🥤都咁正👏🏻高質燒肉餐廳下次再黎食先。