倫哥火鍋私房菜 (已結業)

朋友吃過後極力推薦既店鋪，開頭我地都冇特別感覺，驚希望愈大失望愈大阿嘛。樓上鋪比想像中大 坐得舒服啲，而且入面仲有房仔 可以比一大班人黎食方便聚會。一開始佢就比左兩隻大閘蟹同鮑魚仔 做頭盤？好有豪華既感覺不過原來蟹得十月至十一月限定有~之後雞煲點左小辣，啲香料都比較濃同惹味。店員仲話要炒三次（佢地都會大約留意著幫手），等雞味可以更加特出。但我同朋友掛著傾計 吾小心整燶左少少，即刻唉左聲。點知食落又無咩野，表面微焦仲香口左~送飯食一流阿 仲食左好多洋蔥後來加埋魷魚牛柏葉等，好爽口！(有種食緊小販串燒果啲風味)雞煲之後可以打邊爐，仲係成個煲會換左佢，平時出面食有幾可會甘(通常係一煲過搞掂)我地簡左龍蝦湯底 入面真係有原隻(龍蝦先生都幾大) ，夠曬鮮味，配料有好多 有啲再點要加少少錢，但大部份都係任食。生蠔、蝦、魚、蟶子 等等 全部都一流，食得出好新鮮 。(重點係份量都好足下)一上檯眼都發光~好流心架！小心燙親口~仲有招牌手打墨魚丸、蟹籽丸 食吾厭，之後甘上下叫個烏冬~讚歧架 配依啲濃縮湯底 好滿足！另外，值得一讚係魚滑，誇張黎講係食完皮膚都白滑啲，嘿嘿。而且係吾限時間，想食飽抖陣之後再戰又

早已聽過倫哥呢間餐廳，但一直未有機會試，前排朋友生日，決定拉大隊去試試，真的有驚喜！$278加一任食，首先有個雞煲，個味岩岩好，加埋牛柏業、豬皮一齊煮，吸盡精華！好少食大閘蟹，唔知係咩貨色，算係過下口癮啦，哈哈！輪到打邊爐時間，又點少得海鮮？算係新鮮！肥牛唔係肥到入唔到口果隻，但唔算超級上等牛肉，一般啦。仲係飲品任飲！$300左右，食物咁多款式，一次有幾種享受，值得一試！🎂🍾

聽說倫哥九龍分店 ， 長期排曬大長龍，晚晚爆滿 ，趁元朗分店未有咁多人知，唔使迫餐懵，拿拿林約返幾個朋友一齊去食 真的假不了假的真不了278蚊一位無限時任食，真的嗎？淨係睇個餐牌， 真係抵到冇朋友。 酸梅湯， 汽水是無限飲的 先來個中麻辣雞煲， 香口惹味，熱辣辣痛快得很， 一行四個人唔駛一陣已經清左個雞煲喇。 水魷豬皮牛柏葉， 係畀你食完個雞煲後撈落去食， 就好似街邊車仔檔咁 辣汁串串，超風味 跟住就係鮑魚，一人一件過下口癮 再嚟就係一人一隻大閘蟹，雖然平時我淨係一個人要食三隻，不過今日有咁多嘢食，仲要超多膏，一人一隻已經覺得好足夠好開心。 食完個雞煲後，收起咗，再嚟就係原隻龍蝦湯底打邊爐 ，即時變咗另一番風味，感覺就好似食咗好多款不同嘅食物。 好細心嘅海鮮拼盤喔！ 四個人 每樣食物都與四份，唔會唔夠分。 大蟶子，象拔蚌，鱔，鮮脆鯇片， 龍躉 ，花甲，生蠔，大蜆， 新鮮美味 ，真係每人每樣一份都已經飽曬。 除咗海鮮湯底再加海鮮拼盤外仲有 新鮮手切牛 同埋（其他丸餃類，墨魚滑，炸響鈴 呢幾款就係任食嘅） 最後再奉上蛋白燉燕窩非常完美滿足

天氣開始涼，最啱打邊爐。倫哥私房菜聽就聽得多，聽聞好難book位。朋友仔一早搞掂，誓要帶我地一嚐。$278呢個套餐非常抵食，齋睇都已經流晒口水啦。太湖大閘蟹又到食大閘蟹嘅季節，我哋又點會執輸呢。大閘蟹係10月同11月嘅限定食品黎架，要食就趁早喇！唔算大隻，不過D蟹膏都算唔錯，夠晒香。食大閘蟹最鍾意嗰種漿口嘅感覺，呢隻完全做到！蠔皇扣鮑魚鮑魚細細隻，一啖一口。勝在忟得夠腍夠入味。招牌雞煲呢個雞煲唔講得笑，上枱已經香氣四溢。店員話因為用新鮮雞整，所以要煮多8分鐘先至可以食用。期間不停幫我地攪拌，確保唔會黐底同埋夠晒熟。我哋叫咗小辣，味道啱啱好，而且夠晒入味，雞肉比例都算多。之後我哋再加左啲魷魚、豬皮、牛柏葉落埋個雞煲到一齊煮。呢三樣食物都超級吸味，吸晒雞煲嘅辣汁，一流呀！第一次食雞煲係可以清晒底，正！波士頓龍蝦鍋食完雞煲就轉鍋打邊爐啦呢個波士頓龍蝦喎都只係加＄30唔係唔試你啊？有半隻龍蝦，味都唔算濃，偏清淡，啱晒用嚟烚海鮮。環球海鮮盤有生蠔、蟶子、海蝦、脆鯇魚、鑽石蜆等等，好豐富呀！其中最欣賞就係鑽石蜆，夠晒爽脆彈牙，食物材料夠新鮮。本地手切牛頸脊上枱就知靚野，肉脂分布平均，烚兩烚已經食得

倫哥私房菜 一直就已經喺佢fans 終於俾我等到佢喺元朗開咗分店 對於我嚟講 夠哂就腳😌-嚟得倫哥 緊喺要打邊爐啦💓 最近仲要有時令大閘蟹送 等我即刻打去book 枱食先🤗-一嚟到就有鮑魚仔送🙈-雖然呢到要$278/1位再加一 但其實都喺相當抵食😂首先先食雞煲 建議唔食辣嘅朋友都叫bb 辣食下 會惹味好多 又好食好多👅雞煲上枱後要喺8分鐘內炒3次先食得 啱哂你地不廢吹灰之力就可以享受入廚樂🤗雞幾嫩又入味 而且個醬汁真喺好惹味 搞到我爭啲想叫碗飯嚟撈汁食-食完雞煲就到食蟹煲 嘩～除咗煲入面有蟹 仲要有一大盤海鮮 真喺睇到都流哂口水👅海鮮有6-7款到啦 因為我太餓忍唔到食左先講無數到 湯底好鮮甜 啖啖都有海鮮精華 菜類都幾多選擇 但不得不提佢地個響鈴真喺好新鮮 脆卜卜 我忍唔住叫咗幾次🙈其他打邊爐材料都幾新鮮 汽水又任飲 如果想一次過食哂兩種邊爐 確喺唔錯嘅選擇👍🏼-仲有一定要食甜品 真的假不了 真喺好好食👍🏼 好似食緊濃郁版椰汁燕窩糕咁💓而且11月去食仲有按人頭份量送大閘蟹 確喺爆膏㗎👍🏼

住元朗既朋友，約我地去元朗食飯，佢話果度開左間私房菜wor。跟住約家的地址黎到附近，原來好多食肆，仲有位泊車，正。原來倫哥火鍋係做任食，有大量海鮮同火鍋生料，仲有兩道熱葷，又幾抵wor。一坐低台面已經有多種香料醬料等住我地，好貼心。今期秋風起，第一道菜竟然係大閘蟹，好surprise。大閘蟹細細隻，可以過下口癮，但佢既蟹細得來好多膏好新鮮。第二道菜係蠔皇扣鮑魚，無諗到打邊爐竟然有乾鮑食。鮑魚煮得好好，好軟身唔痴牙，醬汁又夠味道香濃。兩道前菜之後就係重頭戲雞煲喇。雞煲大大煲上，四個人目測有半隻雞。香料好足，微辣幾刺激，亦有配料比我地加落去煮。整體幾豐富，有點不足係雞肉唔夠嫩滑。食飽飽雞煲就可以開始打邊爐，今期限定湯底係蕃茄蟹煲，有整整一隻大肉蟹，見到都已經開哂胃了。我地望緊隻蟹之際，店員已經捧上海鮮拼盤。睇見已經好誇張，而當中大部分都係任點任食的。當中最讚既係海蝦，大大隻好大方，蝦肉彈牙又鮮甜，一食就食的出係游水蝦。淨係海鮮呢部分，食多幾隻蝦都回哂本了。手切牛肉肉質嫩滑，質感佳但牛味唔算好香濃。手打墨魚滑非常驚喜，墨魚滑竟然真係有墨魚味。而且人手打既墨魚滑好彈牙好好咬口，加上裡面夾住粒粒

如果你係大胃王，可以去試下「倫哥火鍋私房菜」，因為佢既無限時任食海鮮火鍋，分量真係好驚人，莫講話可以無限order，就連佢預左每人一份既，我地都食唔完！ 呢個餐位位收$278，驚大家睇唔清楚，我將個清單打一次出黎： ‧ 環游海鮮盤 (生蠔、八爪魚、細蟶子、鴛鴦海蝦、龍躉、白鱔、脆鯇魚、魷魚、刀貝、鑽石蜆)，每次提供6-9款 ‧ 涼茶及汽水任飲 ‧ 太湖大閘蟹 ‧ 蠔皇扣鮑魚 ‧ 蒜蓉金菇蒸蟶子皇/ 象拔蚌BB ‧ 招牌雞煲 ‧ 蟹鍋/ 龍蝦鍋 (另加$30) ‧ 手切牛頸脊 ‧ 手打四寶丸 ‧ 雲吞水餃 ‧ 響鈴、炸魚皮 ‧ 蔬菜 ‧ 墨魚滑 真係打都打到手軟！但係多係無用既，好唔好食呢？ 我黎到既時候已經係夜晚八點幾，全場滿座。 先黎熟食 -- 兩隻鮑魚。鮑魚size係細既，不過炆得好入味，夠腍身，有鮑魚鮮味，呢D貴價野當然無得任添，但無緊要，因為我仲要迎接黎緊既N樣食物！ 接住係每人一隻大閘蟹。兩隻都係蟹公黎，D膏夠濃夠綿滑，熱辣辣，好啱食！ 近期急不及待咁食左幾次雞鍋，當中以呢個最啱我口味！我叫左微辣，已經夠晒惹味！個汁好濃，用鐵鍋上，熱力將所有香料同雞塊既香味逼晒出黎，雞件

已經聽說過"倫哥"勁好食加抵食好耐 不過觀堂分店每每要提早一個月book weekends 位，有時真係有d 嬲點知，最近倫哥終於擴充，仲係元朗開左分店，咁近我，即去朝聖啦！離遠已經見到大logo就係呢個三百蚊人頭，包你勁多野食，仲大量係refillable 既menu 啦！！！正常打邊爐食物齊全先上雞煲，自認細胃口既人真係要量力而為，因為後面好多野食！不過雞煲又真係好味既。。。自己計住啦人頭一人一隻鮑魚。味鮮彈牙，讚拿，食幾多，自己決定la仲有時令大閘蟹多膏唔呃秤幾經努力阻止自己encore 美味雞煲，開始打邊爐海鮮拼盤，多款又新鮮，仲無限refill. 阿媽，點解你唔生我有四個胃？！真心又甜又鮮又大隻呢碟牛一樣不得了，幸好無得refill. 少d 抉擇moment 倫哥同一般任食完全唔同，仲唔限你時，當我由6半食到9點想走果時，仲提我有甜品未上！叫估你唔到真係估你唔到大法寶，有燕窩蒸蛋白lor...到底倫哥人頭連加一先三百蚊係點維本？我唔知道。只知道以後想減肥又多個大魔王la....

同老友食餐飯，去到元朗咁鬼遠，不過呢度真係堅好食！首先，要讚吓service先，員工每位都笑容滿面，當正我哋係李+X咁對待，特別讚賞靚女妹妹南南，招待好加幽默感得嚟唔會欠禮貌，10個Like !一坐低，員工A姐姐就叫我Like佢…公司，咁我咪Like吓啦，點知原來送象拔蚌刺生呀！！！！呢幾b嘅數據真係唔好慳喇。之後嚟個人頭鮑魚仔，唔係人頭咁大粒呀，大佬，係一人一粒鮑魚仔呀。買相一流，但點解無相呢？因為忍唔住誘惑，美女廚房，食咗先講！咪唔記得影相囉！我叫姐姐攞多碟嚟影相，淨係影相，唔會食佢，點知姐姐見慣世面，知道靚仔靠唔住，未到手緊係話唔食啦，但係一到手，wakaka…算！佢唔中計啫，但隨即攞第三味，蒜蓉蒸聖子王嚟，每隻都可以分兩、三啖食㗎，嘩…好味道吖，不過得一隻…❨之後就覺得好在得一隻，飽到呢…❩話咁快，南南就攞咗個雞煲，份量足，雞件滑，味道好，可辣可唔辣，好似葉童話齋，辣唔辣自己揀！我係咁食，都唔記得今晚係嚟食海鮮火窩添 食完雞煲就轉蟹煲，不過我哋加多30蚊轉咗個龍蝦煲，請留意，真係加30蚊，唔係每人30喎，好似幾抵食。蟹煲/龍蝦煲上檯之時，就係海鮮料出場之日喇。除咗象拔螃仔同帶

食物非常新鮮！非一般雞煲私房菜，無限時飲食！首先上既係蒜容蒸勝子+鮑魚，勝子十分新鮮，唔會蒸得太過火，岩岩好再黎既係雞煲，雞件可以每件睇得清清楚楚，唔會好似出面食開果d甘，比濃濃既汁又咸又濃味既汁浸住！職員會講解雞要焗6-8分鐘先食，中間攪一攪防止痴底！主菜黎啦....登登登登，非常新鮮生猛既海鮮併盤，有蟹、帶子、桂花蚝、花甲、龍躉、海蝦...等等！實在太好味啦！真材實料，簡直值回票價！湯底更加不得了，有龍蝦、西瓜、粟米，非常清甜，而且落足本去淆個湯！員工及環境也值得一提既係，員工態度非常友善，收碟快，如果早d訂位重可以訂到房，有獨立冷氣，一d都唔會嘈！今次我地5個人一齊去，個個都讚不絕口，下次一定同屋企人再黎食！

之前聽人介紹過lee間私房菜，見佢月頭啱啱喺元朗開咗分店，於是就同朋友去果度慶祝生日試吓，我哋食嘅係"無限時任食雞煲海鮮火鍋"，由於新開張只要喺facebook 讚好仲有"象拔蚌刺身"送𠻹。而佢有別於一般任食火鍋，真係用料足絕不馬虎，亦都做到佢標題所講"無限時任食"唔會催你走，可以同班朋友慢慢傾計、慢慢食。食物方面；象拔蚌刺身唔會因為係免費而係咁咦比細細碟你，而係大大碟新鮮足料、雞煲味啱啱好唔會太濃、西瓜鮮果蟹鍋夠鮮甜、海鮮盤用料新鮮，最尾仲有甜品"北海道牛奶燕窩燉蛋"，亦係我嘅最愛😋