倫哥火鍋私房菜 (已結業)

有一段時間無去元朗，今時唔同往日了，有好多大型商場，發展得好好，吃喝玩樂什麼都有。今次主要行吓YoHo Mall,有一期同二期之分，可以消磨一日時間，到晚餐時間，在附近搵嘢食，醒起倫哥私房菜係元朗都有分店，仲好近YoHo 就去食先。倫哥私房菜就在鳳攸南街9號，由YoHo Mall 一期行過去唔洗5分鐘就到，門口仲有大量停車位，十分方便。因為餐廳在一樓，地下已設有接待處，職員會為你安排坐位，上到去地方都很大，也有包房，仲有電視睇。餐廳主要提供任食海鮮火鍋，有刺身/海鮮/菜/牛肉等。首先每位一盅椰子海底椰雞燉湯，熱騰騰的好足料，個湯好清但味很濃郁，鮮雞味同椰子味確是很滋潤。刺身拼盤好有睇頭，有三文魚刺身、帶子刺身、北寄貝、超大牡丹蝦、八爪魚片，好滿足。阿麻雞煲可選擇辣度，要咗BB辣，要跟餐墊上的程序，先等雞煲滾起，攪拌一下，再煮二分鐘再攪拌一下，如是這重複8分鐘，雞肉剛好熟透，入口麻香四溢，汁味濃雞肉滑溜，食到中段就可以加豬皮魷魚牛百葉，吸曬個雞煲的醬汁，好好味。當你食完雞煲服務員會幫你換一個火鍋湯底，可選艇家蟹鍋/鮮茄薯仔湯/芫荽皮蛋湯，或加$30水佬龍蝦鍋，我哋要咗龍蝦鍋。由麻辣雞煲轉

間唔時就會掛住倫哥...大快朵頤一餐今日返工好大壓力 一定要去食！！先來刺身拼盤🎌 新鮮、好味，同日本餐廳有得fight 雞煲，服務依舊周到，店員好有禮貌咁教你辣興雞煲至岩岩好，仲出身幫你炒埋😹😹 超惹味，我的最愛❤️唔係間間雞煲都咁高質！倫哥既火鍋都係令人急不及待！！🍲生果湯底無幾耐之前食過念念不忘！又香又甜又提到味👍🏻👍🏻👍🏻👍🏻👍🏻重中之重Oh - My - God -🤤🤤🤤🤤🤤🤤新鮮到識跳咁樣🦑🦐🦀🐙一大享受！倫哥既牛肉唔知係咩部位、又香又淋😋🤤畀我不斷淥不斷淥差唔多畀我食哂其他野🤤基本啦！全部都做得好有質素！當晚仲有世界盃競猜🤪我撐龜！！涼茶都好飲又清清熱❤️貼心倫哥真係無得頂，食物高質，坐得舒服，服務周到；價錢仲好合理🤤一定要食！！

元朗多好野食就係人都知，每次同朋友傾開食野，周不時都會聽到佢地提起倫哥，成日都聽到倫哥正呀之類既野，今日難得去開元朗搵朋友，當然要捉緊機會試清試楚啦！生果雜錦好鮮甜，食落有清涼嘅感覺，另外魚生拼盤好新鮮，食到停唔到口，好似為嚟緊嘅火鍋打咗個底咁，令人更加期待！雞煲基本上係我哋最期待嘅，上菜嘅時候需要再煮多一陣，侍應大概會幫你再炒三次，打開煲蓋嘅時候，香噴噴嘅味道散晒出嚟，令人流晒口水，雞肉唔單止完全冇冰鮮味，食落仲好惹味呀！火鍋絕對係另一個重頭戲，海鮮拼盤絕對抵讚，有鮮蝦、蜆肉、仲有原隻蟹，令人驚喜嘅係，蜆肉完全冇沙之餘，蟹膏令人回味，正！仲有火鍋必備嘅丸，每一款啱晒我地口味，肥牛唔似平時食火鍋咁，冇血汁，色澤好靚，配埋自己調嘅醬汁，一流的美食呀！甜品對係食一餐飯既完結，所以擔當住一個重要既角色，黑糖冰涼粉食完透心涼，好似立即將頭先火鍋的熱氣全部沖走，好爽呀！總括來講，三百零蚊有晒生果、魚生拼盤、雞煲、火鍋同埋甜品簡直係物超所值，食完令人有種想回味嘅感覺！

咁啱屋企人去開元朗，我就放工join 佢地食飯，前排食過係深水埗嘅倫哥，覺得好正，所以就同佢地去試下元朗果間倫哥！ 我地大概到點半鐘左右到，唔洗等位就入得，可能因為喱間比較位置比較多。店員安排我地坐房，仲有電視，可以睇世界盃！ 一坐低仲有個小遊戲玩，就係估當晚邊隊球隊贏，估中就有優惠卷！我地坐低無幾耐，店員就為我地送黎一個生果盤，有蘋果，西瓜，蜜瓜同火龍果，佢仲同我地解釋話飯前食水果可以更吸引水果嘅營養，配合果醋仲可以排毒開胃，真係好貼心！食左一陣水果，就上左個刺身拼盤，有三文魚，大蝦，帶子，凡立貝同埋八爪魚。三文魚，帶子同蝦正常，反而帆立貝同八爪魚令我覺得有驚喜，因為平時食嗰啲成日都好韌，咬唔開，但今日食嘅就好爽，好好食！食左刺身，就上今日其中一個主角，雞煲！因為媽咪唔食得辣，所以我地叫左唔辣。個雞煲好好味，啲雞又滑，而個汁又唔太重口味，食完都唔會覺得口渴啊！ 我地隔離枱叫左辣嘅雞煲，陣味好香，好正！ 除左雞外，我覺得後落嘅牛柏葉勁好味，勁入味。但啲魷魚就煮得唔夠入味，建議大家早啲落魷魚（我地係食完雞煲落，煮左幾分鐘）。同之前食果間倫哥一樣，食完雞煲係會換湯。係等嘅期間，店員為我地送

通常刺身、雞煲同邊爐都係分開食，今次倫哥一餐入面可以滿足晒呢三個願望，加埋佢係私房菜，有獨家菜單，真係一絕餐廳環境都夠寬敞，坐得舒服。入到去基本上所有客人食嘅野都係一樣嘅。餐廳安排左套餐，會按人頭收費同調整份量，材料同款式都係一樣的，分別係刺身拼盤、雞煲、海鮮火鍋。一坐低已經送上前菜，dap住等雞煲上枱。估唔到連佢嘅前菜都幾好味，木耳又夠爽口，辣椒又夠香。等雞煲期間，先上枱嘅係呢個椰子雞湯。味道比平時飲開嘅奶白色椰子雞湯清，有少少油，但可接受的。味道清得黎吸收晒椰子嘅香味，飲得出係老火湯！飲左湯暖暖胃就上刺身了。鮮度同味道冇話好突出，但估佢唔到嘅係兩條甜蝦都好肥美，好大隻！夾起時都有手掌咁長，而且幾好肉地倫哥嘅餐紙上面有食雞煲嘅指引，要定時打開蓋炒炒，每炒一次就要較個爐降一度。期間唔同嘅店員分別為我地照顧個煲，定時定候輪流過黎睇睇，很貼心雞煲嗌了少辣，係平時唔食得辣嘅朋友都可以接受到嘅程度。個雞煲越炒越香，散發出黎嗰種麻辣香陰啲陰啲必出黎 雖則相片睇落份量好少，但夾埋之後嘅邊爐，呢個份量其實綽綽有餘。唔好以為啲雞炒到好黑係燶哂，實情係啲雞痴住左啲芫茜同菜。加左呢啲香料菜吊一吊味，雞食落

今日同屋企人去左元朗間倫哥火鍋私房菜食半任食雞煲火鍋。一開始就上左一碟生果，刺身，同一煲雞煲（搭一細碟豬皮魷魚牛柏易）。每一碟應該都係按人頭預份量。刺身有大蝦，三文魚，帶子，北極貝，八爪魚，都幾新鮮，幾甜。水果盤係粒粒配水果醋，有蘋果，西瓜，哈密瓜，火龍果，水果都好清甜，可以開開胃。主角之一梗係雞煲啦，上枱等炒8分鐘就可以食，剛剛食完刺身同生果，時間啱啱好食得。距個雞煲超好食，雞好有肉感，彈牙唔肥而且好入味，好快我地清曬個雞煲。而雞煲可以好似可以無限添，我地當然無添，因為要食其他野食。距地安排得好好，火鍋係換一個新煲，水果湯底好特別，感覺都唔熱氣。唔似其他雞煲用翻個肥煲之後火鍋。雞煲之後食一個黑糖涼粉，一人一個可以解下油膩。跟住另一主角出場，就係海鮮火鍋啦。海鮮有鮑魚，貴妃肨，蟹，帶子，另一個大蜆（幾份量一人一隻，因為無聖子，所以有些就每人2個）。其她蝦，細蜆，班片，脆肉魚等等海鮮就可以任食，但基本無再添，因為我地已經好飽。牛肉一樣按人頭提供量，不過個牛肉超靚，超好味，勁多雪花。一輪海鮮之後，仲有餃子雲吞（唔錯），黑白墨魚滑（彈牙而且入面真係有大大塊墨魚塊）。 最後我地食番D菜，有白菜

之前已經食過深水埗分店！食過之後一直心思思想再食，所以就book 左琴晚同男朋友黎食！！去到竟然有波睇！男朋友勁開心！我地一坐低，店員就好快咁拎前菜同自助調味架比我地，前菜有兩碟一碟涼拌木耳，另一碟係涼拌雞腳！涼拌木耳辣辣地好好味！之後店員就上生果盤😳名叫風山水起😂😂生果好新鮮，好開胃！跟住就上刺身拼盤，入面有三文魚，帆立貝，赤蝦，北寄貝！刺身都相當新鮮，食落鮮甜！之後就到雞煲！我地選左小辣，雞煲上枱時未熟的，要每兩分鐘打開撈一撈，大慨4-5次咁就食得！ 雞煲份量好多，雞件好嫩滑，而且又入味！隨雞煲仲有一碟牛百葉，水魷魚同豬皮係比我地差不多食到一半雞既時候加入鍋煮！ 吸晒的香辣汁，雖然好邪惡，不過真係好好味！跟住就到海鮮火鍋啦！！店員幫我地收起雞煲轉火鍋湯底，火鍋湯底係時令水果湯，話可以解膩，飲落清清地配海鮮一流，海鮮拼盤份量勁多，有蟶子皇，貴妃蚌，鮑魚，大花蟹，龍躉片，脆肉蚖魚，海蜆，馬刀貝同海蝦！全部海鮮都好新鮮同清潔得好乾淨！除左頭四樣之外，其他海鮮係可以無限refill🤭🤭食海鮮真係可以食到夠！ 食完個湯底勁鮮甜呢！而手切新鮮牛肩脊亦好正，肥瘦均勻十分鮮甜,不過要追加就要加$$

倫哥火鍋私房菜好食又抵食，已經喺朋友圈度廣傳，今天四個人去元朗大棠行山，行完山又想食餐勁，一於去搵倫哥一坐下來店員熟練的端上前菜、隨即送上鮮果盆，原來飯前吃鮮果、配果醋是有助消化、開胃的，飯後才吃水果，反而增加腸道負擔，似乎又頗有道理刺身到了，大家都意想不到，我們不是吃火鍋雞煲的嗎？細看餐單是包括刺身的、大大片三文魚、北寄貝、櫻花蝦比媲日本料理，頭盤都如此豐富，我們個個都好似賺左咁，說說笑笑地等着我們的雞煲雞煲一到，店員提示我們每兩分鐘兜炒一次，第一次打開煲蓋，個雞煲簡直香得要死，芫茜，惹味醬料直撲入鼻，聞到已經流晒口水，還要等6分鐘，實在太殘忍了麻辣雞煲令人大快朵頤，結幕係加入水魷魚、牛柏葉去索盡醬料精華，好味到痴左線真係唔到你唔服，火鍋料一上，海鮮盛先聲奪人，大大盤有龍蝦、蟶子、鮑魚仔、帶子、桂花蚌、龍躉肉、鮮魷、白沙蜆，件件新鮮而且處理得非常乾淨，再看肥牛肉，靚爆手切，通通冇得輸原隻龍蝦湯底冇花冇假，料靚白灼、已經鮮甜無比，肥牛肉味香濃，響鈴魚皮卜卜脆，墨汁墨魚滑比較少見.... 樣樣都食啲，個肚飽着仍是要吃由前菜、水果盤、日本刺身、雞煲、海鮮盛、肥牛火鍋，可以說係美食大曬冷，罐

父親節請爸爸食飯 見近近地 有海鮮火鍋又任食 就bk 位試下三百幾蚊 一個人食到好飽 d 野好味 好新鮮 又有刺身先食雞煲 好入味 又唔係得個咸字 兩個人但都好多 食完飽左一半之後打邊爐 d 海鮮好新鮮 d 蜆 蛤 都好鮮甜 大部份都有四隻 全部都好好食 蟹有好多膏 不過得半隻因為無左個頭盤飽魚 佢係呢度補番俾我地想講碟牛都好正 佢係厚切，但好入口即溶 好嫩 有牛味不過但湯底一放落嚟 係有d 失望 話係蟹鍋 以為係好多蟹 但反而係有d 生果雖然係最後淥完海鮮係好鮮甜又幾得意 但第一下放落嚟係有d 失望唔記得講佢食完雞煲有個涼粉俾我地下下火 幾特別食完全部 有個鮮奶燉蛋白 好重奶味不過嗰刻已經好飽雖然佢唔係樣樣海鮮都可以加 但其實已經好飽 我地都無加過都食唔哂同埋佢地樣樣野都好好食 d 餃 係自己包咁 食到入面係好多料 唔係一推唔知咩 仲有d 墨魚滑 蝦滑好彈! 有味 丸唔係無味cheapcheap丸

中國人篤信風水命理，無論做生意、搬遷都要搵風水師計過度過，呢個當然有佢嘅原因，正所謂一命二運三風水。但係我覺得除左風水，最緊要就係經營有道，好似呢間「倫哥火鍋私房菜」，真係開到邊，旺到邊。今日入到來元朗地頭，約埋朋友睇世界杯🏆，佢話去倫哥，梗係啱哂我啦，佢出名無限時海鮮任食，可以話未食先興奮如果你以為元朗分店會少人啲，咁你就真係錯哂（雖然初初我都係咁諗）一上到去，已經高朋滿座，好彩朋友一早訂位，馬上開動大食引擎GoGoGo先奉上前菜，飯前先食生果配果醋，有助生果嘅維他命C及礦物質更容易被人體吸收，而果醋就更具開胃及降血脂的功效，咁樣食係健康好多，呢D咪進步嘅表現啦再來一個刺身拼盤，牡丹蝦、帶子、三文魚、北寄貝、八爪魚，樣樣新鮮，鮮甜無比，極度滿足，而呢個祇是Warm Up咋雞煲我地揀左BB辣，店員好細心咁幫我地每二分鐘就搞下，眼見佢地好緊張亦好認真，服務態度極好，坐定定等食食到咁上下，仲可以加埋啲魷魚、牛柏葉等等，真係連啲汁都食埋，我地一共食左兩個round，如果你唔夠喉，係可以無限追加架，不過我地就梗係留肚等下半場喇真係極道震撼，不期然咁要「嘩」咗出嚟，海鮮拼盤同靚牛牛同時駕到，又龍

今日同屋企人黎yoho附近打邊爐，依間倫哥聽好多人講料靚坐得又舒服，一于試試價錢係268加一，主打雞煲加海鮮，岩哂貪心既我我打邊爐好中意落好多配料嫁，依到比得好大方，值得一讚媽咪話個雞煲少少重口味，但係好爽，唔似冰鮮貨仲有刺生送 同出面放題食到既一樣咁有水準主角當然係海鮮啦！貝類大大隻冇咩沙，魚都好彈牙，而牛肉唔肥兼有肉味，like !餃子都係自家製，特別欣賞韮菜餃，多菜少肉依家黑糖涼粉夠哂夏日，好清甜而又唔會死甜，岩哂打邊爐咁熱氣食

間唔中放假都喜歡到元朗行下街，今晚又想食火煱，知道原來元朗開左倫哥，所以即刻book位。啱啱撞正世界杯，今晚英格蘭vs巴拿馬，可以一邊打邊爐，一邊睇波，真係雙重享受一坐低即刻附上兩款小食和生果盤再來一個刺身拼盤:有三文魚，北寄貝，帆立貝，鱿魚和甜蝦, 全部都好新鮮然後就係雞煲，我揀左小辣，應該有一隻雞的份量，雞件係未熟的，服務員會時黎睇下D雞熟的情况，雞剛熟就即時提醒客人食得la, 真係好貼心食到差不多完還提我地將碟鱿魚，豬皮，牛栢葉放落煲內，真係超好service食完雞煲，换番另一個鍋打邊爐，細心睇下，湯底裏面竟然放左西瓜，蜜瓜和木瓜未試過用水果做湯底，不過真係好清甜，好潤。半任食的海鮮set~好豐富的海鮮拼盤: 扇貝，蚌，蜆，蝦蟹，帶子，鮑魚，脆鯇片等，要留意部份海鮮係要加錢的手切牛脊肉好有牛味，淥完後仲好嫩滑，而且份量好足，正呀丸類，餃子，魚皮腐皮，蝦滑墨魚滑任食，質素很不錯，其中以墨魚滑和芥末海膽丸覺得最正，墨魚滑內還有些墨魚粒，好有咬口芥末海膽丸好惹味甜品都有兩款: 冰凍的凉粉和熱辣辣的 北海道3.6牛乳燉燕窩, 好濃的奶味，好滑好好味飲飽食醉後仲有驚喜！因為估中英格蘭勝(

三五知己、家庭聚會、一大伙人食飯, 又要就呢個又要就果個, 諗食咩好真係幾頭痕。今日呢間倫哥私房菜, 集刺身、雞煲、海鮮鍋、肥牛鍋於一身, 總有一款啱食啦掛。呢度除左一般前菜之外, 仲會請你食飯前果。 唔講你唔知, 原來餐前食水果有助開胃之餘身體仲更易吸收水果中嘅營養, 好處多多。開左個胃就唔好俾佢停啦, 各款刺生馬上送到, 每款都水潤亮麗, 其中牡丹蝦大大隻, 最鮮甜。話口未完, 雞煲送到！雞煲有幾個辣度, BB辣惹味得嚟老少咸宜, 怕辣嘅朋友都啱食。雞煲調味濃厚, 食到一半, 加入爽口彈牙嘅牛栢葉、魷魚、豬皮, 夠曬風味呀。接著就係今餐嘅重頭戲, 時令水果鍋。你無睇錯, 喺湯底載浮載沉嘅的確係有哈密瓜 & 西瓜, 呢個水果湯出奇地清甜美味, 據說仲有潤肺去燥嘅功效。火鍋配菜一啲都唔惹少。牛頸脊肉質緊緻, 口感爽滑, 牛味非常濃郁, 滿滿一盤, 食極都仲有。呢個海鮮併盤, 真材實料, 樣樣都鮮味十足呀！其中花蟹嘅蟹肉嫩滑細緻, 海蝦特別新鮮, 爽甜彈牙。部份海鮮仲可以無限追加添！咁靚嘅海鮮, 真係幾飽都忍唔住要加返碟。各款蔬菜都新鮮翠綠, 仲洗得好乾淨添。仲有一大堆火鍋配料, 真係數

人人都話倫哥好食，點解？🤷🏻‍♀因為真係好食兼抵食🤤👍🏻佢而家做緊個無限時任食海鮮火鍋，每位都只係$318！鷄煲+海鮮喎大佬！前菜有麻辣雲耳、青瓜同埋刺身，刺身不是hea既，有三文魚、北寄貝、帆立貝、牡丹蝦、八爪魚！食完之後上左碟生果，清清喉嚨，然後第一主角要出場勒 - 鷄煲！焗20炒—>快炒—>焗20秒—>快炒—>焗20秒—>快炒—>焗20秒—>食得！我唔算食得好辣，揀左個小辣，👌🏻，不過略嫌唔夠刺激😂，下次挑戰中辣！鷄煲真係好香好惹味！啲鷄堅唔鞋！食鷄煲既精髓係紫洋蔥！入哂味！🤤三扒兩撥我地已經KO左個鷄煲，跟手亞姐擺低左碗咁既野落黎，話俾我地洗下條👅先打邊爐。原來係透明涼粉！而家興透明呀😂透明奶茶透明可樂d fd😂第二主角出場勒！留意番湯底係冇得揀既，得一款生果湯底😂😂一聽到生果湯底我地都打左個突！點呀？生果點做湯底🤷🏻‍♀但上枱果一刻已經聞到鮮味，有啲似阿媽煲既鷄湯，係落埋海鮮更加鮮甜😋介紹番個海鮮盤：海蝦、蟹、聖子、帶子、龍躉魚片、鑽石蜆、鮑魚！個人最所賞龍躉魚片，魚肉彈牙，encore左4次！仲有呢盤牛頸脊，有牛味，唔