倫哥火鍋私房菜 (已結業)

* 自創湯底。靚海鮮 *成日聽同事講倫哥火鍋抵食又好食，今日就約埋佢帶我去食好西。訂左位，去到唔洗等之餘仲有得坐房同埋窗口位。雖然閒日，但7點零鐘已經開始坐滿人。一開始有開胃小食麻辣雞腳同雲耳，酸酸辣辣，幾好。*刺身拼盆*整體上都好新鮮，最欣賞係八爪魚，爽口彈牙又鮮甜。* 水果沙律 *新鮮水果配上秘製生果醋，幾特別。主角到～～小辣麻辣雞煲。雖然小辣，但味道夠香辣夠濃。略嫌雞件較大，有點難咬。食完雞煲，店員就拎左呢碗好似水晶咁靚既甜品比我地食。咁快食甜品？原來係鮮草涼粉凍，用黎"洗下條脷" , 清下口腔，再食火鍋！見到牆上既相已經好好奇，究竟時令水果鍋係咩玩法。水果煲一到，見到真係有西瓜 蜜瓜 木瓜等，我覺得好得意 哈哈。估唔到佢又意外地香，個湯底好清甜。* 牛肩脊 *呢個部位既牛真係好好味。牛味好重，油脂既香味好濃，加上有入口即溶既感覺，我好中意！* 海鮮拼盆 *某d海鮮如蝦，魚，蜆等可以無限添加。另外蟶子，貴妃蚌，鮑魚等都係人頭計上一次的。最出色係蟶子，條條都好肥美多肉，好鮮甜。*手打魚滑 *超彈牙，手打係唔同d. 黑色既墨魚滑好特別，好味！* 雜丸*誠意推介白魚旦，魚味重而無腥味，

朋友仔話食過觀塘倫哥好食，今次試下元朗呢間先。一坐底有2 碟餐前小食已經準備好，呢個雲耳夠麻辣，我鐘意。仲有呢個果盤，好健康。刺身都好新鮮，隻蝦幾大隻。食完一輪頭盤，雞煲出場了，D雞幾滑，都好有雞味，辣度可以選大，中，小，辣，同BB辣。食完雞煲，有涼粉食，呢個涼粉係白色既，都幾滑幾好食。其實頭先衝完一輪，都飽飽地。而家慢慢打下邊爐嘆下。牛肉好靚新鮮，係牛味差小小。海鮮盤排住隊，整體都係新鮮好食，我就特別喜歡D魚片，厚身得黎脆滑爽口。仲有其他丸丸菜菜都係任食。飲品任飲，我飽到行唔到。

好多朋友都知道我鍾意打邊爐，成日都推介我去食倫哥，話有幾幾幾低食，吾食過吾知，今日一食，我怨恨自己點解食得甘遲.......大㕔光猛，坐位舒適坐得好舒服😌而且地方企理乾淨。一坐低就比左個頭盤我地先，有麻辣雲耳同麻辣四季豆，麻辣汁好香，四季豆又爽口彈牙，呢兩味小食完全可以開咗我嘅胃口魚生嘅品種好多，有三文魚，北極貝，凡立貝，墨魚，仲有超級大隻嘅蝦，三文魚好厚身，材料好新鮮，完全可以媲美放題嘅質素驚喜不斷送上，之後就係食水果盤啊，水果好新鮮，而且仲好甜，原來人哋話飯前水果係真㗎。好啦，服務員就好快為我地送上左雞煲，雞煲有好多個辣度可以選擇，有BB辣，大中小辣，雞煲上左台之後唔係即食架，因為仲係生嘅，要我哋每隔2分鐘就打開個蓋將佢炒一炒，總共要炒四次，即係要煮8分鐘，先可以食得㗎，漫長嘅8分鐘過咗之後，就可以食到鮮嫩滑樓嘅雞啦。瞓啦唔會好多，啱啱好二人份量，雞煲嘅辣汁好惹味，而且我叫咗BB辣又唔會好辣，最重要嘅係食完唔夠仲可以再加雞架。雞煲食到一半仲可以加入魷魚，豬皮，牛柏葉落去個雞煲度，等佢索左雞煲嘅麻辣汁，爽脆得來又香口食完雞煲之後會有黑糖白涼粉 ，冰冰涼涼用黎解辣就最好不過啦當我以爲食

元朗美食多，但可以同一個地方滿足晒所有願望的，就只有倫哥火鍋私房菜。食物款式多、食材新鮮、環境舒適、服務態度親切、CP值超高。今晚終於俾我訂到枱食喇。來到先食麻辣冷盤🌶🌶🌶，木耳和雞腳，又麻又辣好過癮。加埋個新鮮水果盤，開咗個胃，預備之後的大作戰。刺身拼盤三文魚、帆立貝、北寄貝、牡丹蝦、八爪魚。全部都好新鮮，沒有雪味。食之前先溫書，睇一睇餐紙「倫哥教你歎雞煲四步曲 」。雞煲滾起，每隔兩分鐘炒下佢，每次打開香氣四溢。食得！超級惹味！啖啖肉，味道香濃，不會肥膩。食完咁多前菜，加埋個雞煲，唔好以為咁就完。重點現在先上場 - 時令水果鍋。西瓜、蜜瓜做湯底？無眼花。雞湯做湯底，加埋西瓜、蜜瓜、粟米等，味道清甜。環遊海鮮盤花蟹、蟶子、鮑魚、帶子、象拔蚌、鯇魚腩、八爪魚、花甲、大蝦等。極其豐富，其中幾項仲可以追加添。無與「倫」比牛頸脊牛中極品，色澤紅潤，脂肪分佈均勻。濃郁的牛肉味，口感幼嫩。倫嫂手打雙滑黑色的墨魚滑和白色蝦滑十分彈牙，入面仲有粒粒蝦肉。低鹽少油響鈴魚皮、阿媽雲吞、水餃一個咁好味的湯底，當然唔好浪費，要食盡佢啦。將響鈴和炸魚皮浸一浸湯汁，Hummm，脆。軟。甜。鮮。吸盡海鮮和牛肉的鮮味

一早訂了座同家人打個邊爐，近近地去樓下食街就好啦，食街的食店真係百花齊放，仲不時換新血添。是晚訂了開業好一陣子的倫哥，口碑不錯，加上同朋友食過深水埗店，質素有保證，免得家人失望嘛。因為一早訂了座，安排了VIP房其中一枱，位置較大，空間感較多，有大電視，仲有超強冷氣，好正。店員亦隨即送上小吃，是晚是麻辣木耳同鮑汁鳳爪，辣辣地幾正，係開胃小吃來呢。接著就是餐前水果，濕濕嘴幾好吖。是日刺身，有三文魚， 北極貝，魷魚，帶子同牡丹蝦，新鮮肥美又厚切，質素仲好過放題店。先雞煲後火鍋，雞煲要了小辣，較合大眾口味嘛。餐紙上教要2分鐘兜一兜，4次就食得，因為雞煲上個陣仲係生㗎，自己炒熟，途中店員亦會幫忙，佢地好犀利，一眼就睇出有無隔太耐先兜，勁勁勁炒得火候啱啱好，就會出雞油，爆香呀！！雞件嫩滑，又麻又香，個人覺得可以辣多少少更惹味，下次還是要中辣吧。（雞煲也可以encore任食的啊！）跟住就係打邊爐啦，海鮮勁新鮮有蜆，蚌，扇貝，蝦，蟹，鯇魚片，鱔片，魷魚，帶子，鮑魚等，極豪華，咁多海鮮，連湯底都鮮甜左，留意是有部份可任添，其餘要付費的。手切牛脊肉，有咬口又重牛味，灼一灼就食得，正雙色墨魚滑勁彈牙，白色的

有朋友請食飯 首選倫哥! 基本上全程自動波, 一邊睇世界盃一邊食爽YY, 先上左雞煲同生果, 服務员好好不時幫我哋炒下炒下免得黏底. 其次包海鮮併盤：鱔片、生蠔、帶子、海蝦、花蛤、脆鯇片、斑片、象拔蚌仔、大蜆、珊瑚蚌。鮑汁燴鮑魚、蒸大閘蟹。手切牛頸脊、響鈴、炸魚皮、墨魚汁墨魚丸、蟹子包心丸、潮州魚蛋、年糕魚片頭、韮菜餃、雲吞、魚皮餃。另加兩隻大閘蟹同波士頓龍蝦, TOTAL 350一位, 性價比吾錯牛頸瘠，卓兩卓就入口即溶，好有牛肉味一D都唔酥

避開人潮一家人去倫哥吃父親節飯，為什麼選址倫哥？因為男人都愛吃雞煲，又愛打邊爐，還有刺身！三樣一次過擁有來個左擁右抱，有誰不想！我給他人生一次可以來個三妻四妾的機啦⋯⋯（笑）其實也不是全部因為老公的原因，我自己也覺得倫哥環境不錯，冷氣足（最怕吃雞煲和打邊爐熱到汗流浹背！）帶小朋友都可以，有baby seat，加上食材好新鮮，超多款式，感覺非常豐富，非常豪華，服務亦到位。夏天更推出水果入饌湯底，消暑而且無味精，感覺良好。每人約$300多，真心不貴！在等待雞煲加熱的時候，突然送上時令水果，配以果醋，酸酸甜甜，是用來醒胃的前菜。還有麻辣木耳和雞腳小食，好像未入正題已經很豐富的樣子～調味架新鮮而且很乾淨～接下來就是吃刺身了（很忙吧？）我覺得質素直逼放題，蝦超級大隻超級甜！倫哥雞煲，有一個instruction，就是要打開煲蓋，每兩分鐘炒四次，將醬汁完全逼入雞件中，香味提升至最高！雞件是無限任添，也有大中小微辣度任揀，為了遷就一家大細，我們點了微辣，結果我覺得真是太～～～～～微了（哈哈）嗜辣者不妨試小辣以上啊！雞件斬得小小的，比較易入味，如果想啖啖肉，可能就未必能如願以償。倫哥的雞煲真是不得了，

oT完約同事食晚飯，去走D悶氣，同事A要食雞煲，同事B話打邊爐要有海鮮嗰種，同事c話唯有倫哥可以滿足哂兩個要求😂頭盤生果醋撈起，好開胃！雞煲D雞攞出黎已經好入味，雞好嫩好滑一D都唔鞋，醒目服務員不時提我地要二分鐘炒幾炒先唔會燶!食完雞煲有黑糖涼粉去走肥脷，堅窩心。之後就換左個打邊爐煲，叫左個剛剛上市既水果煱底，好驚喜有西瓜，哈蜜瓜同木瓜！牛頸瘠好好味，好配湯底，牛肉味出哂黎，浸一浸已經食得，好焾好正！另外海鮮盤份量好多，魚蝦蟹，鮑魚，象拔蚌，鮮帶子，大蜆小蜆，總之街市見到既都差不多有，好誇張，D魚仲要係龍等添呀，仲有我既飛佛脆肉鯇！堅正！超滿足既一餐

上星期突然諗起想食乳鴿,就訂左呢間成日都聽見人食既倫哥火鍋私房菜,食完再去附近買隻乳鴿返去睇波食宵夜!有兩個雪櫃,飲品超過15款,汽水,果汁,涼茶任飲!刺身拼盤有三文魚,帆立貝,特大蝦,北寄貝,八爪魚,我地最中意食帆立貝同大蝦~最鮮甜!風山水起果盤,西瓜,蘋果,哈蜜瓜,火龍果,配果醋食真系第一次~又幾好食好醒神!任食雞煲好耐無食,叫個BB辣儘情地食,個煲又大又高身,熱辣辣香噴噴既雞件多肉又夠嫩滑,好惹味!!食完雞煲就打邊爐,新推出既水果鍋,時令水果有哈蜜瓜,西瓜,木瓜~個湯底橙橙地原來用左甘荀打汁做成的,味道就是清甜帶點雞湯味,湯底以老雞,赤肉,雞腳煲成的!海鮮好多款~海蝦,蟹,象拔蚌仔,蜆,脆肉鯇片,龍躉片等等~兩個人份量已經咁多,食完已經好飽。不得不提厚切起雙飛既牛頸脊,入口juicy牛味重,正!!以下的可任叫任食~~點少得脆卜卜既魚皮同響鈴仲有蝦滑,墨魚滑,黑白雙殺,yummy yummy!雲吞水餃魚皮餃,4款丸中我最中意左1既蟹子沙律醬包心丸同左2既年糕丸。

Blue Monday要揾好西,入元朗倫哥食個鷄煲同打個任食边爐先食雞煲,我地叫左個BB辣哈哈攪笑!雞肉嫰夾滑唔似冰鮮雞仲非常咁入味，服務员好好不時幫我哋炒下炒下免得黏底讚!食完惹味雞煲就到打边爐，有幸食到個啱啱出世既新鍋底,時令水果鍋,今日時令生果係西瓜,木瓜同哈蜜瓜,齋睇已經知個湯好清同好甜，打完一定唔會躁!!主角到場一大盆新鮮肥美雜錦海鮮，有象拔蚌，大蝦，大蜆，細蜆，帶子，龍等，脆肉鯇魚，海鮮真心好新鮮，好鮮甜，最重要係冇沙呀!!!再黎係牛頸瘠，卓兩卓就入口即溶，好有牛肉味一D都唔酥，配生果火煱又有另一番风格，感覺幸福

雖然夏日熱辣辣，打邊爐熱潮依然不減，照樣嘆住冷氣打邊爐。今次我預早book定位，專誠黎試半任食火鍋套餐🤤首先先黎個刺身拼盤，包括三文魚刺身、帆立貝刺身、特大蝦刺身等等，尚算新鮮，味道不過不失。一般出去用餐都係食完飯先食生果，呢度則相反，會先上水果盤。聽店員講，開餐前食水果有開胃之效，仲有助吸收水果既維他命C。水果配果醋，味道酸酸甜甜，幾特別。然後就到雞煲啦，首先要等雞煲滾起，然後店員每兩分鐘就會過黎炒一炒啲雞，炒完四次之後就可以正式起筷啦！雞煲食到尾聲，可以加埋豬皮同魷魚落去炒。豬皮吸收曬雞煲既醬汁，都幾惹味。輪到打邊爐，湯底係時令水果湯。用水果打邊爐，聽落有啲奇怪，但原來唔但止賣相靚，健康養生，飲落仲非常之清甜！有機蔬菜配上水果湯，更加清新健康，結果我飲左三大碗先肯停。手切牛頸脊賣相不俗，牛肉略嫌切得厚左啲，但牛味都幾濃郁，值得一試。主角出場🌟份量十足既海鮮拼盤！包括海蝦，魷魚，帶子，鯇魚，蟹以及各類貝類。食材新鮮，貝類清洗得好乾淨，完全冇沙。帶子肉質柔軟，魷魚彈牙，蜆肉夠鮮甜。非常推薦墨魚滑，入面真係有粒粒墨魚，真材實料，口感爽口彈牙。雲吞水餃同各式丸類都有齊🥟甜品係3.6牛乳燕窩

話說，早排同一班同事去吃飯，有男有女，為左就班男仔當然去食任食系列，然後見到倫哥呢間好多好評，而且300幾已包括左甘多海鮮、雞煲，就決定食佢，未食前都聽聞每間質素都吾同，但呢間算係吾錯。係先吃完雞煲再吃火鍋，但一旦吃完雞煲開始打邊邊就不能再翻叫雞煲。首先要讚既係雞煲，辣度適中，雞係嫩的，好入味，我地叫左兩轉（因為任食）☺️然後先開始我地打邊邊之海鮮大餐😂😂要睇清楚有些海鮮不是任食既吾係任食既海鮮的確好味道其他打邊邊食材都水平之上服務態度都好好啊！

之前食過兩次倫哥 一間佐敦，一間唔記得左邊度但好好味 每次食好多海鮮 好開心 又新鮮但元朗呢間真係伏呀。唔係唔想支持 但好難搵個原因支持，服務又一般，好唔想做咁，叫親都唔想來，不如唔好返工啦。元朗價錢最貴 ，但服務一般都算，仲要食水果火鍋 真係好奇怪，想比個正常少少火鍋食都冇。雞煲可以任食 雞肉不過不失。刺身新鮮既，好食。。。重點呢碟海鮮，蜆都好食，最喜歡食魚，新鮮人手水餃個d好好味 不停再叫。食完呢餐好飽，最喜歡佢個甜品，保持水準。希望真心可以改善下服務，唔係留唔到客人，熱情 主動，helpful係一般服務業會做的事。同埋唔好搞咁多野 ，簡單火鍋湯底就好了。

無端端女皇指定要到倫哥打邊爐，又唔知聽左什麼朋友聳恿喇。大安旨意無訂檯，諗住無咩人唔洗等唔洗排隊，誰知由九點等到十點等足一個鐘，企到腳軟又肚餓又比蚊滋、昆蟲咬，咬到雙前臂滿怖紅點呢，火都黎呀，早知係隔離酒吧飲住野等啦！睇下您個 menu 有幾巴閉先，要我企足成個鐘 ﹗索價 $278，蟹煲 $30，包海鮮併盤：鱔片、生蠔、帶子、海蝦、花蛤、脆鯇片、斑片、象拔蚌仔、大蜆、珊瑚蚌。鮑汁燴鮑魚、蒸大閘蟹。手切牛頸脊、響鈴、炸魚皮、墨魚汁墨魚丸、蟹子包心丸、潮州魚蛋、年糕魚片頭、韮菜餃、雲吞、魚皮餃。另加兩隻大閘蟹、波士頓龍蝦，大量海鮮高銷費喎。懷舊 gas 爐，永遠不滾的火鍋，原來差不多無 gas 啫，換樽新既即時滾到陷陷聲！樣樣都要問先有，好鬼煩啊！唔該調味架、唔該豉油、唔該鉸剪、唔該鐵鉗、唔該蟹醋、唔該熱茶、唔該匙羹、唔該筷子、唔該加湯、等等等等，幸好侍應們都不厭其煩一一送到，服務滿意。係等位等左成粒鐘扯晒火，仲要比野咬到成手勁痕囉。自創混醬，炸蒜生蒜指天椒夠晒正，無指天椒就不如唔好打邊爐喇。波士頓龍蝦，海鮮最緊要新鮮，無得輸即叫即劏活龍蝦，.蝦肉甜美，鮮到無倫，大量蝦膏甘香可口無可抗拒。

聽朋友介紹話之前食過幾好！ 今日晚市嚟食，好失望⋯⋯⋯⋯直頭係哂錢⋯⋯⋯⋯😡海鮮盤 - 啲海鮮大細不一，又離哂殻牛 - 又厚又乾又鞋任食火鍋料 - 聽到任食兩個字以為有好多選擇？ 錯⋯ 佢無紙俾你揀食乜，丸三款，餃子三款，墨魚滑，係咁多，又唔係特別好食，食完一round都想走雞煲 - 啲雞骨多過肉，又唔入味⋯火鍋湯底 - 好似求其扔啲生果落去就好似好特別咁，但其實係無味$365 每位係完全係被騙，同一個價錢喺元朗有好多比佢好！ 以後唔會嚟食，又貴又難食🤬🤬🤬