影片
更多
2016-08-30
2420 浏览
同老友食餐飯，去到元朗咁鬼遠，不過呢度真係堅好食！首先，要讚吓service先，員工每位都笑容滿面，當正我哋係李+X咁對待，特別讚賞靚女妹妹南南，招待好加幽默感得嚟唔會欠禮貌，10個Like !一坐低，員工A姐姐就叫我Like佢…公司，咁我咪Like吓啦，點知原來送象拔蚌刺生呀！！！！呢幾b嘅數據真係唔好慳喇。之後嚟個人頭鮑魚仔，唔係人頭咁大粒呀，大佬，係一人一粒鮑魚仔呀。買相一流，但點解無相呢？因為忍唔住誘惑，美女廚房，食咗先講！咪唔記得影相囉！我叫姐姐攞多碟嚟影相，淨係影相，唔會食佢，點知姐姐見慣世面，知道靚仔靠唔住，未到手緊係話唔食啦，但係一到手，wakaka…算！佢唔中計啫，但隨即攞第三味，蒜蓉蒸聖子王嚟，每隻都可以分兩、三啖食㗎，嘩…好味道吖，不過得一隻…❨之後就覺得好在得一隻，飽到呢…❩話咁快，南南就攞咗個雞煲，份量足，雞件滑，味道好，可辣可唔辣，好似葉童話齋，辣唔辣自己揀！我係咁食，都唔記得今晚係嚟食海鮮火窩添 食完雞煲就轉蟹煲，不過我哋加多30蚊轉咗個龍蝦煲，請留意，真係加30蚊，唔係每人30喎，好似幾抵食。蟹煲/龍蝦煲上檯之時，就係海鮮料出場之日喇。除咗象拔螃仔同帶
首先，要讚吓service先，員工每位都笑容滿面，當正我哋係李+X咁對待，特別讚賞靚女妹妹南南，招待好加幽默感得嚟唔會欠禮貌，10個Like !
一坐低，員工A姐姐就叫我Like佢…公司，咁我咪Like吓啦，點知原來送象拔蚌刺生呀！！！！呢幾b嘅數據真係唔好慳喇。
之後嚟個人頭鮑魚仔，唔係人頭咁大粒呀，大佬，係一人一粒鮑魚仔呀。買相一流，但點解無相呢？因為忍唔住誘惑，美女廚房，食咗先講！咪唔記得影相囉！
我叫姐姐攞多碟嚟影相，淨係影相，唔會食佢，點知姐姐見慣世面，知道靚仔靠唔住，未到手緊係話唔食啦，但係一到手，wakaka…
算！佢唔中計啫，但隨即攞第三味，蒜蓉蒸聖子王嚟，每隻都可以分兩、三啖食㗎，嘩…好味道吖，不過得一隻…❨之後就覺得好在得一隻，飽到呢…❩
話咁快，南南就攞咗個雞煲，份量足，雞件滑，味道好，可辣可唔辣，好似葉童話齋，辣唔辣自己揀！我係咁食，都唔記得今晚係嚟食海鮮火窩添
食完雞煲就轉蟹煲，不過我哋加多30蚊轉咗個龍蝦煲，請留意，真係加30蚊，唔係每人30喎，好似幾抵食。蟹煲/龍蝦煲上檯之時，就係海鮮料出場之日喇。除咗象拔螃仔同帶子之外，連龍躉球都係任叫任加，其他配料都非常唔錯，朋友話連貢丸都好食D﹐真唔真呀？我就唔識分喇，因為我打邊爐真係好少食貢丸囉 ! 另外兩人一碟嘅牛肉都十分好食，之後每碟30蚊，除非非常喜歡食牛啦，否則都無需再加牛肉喇，叫多幾轉龍躉同大蜆好過啦！
飲品方面，汽水、菊花茶任飲，啤酒就22蚊3支
飲飽食醉後，員工C哥哥仔問上甜品好唔好？我鬼咁飽，想話唔要糖水㗎喇，點知一問，甜品竟然係燕窩燉鮮奶，嘩…早響嘛，我留多D位放甜品吖嘛，唔使而家咁飽吖…
埋單，四位$1212。只收現金唔收卡。
文字太多，請見諒，多謝觀看！
$300
601 浏览
8 赞好
0 留言
张贴
