影片
更多
2018-06-21
43 浏览
好多朋友都知道我鍾意打邊爐，成日都推介我去食倫哥，話有幾幾幾低食，吾食過吾知，今日一食，我怨恨自己點解食得甘遲.......大㕔光猛，坐位舒適坐得好舒服😌而且地方企理乾淨。一坐低就比左個頭盤我地先，有麻辣雲耳同麻辣四季豆，麻辣汁好香，四季豆又爽口彈牙，呢兩味小食完全可以開咗我嘅胃口魚生嘅品種好多，有三文魚，北極貝，凡立貝，墨魚，仲有超級大隻嘅蝦，三文魚好厚身，材料好新鮮，完全可以媲美放題嘅質素驚喜不斷送上，之後就係食水果盤啊，水果好新鮮，而且仲好甜，原來人哋話飯前水果係真㗎。好啦，服務員就好快為我地送上左雞煲，雞煲有好多個辣度可以選擇，有BB辣，大中小辣，雞煲上左台之後唔係即食架，因為仲係生嘅，要我哋每隔2分鐘就打開個蓋將佢炒一炒，總共要炒四次，即係要煮8分鐘，先可以食得㗎，漫長嘅8分鐘過咗之後，就可以食到鮮嫩滑樓嘅雞啦。瞓啦唔會好多，啱啱好二人份量，雞煲嘅辣汁好惹味，而且我叫咗BB辣又唔會好辣，最重要嘅係食完唔夠仲可以再加雞架。雞煲食到一半仲可以加入魷魚，豬皮，牛柏葉落去個雞煲度，等佢索左雞煲嘅麻辣汁，爽脆得來又香口食完雞煲之後會有黑糖白涼粉 ，冰冰涼涼用黎解辣就最好不過啦當我以爲食
大㕔光猛，坐位舒適坐得好舒服😌而且地方企理乾淨。
一坐低就比左個頭盤我地先，有麻辣雲耳同麻辣四季豆，麻辣汁好香，四季豆又爽口彈牙，呢兩味小食完全可以開咗我嘅胃口
魚生嘅品種好多，有三文魚，北極貝，凡立貝，墨魚，仲有超級大隻嘅蝦，三文魚好厚身，材料好新鮮，完全可以媲美放題嘅質素
驚喜不斷送上，之後就係食水果盤啊，水果好新鮮，而且仲好甜，原來人哋話飯前水果係真㗎。
好啦，服務員就好快為我地送上左雞煲，雞煲有好多個辣度可以選擇，有BB辣，大中小辣，雞煲上左台之後唔係即食架，因為仲係生嘅，要我哋每隔2分鐘就打開個蓋將佢炒一炒，總共要炒四次，即係要煮8分鐘，先可以食得㗎，漫長嘅8分鐘過咗之後，就可以食到鮮嫩滑樓嘅雞啦。瞓啦唔會好多，啱啱好二人份量，雞煲嘅辣汁好惹味，而且我叫咗BB辣又唔會好辣，最重要嘅係食完唔夠仲可以再加雞架。
雞煲食到一半仲可以加入魷魚，豬皮，牛柏葉落去個雞煲度，等佢索左雞煲嘅麻辣汁，爽脆得來又香口
食完雞煲之後會有黑糖白涼粉 ，冰冰涼涼用黎解辣就最好不過啦
當我以爲食完甜品走得既時候，先知道原來仲未完，好戲在後頭。
侍應攞走個雞煲換左個水果湯底比我，原來仲有得打邊爐，水果湯底新穎又特別。
見到呢個海鮮盤真係眼都凸，原來主角宜家先開始，呢度有一半既海鮮係可以任食，而且海鮮好新鮮，啲蝦仲要好大隻，
多野食得黎，啲食物質素一啲都吾hea,睇下個本地手切牛肩脊就知啦，肥瘦適中，顏色鮮豔，又重牛味。用冰震住可以保持牛肉既新鮮。
墨魚滑同蝦滑更加係出付意料既好食，無諗過原來任食都可以做到甘高水準，墨魚滑充滿墨魚汁既香味，仲可以食都一粒粒既墨魚碎，好有咬口。蝦滑更勝一籌，鮮味十足，爽口彈牙，起曬膠，可惜已經好飽，唯有下次再encore啦
仲有一啲打邊爐既必備配菜，水餃雲吞係自家制既，皮薄又夠味。
魚皮同響鈴，都係一般貨色，但勝在仲脆身。最重要既都係任食嫁。
以$350@連加一呢個價錢可以食到甘高質素既食物，真係好低。最重要既係食物新鮮，真係一試難忘
张贴
