倫哥火鍋私房菜 (已結業)

朋友仔話食過觀塘倫哥好食，今次試下元朗呢間先。一坐底有2 碟餐前小食已經準備好，呢個雲耳夠麻辣，我鐘意。仲有呢個果盤，好健康。刺身都好新鮮，隻蝦幾大隻。食完一輪頭盤，雞煲出場了，D雞幾滑，都好有雞味，辣度可以選大，中，小，辣，同BB辣。食完雞煲，有涼粉食，呢個涼粉係白色既，都幾滑幾好食。其實頭先衝完一輪，都飽飽地。而家慢慢打下邊爐嘆下。牛肉好靚新鮮，係牛味差小小。海鮮盤排住隊，整體都係新鮮好食，我就特別喜歡D魚片，厚身得黎脆滑爽口。仲有其他丸丸菜菜都係任食。飲品任飲，我飽到行唔到。