俺流塩らーめん (新都會廣場)

营业中

休息中

新都會廣場雖然有部分地方未裝修完，但我行街時發現地下開左間拉麵店，每一次經過都好多人排隊，好奇心下，我同我條佬就擇左呢間食～排隊時，員工會俾menu＆order 紙俾我地，同平時拉麵店一樣，可自選所需配料、拉麵硬度等等⋯⋯雖然條龍比較長，但話錦快就到我地，我都未擇好食邊一款拉麵好，不過員工就話不緊要，擇好先帶我地入去⋯⋯最後我擇左俺流味噌拉麵湯底重麻醬味，但略帶咸了一些，而且十分油膩，無辦法飲到見底～叉燒脂坊較多，肉質軟腍，但只嫌太少，一塊而已～拉麵擇左普通程度，咬口爽身～

相信有不少人同我一樣被呢間拉麵店的名字考起，正正如此先會對呢間店特別留有印象。我一向好少踏出港島以外的地方，每次出去九龍新界必有大事發生。今次因男朋友話有朋友推介呢間餐廳，所以周日就發揮廿四孝女友本色特登陪佢去左葵芳食。晚上７點幾去到約有十個人排緊隊，不過等左十分鐘就入到去坐Bar枱。小食叫左唐揚炸雞、大阪燒餃子，等左五分鐘左右已上枱唐揚炸雞有4件，都幾大件，食得出係剛剛炸好！雞肉仲好嫩，比起其他 K-POP  炸雞有水準，$38絕對係性價比高。本身想叫明太子芝士味，但第一次試食怕中伏都係叫左大阪燒餃子。有別於其他拉麵店的長形餃子，餃子形狀係偏圓的，一口可食晒！後來發現隔離枱對情侶叫左明太子芝士味，Ｄ香味飄到埋黎，難道真係隔離飯香？不過大阪燒餃子都好好味，可惜胃仔就得一個，唯有下次再試啦！(笑)點了兩個拉麵，一個係黑蒜熟成濃湯拉麵。跟蛋同埋一片叉燒濃湯底不錯但建議可再加強黑蒜味，個人認為男士會鍾意多Ｄ！另外一款係辛辣熟成濃湯拉麵，本人出名無辣不歡。湯底以豬骨湯為底，加入辛辣後，湯底味道仍然保留了一點豬骨湯的甜。加上男友係身邊，又甜又辣的感覺真係令人份外突出哈哈。叉燒肉味香，不肥，超正！

每個月都要逛葵芳廣場的我，這天逛到累了後就找東西吃！以往都會在葵芳廣場內搞掂，但眼見旁邊的新都會大翻新，多了很多食肆，所以就決定過新都會找找有甚麼東西吃！在亂逛之下，就找到了這間俺流鹽.........佢個位置超搞笑，是在電梯之間！轉了一個圈就決定排隊，想不到星期五晚上也不算太多人，前面大概要等6-7張檯，在等的時候，可以先點餐（日本餐廳就是這樣) 等了大概15分鐘就可以入內了一人一個麵是必須的吧！我就選了清清地嘅柚子拉麵，而朋友就選了特制撈麵，軟硬度嗰d是基本嘢，最值得一提的是佢可以走筍！像我這種討厭筍嘅人，走到就當然好！清清地，幾好！量都幾多，食唔哂朋友說味偏淡～有蛋要加分我們另外也叫了小食share我個麵旁邊的是玉子大阪燒，味道是大阪燒，內容卻是蛋有創意，都幾好食另一個有豆腐的是豆腐野菜沙律，一黎到，我不禁大叫，哇咁大份嘅！！佢有小小辣，味道就一般，沒有特別。之後就到我覺得最好食嘅明太子芝士燒餃子唔洗講，明太子加芝士已經抗拒唔到！佢個餃子係一口一隻，啱嘅我地啦佢個cheese好正最後，我地仲叫咗個菜。柚子椰菜估唔到又幾好味就係咁，埋單$375 （我地有叫飲品又加叉燒）都算幾抵食啊

這次日本澀谷過江龍登陸我家附近葵涌，當然要來朝聖。週末就是要吃拉麵來慶祝一下嘛！ 趁著排隊的時候，我有四周看看其裝修，都算得上有日本拉麵店的風格。雖然餐廳位置在扶手電梯底下，但是裡面的氣氛是熱鬧的，而且看得出店員都很有熱情。（這是排隊排太久留意到的。） 本店出名鹽湯拉麵，於是我點了這碗，而我朋友則點了另一招牌熟成拉麵。配料加了柚子椰菜及溫泉蛋。店員送上開水，而且大部分都是汽水，所以我們就沒有點飲料了。 鹽湯比我預期的味道好，湯底清澈不膩，而且不會讓人有口渴的感覺。試過另加旁邊的調味醬，梅子醬對我而言太酸，但是我覺得酸酸甜甜又帶點辣的柚子胡椒比較適合我本人。叉燒只得一片，起初真的有點失望，但咬下去發現這叉燒比一般拉麵店的厚3倍！厚3倍！厚3倍！（真的很誇張所以要說3次）朋友表示熟成湯底也不錯，味道很濃郁很順滑。外加的溫泉蛋跟平常的一樣，味道剛好而且是流心的；配菜柚子椰菜就沒有甚麼特別但是很開胃。 總括而言，這拉麵店的性價比相當高（可能是因為我點了最便宜 $58 的那一碗），所以我覺得是值得再來光顧的。但是我會建議拉麵店可以多加添一些汽水以外的飲料。我本身不太喝汽水及檸檬茶，所以就只剩下烏

一行五人去食拉麵，五碗也是不同口味⋯而我點了俺流男盛熟成拉麵（人氣之選）有叉燒、炸雞同流心蛋湯底有濃濃嘅雞湯味，應該有雞骨熬煮，清而味淡，唔想咁油膩，可以選擇呢個因為有臨時有小小事要做，所以拉麵到後，我冇即刻食，而碗麵放左一陣，流心蛋仍是流心的麵質方面揀咗硬身，所以仲好彈牙份量充足，食到一半要抖抖先可以再食我地叫到成桌野食：唐揚炸雞丶大阪燒餃子、豆腐野菜沙律、明太子芝士餃子同埋有子椰菜（掛住食無影到相）

在新都會廣場行街後,經過一間拉麵店我和女兒走進內看過餐牌後決定坐下試試😊我點了俺流特製撈麵，麵質粗身有咬口、女兒點了黑蒜熟成濃湯拉麵一放下很香蒜油味拉麵彈牙湯滑濃郁👍🏻再配柚子椰菜和炸雞外脆內軟好好食,今次無選擇錯，因份量足夠😉我們下次要試明太子大阪燒

上星期母親節，同媽咪出左葵芳行街，見到呢間拉麵好似新開又幾多人食咁，就同媽咪去左排隊試下！望下個餐牌，拉麵選擇有十幾款到，有黑蒜油味又有梅子味亦有辣味，都算幾多選擇。最後我揀左辛辣味噌拉麵，媽咪就揀左俺流男成拉麵（熟成）。拉麵都有得揀軟／硬／普通，因為第一次試呢間所以我地揀左普通先。另外因為我同媽咪都鐘意食紫菜，所以我地比左十蚊追加左一份岩海苔。除左拉麵之外都有幾款小食，因為媽咪話要健康Ｄ(?)，所以第一時間已經叫左個柚子椰菜同埋豆腐野菜沙律，而我就因為想食餃子，揀左一陣之後就決定要左呢個大阪燒餃子！雖然人多，但係Ｄ野食都唔係等左好耐，首先第一時間當然係黎左Ｄ小食先啦！大阪燒餃子同平時食開既餃子既形狀有Ｄ唔同，細細塊，少少方形，味道異常地好食，水準之上！豆腐野菜沙律對比較鐘意食濃味野既我黎講略為清淡左少少，但係媽咪就覺得唔錯，話沙律就係應該要清清地咁先好食喎！柚子椰菜正正常常既一個菜，有少少柚子味咁，都算幾開胃小食食到一半到 ，Ｄ拉麵都開始黎埋！辛辣味噌拉麵對唔係食得好辣既我黎講，我覺得辣味都足夠。拉麵都幾大碗，食之前睇過食評話好細碗都有Ｄ驚唔夠食，但係我就覺得對我呢個男仔黎講，食完都

平時排隊排到人山人海既俺流塩らーめん，想食好耐架啦。Vcity 分店又太遠，咁岩今次做完野平日大慨8點半去到，等左15分鐘就入得。事關平時無機會食(唔想等)，又大胃王上身，兩個男人食左超級多野。呢度出名既流塩湯拉面，本身都想試，店員介紹湯底其實都係流塩湯，但只不過其他款式就on top打左其他野落去。重口味既我地就選擇左黑蒜油，同埋芝士辛辣拉面。拉面份量算OK，都有隻蛋都同叉燒。黑蒜油 就穩穩陣陣..辛辣拉面就真係成個辛辣面咁。 塊叉燒就好底讚，事關佢同其實唔同，是燒過的，特別香，好彩我追加左1份。 另外必追加既就係岩海苔，佢會幫你個面昇華到另一個層次。佢呢度有D concentrate 既醬俾你加，黑蒜蓉/柚子胡椒/梅子。膽粗粗咁全部試左少少，但佢地全部都好重味，相信你味覺正常既都唔駛加，因為本身個湯都好夠味。我地叫左好多少食首選推介係個大板流心玉子，有驚喜!夠晒味！另外就係炸雞，炸完又脆又滑。但係豆腐沙拉，味道清身，但個dressing 調味時重手左，偏咸。餃子味道可以但出度黎好似俾人食左兩粒咁。柚子菜就岩鍾意酸野既女士啦。另外不得不提就係佢既梳打水，唔算甜，不是飲到兩罐。

之前去過屯門分店試過唔錯，所以葵芳見到就試多次，但估唔到佢咁多人要排長龍。好彩我係食自己，所以唔駛等好耐就有位啦！不過咁啱人多，就要坐中間嘅 bar 枱（好過坐扶手電梯樓下，俾一堆陌生人人望住食嘢好尷尬）。試過佢嘅鹽湯，咁我一於食熟成湯底。而且見到好多人都大讚炸雞，所以柯打咗個男盛拉麵。咁就一次過滿足晒我嘅所有願望，仲要係人氣推介嚟架，同埋係最貴果碗！呢個拉麵有齊晒炸雞，叉燒同溫泉蛋，咁我就唔駛自己加配料啦！湯底方面，熟成湯底明顯比鹽湯杰身，味道豐富得嚟亦唔會好鹹，係我幾欣賞嘅！你知啦，食拉麵最重要係個湯底呀嘛。而我最期待嘅炸雞就麻麻地，浸咗落湯有啲淋淋哋。如果可以分開上就好啦，或者另點小食可能會好啲。炸雞外皮雖然淋淋哋，但不得不提雞肉仲係多汁係滑嘅，同埋係好大件。其實真係幾大碗，每次食完都好飽，其實以 $88 呢個價錢真係算唔錯。下次有機會，真係要叫多幾個朋友仔一齊試下新小食。

第一次黎新都會廣場, 估唔到咁多人, 晚飯時段間間食肆都排長龍, 花多眼亂之下揀左呢間拉麵店, 大部份客人都食完就起身走人, 唔會賴死唔走, 所以都唔洗等好耐, 排緊隊果陣店員已經俾定張點菜紙我地揀定食D咩, 好有效率丫. 我同老公兩個人, 叫左一碗期間限定拉麵和一些小食 share. 呢期做緊的限定拉麵係櫻花蝦拉麵, 由於我唔想食得太 heavy, 所以湯底揀左鹽湯, 配櫻花蝦清清地都好夾呀, 起初以為櫻花蝦係超細隻的, 原來都唔細架喎, 咬落D蝦肉係 juicy 的, 個殼都食得, 幾鮮甜噃. 麵條軟硬度我 tick 左普通, 下次可以試硬D, 因為碗麵都幾大碗, 揀硬D食得慢都唔怕浸到淋晒. 我勁愛流心蛋, 所以追加左一份玉子, 半生熟的流心蛋非常滑溜, 好正! 另外點左三個小食, 唐揚炸雞, 俺流餃子同柚子椰菜. 唐揚炸雞有驚喜, 睇 menu 張相細細碟, 寫明四件, 一上檯原來好鬼大碟的, 係四件超級大舊的炸雞, 大大件但一D都唔鞋, 好滑好多肉汁, 炸得夠乾身, 唔油膩, 皮脆肉嫩, 大讚! 柚子椰菜看似平平無奇, 但加左柚子汁好清新, 好開胃, 又可以解膩, 是不錯的

葵芳區人多，好多餐廳都預左要等位（鬼叫自己懶冇book餐廳），今日來到呢間拉麵，等左10幾分鐘就有位啦拉麵款式唔係好多（其實日本風味來來去去都係個d)，我好中意食溫泉蛋，落order時更係要加啦，侍應好細心咁提點，拉麵本身已跟一隻溫泉蛋，confirm我係咪要額外再加。好在佢溫馨提一提，如果唔係一餐食兩隻蛋，膽固醇仲唔超標咩...最值得一提係...食完唔會成口味精！

黑蒜濃湯好正，麵質適中又不失有咬口，湯底香濃，塊义燒肥瘦適中，溫泉蛋做到了日本水準(也是必然的)，如果再多啲蒜和葱就更好，明太子芝士餃子也不錯，不過一定要加柚子辣椒便更加好食，下次會試埋其它。枱上透明用匙羹那個紅色辣油點解一点都不辣，梅醬唔知佩什麼食物呢？(估計應是炸物，炸雞...等)，黑蒜醬也有点多餘(只個人意見)。總括而言，拉麵最緊要的湯底和麵質也到位，葵芳有咗呢間拉麵店太好了。如果員工有埋日本feel便感覺更地道，例如好似一蘭拉麵咁啲員工不停咁講歡迎光臨，多謝光顧等等，給人印象好有幹勁！

朋友知道我鍾意食拉麵，又知我最近未能去東京喇！所以佢誠意推薦我去試一試葵芳呢一間來自日本涉谷的拉麵店，等我止癢。晚了一點到達，不用排隊我點了俺流熟成濃湯拉麵。湯底係用雞骨、豬骨、香葱餚成。這個熟成濃湯比起一般拉麵店的豬骨湯淡味少少，但我可以肯定佢係冇味精，因為食完之後唔會好口渴。以前試過喺其他拉麵店，食完豬骨湯拉麵，飲咗大半公升水。呢度嘅叉燒比一般拉麵店厚三倍，我十分喜歡。玉子還可以，但兩隻蛋一隻靚，一隻唔靚。好多種唔同嘅醬料擺喺枱面，包括梅子醬、柚子胡椒、黑蒜蓉，全部任加，可以自己調製自己碗麵嘅味！不過我今次冇加，想試吓原味。其實朋友係誠意推薦人氣「黑蒜油熟成濃湯拉麵」，不過今日唔想食咁濃味的，下次有機會，會再來嘗試。

平時每次嚟到都排晒長龍，今日難得下午茶時間到訪，無乜人排隊，當然要入去試下啦！自稱係涉谷過江龍，湯底仲係自己研發，果然味道唔錯！本人比較重口味，於是揀佢咗個人氣產品黑蒜油熟成濃湯拉麵。見到好多人都有唔同評價，我自己親身試過後就覺得係好味嘅。一拎黎已經有好香噴噴嘅黑蒜味，我自己再加黑蒜油調味仲更加正，食完又唔會好似其他人形容咁好口渴喎。對於男士嚟講，呢個份量其實算係足夠。只係我個人比較大食，未夠飽，所以我再點多個玉子大阪燒同明太子芝士燒餃子，兩個同樣係新產品嚟架！玉子大阪燒個樣幾過癮嘅，然後一切開就係流心嘅蛋黃，正呀！另外個明太子芝士燒餃子，啲餃子比平時嘅細粒，一啖一粒。最估唔到係佢做到某某周刊最鐘形容意嘅邪惡芝士拉絲嘅效果呀！除咗位置喺樓梯底比較奇怪，同埋成日要排隊等好耐，Overall 感覺都唔錯。

多負評是有原因的早幾日喺葵芳行新都會廣場見到間拉麵店就行左入去食因為朋友係一個拉麵控所以間唔中就會話想食拉麵咁今日見幾肚餓就行左入去食啦佢嘅特別之處係佢喺喺兩條扶手電梯中間🙈🙈🙈其實講真都幾奇怪😅😅成日都見到有好多人排終於今日的起心肝行入去食甘我哋一人叫左一碗我要咗個辛辣熟成濃湯拉麵，樓朋友叫左淹流男盛熟成拉麵另外加左個檸檬梳打嚟到嘅時候佢俾咗兩碗鹽湯拉麵我哋咁我就同佢講話我嗰碗係要辣佢就同我講不如你自己加辣椒油落去啦一樣嘅姐跟住我心諗我自己加辣椒油落去咁我駛乜喺度食咁就叫佢換啦咁佢都願意換嘅但係出到嚟真係落辣椒油俾我囉完全覺得呢碗唔係拉麵係喺街邊食嘅車仔麵而且個麵質普遍都係太淋我叫左硬 姐係普通朋友叫咗普通 就即係淋另外，佢有三款醬俾嘅人簡黑蒜油 柚子胡椒 梅子咁我落左幾匙黑蒜油落去之後都覺得分別唔係好大 個唐揚炸雞就幾好食嘅果皮脆 肉質又嫩總括而言 係一般 個味道ok ge 不過唔好expect係正宗拉麵 只係一碗普通既麵