俺流塩らーめん (新都會廣場)

营业中

休息中

本身都冇咩期望入黎食，入到去，十萬個後悔！衰啲講食出前一丁可能都好味過呢間鋪～啲面同湯底都非常一般，完全冇特別！有啲似屋企煮既味道！呢個價錢我會俾多小小去其他連鎖拉麵店！

作為一個拉麵癡，我三不五時會四出尋找美味拉麵。這晩又癮起，朋友推介這裏，便一同前來一試。麵店位於商場電梯下，感覺有點兒奇怪，座位也蠻擠迫的，我們坐在吧枱，有肩摩接踵的感覺。不過很多拉麵店都偏擠，也慣了，只要好吃就可以。我選了大熱的黑蒜油熟成濃湯拉麵，湯底香濃、滑而不膩，麵條彈牙，相當不錯。朋友選了俺流柚子塩湯拉麵，他説湯底清鮮帶濃郁柚子香，也讚麵條爽口，非常滿意。唐揚炸雞是意料之外的好吃，皮脆肉嫩，吃罷令人心感滿足。

尋日去咗迪迪尼玩，睇完夜間巡遊返出嚟揾嘢食，醒起個 friend 提過呢間拉麵好味道，即刻上 openrice 𥄫吓咩料先，點知見到好多負皮，又話啲麵太淋又話湯底唔得仲要服務差㖭⋯ 本來有啲卻步，但一時間又諗唔到附近有乜筍嘢，見佢近近哋即刻飛車過去。大約八點零九點到，已經唔駛排隊，差唔多行到門口時有個笑容可掬嘅女孩子出嚟打招呼同埋帶我哋入座，跟著另外一個男仔放低水、餐牌同用心介紹唔同湯底，及後逐一上菜，成個過程服務不知幾好，員工有禮貌有笑容有水準，無出現過寒冰西面，好過出面好多食肆。我哋叫咗黑蒜油熟成濃湯拉麵、淹流柚子塩湯拉麵、豆腐野菜沙律、玉子大阪燒同埋唐揚炸雞。個黑蒜油熟成濃湯拉麵一上枱，見到摻和咗黑蒜油嘅乳白色湯底帶著油潤光澤就已經覺得對板，咪講笑即刻試啖湯先，喂得喎～ 入口陣陣香濃而不黏嘴，又夠熱辣辣。再𠽌返拄麵，咦都唔錯吖，爽滑彈牙又掛湯。試咗原味就係時候加入我追加咗嘅青葱同白葱喇，一二三車晒落去之後有稍微降低咗碗麵嘅温度，但可為湯底提香之餘亦令麵條口感更為複雜。餸方面有一塊叉燒，食落普通啦無乜驚喜；另外玉子原隻上，咬開都算流心有啲蛋香，但原來無調味嘅，我自己比較鍾意味付蛋。

係葵芳呢個美食地區，除左葵涌廣場呢個匯聚世界美食嘅地方之外，仲有一個新都會廣場！住係葵芳一帶既市民真係好幸福！今次去左新都會廣場行街，但因為仲係改建緊，個廣場好似迷宮咁。誤打誤撞行行下比我見到一間日本餐廳好多人排隊，原來係食拉麵嘅！我叫左一碗「俺流男盛熟成拉麵」，餐牌寫佢係人氣，都算多配料，分別有炸雞、叉燒、流心蛋。啲炸雞有度唔好，就係用湯浸住，所以令到啲炸雞食落個皮有啲"林"，但啲雞都算大件又嫩；啲叉燒雖然都多肥肉，但肥肉係入口即溶，口感唔錯，搞到我都忍唔到口吞左成塊叉燒！而我覺得最值得推介嘅係呢度啲雞蛋，係流心蛋黎，係我意料之外！至於另一個「俺流芝士辛辣濃湯拉麵」芝士好似唔夠多，有少少失望。

之前行過葵芳呢個商場見到一間好奇特嘅店鋪，係一間電梯底下面嘅拉麵店，特別在於好迫但係出面又有好多人等位。呢間又係日本開過嚟嘅拉麵店，香港人見到日本過嚟開嘅店都總係會湊熱鬧去試，既然咁多人排隊，試下都無壞嘅！平日嘅8點幾嚟到都仲有一條小小嘅人龍，大約等左3個字左右就有位。排緊隊嘅時候侍應已經俾定餐牌同order紙俾人落定單先。叫左俺流男盛拉麵、黑蒜熟成濃湯拉麵同埋柚子椰菜。柚子椰菜我覺得鹹左少少，叫碟菜都係想清番d調味料可以輕手少少。俺流盛男拉麵除左叉燒同蛋之外仲加左兩件炸雞。我諗因為係增量版所以預左係俾男人食掛，待應問都無問就擺低俾男人 =.=但係其實係我叫嘅。湯底比起黑蒜油濃湯拉麵清，麵質我揀左普通，食到尾就覺得太淋。至於舊炸雞，我覺得唔放入麵度可能會好少少。炸雞上枱嘅時候已經浸左一半淋晒喇！黑蒜油湯底比較濃，我自己就鍾意淡味d，所以我鍾意盛男拉麵個湯底多d！雖然拉麵味道都過得去，不過呢度嘅座位真係好迫下。最差嘅位係之前有食家坐過近扶手電梯附近嘅位，一開始本來都係安排我坐呢個位，真係名符其實嘅握手位。最後見到一張大枱有位要搭枱都即刻涉過去啦。呢個價位嘅拉麵，我諗個位其實可以唔洗咁迫.

俺流柚子塩味拉麵，先呷一口湯，添上柚子汁的湯吃起來很清新，我從沒嘗過，故有種新鮮感，這個所謂塩湯是用上大量雞骨、豬骨和香蔥以慢火餚制而成，湯較清從而突出柚子味。我覺得這個柚子湯是不錯，很醒胃，很有新鮮感，但就是麵條方面不太滿意，麵條太稔，义燒乏味，流心蛋原隻上，唯咬開後發現不太流心。俺流男盛熟成拉麵，湯不濃！湯謂用大量雞骨、豬骨和香蔥以壓力煲餚制而成，但我覺得這個奶白色的湯頭不如預期的香濃。俺流塩是來自東京的澀谷，登陸香港後分別在屯門和葵芳設店，我每次在晚市時間經過葵芳店時，也見人龍，故一直想吃卻沒機會品嘗，今次一次過嘗了塩和熟成兩種不同方法餚制的湯底，基本上，塩即是慢火餚制，熟成則是壓力煲快速作成，添了柚子汁的塩湯是不錯，唯熟成的湯則很失望，基他食的方面亦令黎生失望。而吃畢後不久，就是口渴。服務方面，我真有話兒，見餐牌有塩和熟成兩款，便找服務員了解，可惜該服務員九吾搭八，對著餐牌搬字過紙般說，便當向我解釋了，我火起來時，另一位像樣的服務員才介入給予詳細解釋。總括來說，這條東瀛過江龍令人，失望了，不用排隊來吃柚子湯還可以，但吃過一次以後，我真的沒興趣再吃俺流塩了。

小妹是一個拉麵控，基本上差不多全香港的拉麵店也嚐過八八九九。 有一次經過葵芳工作，看見這間店大排長龍，我當然不會放過任何吃拉麵的機會。等了差不多三十分鐘才能入座，心想質素一定很高香港人才會願意花這麼長時間去排隊吧。點了俺流味憎濃湯拉麵，其實俺流是什麼意思我也不知道，但又跟店名沒有什麼關係。我慣性吃拉麵會先試湯底， 但我只可以用失望二字來形容。 整個湯底基本上只有咸味，跟我自己在家用鹽加在熱水的味道差不多，而且是很咸的程度， 完全沒有想渴第二啖的衝動。 麵質方面不過不失，跟在一般拉麵舖吃到的無異，但份量真的異常地少， 我一個女仔吃完也完全不飽肚， 基本上吃上五六啖已經吃完全碗。吃完這碗性價比極低的拉麵後我和我的朋友已經在想往另一間餐廳再吃，可以想像得到這碗拉麵的份量何其少。要花78蚊食一碗只有鹽味的拉麵，還要等上三十分鐘。 我只能說我不會再中伏了。

在新都會落戲院嗰層嘅扶手電梯天井位，射燈照著大大塊日文毛筆字木牌，就算路過目光都會被吸引多看一眼。我們坐在貼著扶手電梯那一桌，親密的程度是可以跟每一個使用扶手梯的朋友握手。先上小食大阪燒餃子，$38六粒，每粒size像魚皮餃那麼「精緻」，餃子是煎得香脆，但食不到任何餃子餡料的味道，只食到面頭一大pat照燒汁和沙律醬味。辛辣熟成濃湯拉麵，$62，非常迷你，個麵四五啖就食完，配料也非常單薄小得可憐，連女仔都未必食得飽，何況男仕？沒有深究熟成是什麼意思，但濃湯就一定一定說不上，相反想讚吓佢個湯幾清爽唔油膩，辛香而不辣。朋友點的黑蒜熟成濃湯拉麵，$68，同樣迷你，但多隻蛋，感覺看似良好一點。仲要加一

自問對拉麵有要求的食客，不建議嘗試這間拉麵店。第一食物質素:是黑蒜油濃湯熟成拉麵- 湯底偏淡-黑蒜油味更淡- 叉燒得薄切一塊- 麵身尚算有質素- 份量偏少第二價錢- 連加一total$76- 價錢與質素未能成正比總結味千拉麵的質素，一風堂的價錢。

朋友說這間新開又出名想著不妨一試既心態去吃排了很久的隊才入到去店員的態度不過不失食物的種類不太多朋友選了黑蒜麵 我則選了辣味抱著很期待的心吃但原來味道極差 連普通的街外拉麵也不如 更不要說與豚王等日本店比不值得推介

琴日我同我女朋友去葵芳食拉麵，此店是新開張所以好奇試試。點了熟男特盛拉麵, 黑蒜油拉麵,餃子。首先係最難食嘅餃子, 又涷,又咸,食落口啲肉係酸。十分難食!!!另外黑蒜油拉麵好油膩, 香味是足夠的但是每一口都是在吃油。而我吃的是熟男特盛拉麵。餐牌上寫的拉麵是有是台揚雞和厚切叉燒。首先 炸雞 浸在 拉麵 上變得很林,根本是在吃炸粉, 炸雞是涷的! 厚切叉燒好像不太厚切和是涷涷地的 十分期望的拉麵變成失望用了三十分鐘排隊 卻換來了失望

本人在本地及日本食過約四、五十家拉麵！呢間普通到一個點……如果好餓又冇得揀又冇要求可以填吓肚！要排隊……無謂嘞！湯頭太單薄，麵質唔爽口，性價比……算把啦！可樂又唔夠凍，服務又差到無倫！

成班同事一齊出街做野, 剛好路過呢間拉麵店, 擇日不如撞日, 成隊人貢入去試試啦 。平時繁忙時間呢間野好多人排隊, 好彩個日大家遲左食LUNCH , 排左5分鐘就有位嘞。我地一人一款拉麵, 再加大量小食 , 務求可以一次過試多幾款野啦。首先, 我要利申, 因為自己食野係比較重口味, 所以我只會點「熟成濃湯」的。第2樣就係我食辣食開「10小辣」,辣既程度係得咁上下..... 講返D 拉麵先, 我點左一個「辛辣熟成濃湯拉麵」, 對於「10小辣」的我呢, 基本上都叫做辣, 但食辣既野係邊食邊流鼻水先過癮架嘛, 呢個辛辣拉麵就滿足到我嘞，個濃湯係值得一讚既，豬骨湯底奶白充滿骨膠唔肥膩。食拉麵最重要係個湯底，呢個湯完全有去左日本食麵個種感覺。至於小食呢，味道不錯，炸雞呢Ｄ重口味既野係本人至愛，大阪燒餃子第一次食，又真係幾特別，感覺不錯。最後，好想特別推介係枱頭個堆調味料，好多都未見過的，好新奇！口味既野見仁見智，不過「黑蒜蓉」同埋「柚子醬」都幾特別幾好味，食成碗可以有不同口味，其實都幾好玩，我地幾個同事不停地試下呢樣個樣，食完仲要飽到行返公司。

閒時行過，經常見到大排長龍，不用排隊時就係已經售罄湯底。無緣一試。機會黎啦飛雲！今日不用排隊，填好食咩就可以馬上入座。2個人，叫了一個俺流餃子，黑蒜油熟成濃湯拉麵及辛辣塩湯拉麵。俺流餃子大小適中，一口一件。上枱時仲好香，食落仲有小小汁。味道okay。黑蒜油熟成濃湯湯濃度適中，𣎴會太杰太咸。但黑蒜油真係丁點都食5到。當普通濃豬骨湯底食係ok的。麵質有咬口，叉燒好林，份量夠。辛辣塩湯拉麵 感覺好似中式湯麵 同食開嘅濃湯完全係兩回事，點左軟面，感覺都係啱啱好，叉燒無特別，其實食落味道係正常，始終係塩湯拉麵，試下唔同類型嘅拉麵整體而言，試過就夠，不用再回來，好在不用排隊。其實可以5試都得。

每次經過都大排長龍，決定要試佢一次。可能座位供應有限，所以人齊先可以入座。大概有10款拉麵供選擇，我地試左味噌拉麵同黑蒜拉麵。個麵好夠熱，熱到隻匙羹都辣咀。味道好夠濃，麵條係粗身少少，有好多芽菜，但豬肉比較油。黑蒜拉麵嘅份量比味噌拉麵少，男士食未必夠飽；味道夠濃，麵條比較幼。食落原本都覺得唔錯，點知。。。由頭先食完麵到依家都有5個鐘，我大大話話飲左6杯水/飲料，口渴到痴左線，飲極都仲係覺得好口渴。大家覺得點解會口渴呢？好，又要去飲水。。。