俺流塩らーめん (新都會廣場)

营业中

休息中

今日去左葵芳睇戲，睇完緊係要去醫肚啦，見到呢間拉麵都幾多人食，就決定試下，等左20分鐘左右就入得啦。我試左黑蒜油熟成濃湯拉麵（$72），唔會好咸，個湯亦都唔會好油，味道適中，但鐘意食重口味既朋友仔可能會覺得唔夠濃。不過佢仲有四款醬料比你調味，仲有個牌仔介紹添，我就加左黑蒜油，成碗麵即刻濃左，好香黑蒜油。😆我仲試左梅子醬，酸酸地好開胃，不過同我今次呢碗麵唔夾，哈哈。麵質方面我揀左普通，唔會食得耐就變淋。另外，有原隻流心蛋，d蛋漿會流哂出黎，好味😋 可惜既係碗麵只有一塊叉燒，略為不足。小食方面，我試左青檸味噌炸雞（$48/4件）。見到好多枱都有叫炸雞，果然唔錯。炸得香脆，唔會好厚粉，而雞亦都夠滑，配埋青檸汁，酸酸地都幾夾，值得一試。😊

呢間日式拉麵店過江龍，本店於2010年由小林健創業，現時在東京有九間分店。自家研發兩款基本湯底，以超高壓力鍋熬成的熟成鹽湯較有特色，味道濃稠鮮香。另一款鹽湯相對清淡。為保持味道正宗，麵條及調味醬汁，都在日本製作再空運來港。香港分店由日本派來的師傅主理，水準有保證。見到日日都排長龍，下午茶時間，攝個位試試佢。係出面等梗時，已經叫你睇Menu落單一于試曬佢我意思係食俺流男盛熟成拉麵因為入面可以試齊熟成湯、叉燒、炸雞、流心蛋枱頭有D野bo原來係黑蒜蓉、柚子胡椒醬、梅子醬，係俾大家加入拉麵入面。由一種味變成四種味。原味，濃純 黑蒜蓉，香濃柚子胡椒，淸新梅子，甜，特別另外特別推介流心蛋正呀

日本依然是香港人旅遊的飛佛。日本官方機構都有講，香港旅客的數字又多了五份一，其中兩成的訪日次數更有10次以上，都算誇張。 「俺流塩らーめん」來自東京涉谷，原店在 Tabelog 有 3.56 分 ，它把食材、烹調手法一一引來香港。俺流塩的拉麵流派，年資不算太深，在當地卻蠻受歡迎，相關分店也愈開愈多。 香港分店暫時在葵芳和屯門，對我來說沒有太就腳，卻方便了新界西之友。舖頭門外見人龍，大概排了 10 分鐘。 除了原店的拉麵，店也推出香港限定菜式《初夏限定》﹐利用青檸做主題，即是日本本店也找不到。 「青檸雞肉冷拉麵」$68，每天限定30碗： 拉麵賣相亮眼，很 instagramable，青檸片浮在湯面上，圍着中間的雞肉和蒽絲，看上來開胃，吃法也貫徹清涼的原意。 附上用來篤青檸的木製小匙羮，輕輕幾下，讓青檸汁滲進清爽的湯汁中。湯的質地及調味都輕巧偏淡，青檸汁開胃，美中不足是雞肉比較嚡。 枱上有三樽調味醬︰黑蒜蓉、柚子胡椒、梅子醬，若覺得味道太淡，吃麵的時候可以隨口味放。怕沒有主意的，餐牌也有推介食法。 「青檸味噌炸雞」$48 雞脾肉四大件，附上新鮮青檸，可擠出青檸汁同吃，

經常經過新都會俺流塩らーめん拉麵店都排長龍無機會試原來係黎自澀谷既長龍拉麵店 飛到黎香港都一樣係拉起長長人龍7點黎到預左排隊 店員派定個menu可以慢慢揀定野食比一張寫住「初夏限定」＆「每日30碗」既青檸雞肉冷拉麵都menu吸引住依款拉麵就係之前去四國旅行時未帶機會食到既名物酸橘鹽味冷拉麵啦雖然唔係酸橘 青檸都唔放過啦青檸雞肉冷拉麵  拉麵上枱已經好震撼啦 成碗都係青檸呀冰呀 店員仲提供埋枝木棍仔黎桔青檸我桔左半碗驚太酸 青檸汁混埋冰凍鹽味湯底 酸酸地出奇地幾醒胃食食下友人話佢碗普通鹽味拉麵有鹼水味 可能我個碗青檸拉麵酸味蓋過陣鹼水味了 而且放埋冰 麵質好彈牙雞肉有三大舊 不過有陣雪味 肉質又死實外加既玉子都係一般 唔係味付醬油雞蛋就真係差d野甘另外叫左個小食 豆腐野菜沙律$48 超級普通啊 沙律醬同沙律菜都唔夾

最近感冒了吃了多天淡淡而無味的東西！今日覆診；順便想再次光顧-OreryuShio餐廳招牌調味醬介紹那碗麵合適之調味醬餐牌俺流叉燒飯 Oreryu Rice $38厚切叉燒，配以日本京蔥再淋上惹味日式醬汁！J先生：邊食邊讚熟成 JUKUSEI SHIO-RAMEN以特製壓力煲加入大量雞骨丶豬骨及香蔥餚制而成。短時間內餚出食材所有精華，並能保存食物之營養成份。外表有著豆乳的顏色，將鹽湯拉麵提升至更高境界。俺流熟成濃湯拉麵 Oreryu Jukusei Shio-Ramen $58J先生說：湯底香濃，叉燒軟淋，帶著香蔥味鹽 SHIO RAMEN 以大量雞骨丶豬骨及香蔥慢火餚制而成的湯底，味道溫和並含豐富維他命丶蛋白質與骨膠原，健康口味不油不膩。俺流鹽湯拉麵 (走蔥）Oreryu Shio-Ramen $58湯底清又甜，叉燒軟身，拉麵軟硬剛好另加流心蛋 $10 ；另加叉燒一片$13漏了影相添滑滑蛋白；濃郁蛋黃味賬單OreryuShio 總結 : 值得一試!

葵芳除咗葵涌廣場多嘢食之外，隔離嘅新都會其實都有唔少選擇。而我今日就去到新都會廣場嘅一間拉麵店，有陣時行過見到長長嘅人龍，就會覺得呢間拉麵店d食物應該都係幾好味掛？今日見到得幾個人排隊，所以就決定去試一試我就揀咗餐牌上寫住「人氣」嘅俺流男盛熟成拉麵$88。坦白講拉麵上枱嘅時候，就冇餐牌上show出嚟咁豐富，雖然都係有嗰啲材料，但係無論係材料嘅擺位又或者係份量，同餐牌都好似有啲差距視覺方面滿足唔到我，咁即管睇下味道方面又如何啦。 蛋係有流心嘅效果，而且我覺得蛋嘅size好似比一般坊間嘅大dd，蛋白嗰部分都比較水感，幾好。(如果廚師能夠切開隻蛋先上枱就更好)炸雞唔係另上嘅，我自己個人來講係唔介意，因為就算另上，我都會先浸一浸落啲湯度先食。但係如果好介意呢點嘅朋友，就建議唔好點呢款拉麵。炸雞嘅皮唔算厚，另外可能係炸過嘅關係，我自己食唔出係新鮮嫩雞定係冰鮮雞？而叉燒方面，算合格之上。叉燒嘅肥瘦比例程度係我鍾意嘅範圍，瘦肉嗰部份煮得相當軟身，容易入口；而肥肉嗰部份可以話係接近入口即溶。不過我估叉燒可能冇乜點醃製過，味道偏淡左少少。至於湯底方面，我自己估計應該都落咗唔少豬骨去製作，因為都有唔少油浮

成日都經過喱間拉麵店,個outlook都ok嘅,而且成日都有好多人排隊食喱間嘢,加上自己好耐冇食日本嘢,咁啱中午有朋友搵我去新都會食lunch,咁我就提議去喱度一如以往,中午好多人,友人唔洗返工所以就提早就攞位,就排到我地時就已經俾左個餐紙我地剔下點咩嘢食即係日日都咁多人幫襯,以午餐黎講80幾90蚊,真係唔應該俾咁嘅質素湯底冇誠意,辣又唔夠辣,又唔夠濃,又好似冇咩味咁, 麵嘅質地唔ok,好似味x拉麵嘅貨色,叉燒薄得黎冇口感,仲要得一塊,唯一值得慶幸嘅係有黑蒜、柚子胡椒喱d醬料俾你自己落,如果唔係真係唔知自己食緊咩......真心唔係將佢同日本比,而係外面同佢差唔多價錢嘅拉麵店都比佢有誠意得多非常中伏嘅一餐,唔明點解每日都有咁多人去!

每次經過都見到好多人排隊，今日難得只有很短的人龍就試試吧！時間大概是一點半。在排隊時，店員會給你餐牌及點餐紙，跟你說很快便能安排位置。大概等了五至八分鐘已經可以安排入座。本來想試俺流味噌拉麵（我比較喜歡吃濃）但最後也揀左他們特有的熟成濃湯拉麵，再追加一個蛋。枱上供應四種醬汁，亦附有教客人配搭的溫馨提示。仲提供拉麵胡椒及七味粉。落單到上菜都好快！當麵上枱，我有點質疑我會不會夠飽，份量看上去太細。湯是奶白色，餐牌說明是用雞加豬骨湯。麵用上幼面，加上爽口的湯，是沒有負擔。肉只有一片，配菜也是幼幼的。總括而言，如果經過可以一試。建議點他們份量較大的男盛，否則四點再來一個下午茶吧！

又一次行完山，返到出黎葵芳。見無咩心水食店就揀左呢間，因為平時佢呢度經常大排長龍但今日人少少就黎會一會佢。係等緊位時店員俾左點餐紙我地揀麵先，本身想食佢個人氣熟成拉麵但點知無晒，七點就無晒真係有啲愕然。算了，就揀個清爽啲嘅紫蘇梅子拉麵，消下暑氣。坐低一陣個麵就到了，都知拉麵算係速食一種但你賣七十多元，但可以切返開個蛋，跟返張圖個樣都可以啩？講返個味道先，湯底係普通鹽味又唔特別香。反而覺得壓爛個咸梅同加多啲梅子醬後個味道先合理一啲，而麵質就可以的，就算揀左軟但送到黎都仲係有口感的。半熟蛋做得幾唔錯，蛋黃完全流心無過熟。叉燒肉只是薄薄一片，食唔到有咩咁特別。成餐最失望嘅係加點左呢幾粒餃子，同食微波爐叮出黎一樣，同一價錢係超市買的仲好過佢。真係敗筆。呢度座位旁邊照樣有唔同配醬，可以根據口味自行調配。但發現佢個梅子醬味道同梅子拉麵一模一樣，早知就揀第二個麵黎食。反而個柚子胡椒加左落麵度更清爽，算係值回票價吧。

一次要獨自去葵芳辦點事，所以午餐要係商場搞掂，喺地下行咗一兩個圈結果都係食返自己最愛食物～拉麵。呢度之前拍拖經扶手電梯上上落落望到其實覺得間鋪頭個位置好奇怪，好似夾硬塞間食肆喺度咁。而且睇落某個角度嘅食客只要抬頭一望就好容易會睇到搭緊電梯嘅女士裙底，所以第一次同女友經過此地已經提醒佢著短裙唔好用呢條電梯。眼見張餐單淨係拉麵都有1、2、3、4、5...13款拉麵，其實都已經有少少中伏嘅感覺。因為一間傳統拉麵鋪係極少提供多過3款拉麵，而且見到呢間竟然用上2、3款口味同風格完全唔一樣嘅湯底… 見九州風嘅拉麵喺香港打得火熱，所以就改為試下較北海道風嘅鹽湯拉麵暗，轉下口味之餘還掂間鋪頭名就係賣緊鹽味拉麵，應該冇死喇掛～另外再加一隻玉子。拉麵一上枱，我通常未撈勻會先聞一聞，隨面飲半啖湯嚟試下。但今次聞落冇味，飲落都冇味，只有兩個可能性… 一喺就中伏、二就係我病咗冇哂味覺。而拉麵食得出係街外嘅行貨麵條… 塘心蛋就流心，但冇味，正常塘心蛋係應該有被豉油醃過，但呢個塘心蛋就冇嘅。枱面上有好幾樽唔同嘅調味料，有黑蒜、柚子胡椒等等，枱上嘅標示話可以用呢啲調味料mix and match唔同嘅湯底，我照住喺碗

食拉麵，（當然去日本啦，其實都幾廢話，但又係事實，因為無得比），此店裝修都非常用心有日本特色，服務就 。。香港式，職員求求其其，但不算無禮貌，但絕對不算熱誠，店舖在大商場內，洗手間，環境舒適，但店舖位於在兩條電動樓梯底下，都不算上是舖位，怪。。乘電動樓梯，睇住你個頭食麵，香港地產商場，世界都要來借鏡。。麵算上好味道，炸雞，煎餃子，煎得香口，熱烘烘，三款拉麵，味道都不錯，可以一試，我就喜歡 黑蒜味，俺流男盛拉麵，可以說是 公司拉麵，樣樣餸都有。

放工後同女朋友shopping 諗唔到食咩 經過呢間餐廳門口 就突然好想食拉麵（本身是非常非常熱愛日本食物）餐廳門外排滿長龍 我地等左10分鐘左右 等候期間 職員俾咗張餐牌我地點食物 餐廳拉麵款式很多入座後 職員態度超好 問我地想坐高枱定矮枱然後就幫我地點餐 我點左兩款主菜和兩款小食。我點了1號 俺流熟成濃湯拉麵湯底濃郁拉麵很彈牙唐揚炸雞飯 好食但份量有點小玉子大阪燒 好得意 大阪燒味道 但係裏面係玉子明太子芝士燒餃子 最值得推介 芝士份量比想像中多好多 超好食 下次黎食一定會再點

適逄葵芳工廠區開倉 血拼一番之後去新都會再血拼!行到咁上下想醫肚之際 見到呢間拉麵店又咁啱冇人排隊 就衝左入去食喇以拉麵店黎講佢都算幾多選擇最後同朋友揀左黑蒜熟成濃湯拉麵同俺流芝士辛辣濃湯拉麵 柚子椰菜味道好清新 用黎開胃一流拉麵有咬口 味道唔錯 流心蛋好食~炸雞好食~呢個大阪燒餃子結合左兩樣我比較鍾意既食物:大阪&燒餃子味道不錯 不過略嫌個汁完全覆蓋左餃子既味食左咁多野呢舍價錢都算合理題外話: 佢個位置有少少奇怪 係扶手電梯底 但如果好似我咁只係諗住快快食個飯再行街的話 都算係一個唔錯既選擇

平時去葵芳多數行街同食小食, 今次想同朋友坐低食飯。首先要左個豆腐野菜沙律，份量都好大碟，醬汁略帶微辣同比較咸，係清新之選。之後再黎個大阪燒餃子，我覺得比較普通。登登登登　主角出場！好期待個拉麵！＊熟成俺流男盛拉麵＊用上特製壓力鍋將雞骨、豬骨及香等湯料熬成豆乳色濃www.hkheadline.com湯，飲完唔會覺得好好重味精，非常好！炸雞本身醃得好夠味，值得一讚。食拉麵另一樣好緊要嘅係玉子，呢度做得剛剛好～另一樣覺得佢地做得好嘅係所有追加嘅配料都另上，朋加係愛蔥之人，開心死佢！食拉麵時仲可以加上唔同醬料　（我地掛住食都冇加到）

一個人食個 quick lunch, 叫左碗黑蒜熟成濃湯拉麵, 同埋豆腐野菜沙律. 以為一碟$48既沙律會係細細碟啱一個人食啦, 點知黎到原來好鬼大碟架, 幾個人 share 都夠, 豆腐好滑好濃豆香, 生菜好新鮮,睇得出唔係切定放左好耐果種, 因為菜邊無變色, 而且充滿水份, 入口爽脆, 車厘茄超甜, 再多幾粒更好, 上面有D 脆脆的東西, 令呢個好普通的沙律變得不普通, 層次感豐富, 有驚喜. 至於主角黑蒜熟成濃湯拉麵就啱晒我呢D重口味既人, 個湯底真係夠晒濃郁, 仲有我最愛的半熟蛋, 叉燒唔會薄EE, 好足料,麵質亦合我胃口, 我比較喜歡粗麵條, 有嚼勁, $72一碗加埋個沙律已經好飽好滿足.