俺流塩らーめん (新都會廣場)

营业中

休息中

與同事們到這裡來個遲來的午膳，剛好不用等好久已經可以入座（太好了～～），三人點了味噌拉麵、紫蘇梅子拉麵、炸雞和柚子椰菜。炸雞與柚子椰菜先來。炸雞大大件，望到都好開心，自己一向吃得較清淡，會感覺炸雞鹹了一點，但其實佢好入味，係好味👍🏼其他同事也讚不絕口。個柚子椰菜，意外地原來幾好味，有柚子清香，沒有酸也沒有古怪甜味，口感清新，其實與拉麵甚配，意思是拉麵口味屬於濃，味道淸新的柚子椰菜又好像正好幫你中和口腔內的味道，感覺幾舒服清爽。我個走筍味噌拉麵終於來了😍 味噌拉麵用濃湯底，我好怕鹹以及好勁味噌（麵豉）味但都諗住試下所以叫左，而呢個湯底真的冇令我失望（有點感動），因為我竟然可以飮到喔而舌頭冇感覺不適，味道恰到好處，我仲覺得飲到有菜味，真係幾正，抵讚😋麵條係粗的，我選普通，留有點嚼勁，好食！食左一半就跟枱上面張卡試著加入黑蒜及柚子胡椒，竟然個感覺係湯的味道提升左，柚子胡椒好正好惹味😍有個同事話我咁細食食粗麵未必食得晒😁😁唔係丫我清左喎，只是飮唔曬D湯有點可惜～ 味噌拉麵有配一塊厚切叉燒，唔硬，算軟滑，啖啖肉，味道剛好，感覺非常實在👏🏼👏🏼（至憎吃到外面有D店切到紙咁薄）有個同事食梅子紫蘇拉麵

之前行過黎間新開拉麵店見好多人排隊,都想試下,今日咁岩經過唔使排就入去試下,店員推介俺流芝士辛辣濃湯拉麵,叫普通硬度,碗麵黎到得一舊叉燒,一粒唐心蛋,剔左要蔥同荀都無比到,D麵質仲好硬,碗麵得果少少芝士粉,完全無芝士味亦無辣味得過咸字,蛋唐心做得唔錯但係無咩味道,食完碗麵飲左3杯水都唔掂,仲好口乾😬咁既價錢咁既質數,亦無服務可言,店員都係目無表情,笑容欠奉,好彩唔係排隊入去食,都唔明點解仲有咁多人排隊食?真係未食過咁差既拉麵$88俺流芝士辛辣濃湯拉麵

話說之前見到呢間拉麵店新開張，已經想去試吓，但點知當日去到門口，竟然見到寫住湯底售罄...？🙀🙀🙀咁無辦法啦唯有擇日再試😞😞😞今日終於經開呢頭，見條人龍都唔算係好長，大約10零20人，咁就諗住入去試吓... 我叫左一碗招牌拉麵-俺流熟成濃湯拉麵，一配俺流男盛拉麵，再加一客俺流餃子...首先餃子到咗，但我發現嗰六粒餃子，仲細過咩，一啖咬落去都唔夠攝牙縫，不過個皮都幾趣，但真係食唔到裏面啲餡係咩味囉，因為實在太細粒啦...跟住兩個麵嚟到，首先講個濃湯拉麵啦，湯底味道唔錯，唔算好勁味精，幾清嫁都，我揀咗普通硬度嘅麵，口感都唔錯... 算彈牙，塊叉燒係細塊啲，不過唔係紙咁薄嗰隻，問題係嗰幾塊菜，又細塊又得幾粒葉咁，真係小家左啲，好似菜碎一樣...再講個男盛拉麵，仍然係揀咗普通硬度 ,其實同濃湯拉麵嘅分別，只係多咗一隻糖心蛋，同埋兩舊炸雞... 糖心蛋半熟口感唔錯，炸雞口味亦算OK... 不過仍然都係菜碎幾片食物大致可以喇...到服務，店員無咩笑容，不過我買食又唔係買笑，基本落單，凍水都有提供，我已經收貨，而食物提供速度一般喇（大概十五分鐘左右）兩個人晚餐價錢偏高少少，但都可以再試嘅，只要條隊唔

美食哥倫布今次去咗葵芳搵野食!有乜野咁伏?一齊睇下啦!話說新都會大裝修完，大部分商戶都俾人鏟走曬！無辦法啦地產霸權，真係商場佢要你走，你絕對留唔到明年！之不過呢正因為咁，所以葵芳又有新野食！記得雜誌介紹過一間新開拉麵店，講到又幾特別的咁特別，所以日日都勁排長龍，點知哥倫布我一個唔小心，就奶野啦。先講拉麵，見到有碗芝士辛辣濃湯拉麵咁特別，咪叫咗嚟試下，點知d味完全唔夾，有d似薯片d味精味，個湯唔夠辣，芝士又冇味，真係韓國嘅辛辣面都辣過距。明明揀咗硬麵條,點知好似意粉咁.但又唔夠香失望！唔明點解咁多人排仲嗌多咗個唐揚雞,我頂…又油又嚡…擺咗一陣啲皮已經腍曬，而且好鹹環境其實唔多舒服，又逼又要坐扶手梯底，萬一嚟個高空雜物，咁就_ _了 (請自行填寫）精境對白:最怕改壞名，鹽！全部都都系鹽！

太太本身於葵興工作，我亦是拉麵愛好者得知此拉麵店經常排長龍，所以太太收工就去幫手排隊等食！大約6點半去排隊，等大約十分鐘就入坐拉麵餐牌好簡單，看圖揀number 就得個人應為最抵食係9 號「俺流男盛熟成拉麵」有炸雞兩大件，又有叉燒，又有蛋！抵食！拉麵有軟硬度選擇，湯底味道唔錯，但小心唔好特別落台面果支拉麵椒鹽，味精極重！食拉麵都係想食佢淆出黎嘅湯底，冇必要都唔好加味精。另外餃子味道唔錯，唯一係餃子唔夠熱及好細粒整體味道唔錯，但要特登排隊排大半個鐘嘅話就算喇

Snappy都好鍾意日本野😍點解食呢間🤔係因為新年冇咩餐廳開而佢又有開😂【黑蒜油熟成濃湯拉麵】$68 【辛辣熟成濃湯拉麵】$62 拉麵不掛湯😂麵質選了硬也沒啥嚼勁，我又唔係影相影左好耐，所以係本身較稔身。😶濃湯嘛，倒是可以的，濃湯係煮到奶白色，湯身都比較稠濃🤔個叉燒都叫厚身，雖然肥瘦唔係相間，但至少唔會嚡身，但始終豬腩肉半肥瘦好啲，咁樣肉汁鎖死得好啲😎個蛋都ok，叫做岩岩熟，冇腥味，但同日本蛋仲有一大段距離

平日晚上都見佢排長龍（平日排成3，4個蛇餅，本人係一個唔太鐘意排長龍既人黎，見到會咩人食慾都冇晒）星期日的下午時間見冇咩人排龍就同男友去試下佢…………朋友知道我食呢間拉麵後，都告知我食完可去附近買野飲（果然係有咁既需要）湯底都几好，塩味夠清，另一款豬骨湯夠濃面可選擇軟，普通，硬我兩選擇左軟身，ok9成湯麵都會有波菜，對波菜敏感既人記得要走但食完飲左兩杯水還覺得口渴炸雞冇雞味叉燒啲肉好實基本上我所冇肉都冇食晒玉子都ok，冇特別好食

開張不久的日式拉麵店，同事介紹下，決定一試。除了有十二款不同拉麵外，還有四種醬（黑蒜油、柚子胡椒醬、梅子醬、辣油），多款調味料（醋、七味粉等）在枱上，任君配搭。麵身可選軟、普通、硬；亦可選走蔥及荀。本人選了俺流鹽湯拉麵，普通麵底。湯底不算太濃，本人覺得剛剛好，加上柚子胡椒醬或梅子醬會更開胃。本人偏愛柚子胡椒的味道，少見而且好味，推薦可以一試。叉燒只有一塊是美中不足，如果多兩塊會更好。食肉獸如我，下次大概要加叉燒才行。

中午難得排唔駛十個就即管試，但非常失望，拉同我在超市買的質素差不多，湯底亦普通，可能一分錢 一分貨吧！但店員真的好沒糧出一樣，黑口黑面，俾錢時連一句多謝都冇！不會再幫趁。

終於試到了俺流鹽拉麵，開幕到現在一直排長龍or 售罄，今天終於可以一試。食物: 俺流鹽拉麵$58+半熟蛋$10湯底-香港比較少鹽味拉麵，這個鹽味湯底飲落夠清甜，唔會得個鹹字。我一直都覺得鹽味最能帶出食材的味道。這個湯底贊。麵條-好失望，食落似鹼水麵，麵身偏硬 (我叫普通的啦)，勝在份量夠 (得個麵多)。叉燒-厚切一塊 (得一塊，多謝嗮)，“鞋”口。菠菜-一啖食嗮，無感覺筍-幾條，一啖食嗮，無感覺蔥-本人唔食蔥，走嗮題外話: 等入座不用等很久，但等上麵卻等了20分鐘，好明顯廚房人手不足。總結: 作為一個過江龍拉麵店來說，價錢不算太貴，湯底美味，麵身(本人)不討好。至於配料其實叉燒以外那些都算是便宜貨，是否可以不用這麼吝嗇放多少少…

新都會大執位,見呢間拉麵店每日午飯時間都很多人排隊,就即管試試.其實只等了15-20分鐘,巳經算快.排隊時可以揀定食物.入座不久就有得佷了.我揀了黑蒜油熟成濃湯拉麵. 這間店可以給你自由選擇煮麵軟熟度及要或不要蔥及筍等. 這間店麵條較幼,湯底反而沒想像中濃及厚.湯中有些蒜片,但還不夠蒜味,所以我加了很多餐廳提供既黑蒜蓉才覺得夠味.溏心蛋反而不錯,只是白蔥太少.想要多些就要比錢追加. 呢樣麻麻.還選了餃子及炸雞小食, 賣相及味道都只是一般.

一直對這間來自日本的俺流塩拉麵，沒甚興趣，可能就是怕了那條全天侯的人龍。

今天黃昏時分路過，店面罕見的冷清，我們決定吃碗拉麵作為晚餐。

點了兩款小食，兩個拉麵。
唐揚炸雞，$32 一客四件，可說是經濟實惠，炸漿不會過厚，適中的調味，外皮剛好的酥脆，內裡肉質鬆軟嫩滑，新鮮熱辣滋味。

俺流餃子，皮薄、饀靚、味美，唯獨欠缺一個吸引的賣相。

俺流熟成濃湯拉麵，以雞骨熬成的湯底，色澤濃稠奶白，味道相當鮮甜，配菜有京蔥、筍及菠菜，义燒肉質鬆軟，拉麵口感爽彈。

黑蒜熟成濃湯拉麵，濃厚的湯底，混著黑蒜香油，多添一份獨特香氣，最愛那隻流心玉子，飽吸湯汁，非常美味。

桌面除了基本醬料，還放著三款特別醬料，黑蒜蓉、梅子醬及柚子胡椒，讓食客可自行調配自家口味。

這裡的拉麵可說是足料足味，而且價格亦相當親切，但服務就欠了一份親切感，說實話，板著臉的店員，總能令客人食欲大減。

今天晚上帶小朋友去食麵，兩大一小，排了半小時。寫好點餐單㸃了三個麵加飲料及小食，因為小朋友三歳，不可能座bar枱，要求給我們普通四人枱，當時是有四人枱的，那個年青的host 店員不肯，態度極差，完全吾休做的樣子。雖然已經等了半個小時，最後決定到其他餐廳進餐。之前光幫過此店，那時的年紀稍大的店長也會安排四人枱給小朋友。很難想像一家餐廳，特別是在曰本到香港開業的餐廳，會培訓或允許前線員工以這樣沒有同理心的態度去處理或服務。這種服務的餐廳，我們以後絕不再光顧。

新都會經過一輪翻新之後，開左好多間新餐廳，期中包括位於底層既拉面店，唔知係咪因為新開既關係，要排隊入座，等左大概１０分鐘左右，唔算太耐，而且係等既時候，侍應就會拎定張ＯＲＤＥＲ紙比客人填我同朋友都order左個柚子拉面，感覺ＬＩＧＨＴ　Ｄ味道都幾特別，有陣清新既柚子味，而且仲有流心蛋，好有良心咁比齊一隻蛋，唔似有Ｄ食店只會有半隻不過湯底略咸，朋友就話ＯＫ，不過日本拉面大部份味道都偏咸佢舊肉就得一塊，中意食肉既應該會唔夠喉，好似有得比錢加

在葵芳新都會廣場經過這間俺流塩拉麵店，見有人排隊，加上在開放式廚房的玻璃外，睇見個湯幾清幾吸引，即本試吓。叫了個俺流男盛熟成拉麵，比一般拉麵多了兩三件炸雞，份量並非想像般多。湯底是鹽清湯底，但稍覺味不足。即使點了加辣仍覺得唔夠辣，麵我點硬麵又不夠硬。至於流心蛋邊皮位過熟，完全唔合格。最離譜的是我埋位時侍應水杯都冇比我，咁既服務仲要收我加一，埋單更要九十幾元。雖然葵芳真的沒一間似樣的拉麵店，但我對呢間新店頗失望，肯定不會再來。