低調高手大街小食

营业中

休息中

見到這店鋪很多人稱讚，加上最近跟 blog 友研究那裡的雞蛋仔好食，所以遠道來到筲箕灣一試這個「低調高手」雞蛋仔。從店主手中接下剛出爐既雞蛋仔，在充滿祈望之下，很快發覺完全不對勁：當我試途摘下一“粒”雞蛋仔的時候，發覺雞蛋仔異常地軟身，要完整地摘下一“粒”雞蛋仔確實有難度。 再放入口一試，開始的時候好像蛋味幾豐富，不過食落就會覺得過甜，味道失去平衡。 當然越放得久，會越來越軟身…食完「低調高手」，覺得這店要改名做「高調低手」，或者「眼高手低」。最後要向 blog 道歉，原來新鮮出爐的雞蛋仔未必一定是脆的。

來筲箕灣為吃魚蛋粉，想不到會遇上難得的好雞蛋仔，就在地鐵站旁。全店賣的除了雞蛋仔和格仔餅兩樣，就只有一些簡單的飲料，很欣賞這種專注造某樣小食的小店；雞蛋仔$10一底，可說是「公價」，老闆用響鬧器計時，手法熟練、有板有眼，造好後放上鐵架以微型電風扇吹涼，令其表皮更脆，單看賣相經已相當吸引。（色澤剛好是淡黃色，火喉掌握得好，自然不會令外皮變焦）紙袋平均地釘了幾排小孔，是傳統的做法，讓水氣從小孔排出，以免新鮮熱辣的雞蛋仔在紙袋內侷濕。拿上手已聞到香噴噴的雞蛋仔味，咬開雞蛋仔，先嚐到外皮的鬆脆，再啖出香濃的蛋漿味，觀其夾層，「蛋肉」飽滿、軟熟，不會出現「空心雞蛋仔」的情況。如此水準，跟「北角雞蛋仔」比，有過之而無不及也。在吃一底雞蛋仔的過程，已看見先後有大概五、六位客人前來光顧，看來開業不久已頗受歡迎。吃完雞蛋仔，我豎起姆指讚好，老闆問我要不要試格仔餅，可惜我剛吃完切腩魚蛋不久，只好婉拒。下次定必要試一下這位「低調高手」的格仔餅。「低調高手大街小食」，店名包含了「大、小、高、低」，足見命名者的創意；高調地展示印有「低調高手」四個大字的易拉架（甚有早期周星馳電影橋段的味道），該算是「營銷策略」的

這間店的位置不太起眼, 但勝在有高質素的雞蛋仔, 誠意推介.老闆很有禮貌, 微笑著製作雞蛋仔, 這店的雞蛋仔新鮮好味, 就是外帶少許香跪, 內裡軟綿綿的蛋香味, 而且帶有適當的甜味, 足以令我很回味.值得支持, 值得幫趁!

雞蛋仔同格仔餅的分別其實都只係有冇醬~~~~講真佢的蛋漿冇北角果間咁正,不過佢好細心慢慢整,外脆內軟,而且只要你留心睇就會見到佢其實底底都係足料到撐開晒,唔好過其他店就連北角果間雖然粉好正,好有蛋味,但係都只不過係是但咁倒蛋漿,唔好話撐開,有時可能會食到空心tim,所以佢係中上水準的雞蛋仔不過講到最正都係佢格仔餅,連我平時只係食雞蛋仔唔食格仔餅的女朋友都轉晒口味,因為佢好明顯係用心機落足料,佢下的牛油比出面多幾十倍,冇誇張因為出面多數都只係求其掃幾野而佢係一大片上去,而且好細心咁落去,好明顯的例字係因為我不嬲都會叫佢地多奶醬,E間我食完成個袋都好乾淨,北角果間食到一半醬而且去晒袋度,冰個有冰個只係倒落去一眼就明

自從學生時期過後, 都好少買呢樣野食...平時行街見到10蚊底又覺得唔抵食, so唔買~又或者見到底餅d色又白又淋又唔香...唔好話買,連食慾都冇~最緊要係, 我唔覺得呢樣野係可以好食到值得去俾錢買黎食(都幾寸)~上網睇見"不眠"既介紹先知呢區開左呢間店...個名起得好岩, 真係低調到"無鱗"~我住係呢區, 每個月起碼經過果個位十幾廿次, 由佢5月開業到依家十月, 我都睇佢唔到~仲唔低調?老實講, 唔好話要我俾10蚊買底雞蛋仔, 就連行街見到6蚊都唔會買, 再加上呢度唔係旺區, 所以覺得有d唔抵~不過食過之後就完全改觀~先試一底雞蛋仔, 等左陣就吹一吹就有得食~第一啖咬落, 脆得黎有少少厚, 唔會好薄, 另一面就軟得黎似蛋糕~ 兩種口感有齊晒~~合格!!再嗒真d味道, 夠味! 甜味夠, 蛋&奶味都ok! 唔會好似D平價貨咁食落似好少甜, 仲要食得出發粉味既麵粉漿咁~老闆話有客人覺得格仔餅仲好過雞蛋仔, 同埋係用兩個唔同既粉漿架~所以打算下次先試~本來諗住食一半, 留返半底俾朋友食~~一路行一路食, 食到一半諗: 食多一兩粒,唔覺既~~食下一粒, 食下一粒...最後得返4粒...朋友食

今日放工, 經過地鐵站,見到一個好得意ge易拉架, 上面寫住低調高手雞蛋仔. 因為依一個店名, 我就俾佢吸引左去試一試,睇下個店主有幾咁高手.起初見個店, 只系抱住一試ge態度,因為我覺得佢一定唔會好食過北角雞蛋仔. 但系一試之後竟然有d驚喜.佢ge外觀同出面ge雞蛋仔冇咩分別, 但一咬落去粒雞蛋仔到,佢ge脆度適中又有食蛋糕仔個種口感, 唔會好似出面個d咁淨系得個脆字. 仲有個雞蛋仔有好香ge雞蛋味同牛油味, 個味道好豐富. 個老闆真系有d料到, 唔系吹水. 以後除左北角雞蛋仔之外仲可以多一處選擇.仲有我見佢仲有夾餅,下次一定要去多次試埋佢, 睇下仲有冇驚喜先

香 港 有 咁 多 檔 雞 蛋 仔 ，只 得 北 角 雞 蛋 仔 至 係 最 正？世 事 無 絕 對‧只 有 食 落 去！去 筲 箕 灣 食 lunch ，喺 港 鐵 站 B1 出 口 旁 邊 見 到 個 咁 嘅 易 拉 架 ，低 調 高 手 雞 蛋 仔？仲 有 首 佢 提 嘅 怪 詩 . . . 咁 得 意 . . . 好！睇 吓 個 低 調 高 手 乜 嘢 料 先 . . .低 調 高 手 大 街 小 食 . . . 好 一 個 酸 溜 溜 嘅 店 名 ，低 調 嘅 老 闆 其 實 係 一 個 高 手 ，要 屈 喺 大 街 度 賣 小 食 . . . 有 一 種 龍 游 淺 水 、時 不 與 我 . . . 向 後 現 代 社 會 作 出 強 烈 控 訴 嘅 憤 世 感 覺 . . . 開 咗 幾 個 月 但 連 Openrice 都 無 佢 嘅 資 料 ，真 係 隱 世 到 爆 呀！ 高 手 主 要 賣 雞 蛋 仔 同 格 仔 餅 ，位 置 雖 然 偏 僻 ，但 企 咗 一 陣 ，都 不 斷 見 有 唔 少 街 坊 嚟 捧 場。望 吓 高 手 套 兵 器 ，乾 淨