影片
更多
2009-10-05
25 浏览
自從學生時期過後, 都好少買呢樣野食...平時行街見到10蚊底又覺得唔抵食, so唔買~又或者見到底餅d色又白又淋又唔香...唔好話買,連食慾都冇~最緊要係, 我唔覺得呢樣野係可以好食到值得去俾錢買黎食(都幾寸)~上網睇見"不眠"既介紹先知呢區開左呢間店...個名起得好岩, 真係低調到"無鱗"~我住係呢區, 每個月起碼經過果個位十幾廿次, 由佢5月開業到依家十月, 我都睇佢唔到~仲唔低調?老實講, 唔好話要我俾10蚊買底雞蛋仔, 就連行街見到6蚊都唔會買, 再加上呢度唔係旺區, 所以覺得有d唔抵~不過食過之後就完全改觀~先試一底雞蛋仔, 等左陣就吹一吹就有得食~第一啖咬落, 脆得黎有少少厚, 唔會好薄, 另一面就軟得黎似蛋糕~ 兩種口感有齊晒~~合格!!再嗒真d味道, 夠味! 甜味夠, 蛋&奶味都ok! 唔會好似D平價貨咁食落似好少甜, 仲要食得出發粉味既麵粉漿咁~老闆話有客人覺得格仔餅仲好過雞蛋仔, 同埋係用兩個唔同既粉漿架~所以打算下次先試~本來諗住食一半, 留返半底俾朋友食~~一路行一路食, 食到一半諗: 食多一兩粒,唔覺既~~食下一粒, 食下一粒...最後得返4粒...朋友食
平時行街見到10蚊底又覺得唔抵食, so唔買~
又或者見到底餅d色又白又淋又唔香...唔好話買,連食慾都冇~
最緊要係, 我唔覺得呢樣野係可以好食到值得去俾錢買黎食(都幾寸)~
上網睇見"不眠"既介紹先知呢區開左呢間店...
個名起得好岩, 真係低調到"無鱗"~
我住係呢區, 每個月起碼經過果個位十幾廿次, 由佢5月開業到依家十月, 我都睇佢唔到~仲唔低調?
老實講, 唔好話要我俾10蚊買底雞蛋仔, 就連行街見到6蚊都唔會買, 再加上呢度唔係旺區, 所以覺得有d唔抵~
不過食過之後就完全改觀~
先試一底雞蛋仔, 等左陣就吹一吹就有得食~
第一啖咬落, 脆得黎有少少厚, 唔會好薄, 另一面就軟得黎似蛋糕~ 兩種口感有齊晒~~合格!!
再嗒真d味道, 夠味! 甜味夠, 蛋&奶味都ok! 唔會好似D平價貨咁食落似好少甜, 仲要食得出發粉味既麵粉漿咁~
老闆話有客人覺得格仔餅仲好過雞蛋仔, 同埋係用兩個唔同既粉漿架~所以打算下次先試~
本來諗住食一半, 留返半底俾朋友食~~
一路行一路食, 食到一半諗: 食多一兩粒,唔覺既~~
食下一粒, 食下一粒...最後得返4粒...
朋友食完, 都話好有蛋味, 點解得幾粒咁少?!
之後落去買底格仔餅補飛~見到老闆落勁多料~底餅又夠厚身~
食落外脆內軟~口感+味道都好好~
你話超級非常咁好食, 唔係~ 因為食落唔係有suprise+發現新大陸果隻~(雞蛋仔呢d小食有幾可令人會有suprise?)
不過合格就一定係! 比起各旺區10蚊底完全唔合格既貨色(請我都唔食, 浪費個胃既空間), 呢度完全係可以滿足到閣下食雞蛋仔既期望+慾望~ 食完一底仲想黎多底~
不過如果要比較, 我會買雞蛋仔多d~~因為格仔餅裡面d料太豐富, 食左會有罪惡感~(純粹個人理由)
同埋你試左佢個雞蛋仔, 先會再想試格仔餅~ 不過如果係買兩底既, 各一都唔錯~兩樣都值得一試~!
我咁多年冇食, 係因為市面上有98%唔合格既雞蛋仔, 呢度係絕對係合格果2%~
絕對冇誇張, 我相信香港島會有差唔多100檔賣雞蛋仔, 但能夠做到合格既水準, 我諗係得呢度同北角(雖然我未食過)~
10蚊~抵俾! 將來都會繼續幫襯~
不過希望唔好做響左個朵之後就偷工減料~~ keep住個質素係好重要~
张贴