低調高手大街小食

营业中

休息中

格仔餅由當年一底三四蚊變到依家十錢蚊 ,香港物價真係漲大兇了。不過肯比十幾蚊食既格仔餅, 點先算物有所值 ,就要食低調高手喇!!!餅底部分應軟則軟, 應脆則脆, 加上花生醬 ,砂糖 ,練奶完全夠曬份量, 仲會多到流落袋底 ,好味到喊呀~ 

約左朋友係筲箕灣比d野佢見冇咩做 又好耐冇食過低調高手所以食個格仔餅同雞蛋仔做下午茶估唔到宜家食個雞蛋仔都要等45分鐘如果唔係有朋友一齊吹住水等我一定唔會自己係果度呆等雞蛋仔同格仔餅終終到喇雞蛋仔（$15)外皮非常脆味道亦ok入面以為同以前一樣係滿哂蛋漿但如今只係大約一半滿有d失望格仔餅（$15)外皮都係好脆入面醬料都多唔錯幾好食總括而言食物不過不失不過等候時間實在太長如果肚餓既話 真係餓死都未有得食所以我唔建議假日來吃亦都唔建議住九龍新界既人特登山長水遠走出黎吃

晚飯完，去買左2底雞旦仔 $30等左約10分鐘，一到手，即食。微暖，個袋有d氣孔仔，細心。雞旦仔外脆，每粒入面就吾太多旦漿，同以前細個食嗰d好吾同，但亦都冇乜旦味。唯一好處就系食完都吾覺太飽。

香港出名既雞旦仔有好幾間, 因口味而異, 各有奉場客。如果鍾意食好多餡既雞旦仔, 低調高手既雞旦仔未必最適合他們。今日一試它的夾餅, 很欣賞他們認真,要做到最好既態度。 我的挑剔朋友, 叫了一個"少糖, 多醬, 切件"夾餅。 試問係香港地, 除左高級餐廰外, 邊度有人會講咁多要求, 但高調低手一一滿足到我既"港男"朋友既要求。雖夜晚10點鐘, 還是長長人龍。等了約10分鐘, 一個熱烘烘既夾餅到手。一咬落去一試難忘, 未食過咁好味既夾餅。外脆內軟!!!! 低調高手能夠做到外脆, 粉醬比例真係啱啱好, 個皮唔會做到過硬! 另外, 值得一讚佢既軟熟既餡, 濕濕地, 中間有的流心既感覺!真係要讚佢時間火喉控制得PERFECT!傳統既奶油, 煉奶, 花生醬加沙糖豐豐足足咁塗滿所有夾仔餅表面, 一路食一路流出來! $16依個價錢能夠食到咁高質素既夾餅, 真係值得俾。總結: 一句形容低調高手既夾餅  "香港最強, 冇得輸"

低調高手的雞蛋仔和格仔餅其實由它開張到現在也間中吃，看著它夏天的冷清，冬天的旺盛。今天中午剛剛店舖開門沒人排隊便買了一個格仔餅吃。沒吃數個月，原來又加了價我叫了多奶少糖。格仔餅焗出來的顏色很美，keep住有點厚度。咬了口，可以看見內部情況。咬下去仍是keep住以往的脆和裡面的軟，脆能維持很長的時間，直到我吃最後一口，仍是脆的。不過真的很油，紙袋都滲透了油，手都油油的。

低調高手的雞蛋仔是東區最好吃！其他區未食勻不敢講。最初見到這樣"high profile"店名，但卻又裝修簡單，也有點懷疑，怎知... 一吃就愛上了！比北角和太安樓都好吃！除雞蛋仔好吃，個人更喜歡其格仔餅，即叫即製，外面脆卜卜裡面軟綿綿，且甜味適中。不得不提的是，他的水準很穩定（水準不定是很多雞蛋仔的弊病），每次都吃到同樣的好味道。日日都排長龍，一遇上人少時，就算是吃飽了，也忍不住要馬上買一個吃吃！

這間外貌簡陋的小食點, 唔講真係唔會留意到, 名星效應後依然咁沈實實在少見, 值得俾機會佢試試.我當然點了雞蛋仔啦, 佢地係即整既, 基本野啦. 等了約10分鐘, 熱辣辣出爐, 入口係好脆, 而裡面就軟熟, 每粒都有佢既蛋味, 質素係幾好, 難得係用料唔馬虎, 因為其他雞蛋仔大部分都失去蛋味.成左名仲可以保持質素. 

星期日下午約兩時去到，前面大概有10人排隊，排左15-20分鐘先買到。小店只賣雞蛋仔同格仔餅。物價高漲，而家買一客雞蛋仔要$16正宗雞蛋仔 ($16)多謝朋友帶我黎食呢個雞蛋仔，好耐無食過咁好食嘅雞蛋仔。雞蛋仔熱辣辣送上，每一粒都做到真係外脆內軟，每咬一口都聽到卜卜脆既聲音，香脆既表面，加上綿綿既蛋心，而且好有雞蛋香同牛油味，食起上黎非常滋味，所以好快就食哂。真係排隊都要食！記住真係要一整好就食！另外外賣左一底比朋友，凍左之後真係無咁好食！

整輩子踏足筲箕灣的次數大概十隻手指數得完，過來要不是去石澳要不是去行山，印象中在這邊覓食的次數好像是零，這天湊巧要在北角辦事，未到晚飯時間又想吃底雞蛋仔，想起一直以來也很想試的低調高手，便和男友乘叮叮過來會一會它。跟著男友在街巷左穿右插，站在門外見它佈置挺簡單，而且沒花沒巧的只賣兩款食品：原味雞蛋仔和夾餅，想必他們對自己的出品很有信心才沒引入更多的產品，如能專心一致做好自己擅長的也未尚是一件壞事。原味雞蛋仔$16放工時間六時多有三數個人在排隊，但大抵是有不少模具的關係，等候約五分鐘熱辣辣的雞蛋仔已到手，令人驚喜開心。雞蛋仔輕輕地就能掰開，卜一聲的清脆響亮，咬一口發覺它是半空的，金黃香脆、充滿蛋香，最重要的是它不會過甜，吃畢也不會一直想喝水，是一底出色稱職的雞蛋仔；可惜地點對我來說有點不便，下次再嚐不知是可時了。順帶一提，那四眼哥哥會問清楚要夾餅的人的喜好，感覺親切有禮；門口旁邊也有提供消毒搓手液和紙巾供人使用，感覺亦貼心，加上出色的出品，難怪他們只賣兩款食物也做到客似雲來。

大家講到咁出名, 我, 改青, 當然都要光臨筲箕灣試試佢。去到既時候, 見到門口有notice寫明：半空雞蛋仔！已經心諗, 乜「純正」雞蛋仔真係半空架咩? 買一半空氣真係開心咩?食落去, 唔係唔好食, 但真係唔係特別好食, 旺角好多街邊檔都食到, 仲平d添⋯ 唯一勝在即叫即整, 夠晒新鮮夠晒熱。「也許，再好味的雞蛋仔，不過都是雞蛋仔。」—改師兄

是日約同事到筲箕灣被譽為名人飯堂的金東大食飯，見時間仲早，就先搵下附近有咩好嘢食喇！本人只知筲箕灣美食多數集中喺東大街，難得嚟到，就梗係要一試名物---雞蛋仔！！！小店位置都幾隱閉，喺對住東大街嘅廣信樓「後冷」，果然夠低調。一見店外架起圍欄就知道，呢間一定係「長」期「長」龍之店！香噴噴嘅原味雞蛋仔，買到手喇！16蚊一底，有小貴！但都值得嘅，除左真係即叫即整，新鮮燙手，嗰陣純蛋香味真係寧舍唔同，之前食嘅原味雞蛋仔都會有椰奶味，甜得嚟又有點造作，唔夠natural~ !!入口脆之除係鬆化，（唔係北角食嘅雞蛋仔，硬、乾、𠝹口），內裡又唔係完全實心，好似蛋糕咁喎，而係外層同內餡之間，保持妥當嘅距離（情人相處亦是同樣道理，唉），第一啖先係脆得嚟夠乾脆，繼然係軟得嚟有啲Q，真係有功夫架！！！幸好，今次遇上低調嘅高手，而唔係高調嘅低b手。。。

終於食到啲到嘅格仔餅喇，筲箕灣冇咩好行，實在一直的唔係心肝去食。咁啱去山行，途經啲到，當然要去幫襯吓！下午三點幾到達，有成十個人排梗隊，大多人都買雞蛋仔或雙拼買埋格仔餅，所以齋買格仔餅嘅Ss等咗十分鐘到就可以買到喇！格仔餅絕對做到外脆內軟，唔會太過厚實，亦唔會得陣風，比例拿捏得好好。雖然好似冇咩特別，但出面好多格仔餅都做唔到。醬料冇咩特別，都係牛油、煉奶、花生醬、砂糖，店員落手都比較重，小心食到流晒出嚟～去筲箕灣一定要試吓～！

明星效應, 十二道鋒味之後, 低調高手由街之巷聞among港島東人變成紅遍港九新界. 人龍由以往十人左右變到20+. 好彩佢哋手腳快, 唔駛等好耐 (relatively)低調高手出名後,質素依舊高! 難得難得! 這家雞蛋仔蛋味香, 粒粒都外脆內軟! 外層脆而不𠝹口, 內層唔係完全飽滿卻做到軟綿綿既口感而非食左陣風既感覺. 小妹未食過如此高質的原味雞蛋仔!每次去開港島東一定心掛掛同唔順路都要朝湃既小食店.

身為幾乎所有港島人都識既小店，昨日行過梗係要幫襯下。買左1底雞蛋仔，首先，唔係話唔好食，但其實冇特別，出面好多小店都有同樣質素。脆係脆，但裡面絕唔飽滿，大約只有3分1，所以人地話既"外脆內軟"真係感受唔到，名過於實。唯一優點係新鮮，就係貨去得快，熱辣辣，但$16就真係唔值同冇特別。

Friends staying around this area have always been raving about how good their eggettes was, and since i was around this vicinity i decided to drop by for some quick bites. Upon reaching, snake queues were already been forming and luckily the turnover was quite fast, so i queued for around 20 min. Wanting to order both eggettes and waffles as both were very popular but still feeling full, i got no choice but to settle for one. Eggettes must also be eaten piping hot, as the whole feel will be very