低調高手大街小食

营业中

休息中

低調高手，即叫即整，久聞低調高手大名，但親身試味卻是首次，今天與友人相約筲箕灣用膳，本只打算在東大街某茶餐廳吃吃飯，叙叙舊，但經過低調高手時，看到一堆人排隊，就決定去試一試。看看店鋪內部，數部機同時製作雞蛋仔及格仔餅，所以才在有人排隊下，仍能快速製作美味食物給顧客。雖然有數人在排隊，但店員手腳很快，看到我們排隊，已經立刻問我們吃什麼，不到兩分鐘，我們已經能夠開餐了。能選的好像只有雞蛋仔以及格仔餅，由於之後還要吃飯，所以我與朋友二人只選了一底正宗雞蛋仔，盛惠$15。才剛拿上手，濃濃蛋香已傳入鼻中，忍不住立即取下一块一口咬下去，蛋香的濃味迅間傳遍口腔，給人幸福的暖感。但個人覺得這不是最特別的地方，這裡的雞蛋仔最大特色是口感，每顆雞蛋仔也圓鼓鼓的，外脆內軟的，比起旺角吃過那種軟淋淋的，這裡的口感要好得多，咬下去時不會因太硬而破壞了蛋的質感，也沒有軟綿綿那種惡心的感覺，這種綿中帶硬的口感，記憶中這是第一次品嘗。唯一美中不足的是，雞蛋仔的份量太少，不到3分鐘，已經被我們清得乾乾淨淨了!

平時不太喜歡食雞蛋仔，只喜歡食格仔餅，最愛格仔餅入面的煉奶、砂糖、花生醬呢間既格仔餅同平時的好吾同，個餅係有少少脆得黎又軟熟，吾同北角雞蛋仔咁得個脆字，零舍不同，正！仲有，個員工會好體貼，咁問你要吾要剪開，一開頭以為佢會放落同一個袋，點知佢仲細心到分埋袋！

Every man will supposedly have at least one chance to dash for his love.Usually it happens in pursuit of a girl, when he is more than willing to trade his sweat for your heart.My bear wasn't a very romantic person. What he did most in the past was to send me home safely. This includes allowing no one, including himself to touch and harm me on the way.A year after dating with him, all in a sudden I want to give him a tiny challenge, in which he was asked to buy the EGG PUFF I longer for in Sau Ke

全香港最好食既雞蛋仔??行過筲箕灣東大街忍唔住要幫襯呢間咁人推薦既鋪頭。假日下午已經有差唔多20人排緊隊。因為系即叫即做，大約排左10分鐘就攞到雞蛋仔。成個雞蛋仔最特別就系外脆內軟，其他都好普通，試過1次之後就算。

啲雞蛋仔又硬又實，又無蛋香味，真係唔好食囉。好味既雞蛋仔，應該做到外脆內軟，有蛋香味，內面不是全實心的。如果店主是個有heart的人，希望可以再改良下佢地既雞蛋仔，等多啲鍾意食雞蛋仔既人可以食到真正好味既雞蛋仔。今天能夠做到有水準的店，已沒有幾間了。

今日見有少少時間，女朋友仲未岀得門口，所以就過左去筲箕灣買啲佢未試過嘅嘢俾佢食，因為佢本身唔係住呢頭。以為會等好耐，點知佢比喺之前加多左好多爐，快左好多，20分鐘左右。一打開，色澤ok，外脆內軟，只係佢求其左啲。希望女朋友鐘意食啦，咁就值回票價喇xd

送媽媽回娘家，途經出名多美食的筲箕灣東大街當然要食番件出哂名的雞蛋仔 ... 外脆內軟的雞蛋仔 ... yummy還有裡面夾滿牛油、砂糖、花生醬的格仔餅 ... 但太好味掛住食無影到相 ...** 以上分享是以我的口味、喜好及情況作出分享及感受，合用 / 一試與否請自行決定

我自問係迷你黑洞，希望有生之年可以食盡好野食，呢間低調高手大街小食（我永遠都記唔晒全名，高手低調小食？低調小食？😂）竟然有100個好評？唔得，我要試下你先得😂點解今日會去筲箕灣呢，係因為要攝太歲，都唔知筲箕灣真係乜都有，連天后廟都有👍行行下，聞到好香蛋味，果刻已經話：係咪低調咩咩雞蛋仔？😂一轉彎就叫到有幾個人響道排隊，雖然岩岩食完咖哩已經好飽，但經過唔食真係過唔到自己，唔係咁飽一定每樣買一件，但肚仔唔爭氣，只能夠食1樣😭一間咁細既鋪頭有5個店員，咁就知一定好賺錢😂收錢果個都幾有禮貌，聽到問其他買格仔餅既客人格仔餅係咪落晒所有野/使唔使分一半食，好細心呀，不過冇食到，唔知味道如何。講番雞蛋仔先，真係我咁多年黎食過最好食既雞蛋仔，新鮮既當然好味啦，咬開一半係黃金比較，外面薄薄一層好脆，入面又軟冧冧，果下好感動，雖然好飽都食左半包。為左食埋格仔餅，我會再去多次😋

今日我地好忙, 去完福臨門@尖沙咀飲茶又要轉場去筲箕灣東大街掃街...為免再運桔, 尋晚上佢facebook fanpage查咗佢今日無休息... 幾勁呀, 上星期六佢都休息, 唔憂做...幾時都咁多人... 排咗半粒鐘都未到我地...職員好好人, 見我地2個女仔, 主動問夾餅需唔需要剪開2份...買到啦, 買到啦, Yeah~~~ 急不及待, 走去店旁的草叢9秒9影完相, 即刻放入口... 哈哈, 好o野係要趁熱食的...夾餅($15)我第1次試, 出手闊綽勁多醬, 勁香花生味+勁香甜練奶, 夾餅咬落勁重蛋味, 質感剛中帶柔, 太好味啦, 瞬間KO, 好耐無試過食得咁開心...馳名半滿雞蛋仔 ($15), 外脆內軟, 勁重蛋味, 仍是覺得你最好... 街坊價錢, 超班質數, 即使要排隊超過半小時, 上次仲摸門釘, 仍然覺得不枉此行...

咁尋日...咁岩打算入石澳沙灘，但係因為要等埋個frd，唯有去左行筲箕灣，睇下有咩好食下。醫下個肚仔之餘，順便等下朋友咁囉。行左去筲箕灣東大街個頭，遠距離眼見有一度，排哂隊咁。八卦既我，咪好自然咁行去睇下，點知原本係賣雞旦仔既。咁我都抱住試試下既心態，點知佢ｄ雞旦仔幾好味，咁我都叫左一底雞旦仔同一底格仔餅，同我個frd開心share。先唔講雞旦仔，我個人比較鍾意格仔餅，佢個格仔餅做得唔錯，又香而且做到外脆內軟，同埋醬汁都岩岩好。另外佢可能因為太多人買既關係，佢係即叫即整，等大約１０分鐘左右就食得，等無所謂，因為咁樣岩岩整，夠哂熱，好正 。事後問番朋友先知，原來呢間鋪頭都幾出名，同埋我都真係覺得幾唔錯。真係幾值得推介比大家。

從來沒想過如此簡單的雞蛋仔、格仔餅小食可以好味得怎麼樣。眼見長長的人龍、之前依稀聽過的舖頭名字、謝霆鋒的人形紙板，還有$28兩底的價錢。好吧！我們就儘管試試！雞蛋仔蛋味很足，可是只有外圍幾粒夠香脆，中間的幾粒內裡依然很濕，吃落就不夠香脆了。格仔餅這個好食！有蛋味之餘花生醬煉奶各樣都很足很平均，鹹甜味剛好，正！本來這檔小食很普通，但我最欣賞就是老闆的細心和服務態度。他會很細心地問每位客人要否切兩份，而我卻要求切四份，原以為會被拒絕，想不到不單只沒有，還很禮貌客氣地回應可以，且提示我們小心熱！只是賣小食，而且每日人客不絕，還可以堅持以禮款待，不得不讚！

今年約了友人行山, 友人說塞車沒那麼早到, 於是就想先去「低調高手大街小食」朝聖, 在排隊期間友人極速來到, 原來在紅隧轉了一架好快到的巴士。中午一點多的時間, 大約有十來個人排隊, 由於去貨快, 雞蛋仔和夾餅都是新鮮熱辣的。一個$15/ 兩個$28, 比一般的貴啊。雞蛋仔外脆內軟, 頗香蛋味, 但有些波波凹了, 影響了外觀和口感。格仔餅的餅身很香軟綿密, 內有豐富的牛油、花生醬和煉奶, 甜甜的很好吃, 這餅高糖高脂很是邪惡, 但邪惡品永遠都是可口的。吃完「前菜」, 我們再向「主菜」八沢日本料理進發.........( 內心聲音: 不吃飽點在山上餓了怎麼辦啊? )

家住北角成日都食到北角雞蛋仔，見到openrice啲評語話呢間超好食所以搵日放假去試下！ 諗左好耐食格仔餅定雞蛋仔好，最後格仔餅嬴左 XD果日去到都幾多人排左成十幾個，不過都快嘅應該唔洗十五分鐘。負責收錢兼比野人位哥哥好似發緊夢咁成日唔知客人叫左咩野，又唔知要收幾錢 -＿- 都係整雞蛋仔個哥哥不停咁提佢……格仔餅到手後唔記得左影相，因為啲醬開始滴所以食完先醒起。個格仔餅真係好好好好食！！個面脆脆的唔會太淋（我覺得北角雞蛋仔嘅格仔餅太淋&薄），內裡厚得黎軟軟糯糯的，有蛋味，加上花生醬同鍊奶（走左牛油同砂糖）真係超好味呀！！食完一底即刻想食多底 XD 係我食過最好味嘅格仔餅!! 下次一定要去食埋雞蛋仔！~

聽聞筲箕灣真係好多好多好野食，咁我咁岩去開個邊，去會一會睇下有咩好食咁啦，其實一出個地鐵站，側邊就有一條長既人龍，排哂隊咁。咁好自然都吸引到我去試一試啦。試下值唔值我少少花時間為左佢去排隊，排左１０幾分鐘左右，可能加埋岩岩放學時間，都有Ｄ學生哥去排下。排我前面有個人要左５底雞蛋人，搞到我更加期待究竟好唔好味。到我個陣，佢問我要咩，咁我就試下雞蛋仔，佢呢間唔似其他個Ｄ雞蛋仔鋪頭，有唔同既味道既雞蛋仔，佢只係得原味。佢個服務態度都幾好，唔似得平日雞蛋仔鋪頭粗聲粗氣咁。講番個雞蛋仔先，第１，佢好香蛋香味。第２，新鮮即叫即做的雞蛋仔個表面十分香脆，每一粒雞蛋仔很容易搣出來，外脆內軟,加上熱辣辣夠新鮮，的確係好好味。

蘿拔妹既Family Day活動大多數是和家人去行山，能做做運動亦能呼吸下新鮮空氣！是日一家人在鰂魚湧出發，行上大風坳野餐再行去大潭水塘。行完就最好坐巴士去筲箕灣東大街覓食啦~黎到筲箕灣，當然要拜會一下低調高手！點知未行到店前，已經見到大大個謝霆鋒的十二道鋒味造型紙牌迎接你XD 有鋒鋒坐陣，當然要試試低調高手既雞蛋仔啦~須知道大多港人由細食食到大，對其要求自然十分之高，不是外脆內軟富蛋香的肯定無人問津。而低調高手的雞蛋仔檔總是有一條人龍，今日東大街唔算多人，但都有6-7人排隊！烤好的雞蛋仔在架上放了一會，讓水氣蒸發掉，自然變得更香脆！拿上手還是熱騰騰的！外皮和每粒雞蛋仔的連接部分是令人滿意的香脆，能夠輕易地將一顆顆雞蛋仔分開。咬下去一般是軟綿綿的蛋糕質地，另一邊則是個脆空殼。蘿拔妹覺得下蛋漿後可以等多一會才反轉，令到雞蛋仔的一邊未至於太薄！低調高手的雞蛋仔蛋香仍有點不足，覺得可以稍微加點蛋黃及牛油，令其香味更突出。不過再微涼的天氣吃這裡熱騰騰的雞蛋仔仍是一種享受啦~