低調高手大街小食

营业中

休息中

第一次食買個時店員好細心問要唔要一開二，等左一下就有得食。比起平時街既格仔餅厚身好多，都有糖個d配料，但唔同既係唔會得糖既味，好欣賞厚身得嚟唔會有粉感，係軟林林好好食

拜訪隱世高手的故事🙇🏻可能係全香港最好味的格仔餅！😍爆醬格仔餅‼️‼️($16)一路排緊隊已經一路俾蛋香迷暈😂拎上手真係熱辣辣燙手果隻🔥重點係多到漏出黎的餡料！🌮溶左的牛油已經好正架啦☺️加埋花生醬同煉奶簡直係極品！😍食食下仲會間唔中咬到砂糖粒粒～好過癮好正❗️一啖咬落去竟然係超級軟綿綿！😍好似食緊一舊雲咁呀☁️超濃郁的蛋香徐徐滲入口中🍳媽呀😻😻😻不愧為令人忘不了的高手😏

下午4點到，等左15分鐘拿到。雞蛋仔只有原味比較遺憾，不過外殼酥脆，裡面很軟，味道偏甜，但不會膩。這家店最有特色的是店名了吧，不論是中文還是英文都有點意思。如果順路，值得一吃。

自從香港社會進步，小販絶無僅有，街頭小食不復當年勇！但高手永遠在民間，只要用心發掘，隨時有驚喜。筲箕灣東大街兩旁食肆林立，老字號新食力長龍店遍佈其中。唯獨一間小店偏處一隅，但依然生意不絶，賣嘅只係雞蛋仔同格仔餅。店係真正小店，一眼睇晒得三員猛將。兵貴精不貴多，食物都係，只專心賣雞蛋仔同格仔餅，工多藝熟，所以夠膽自稱高手。😆雞蛋仔$16全部即叫即整，只見阿姐氣定神閒，倒漿入模，反模換邊，開蓋起貨，一氣呵成。剛起貨雞蛋仔熱得滯水氣未過未夠脆，所以會用有窿紙袋裝住，方便疏氣令雞蛋仔唔怕焗住，快啲風乾變脆，擰一粒試吓，一句講晒，外脆內軟夠蛋香，而且裹面唔會得空氣，有半粒雞蛋仔(有肉)鬆化得嚟又充實。甜度適中，而且食晒成包都仲脆。難怪敢自稱高手，低調得嚟仍然受客人擁載。如果喺咁高超技巧下，可加入其他口味，如朱古力，咁就有機會成為高手高手高高手喇。

有時會諗食雞蛋仔定係格仔餅？因為係間小店太出色，兩者很難去選擇，心情決定左今日係食格仔餅。小食要剛煮好就要食，尤其是格仔餅，外表小小脆，內裹少少軟，暖暖的餅令到牛油，砂糖，煉奶，花生醬都有溶化架感覺，呢幾樣成份係缺一不可，格仔餅係一定要有牛油，砂糖，練奶，花生醬先會咁好味，再加上果份童年架回憶，呢度架格仔餅真係拎滿分!

筲箕灣有一間小食店名為「低調高手」，是專賣香港街頭小食「格仔餅」、「雞蛋仔」的「高手」因為不少明星食過之後，電視飲食節目都有推薦過，賣到街知巷聞，從此不再「低調」🙈連住九龍區的我都聽過佢大名😂每次到東區，如果順路的話，我都會黎食過返尋味☺️我和肥肥買了一份格仔餅（$16），買的時候老闆仲好體貼地問我洗唔洗一開二，真係好貼心的服務由於下午茶時段已過，所以等了大概5分鐘左右就有得食啦港式傳統格仔餅通常都會在裡面塗上牛油、花生醬、煉奶和砂糖，再對摺夾起來成半圓狀而「低調高手」係唯一一間我食到有砂糖的格仔餅，傳統風味十足！格子餅即叫即烤，保證熱辣辣這就是我愛「低調高手」的原因，因為它會遵守原則，不會預先整定😙因為之前食過好幾家生意做得越來越興旺的小食店又係賣雞蛋仔和格仔餅，都會預先烤好，點餐時才加熱心諗：「其實我唔係要快，我要既只係質素」🙄係人都知熱辣辣先好食架啦🙁「高手」果然係「高手」！格仔餅每次都烤至金黃色，外皮香脆，𥚃面鬆軟牛油的香味，花生醬和煉奶混醬的甜味，再加上砂糖，帶來多重口感，確實很不錯！😋不過唯一我覺得可以改善的是醬料太稀，所以唔太「痴」餅，拿起食的時候，醬料會係另一個方向流出😟

當天假日，拍拖拍到無地方去，只好搭一架比教長途的巴士，去個遠點的地方尋尋覓覓覓食！在沒有搜集資料下，我同肥膏都是漫無目的地行來行去。最後是在地鐵站出口聞到遠處飄來陣陣蛋香！我們隨著味道，找到這間「低調高手」。下午五時多，排隊的人多，等食的人更多。心想：「實無死啦，甘多人排，一定又好食又出名。」於是我們便排隊買了一底雞蛋仔。等了大約15分鐘(幸好店家有部大風扇擺在出面)，終於有得食啦！香味四溢，當時仍覺得會好好味。但是，當我咬下一口後，那種感覺是從天堂掉到地面，是未到地獄啦。就是不是我喜歡的雞蛋仔。在我心入面覺得雞蛋仔一定要外脆而內軟。不過「低調高手」的雞蛋仔只有一個脆字。內軟呢？Sorry，欠奉。入面幾乎沒有綿軟的蛋漿，就只是空心的一個雞蛋仔。脆又如何呢？HKD 16.00 一底雞蛋仔，但個人覺得不值這個價位。空心的雞蛋仔完全扣分，能覺像是偷工減料一樣。失望的一天。

Master Low Key Food Shop 今日諗住同朋友到筲箕灣食burger點知去到既時候撞正係food preparation時間 由於朋友大叫肚餓，所以決定先搵啲野食醫下肚 知道雞蛋仔格仔餅出名既低調高手大街小食係附近 所以決定去試下啦 雞蛋仔／格仔餅 16 蚊一底 30 蚊兩底 黎遠就見到有十多人在等緊拎野食 因為仲要食晚餐的關係 所以決定叫一底格仔餅share 落order既時候店員會問洗唔洗分開一半 分就可以方便兩個人share食 等左大約五分鐘熱辣辣既格仔餅就有得拎啦 格仔餅外脆內軟,夾埋花生醬,練奶,牛油仲有不可少既砂糖,半溶既沙糖仲帶啲顆粒簡正係正正子 小妹認為有砂糖既格仔餅先好食 因為夾左砂糖既格仔餅可以令層次更豐富 所以經過既朋友仔一定要試下啦

傳聞話呢間野啲雞蛋仔好好食，今日慕名而來試一試黎到東大街真係要睇清楚，因為同一條街仔就已經有幾間賣雞蛋仔，有間仲係路口整埋易拉架sell雞蛋仔冇大排長龍，不過keep住有人黎幫襯。一場黎到，除左試雞蛋仔，當然要試埋格仔餅。店員好細心問我格仔餅駛唔駛開二，緊係好啦！留意返，格仔餅一份係得半底，不過岩哂我呢啲眼闊肚窄既人大概等左5-10分鐘就有得食，雞蛋仔同格仔餅都係外脆內軟唔係話脆到乾硬化、軟到爛飯咁。係脆脆地但又好香軟咁，口感一流不過要趁熱拿拿聲食，因為食到後段開始"淋"，好彩本身都好味，所以冇左口感OK！如果冬天食仲正呀！諗到都開心

今日同友人搭電車捉小精靈，到終站筲箕灣下車，難得來到，便周圍閒逛。走著走著，突然飄來一股雞蛋香，當聞到誘人味道，便不斷向前尋找。看到一群人聚集在小店<低調高手大街小食>前，羊群心理下，也心思思買一底雞蛋仔試下。雞蛋仔和格仔餅一底$16，2底$30元，令人有意欲各買一底。付錢後，店員會給你一張籌，等叫number，食客便不用全部擠擁在店前。看到Poster標榜著正宗雞蛋仔，我內心也有點期待它的味道。等了大約5分鐘，新鮮熱辣的雞蛋仔終於到手了! 手中拿著很熱燙的感覺，我拿近鼻子聞一聞，真的蛋香迫人! 我也欣賞雞蛋仔的外袋設計，一個個的透氣孔，可怕防止水蒸氣影響到雞蛋仔脆身的口感，十分貼心! 捏一口雞蛋仔，口感外脆內軟，而且內餡很豐富，絕對不是只有外皮薄脆那一種。內餡軟腍而富空氣感，蛋味濃郁，也有牛油香味，我也明白為何有這樣多捧場客。邊走著，邊捏著粒粒雞蛋仔，是最滋味不過的! 如果店中有多一兩種特別口味的雞蛋仔選擇更正。

今日係港島遊, 去完柱赤, 去完康怡 AEON, 最後一站黎到筲箕灣東大街搵食!老公話佢之前黎筲箕灣做野時, 成日食佢既雞蛋仔, 話好好味, 今日我地楝左食夾餅試下...佢地個位子真係幾抵調, 係啲橫街入面, 不過一望就望到好多人係度等緊....所以想低調都好難.....哈!落ORDER 時, 亞姐會問你分唔分, 就可以方便兩個人SHARE 食, 平時我地出去出面食夾餅, 一定要叫佢地多醬多奶, 因為出面個啲擦好少, 哩度我地第一次食夾餅, 所以乜都冇講, 睇下佢會點俾先, 嘩, 一攞上手, 正呀, 唔使叫都已經係多醬多奶, 食夾餅最緊要就係多醬多奶, 哩點已經取勝, 個餅焗得好夠軟身, 唔會過晒龍-硬晒....下次再黎東大街, 一定會再幫襯!

9月27日, 諗起雞蛋仔, 我地都會想起細細個在街上看見的炭爐車仔, 一底一底咁烘出熱辣辣嘅雞蛋仔, 有炭燒味又有豐富蛋味~ 但隨住呢D小食入咗舖, 水準就好似冇以前咁好. 但近年又掘起番雞蛋仔風, 唔單止傳統雞蛋仔味, 仲加入唔同其他味道, 甚至加埋雪糕變成中西式fusion甜品, 好唔好味就見仁見智. 我地都係鐘意傳統雞蛋仔多d, 今日經過筲箕灣, 知道呢頭有間好出名嘅雞蛋仔店, 我地就買咗一底食~:::  ::: $14叫咗雞蛋仔後都要等大概5分鐘先有, 熱辣辣不能即刻食~ 要說味道唔算太特別, 但係脆卜卜嘅口感, 加上雞蛋仔裡面都足料, 包住成粒都食到蛋, 唔會齋空氣~ 可以話粒粒都夠料唔留手, 應該係佢受大讚嘅原因~呢店嘅蛋仔都食得過, 之不過好似以前細個食嘅雞蛋仔滋味d~

好耐冇食雞蛋仔喇！呢間係我食過咁多間覺得最好食既！一拿到手，就已經嗅到淡淡的牛油及雞蛋香，令人垂涎欲滴。雞蛋仔一邊香脆，另一邊則軟綿綿的，每一粒都好精緻，口感味道細膩，又不會太甜！

坦白講📢雷聲大雨點小⛈對我嚟講有點小失望😭首先要排隊等啦(因為都算即叫即整)，到接上手竟然無熱辣辣感覺🤔而佢蛋仔嘅所有邊的確夠脆，但脆到有啲𠝹嘴😑而咬落蛋仔覺得比較空洞，入面唔夠蛋漿飽和度兼無咩蛋味😒同埋剛整起點解會唔熱

星期六相約行山友去行山，今次發達前先在筲箕灣食個午餐才出發，友人話附近有出名的雞蛋仔，當然要一試啦！店子位置在橫街，門面較細小，店舖不太搶眼。雞蛋仔即叫即做，等了5分鐘左右，大大塊的雞蛋仔，熱烘烘的，外層香脆，每粒內裡軟綿綿，蛋味甚重，極愛。。。如果有埋呢個雞蛋仔邊，仲脆卜卜！