低調高手大街小食

营业中

休息中

🌟香港街頭小食之選！非雞蛋仔莫屬🐔🍳見到就想食，食極都唔厭的🙈🙈前兩天行完龍脊，來到筲箕灣搵食，試了這間自稱低調的高手之雞蛋仔店。嘩！好誇張！我已經以高速走到店前，但我買的籌號是455，而當時只出到420⋯我見姐姐已經出得好快手，但買排雞蛋仔也閒閒地要等三四十人，真是香港人的悲歌😂😂🙈🙈好吧，終於等到了。$17一底，$32兩底。由於時間成本上升，因此本小姐更為咀刁🤔🤔雞蛋仔熱喇喇，而且非常脆身，不過蛋味就比較淡喇。我還是較喜歡媽咪和北角雞蛋仔🙆🏻🙆🏻

行完山難得經過筲箕灣，一定要來朝聖！星期日非常多人，我們等了20分鐘，為的都是這個「高調」的雞蛋仔！這間店很先進，已經可以call咪叫號，而且又有顯示屏，留意最新狀態！雞蛋仔終於等到了！熱烘烘的雞蛋仔，未吃已經嗅到陣彈蛋香！外脆內軟， 而且非常鬆化，比起北角雞蛋仔， 這個來得有層次，令人一吃再吃，吃不停！雖然我們等了頗長的時間，但這都值得的！因為這店不會因為人多而粗製濫造，能保持水準！其實這店附近有很多小食店，有魚蛋燒賣、煎釀三寶、 鮮榨果汁、串燒等等，掃街一流！

這間名字特別，獨沽兩味只賣經典港式小食「雞蛋仔」和「格仔餅」，自稱低調高手，卻開在筲箕灣有名食街一隅的小食店，生意極好，名氣也大。自己之前數次路過，都見到大排人龍，總是過其門而不入，沒有一試它招牌雞蛋仔的滋味。 這一天，遠道從九龍來到香港筲箕灣，在乘車往石澳之前，又再路經這店，可能是時候還早吧，竟然見到它沒有人在買雞蛋仔或格仔餅，正好買一底「雞蛋仔」（$17）作為吃午餐的小食。正所謂聞名不如見面，這兒的「雞蛋仔」確是不錯，夠熱，夠香，也夠味，外脆內軟，香甜可口，顏色也漂亮，亮麗如陽光的色澤使人食欲大增。這店子的生意比附近其他的小食店來得好確是不無道理。

依家位於筲箕灣內街既小食店，位置雖然隱蔽，但都會長期見到有人龍排隊，尤其是放工時間，雖然等左10-15分鐘先有得食，接過一包新鮮做好雞蛋仔，熱辣辣，摟開一粒雞蛋仔食落口，佢真係可以做到咩叫外脆內軟，外面既脆皮好似薯片口感，內裡軟得唻還有蛋香，因為剛食過下午茶，諗住食少少就外帶回家，不知不覺就食完整個雞蛋仔，最後買多包帶俾女朋友食. (等多10 分鐘>.<)

甘岩去開港島區，聽人講呢間雞蛋仔好出名，所以就算食完午餐有幾飽都好，都一定行過嚟試一試，為左食呢間出名的雞蛋仔。叫餐時間好快，排隊都只係等一陣，等候時間約15至10分鐘，終於有得食。未食先影相，但發覺一底＄17的雞蛋仔原來食落冇乜雞蛋味，嗅落冇乜蛋香味，但勝在外脆內軟。雞蛋仔嘅餡漿其實好重要，雞蛋仔嘅重點，應該就係要有蛋味，香味，而唔係只在乎佢脆唔脆。所以你話佢係咪一個好味嘅雞蛋仔，我唔會覺得係。

格仔餅 $17（一底） / $32 （兩底）@低調高手小食 傳聞佢地既格仔餅好出色，去到都叫返底試下先🤗，即叫即製拎上手🖐熱辣辣，店員細心地將格仔餅分開2份，同朋友share邪惡感下降了。格仔餅幾足料，質地夠綿軟，醬料當然要全點😆，花生醬、煉奶、牛油同砂糖，缺一不可！而且店員都毫不吝嗇😏，落左相當多既醬汁，食到好滿足~ 

不知道是何時何地，雞蛋仔跟格仔餅突然成為街知巷聞的美食，幾乎走到每一區，都隨時可以發現到有雞蛋仔和格仔餅的蹤跡。港島的筲箕灣，就有間以這兩款街頭美食為招牌菜的小食店，他們甚至可以搖身一變，成為譽滿全港的星級食店。這間知名的小食店，店名跟它有點不相稱，就是「低調高手大街小食」。大隱隱於市，真正的高手，是隱身於鬧市中，不須大張旗鼓，不用旁門左道花巧招數，就能技壓群雄，一夜間就成為萬眾矚目的焦點。不過，再低調的高手，一旦成名過後，就自然會引來無數的追隨者和是非。就好像「低調高手大街小食」，整天都有很多人在店外等候。無疑「低調高手大街小食」現在有電腦籌號輪候制度，已經不再有長長的排隊人龍，但是大量圍在店外等待小食的人群，仍然令「低調高手大街小食」有萬人空巷的氣勢。「低調高手大街小食」員工在廚房內默默耕耘工作，店面收銀員工則不斷收錢，車輪戰一個接一個的食客，難得收銀姐姐在如此頻繁的工作環境下，仍能笑着臉不斷工作，這樣的工作態度真的不得不讚。「低調高手大街小食」店內其中一個角落，貼着一張很大型的海報，是香港樂壇著名歌星容袓兒的親筆簽名海報，和歌星兼影帝級的謝霆鋒在店內的合照和簽名。在種種名氣和輪候

見大家都大推呢間雞蛋仔，趁同友人行完食後就去朝聖一下。六點左右到達，已見人山人海，佢地標榜係不含鋁( 大家根本不在care這個吧?)，有雞蛋仔與格仔餅出售，一底$17，兩底則$32。我地兩個人share一底雞蛋仔，買完就等飛，等了也有一段時間…因為實在太多人了…雞蛋仔外面很脆，內裡卻是空心，餡料大概只有3成…蛋味亦不見很香，反而港島另一知名雞蛋仔比其做得更為出色。所以我覺得完全沒有必要排這麼久去食呀，基本上一般水準嘅檔仔質素也是如此，不過可能格仔餅質素會比較好? 希望吧~ 

係我以前個Blog,第一篇就係介紹呢間雞蛋仔。北角利強記，大澳阿伯炭火雞蛋仔都好出名，但我始終覺得呢間低調高手最好食。利強記都係外脆，不過唔夠鬆化。呢間就又脆又鬆，又香又軟。每次食完魚旦粉都要嚟排隊整返抵。宜家方便好多，排隊俾錢等籌就得，又收八達通。另外佢D格仔餅都唔錯，但我還是D醬蓋過佢本身D味道，食唔到原味。其實佢隔離就有小食店，又有雞蛋仔賣，仲有好多唔同口味，又朱古力，又芝麻,價錢又平，但都係無人問津⋯⋯，你就知相差幾遠喇😏

❌ 不含鋁之正宗雞蛋仔 $17·被遺忘之食好西😂，話說12月時(5號)同朋友黎開筲箕灣食野，難得黎到，當然要順路拜訪下「低調高手大街小食」因當時比依個地方勁洗版，心諗究竟有咩吸引人之處·慶幸黎到時約5🕔，6點🕕，唔駛大排長龍😊點咗正宗雞蛋仔🍳，真係即叫即整，比咗錢💵拎飛等叫number🔢，都唔會話等太耐·拎上手仲熱，而經過「手機食先」後，雞蛋仔仲暖嫁，食落蛋味較淡🍳，唔算甜，但外脆內軟，尤其係啲邊邊連接位，好脆！而且餡料好實心，口感實在（唔係鬆軟個隻😂）食落啖啖有料·低調就真係低調，高手與否我就無意見，唔係話好食到我會專程入筲箕灣幫襯😂，不過非常用心，為咗令食家食得安心，考慮到食客過量攝取鋁會影響健康，所以特別改用美國品牌嘅泡打粉，不含鋁！👍🏻

食完晚飯朋友極力推薦筲箕灣遠近馳名既雞蛋仔,雖然已經好飽但朋友力薦唯有試試朋友話日頭黎一定會大排長龍，眼見當時9點幾無咩人買即刻買黎試試鋪頭賣點簡單鮮明：雞蛋仔或格仔餅雞蛋仔好脆，唔會太甜膩，唔夠幾分鐘就同朋友食晒，下次到筲箕灣會再試埋格仔餅

見到長長人龍真係有D怕，朋友卻極度推薦我去食等左10分鐘左右，一底新鮮熱辣既雞蛋仔就出現係我面前雞蛋仔($17)食左一粒，完全覺得冇改錯鋪名，真心低調高手雞蛋仔顏色靚靚，係金黃色！口感就超脆，想拎高啲出黎影相，但一拎，粒雞蛋仔就即刻甩出黎，哈哈每一粒雞蛋仔都脆卜卜，蛋漿分佈平均，所以入面唔係空心，比例一半半，一半空心，一半蛋漿，不過我略嫌蛋香唔夠沒有花巧既味道，就只有原味，都已經賣到街知巷聞，下次再黎筲箕灣，定必會試埋格仔餅

格仔餅 HK Style Waffle🍰$17; 8/10🍴終於試咗呢度即叫即做嘅格仔餅😍😍五點幾嚟到都唔少人排隊新鮮熱辣好好味💨入面有黃油🍯、煉奶🍼、花生醬、糖🍬全部醬料溶埋一齊再連埋鬆軟嘅格仔餅一齊食好正☺️雖然已經叫咗少糖少花生醬不過都仲係好甜🙈🙈同埋略嫌格仔餅唔夠蛋香🍳買咗之後要盡快食因為好快會比啲醬整到淋左😝

食藥食到條脷嚡晒，要食D甜野，連續兩星期去太安樓的出名夾餅，完全吾係路，乾晒柴冇熱度，D醬杰到一嚿嚿，所以今次行遠D去筲簊灣呢度，4點幾吾算多人，落單不用排，成為$17，禮貌極好，有笑容，仲細心問要否切半分袋，抵讚。十個號碼，等左十分鐘，0K呀。熱辣辣渣上手，真溫暖幸福，再咬幾口，夾餅皮軟綿綿，有微微旦香，吾合死硬乾晒嚡口，正! 練奶花生醬等絕不孤寒，有紙袋代住吾會滴到一手一地都係，有花生香又有奶甜，就係呢種傳統的美味，超飽口福。下次試下雞蛋仔。

趁住今日好天氣，賴生又同屈小姐出動啦！首先去左傳聞比旺角更多人既龍脊先，果度人又真係多既，但都幾好行嫁，而且風景真係好靚呀！係大風同凍左d ，差d凍親(為左影相不惜變雪條既)屈小姐！行完山，當然係會肚餓的，一番到筲箕灣既時候，梗係探訪下馳名既東大街啦！聽聞東大街有間《低調高手大街小食》整既雞蛋仔好出名（對！又係屈小姐既情報黎嫁），加上屈小姐由細到大都好中意食雞蛋仔，所以賴生諗都唔駛諗就買左1底雞蛋仔等候屈小姐發落！是咁的，間舖頭其實都好光猛，佢仲採用左個幾有效率既形式，張收據已經預先有個號碼，加上人手叫號碼連同一大個營幕報數，真係勁清晰既，最重要係，佢確保到每底交到顧客手上既雞蛋仔/格仔餅都係新鮮整起，熱辣辣既！雞蛋仔 （3.5星）- 外層好脆！咬落真係一塊塊薯片咁嫁，佢係外層個功夫同火喉都做得好足，唔會因爲燒得脆而變燶，淨係外層黎講，絕對稱得上超高水準之作，對得住高手之名！- 可惜既係，內層夾心就強差人意啦，似唱歌低左個調咁，到喉唔到肺，佢雖然都做到內裡有一層軟軟既雞蛋糕咁，但太細粒，咬開個橫切面就只佔個球形既20%，如果要出色既，係應該佔到70-80%漲卜卜咁，外脆內軟既口感先會出