低調高手大街小食

营业中

休息中

又再重臨東大街，雖然之前食咗其他嘢，喺路口聞到一陣陣嘅雞蛋仔嘅香味。已經忍唔住被佢吸引左，港島有好多專賣雞蛋仔都好出名。依間係其中一間。可能係假期嘅關係，呢度排隊買雞蛋仔嘅人特別多。但係沒有想過買一件雞蛋仔差不多排了一個小時若果知道要排這麼久我就不會花$17去買。一個鐘頭已經夠讓我坐電車去太安樓探訪另外兩間雞蛋仔了。當我攞到雞蛋仔嗰一刻大為感動！熱辣辣嘅雞蛋仔，外脆內軟，佢嘅蛋漿做出嚟嘅雞蛋仔很香。這裏的雞蛋仔水準真的不錯，食完之後之前排一個鐘頭的事情已經不太想起來。

真係好失敗, 愛吃雞蛋仔嘅我經常經過東大街都唔知呢度有間出名雞蛋仔好吃嘅小店🙈今次因為係附近陪老公食完晏, 佢帶我去試我先試到😊我地去到嘅時候都有大概10個客人等緊, 俾左錢後大概10分鐘就攞到$17一底嘅雞蛋仔😁呢度嘅雞蛋仔外層非常香脆, 而且好香甜, 牛油味都好濃, 讚👍

難得黎到筲箕灣睇戲，睇戲前仲有成個鐘時間，於是周圍行。老公突然問: 附近係咪有間好出名嘅雞蛋仔? 我即刻醒起之前係電視有介紹過，因為個名，所以有印象。「低調高手大街小食」店舖只有兩樣野賣，正宗雞蛋仔同經典格仔餅，主打都係原味。係而家呢個年代，樣樣都講求多款式，多口味。真係要做到專注某樣野而又做得好，又有幾多間。正宗雞蛋仔 $17 排隊時已聞到好香嘅雞蛋香味，期待。所有食物都係即叫即製，所以都要等約7-8分鐘。店外有電子屏幕，顯示號碼，拎籌取食物。新鮮熱辣嘅雞蛋仔拎到手，紙袋有一個個嘅透氣孔，應該係防止蒸氣影響到雞蛋仔而變淋。充滿蛋香，搣一粒出黎，已感覺到超脆嘅程度。入口真係做到外脆內軟，中間軟綿有啲似蛋糕的口感，味道唔太甜，有蛋香之餘仲有淡淡牛油味，好食。

每次黎到筲箕灣都要過黎朝聖..食過一次格仔餅..真係會一試難忘..🤤🤤🤤今日行完山路過筲箕灣..都買左一底格仔餅同一底雞蛋仔..即叫即做..星期六下就反而人唔算多..平時一黎已經勁多人等緊..等左一陣就有..格仔餅勁脆..熱辣辣配埋花生醬同奶..簡直一流..真係本人認為全香港最好食👍👍👍跟住食埋個脆卜卜既雞蛋仔..個餡唔會好滿..但夠晒脆..又唔會好重粉味..簡直係一流..可惜每次都要千里迢迢黎到先食到啦🙈🙈🙈

聽人講好出名的名氣雞蛋仔，平日下午時間嚟到，都要排隊。$17/底，$32/2底，平少少，但都相對較其他的貴等10分鐘，拎到了，蛋香是夠的，但食落口感較淋，已經是剛出爐的，冇乜特別！

I have not tried the egg pancakes enough to judge if this is the best ever. However, the first few bites when the egg pancake were hotel made it worth the journey. Each individual egg were so crispy that they 'snapped' away from each other. Next time, must give the waffles a try.

公眾假期無乜搞作，朋友突然提議下晝暢遊筲箕灣......嚟親呢度，歎番底即叫即整嘅夾餅當然係指定動作。欣賞小店老闆夠細心，增設八達通拍咭付款方式，方便店員及顧客，縮短輪候時間。等咗十幾個號碼，最期待嘅一刻，終於來臨！憑票走去拎嗰兩底夾餅之際，因為興奮過頭，差啲連店員手上個筲箕仔都攞走埋，幸好朋友見狀及時制止......比佢哋笑咗一餐雖然係有啲瘀皮，但聞到手上熱辣辣嘅夾餅，散發陣陣嘅蛋香，之前嘅事即刻唔記得晒！我叫嘅嗰底多醬夾餅，咬落去外脆內軟，惹味的花生醬，加上牛油鍊奶等配料，將夾餅嘅色香味提昇至最高境界！ 好食到彈吓彈吓，超級滿足！😍呢類型小食，建議要企喺街邊慢慢歎，先至嚐得到佢當中嘅美味！💕

係筲箕灣食完晚餐之後，當然要去東大街朝聖啦，順便用甜品爲快樂既一天作結~ 而今次既甜品正正係代表住香港街頭美食文化既《格仔餅》！當然，去到筲箕灣又講到格仔餅，一定係去《低調高手》啦！一間舖仔入面企成6，7個人，仲要係門口貼告示表示急聘店員，就只係為左整雞蛋仔同格仔餅，可想而知佢既受歡迎程度有幾高！首先，要讚一讚店員既貼心先。賴生同屈小姐已經食完Dinner有D飽意，實在不能1人食1塊，所以我地2個人Share食1塊，店員有見及此，主動問我地駛唔駛切開1半，咁梗係好啦，最後送到我地手既格仔餅除左切半，更加係分左2袋，好難得佢唔加錢都主動比多個袋其次要讚下佢地個銷售系統，佢地用電腦出飛，寫清楚客人既要求，例如走砂糖，走牛油同切半等等，讓人一目了然，漏左野可以即時同店員跟進番，而且佢用營幕及廣播系統提示客人可以拎食物，好清楚！1）格仔餅：⭐️⭐️⭐️⭐️⭐️上次試過雞蛋仔，今次要試格仔餅，佢預先幫我地切好左一半，非常貼心呀！呢個格仔餅果然係高手既作品 外層好脆，咬落卡卡聲響，脆皮位大約有2mm厚，而內層鬆軟，成1cm厚，咬開蛋香四溢，仲煙煙unun，加上毫不吝嗇既醬料，內層每格都沾滿醬，啖啖都咁滋味！

作為新界西，黎筲箕灣嘅機會唔多，上次咁啱黎到東大街，本來都好想一試咁有名嘅雞蛋仔，可惜當日超多人排隊，只好放棄。復活節假相約朋友行下山，早餐選擇左安利，勁好彩，唔知係咪時間早，唔洗排隊明明食飽哂，諗住難得黎到呢邊，都去睇睇低調高手咩環境，果然係早起的鳥兒有蟲吃，居然唔洗排隊，開心死！人氣甚高，平日不乏人龍，店內配有電子屏幕，方便叫號，口味唔變，經營點都要變要進步。而家雞蛋仔花款、口味多不勝數，低調高手只供應雞蛋仔、格仔餅，依然咁好生意。定價 $17/底，買兩底 $32，平1蚊，索價都唔算過份。唔好再提舊屎幾錢底喇，呢類小食只有愈黎愈貴。正宗雞蛋仔 $17寫到明使用美國品牌無鋁泡打粉，客人食得更安心。雞蛋仔即叫即做，落單後大概等左10分鐘，新鮮熱辣，為免影響味道，相機食先要快。粒粒都好完整，幾靚仔，不過輕輕掂一下已經散左一忽，證明真係脆到冇朋友雞蛋仔帶明顯牛油香，食落煙韌，蛋味較淡，略為失色，但能夠做到外脆內軟都相當唔容易！佢地嘅蛋漿並非填滿，所以既實在，又唔會好似食緊蛋糕。整體都冇令我失望呢！特別係唔洗排隊下能夠食到，點都加少少分。要我排上幾十底，免了。暫時未諗到有一樣野令我覺得要排好

筲箕灣東大街叧一美食, 我當然要趁熱鬧去食啦, 果然名不虚傳, 低調高手, 一到埗已大排長龍, 購買時店員告知最少要等待20-25分鐘, 為了食到美食,我願意等呀!!有雞仔餅, 又有格仔餅, 今次先試雞仔餅, $17一底, 價錢跟其他的舖頭價位差不多, 但食后你必定會覺得超值!!!輕飄飄的, 脆脆的, 真是外脆內軟, yummy yummy越簡單的, 越難整得好食, 師傅真的犀利!! 雖然雞蛋仔好多地方都有得賣, 這間一定不能錯過!!

We just did our hiking tour and we passed by this famous shop. We decided to give it a try as $17 is acceptable and we picked original taste though it has offered chocolate, cheese and pandan taste. We saw around 20people waiting and tbere was a screen displaying which number of the order was ready. We waited 20 minutes and shared among ourselves. This is yummy and crispy!!! It smelt good and we can taste egg in it. We recommend it if you are passing by.

平時好抗拒食格仔餅，因為通常都整好唒同好薄，一咬落去好淋又凍，成口砂糖朋友介紹試低調高手，本身冇期望，因為個名已經覺得有啲浮誇，仲要排長龍，但一試不得了，又熱又鬆脆，啲砂糖已經有少少溶，食落唔會成囗糖，食完令人不斷想再食，雞蛋仔亦做得同樣出色宜家好多舖都推出好多新囗味，其實唔需要整色整水，只要做好本份，自然受人青睞

很奇怪這裏雖然出名的是雞蛋仔，但我依然獨愛他們的格仔餅這裏的格仔餅外脆內軟，甜度適中，醬料亦不吝嗇落單的時候阿姐會問幫需不需要剪，以便與其他人分享，獨食難肥貼心地幫我們把格仔餅一分為二，讓我和男朋友可以分開拎住食，又不會把醬汁弄得滿手是的，十分抵讚！

I had lunch with my colleagues in Shau Kei Wan. After that, we would like to buy some snacks for afternoon tea and they all recommended me to try this egg waffle because Joey Yung loves it too.I bought an egg waffle and waited for about 5 minutes. It looks and smells ordinary, but when I touched and eat it, it was very crispy. The crispness level was just right because my mouth did not get dry. There was some softness inside each of the 'egg'. I like it very much.This little shop matches perfect

今日行完山順便去朝聖，等左唔係好耐，大約10分鐘就有得食，一次過試埋格仔餅同雞蛋仔，格仔餅d花生餡偏甜，仲見到一粒粒白沙糖，最後先試雞蛋仔就覺得無味，但係就好脆，做到外脆內軟