低調高手大街小食

营业中

休息中

筲箕灣對我來說一個好陌生的地方.為什麼我這樣說?因為我不是住在香港島那邊.平時去香港島約朋友吃飯,都是在銅鑼灣.從未試過去筲箕灣.而今天因為有朋友來到香港找我.所以就帶去香港島那邊坐電車.剛巧突然想吃雞蛋仔, 於是就去找一下在香港島有什麼好吃的雞蛋仔專門店.無意之中就找到這間,加上我們坐的電車是可以坐到筲箕灣總站.就這樣決定了去試試看.下了車,還要走一段路才到, 大約10到15分鐘.遠處就能聞到雞蛋仔的味道.跟其他雞蛋仔專門店相比.她的選擇其實不多.我就被她的黃金雞蛋仔所吸引.因為我從未吃過黃金雞蛋仔.所以就覺得好特別.職員也推介說好好吃.於是就點了一份.等候的時間比一舨雞蛋仔長.我覺得自己好像等了15到20分鐘左右吃好吃的都是需要付出, 除了金錢還有時間,哈哈.味道十分好吃, 每粒雞蛋仔都包含了雞蛋黃和鴨蛋黃.而且蛋黃的味道好突出.覺得很配合.外脆內軟. 果然是有水準之作.真的不枉我特意來吃.不過由於我還沒有吃過其他店的黃金雞蛋仔.所以暫時就不能比較.但真的好好吃.我會再去吃的.

難得黎到筲箕灣，點可以唔去下低調高手朝聖呢。雞蛋仔雖然已經加左價，但係質素仍然有保證。雞蛋仔落左單之後，要等5分鐘嘅時間，每一底即叫即做。雞蛋仔仍然保持外脆內軟，做得好有心機，每一底的外皮都係好香脆可口，喺出面都比較少食得到。而計我話，雞蛋仔都係原味最正！所以呢一間嘅雞蛋仔，我係絕對推介嘅!而且朋友講，呢一間嘅格仔餅其實仲好食，不過因為人多，而家雞蛋仔可以一人一粒咁分享。下次再經過嘅時候，可以叫返一底格仔餅過下口癮。

要講雞蛋仔我諗除咗北角雞蛋仔之外～我諗都冇人未聽過呢間低調高手大街小食😆之前已經睇過無數次佢嘅相，終於聞名不如見面😍嗰日係平日去到都係要等不過都快10分鐘左右～可想而知幾咁好食啦🤔👉🏿✨叫咗一底雞蛋仔 Hkd 17 💸價錢來講小貴左小小，不過食落就真係超級脆！脆到好似食緊薯片咁🤣之前聽啲人講話佢凍食嘅話入面係外脆內軟，所以都幾期待，但係可惜凍左之後..佢入面都係keep住脆卜卜😂咁應該都算係好事？同埋入口都好重蛋香味，雞蛋仔愛好者唔好錯過啦^o^

作為港島東之旅的第二種，我抱有非常大的期望，一來此店得到不少的好評，二來雞蛋仔是我從小便喜歡的港式小食之一❤️Lucky⭐️排隊名店係需要平日下午的時間去，這樣才可以不用排隊，就買到心水食物😜自己一個覓食，無辦法兩種都試，唯有選我最喜歡的雞蛋仔吧🐣由下單至拿到手，只需五分鐘👍🏻熱辣辣拿在手上，嗅到淡淡的牛油香，外觀拿左一百分，超期待😌可惜期望越大，失望都越大😔脆度-店家做得非常脆👍🏻蛋香-嗅的時候很香，咬下去的時候都有一點點，只是不太明顯😯飽滿度-不足👎🏻我記憶中，學校門口的小販伯伯，他做的雞蛋仔除了有濃濃的蛋香外，一咬下去，內餡佔據每顆雞蛋仔的三分之二❤️外層脆脆，內裡有蛋糕的鬆軟。不過這兒的雞蛋仔內餡只有大概一半的份量，有點小失望🙈與我預想中有分別哦😞想食就要快，因為好快就會下陷*總結，不用排隊，碰巧經過，一試無妨。若果要特意坐車來的話，就不用了**小時候的味道很難可以找到，唯有再去其他地區試下吧*

每次一想食雞蛋仔同格仔餅，都會第一時間諗起呢間店。佢既雞蛋仔同格仔餅外脆內軟，夠厚身有質感。老闆每次都會問客人係咪要哂全部醬料，同埋格仔餅使唔使分開一半，非常細心。而每次同老公share一人一半後，食完都覺得唔夠喉，好想獨吞一件落肚，哈哈。今次買了格仔餅，照舊唔要砂糖。等待期間見住店內每部機器旁都有一個計時器，覺得非常專業。亦覺得花時間專程搭車黎食佢既格仔餅都非常值得。等了一陣，終於有我地既格仔餅，依舊好味，食完又係覺得唔夠喉。下次試下一人獨吞一件我最愛既格仔餅先

今日去開筲箕灣，唔覺意見到呢間小店見個名咁特別，叫「低調高手大街小食」仲有埋英文名.....叫做Master Low-key Food Shop心郁郁去試下呢個master 有幾勁呢間小店其實只賣兩樣食物，就係雞蛋仔同埋格仔餅一底$17，兩底就$32我地一行五個人，有四個人都話想試下，所以就嗌左一底雞蛋仔加一底格仔餅都係$32!!!「正宗雞蛋仔」原來係外脆內軟，唔係粒燈都滿滿既蛋漿，味道亦都同旺角街邊食開既貨色唔同，「高手」好有心思鑽研食譜而「經典格仔餅」就梗係咩醬都落晒，咁先好味道架啦加上呢間既格仔餅感覺上比起其他既厚身，四個人當飯後甜品食，食都食唔曬!!!不過已經好滿足喇~

係筲箕灣食完晚飯，諗走落地鐵站嘅時候見到呢間雞蛋仔聽過住呢頭嘅朋友講佢好耐，一直冇機會試，今次唔係好飽終於可以試下，偶爾食下宵夜好開心落單買，都係即叫即整嘅，出名嘅舖頭好似好勁咁，師傅整得有板有眼雞蛋仔出到嚟熱辣辣，忍唔住即刻試下佢究竟幾好食咬落去個下，我同朋友隻眼掙得好大，未食過咁好食嘅雞蛋仔！同一般食開嘅唔同，佢嘅味道特別有蛋香，外皮極脆，入面嘅粉糰都幾飽滿，唔係偷工減料嘅個種都試過好幾間香港出名嘅雞蛋仔，例如太安樓個啲，但係我可以講呢個係最好食嘅雖然佢定價偏貴，但係貴得嚟有質素，下次嚟筲箕灣都一定要食如果下次有朋友嚟香港旅遊，都可以介紹佢哋嚟呢度，因為我覺得呢度嘅雞蛋仔代表到香港！食到咁上下，落到地鐵站先記得影相

低調高手雞蛋仔其實好出名，位招口難搵，店細細，但一見好多人喺門口等緊就知喇！ 我亦食高好幾次！係到筲箕灣必吃既小食！平時好多人，一般要等15分鐘左右，但今次唔算好多人，等左10分鐘就有了！好好彩！雞蛋仔即叫即整，新鮮整，熱辣辣！充滿雞蛋香，咬落去外脆內軟，而且蛋漿唔太多，所以特別脆！價錢唔貴，同普通雞蛋仔差唔多，值得一試！比起其他雞蛋仔，呢個性價比高所以出名都係有原因既！如果下次有機會會試下夾餅！推介！

果日行經筲箕灣，感覺有啲肚餓，見到呢間舖頭，係網都見人講過，而且價錢都可以接受，就每樣買底嚟試吓，食落雞蛋仔外面脆入面都有d肉, 但比起北角雞蛋仔稍為遜色又 冇媽咪雞蛋仔咁多肉，格仔餅味道不錯，以前就要排隊, 而家叫籌方便啲雞蛋仔大約等11分鐘 格仔餅大約6分鐘$17/1底 $32/2底 可以mix

難得發現晚上不用排隊，明明已食飽，但都忍不住要買來吃。以後不想等太久真的應該晚上來😉一如以往店員很親切地在落order時問清了格仔餅的喜好，又會問明要否切開方便share，雖然價錢已加到$17份、$32兩份，但這樣有香港特色的小食和小店我是大力支持的！很多朋友對「最好味的雞蛋仔」這個議題有不同的喜好：太安樓的、北角的，但我覺得這裡的雞蛋仔質素是我心目中的首位，平常來的唯一缺點是要等，今晚（也許因爲三號風球的關係）不用等就更加好。

代表香港的街頭小食，鹹的我會選魚蛋，甜的便是雞蛋仔了。而港島區有實力的雞蛋仔店林立，出名的有北角、西灣河太安樓的一些店子，但對我來說筲箕灣的「低調高手大街小食」卻是冧巴溫！雖說是「低調高手」，但在容祖兒及謝霆鋒的明星效應加持下，此店早以成為雞蛋仔界的人氣王。在很多雞蛋仔店都攪很多口味變化、甚至於變得五顏六色的情況下，難得此店一直以來都保持專注，只賣原味雞蛋仔同格仔餅兩樣東西。對於有選擇困難症的人來說此店甚好，因為永遠都只是二選一的抉擇。其實專注更能保持品質，熟能生巧嘛（記得此店老闆在謝霆鋒的飲食節目亦講過此點）。這天人不多，我選了$17元的雞蛋仔，等了十分鐘多一點點便有得食。「低調高手」的雞蛋仔，最令我欣賞是夠晒脆身，粒粒都好堅挺飽滿，賣相已加分不少。而且雞蛋仔內部充滿蛋及牛油香，也像蛋糕般軟熟，「外脆內軟」正是最簡要的評價也。當然此店並非無敵，但對我來說唯一能擊敗它的是我兒時吃過的碳烤雞蛋仔，可惜此物已差不多在香港絕種了（但傳聞離島尚有）。

見有這麼多好評，真的要來光顧一下，辯真偽。來到已見店門外有食客等候，排隊點餐，之后店員會給你票尾等叫號碼，有條理。食品有雞蛋仔及格仔餅，只賣這2款已經好好生意!! 買2件會平2元，計算下買2款又不是特別平，先買一款吧!! 點了格仔餅，想著不多人點，應該會快些有，噢!! 還是一樣要等15分鐘左右😂😂可以用八達通，很方便，一咭在手，不用找贖，果然跟得上潮流。到手啦!! 購買時店員也詢問是否需要切半，既然是免費，當然要享受下這免費服務啦😉切開2件方便食👍格仔餅醬多到流到紙袋，怪不得店舖額外給我一個膠袋裝著。格仔餅面脆內軟，多醬，又夠熱，真的無得頂😋😋總結: 收$快，出貨時間尚可，食品品質一流。

作為街坊，低調高手係筲箕灣是非常出名的，我係呢區住左好耐啦, 工作都係筲箕灣，閒時會請同事幫手買下雞蛋仔或夾餅做下午茶，忘了宜家有冇加價，平時我比$16就我什至同事會當係lunch的，好誇張！次次都好多人架，不過老細進步左，轉左等籌出食物，仲有一把大大的風扇(冇甘熱)，又唔駛我地排長龍，已經比之前更好。不過食物質量不能維持，店內太多part time，有年輕、有anite，雖然大家知點整，但控制熱度及查醬手勢不一，但老細真係技術好好多！雞蛋仔外脆有蛋香味，確是比同區的好吃，但夾餅味道更出色，不能放冷，一定要熱辣辣先最好！大家要記住啦

經chef lemon《十九幾道瘋味》大力加持後，想低調也低調不來，幸好它仍留守小店，沒有狂開分店分拆再上市；沒有出騎呢口味，做好基本；店內只賣兩樣東西，雞蛋仔和格仔餅。雖然收了chef lemon這位高足，但好彩這位師父那底雞蛋仔絕對沒有濕過毛巾。即叫即製，就算無咩人排落單後都要等三四分鐘。老闆不在店，由一眾姐姐主理。見姐姐在加入粉醬前，細心在模具上用掃來來回回掃著，或許這就是那獨門脆邊的秘技之一。雞蛋仔是我小時候最愛的街頭小食，美甜又飽肚，但隨年漸長，就算幫襯某些雞蛋仔名店，但好食的雞蛋仔仍是一底難求。$17一底、$32兩底，在雞蛋仔界不算便宜，仍就讓我尋回兒時的滋味。不知模具是否特製，每粒雞蛋仔的脆邊位比一般闊一點，很薄很脆，有點像圓型橙色零食蝦餅的質感。雞蛋仔心半滿，少許黏口，充滿蛋香和奶香。

低调高手估计是全香港人公认的最好吃的鸡蛋仔和格仔饼！粤语老师一直推荐，今天特意跟朋友来吃，只有原味的鸡蛋仔。比其他店高明之处在于很脆！颗颗分明！其他店鸡蛋仔里边几乎都是软的，这家完全都是脆的。但是其实还不至于特意来，坐叮叮车可以到，就当观光来还挺有意思！格仔饼有四种酱料可以加，可以同时选。我选了全四种，对我来说有些甜，但是真的很好！