低調高手大街小食

营业中

休息中

作為一個港島東區嘅食客，由低調高手剛開店未有人排隊嘅時候已經幫襯，相隔咁耐偶爾都會去朝聖一下，到咗今日去，見到唔需要排隊就立刻買。相比起坊間一啲受人熱捧嘅雞蛋仔鋪例如北角或者太安樓嗰間，我一向只同人推介呢一間，冇將自己經營變得連鎖化，一間屬於東區嘅名物。今日我去到，以前舖頭得幾個雞蛋仔機，去到成間鋪圍住都係雞蛋仔機，人手亦都有四至五個人喺鋪頭入面工作,就知道高手今時唔同往日。價錢係尼度賣18蚊一底已加價到離譜。而當我買嘅時候前面一個客人都冇，落單送到手需要整整20分鐘，我相信係佢哋對製作雞蛋仔時間掌握上嘅堅持。食落口仍然係好食，外皮鬆脆，甜度適中，不過印象中外皮嘅中間軟心就已經冇咗，回憶嘅美好已經只能停留於過去。

「低調高手」這個名改得貼切，幫襯過後就會明白店鋪位置不起眼，裝修簡單平實，鄰近都有其他店舖售賣街頭小食，但每次經過，定會見到人群圍在此店對出位置，真的很受歡迎啊！店舖只有兩樣食物出售—雞蛋仔和格仔餅！由於是即買即製，所以付錢後一般要等十分鐘左右，新鮮滾熱辣的雞蛋仔咬下外脆內軟，每一粒外殼真的十分脆口，而內裡則軟綿綿，充滿蛋香又未致於過甜是吃到停不了口的美食！因為雞蛋仔令我食過番尋味，所以我每一次我都encore雞蛋仔，未試過它的格仔餅原來店舖有「黃金雞蛋仔」出售，現在咸蛋黃小食這麼時興，相信咸蛋黃遇上雞蛋仔，一咸一甜，味道應該不錯，但我對原味雞蛋仔實在是一試鍾情，我猜我下一次都依然會再吃「原味雞蛋仔」吧

低調高手大街小食 兒時味道的雞蛋仔不一樣的筲箕灣，有不一樣的高手。路經Master Low-key Food Shop 仲要停下腳步，無論有幾多人排隊 都要去排一排。我最喜歡正宗經典系列，就是香港特色的原味雞蛋仔，他們的出品永遠都是外脆內軟，雞蛋仔帶着豐富的蛋香，每次總感受到兒時食物的風味。今天沒有吃同樣美味的格仔餅，因為我一個人獨享了一底可愛的雞蛋🥚仔😋😋

低調高手1月尾已光顧過，今日又到鶴嘴郊遊，必經筲箕灣搭車。所以，又忍唔住👉🏻👈🏻🙄今次除了點了格仔餅之外，也點了雞蛋仔😋（因為1月28日已介紹了，今次沒有再影格仔餅的相片。只影了雞蛋仔真材實料，但個人依然還是最喜愛格仔餅（口味因人而異吧，因為我很愛吃花生醬😋）

是日咁啱經過筲箕灣，咁啱又有啲肚餓，又咁啱見到有間小食店，一睇原來係專賣雞蛋仔同格仔餅，又見到鋪頭面前黏咗一啲明星嘅相，就忍唔住手去試吓😍我諗左好耐究竟應該買邊樣好🤔，最後揀咗雞蛋仔🤤可能係平日嘅關係大概等咗5分鐘到就有得食喇！新鮮滾熱辣出爐嘅雞蛋仔👍🏻👏🏻原味雞蛋仔外脆內軟，令人讚不絕口，證明果然真係一分錢一分貨。雖然賣得比較貴，同埋個蛋味比較淡，但係整體表現都比其他店嘅嘅雞蛋仔出色。總結：有機會嘅話，一定會試埋格仔餅！

幫襯左低調高手好多年,除左呢間之外,真係搵唔到邊間既格仔餅/雞蛋仔好食過佢!店員仲會好貼心問你洗唔洗將個格仔餅一開二.如果見你兩個人食的話.格仔餅既醬絕不吝嗇!!真係不愧係低調高手

呢間雞蛋仔出哂名，以前專誠過黎食過一次，嗰次覺得勁唔值得又唔係特別好食，仲要勁多人排隊。今日經過突然之間想食，見到又唔算好多人等緊，就買左一底。點知，好有驚喜！<原味雞蛋仔，$18>今次呢底雞蛋仔外脆內軟，都係熱辣辣既。蛋漿份量大概有一半多少少，我覺得岩岩好，唔會太多搞到好厚實，亦唔會太少淨係得個脆字。除此之外，食落有好香既蛋味。18蚊一底雞蛋仔，我覺得話貴唔貴，話平唔平，但係勝在味道好，有質素，我都會推介大家去試下！不過我覺得佢唔算好穩定有時好好食，有時就麻麻地。

甚少踏足筲箕灣，一場光臨當然要盡量食多啲地道美食。搵到呢間得獎熱店，店名好似早有聽聞，於是晚飯特登留肚過嚟再食多轉正宗雞蛋仔原本想試黃金雞蛋仔，點知暫停咗，唯有食返原味。$17一底，價錢唔算貴，話哂坊間好多唔同味道嘅雞蛋仔都賣到二字頭。等咗唔夠10分鐘左右，攞上手冇乜熱辣辣嘅感覺，食落係非常脆，但係蛋味唔夠濃，咬開一睇，入面嘅蛋漿一半都冇，難怪唔夠香濃。雖然未去到排隊級數，但心諗都算外脆內軟，點知食到2/3開始冇得一粒粒好脆咁啪開，再食到底直頭變咗毛巾（已經企喺門口即食，前後未夠2分鐘），實在有啲失望。

這一刻，我的胃又任性了😆突然想起低調高手的格仔餅，什麼健康飲食、養生也不管了！雖然吃它當午餐真的很過分，但是非常美味的格仔餅令我的胃很快樂😄它鄰近筲箕灣地鐵站旁，東大街附近厚厚的、很有質感,外脆內軟的格仔餅$17牛油、砂糖、花生醬😋邪惡但非常美味

這間低調高手的雞蛋仔外脆內軟, 畀北角的利強記雞蛋仔更加美味, 如果大家邊個筲箕灣不妨試一次, 一定不會後悔,他的雞蛋仔 弄到剛剛好, (但係有時要排隊) 大約廿分鐘，多謝。

是日口痕想「掃街」，就到了樓下去買雞蛋仔。如常的很多人排隊，我等了十五分鐘才等到我的雞蛋仔。還多等五分鐘才拿到格仔餅。這天再光顧已經又加了價，$17一底，$32兩底。我叫了一底雞蛋仔和一底格仔餅。雞蛋仔沒有放香精，不像其他店，所以吃起來不會感到不適。即叫即做的關係，雞蛋仔到手時還是熱騰騰的。咬下去外面脆，內面軟，但略嫌蛋漿較稀，內面空心的位置很多。格仔餅可能因為切開了的關係，醬汁都流到袋裏，而且沒有那麼香脆。大家喜歡就去試試雞蛋仔吧，格仔餅我就不會推介。

雞蛋仔很松脆 裏面有空心的部分 但味道濃郁 好吃的停不下來！夾餅 華夫餅加了黃油、糖、花生醬等 搭配的很好 很好吃 特別是花生醬是我的最愛！老板挺熱情的 也很熱心 去石澳可以順路去嘗嘗

很喜歡香港街頭小食，其實呢間都好出名，但一直未食過。佢個價錢吾算平，但今日晚上呢個時間吾算多人，我叫左格仔餅，都只係等左5-10分鐘左右，即叫即做熱辣辣，味道十分好，店員態度都好友善。果條後街都好多野食，所以不妨過黎試下呢間，食完試埋其他小食店都吾錯嫁

星期日晚上在「筲箕灣東大街」的日本菜餐廳「八X」，食過一個有蠻強烈黑松露味的海鮮烏冬之後，我在準備離開筲箕灣之前，再在街上逛逛，結果我還是再行到「低調高手大街小食」的店門面前。但是跟上次不同的是，「低調高手大街小食」最近原來還推出了新口味的雞蛋仔，名稱再漂亮了一點，叫做「黃金雞蛋仔」。「黃金雞蛋仔」價錢比原味雞蛋仔稍貴了幾元，賣港幣二十七元正。我給了錢，買下一底「黃金雞蛋仔」，其實試食之前，我已經估計到「黃金雞蛋仔」會是什麼的味道，所以驚喜沒有預期那麼大。「黃金雞蛋仔」裡面的「黃金」，「低調高手大街小食」指它是鴨蛋加上雞蛋，混合而成的鹹味餡料。我估計鴨蛋應該即是我平日會吃，經過後天加工醃製而成的鹹鴨蛋。「黃金雞蛋仔」的製成品，鹹鴨蛋被「低調高手大街小食」以「釀入」的方式，代替傳統的「吉士醬」，融入到雞蛋仔的蛋漿裡面，然後把蛋漿注入「雞蛋仔」爐具，再反覆烤製，變成有鹹蛋味道的「黃金雞蛋仔」。「黃金雞蛋仔」味道相對於「低調高手大街小食」的招牌雞蛋仔，最明顯的分別之處，當然就是味道。由於「黃金雞蛋仔」有鹹鴨蛋在裡面，所以「黃金雞蛋仔」入口感覺到的第一個感覺，就是來自鹹鴨蛋的鹹味，夾雜少許雞蛋

每次出筲箕灣地鐵站就見到店外聚集一大班等候取食物嘅客人，個個都好有耐性，眼神充滿期待。店內只有兩款食物：雞蛋仔及格仔餅，全部即叫即做，我每次都要食哂兩樣先感覺滿足原味雞蛋仔，毋需玩唔同味道，傳統已是最好的。粒粒都漲卜卜，皮脆肉厚，香濃蛋味，係全香港最好味嘅雞蛋仔，真係食到停不了口格仔餅就要等耐少少，因為佢真係好厚，摺埋有成2吋厚，真材實料，香濃蛋味，煙靭彈牙，食半底巳經好飽肚，加埋花生醬同砂糖，簡直係宇宙美食。