當然，去到筲箕灣又講到格仔餅，一定係去《低調高手》啦！一間舖仔入面企成6，7個人，仲要係門口貼告示表示急聘店員，就只係為左整雞蛋仔同格仔餅，可想而知佢既受歡迎程度有幾高！
首先，要讚一讚店員既貼心先。賴生同屈小姐已經食完Dinner有D飽意，實在不能1人食1塊，所以我地2個人Share食1塊，店員有見及此，主動問我地駛唔駛切開1半，咁梗係好啦
，最後送到我地手既格仔餅除左切半，更加係分左2袋，好難得佢唔加錢都主動比多個袋
其次要讚下佢地個銷售系統，佢地用電腦出飛，寫清楚客人既要求，例如走砂糖，走牛油同切半等等，讓人一目了然，漏左野可以即時同店員跟進番，而且佢用營幕及廣播系統提示客人可以拎食物，好清楚！
1）格仔餅：⭐️⭐️⭐️⭐️⭐️
上次試過雞蛋仔，今次要試格仔餅
，佢預先幫我地切好左一半，非常貼心呀
！呢個格仔餅果然係高手既作品 外層好脆，咬落卡卡聲響，脆皮位大約有2mm厚，而內層鬆軟，成1cm厚，咬開蛋香四溢，仲煙煙unun，加上毫不吝嗇既醬料，內層每格都沾滿醬，啖啖都咁滋味！
相比元朗《嘉x》既格仔餅，元朗果個似格格脆餅，邊位同內餡都比較薄，所以比《高手》既更脆~ 但我地比較鍾意《低調高手》既格仔餅，因為外脆內軟而有一定厚度先係最難掌握既地方，亦先似我地食開傳統既格仔餅
P.S.《低調高手》格仔餅好食過雞蛋仔，食完滿足唔會似一陣風
P.S.S 收銀小姐態度笑容服務都非常好！要讚下！
#甜品作結才是完美的一天
#雞蛋仔及格仔餅愛好者
#邪惡都要食
#獎勵自己既努力
#難得尼到~肥都要試下
#香港小食<3
