低調高手大街小食

营业中

休息中

搭日營接駁車去到筲箕灣，中午嗰餐一般般，落到掃街天堂當然要食下啲美食，呢間係同學仔媽咪介紹，去到一間簡陋小店，店內做晒廚房，幾個店員不停整餅，門口一個女店員落單，攞票等叫號碼！5分鐘已出到比我！攞咗在對出行你路食！原味夾餅（$18）叫咗剪半，分成兩袋，好喜歡呢種啡色紙袋（細個夾餅外面脆，入面蛋香，不過無咗煙韌嘅口感，如果外脆內煙韌就更正！搽咗牛油、花生醬、練奶、砂糖，呢4種醬料嘅化學反應係香甜好味！整體好味！收銀女店員有禮斯文！經典小食

雖然住港島，但就好少去筲箕灣一帶，難得經過低調高手，就順便買埋格仔餅食😛😛之前淨係食過雞蛋仔，但就有好多人推介埋呢個格仔餅😆. 格仔餅　$18格仔餅即叫即做，熱辣辣，外脆內軟，厚度亦好足夠，不過蛋香唔算好濃，內餡有牛油、砂糖、煉奶，唔會太甜，不過我就覺得醬料唔算太多，下次再食要叫多醬先🤣🤣見到有咸蛋黃味格仔餅，有興趣就試下啦，我就反而冇咩興趣～～低調高手大街小食地址：筲箕灣筲箕灣東大街76A號B3號舖地下

系呢個時代黎講，大概每一個時期都有戈期興既野食，去到近年，竟然無啦啦興起一個鹹蛋黃熱潮，相信大家諗都冇諗過鹹蛋黃都可以系食物界變成一種潮流。呢間小食店原本賣既系雞蛋仔同埋格仔餅，位置系筲箕灣東大街旁，如果吾知呢間系出名，就咁經過根本不大興趣去試，但呢家加埋間店又加入鹹蛋黃戰團，連雞蛋仔同格仔餅都好創新咁加入鹹蛋黃，吸引度大增。系店外吾難睇到系某d著名媒體拎獎既poster，亦強調系得呢間店，冇任何分店，多數講得呢句都系好受歡迎既店舖，驚人地去左d翻版店舖。店舖位置真系十分細，系一眼可以望曬既大小，只有一個叔叔同一個姨姨，我諗系一個就整雞蛋仔同埋格仔餅，一個就輔助下同埋做埋收銀咁。學d人話齋，衛生程度的確吾太理想😅雞蛋仔機旁邊有大量蛋漿，應該系整戈陣落得太重手，機器冇足夠空間盛載而導致的。話就話系人氣雞蛋仔，但系要排隊都吾系話要排好耐，至少比我想像中快，排隊連等拎食野食，10-15分鐘左右就有了。買既都系20幾歲既年輕人，打卡影相是常識吧😌亦有比較大年紀既臨收舖先去到，已經趕吾切食，想食好西真系要早d去。想食好耐既雞蛋仔終於比我食到就咁睇包裝同出面小食店既雞蛋仔冇分別，都系傳統既紙袋仔，

筲箕灣地鐵站B1 出口行幾步就見到佢，勁方便，唔難搵。好香好多人排! 原來係雞蛋仔! 佢有兩種味：原味（$18）同黃金（鹹蛋黃）雞蛋仔 （$28）。因為同朋友share 佢又唔食鹹蛋黃， 所以就叫左個原味試下先。等左唔係好耐就有了。佢個雞蛋仔一啲都唔林，好脆！味道正常，唔會太甜或者好多牛油👍🏼面粉個面同脆卜卜個面一半一半😍😍 同北角雞蛋仔有得fight! 下次我會叫埋個黃金雞蛋仔黎試架😤

與同樣愛好美食的友人來到附近覓食，又怎能錯過這裡呢!這裡的雞蛋仔已經是區內有名的好吃! 趁鹹蛋風氣盛行，這裡也推出了黃金系列口味! 絕對能令鹹蛋黃粉絲追來潮聖!先來有有黃金雞蛋仔 ($28)! 雞蛋仔外表與一般看起來沒有分別，吃下去第一口只有淡淡鹹蛋黃香，但越吃鹹蛋黃香會越濃，可能起初邊位的餡料較少，分佈未夠平均，餡料多散佈於中間位置。整體來說鹹蛋黃味始終未至於濃郁，有點失望。但雞蛋仔依然是好吃的，餅身超香脆，內裡質感軟綿，外脆內軟。價錢偏高，一試便可，普通原味已夠好吃!再來有黃金格仔餅 ($28) 熱辣辣即製後拿上手，感覺是相當重手! 一打開看到鹹蛋黃餡料超級多! 醬料出手同樣大方非常! 原來以為鹹蛋黃與煉奶，花生醬和砂糖的組合會有點奇怪，但鹹香和甜味互相突顯之餘，又有互相調和之感，越食越滋味，是終極邪惡之選! 唯一扣分位是餅身是腍身的，不是我偏愛的脆口感，只能說太足料了，令格仔餅變腍身亦是無可奈可之事，但依然無損味道。雖然價格有點高，但亦值得一試!

一向都是低調高手捧場客，外脆內軟，有蛋香的雞蛋仔甚得我心。今日專程來試試新口味-鹹蛋黃（黃金雞蛋仔）。價錢比原味貴十蚊。外貌沒甚差別，咬一下，入面蛋黃都頗夠，每一啖都食到。但係由於味道是鹹的，我覺得和蛋䊢不太夾。加上皮唔夠脆，所以只好說ok 但不特別出色。還是原味超讚！

已經第三次幫襯！每次去親都超多人，但心思思又想食，結果都係乖乖排隊！原味鷄蛋仔很好味，外脆內軟，蛋味濃郁！黃金鷄蛋仔，咸蛋足料，熱辣辣時都幾香口，幾好味，但凍左之後，就略油，有點濟⋯最難得是，即使人多，但店員態度親切有禮！

今日終於嚟到筲箕灣東大街掃街啦第一站就一定要試吓被譽為全港好食雞蛋仔格仔餅嘅低調高手黃金格仔餅（$28)呢個格仔餅真係不得了！😍😍 係鹹蛋黃格仔餅，邪惡到癲！雖然格仔餅比平時原味嗰啲貴左10蚊，但佢出手就更加闊綽，唔會偷工減料！格仔餅夾住滿滿嘅鹹蛋黃碎、煉奶同砂糖，鹹蛋黃碎好香，食落又冇想像中咁漏喎，正👍🏻 不過見格仔餅蛋香就唔係好夠，仲有少少淋身，如果做返香脆少少就更加好喇，整體值得試👌🏻👍🏻下次再試吓呢度嘅雞蛋仔啦

去到筲箕灣怎可能錯過「低調高手雞蛋仔」！😋雞蛋仔是香港地道街頭小吃，不論大人或小孩都喜歡吃！如果要選全港No.1的雞蛋仔，我必定投「低調高手雞蛋仔」！👍🏻它與別不同之處是外面金黃酥脆，內裏超香軟熟，每粒雞蛋仔都均勻有蛋漿，不是空心的。即使未能立刻品嚐，遲了幾十分鐘再吃還是脆卜卜。喜歡它另一原因是它不太甜，完全符合香港人口味。😃「低調高手雞蛋仔」如今已不再低調，早已街知巷聞，要一嚐它的味道，可能要等幾十分鐘，但還是覺得值得的！❤️

👁‍🗨 黃金雞蛋仔💲28低調高手聽就聽得多，食都係第一次🤕知道佢出名雞蛋仔，所以即使個個話佢既黃金格仔餅有幾邪惡，有幾咁多咸蛋係入面都好，我都會決定試下雞蛋仔先😛因為係夜晚離既關係，冇長長既人龍，只係等左5-10分鐘就有得食😬拎上手熱辣辣，果然整得外脆內軟(不過就吾係每一粒都係咁既)😳入面比起格仔餅的確冇咁多咸蛋，但係都已經夠哂咸香味，個人覺得如果太多咸蛋黃反而會太膩over左，而家既份量岩岩好😂🔛 整體評分（7/10）

.黃金雞蛋仔 ($28)鹹蛋黃加入雞蛋仔會係咩味道？有啲似海鹽雪糕所以其實都唔會話好怪😂😂每粒雞蛋仔都包住啲鹹蛋黃甜鹹交雜 味道都幾得意不過佢應該一整起就入袋食多兩粒下面嗰啲開始有啲腍呢個價錢還好啦 而家食有餡雞蛋仔都要25,6蚊如果好鍾意鹹蛋黃製品嘅朋友可以一試

最近鹹蛋黃算是風頭一時無兩！ 不同食物都相繼推出鹹蛋黃味，現在連香港十大街頭小食之一的雞蛋仔也加入戰團！在香港，雞蛋仔周圍也有賣，但好味的，卻難求。這間低調高手，自從經朋友介紹後，我便一試難忘！店外長期都排滿人，為了美味的雞蛋仔/格仔餅，等待，是值得的！一向比較喜歡這裏的格仔餅，所以叫了一份"黃金格仔餅"。 價值$28,並不便宜，但格仔餅外脆內軟，內層質感軟糯，配以大量鹹蛋黃以及少許煉奶砂糖等，更加惹味！ 為了這個格仔餅，排隊等侯一會先是值得的！

琴日食完朱古力薯片做宵夜，心思思又想食啲又鹹又甜嘅嘢。於是忍唔住放工去咗東大街嘅低調高手大街小食，買返個黃金格仔餅($28)！-由於🍘👧🏾Jam 唔食花生醬嘅關係，呢個格仔餅就啱晒佢啦。熱辣辣脆卜卜嘅格仔餅入面夾住主角鹹蛋黃，煉奶同埋砂糖，簡直係perfect match！不枉我哋特登搭車去到筲箕灣，下次一定要試埋佢個黃金雞蛋仔！

特登為格仔餅來到東大街~~食完lunch再戰格仔餅原來位置係東大街旁，好彩唔難揾~~想試呢個黃金格仔餅好耐~~比左$28 等左一陣，真係即叫即整呢~~店員好親切見我哋兩個人分開咗兩包比我哋~~一食落去熱辣辣個邊脆脆的，好香蛋味~~跟住食到勁多咸蛋黃，同煉奶和砂糖好match，唔會太漏，超好食！！！終於明白點解咁受歡迎…

雞蛋仔雖然好多地方都有得買但真係唔係度度都整得好食有d鋪頭會比d凍既 林既雞蛋仔比顧客記得以前細個雞蛋仔都只係賣7蚊宜家好多地方買都要十幾蚊了哩日黎到筲箕灣順便試下出哂名買雞蛋仔既低調高手果然幾時都咁多人幫襯等左15-20分鐘終於到手了熱辣辣香噴噴外脆內軟味道唔會過甜讚！