低調高手大街小食

营业中

休息中

正所謂🤚🏻聞名不如見面❤️低調高手大街小食 已經係我to do list好耐呢道只有兩樣野賣， 就係正宗同黃金的雞蛋仔和格仔餅黃金格仔餅 同 黃金雞蛋仔 都係賣 $28比原味貴$10，一場黎到緊係食黃金今次先試格仔餅係即叫即整！其實呢道咁出名，絕對唔只係因為d鹹蛋黃而係本身格仔餅都相當出色！厚度非常適中！個邊仲要係脆嫁格仔餅內搽上滿滿的鹹蛋黃碎，毫不吝嗇煉奶、砂糖、鹹蛋黃令人起齒頰留香夠哂邪惡啦～ 每一啖都覺得超滿足😂😂

今日路過筲箕灣，見呢間平時大排長龍嘅低調高手竟然唔係好多人，就諗住上前去睇下啦。竟然比我見到呢個黃金雞蛋仔，近幾年香港嘅雞蛋仔嘅口味越出越多，但鹹蛋黃嘅就真係未試過啦，今日口痕就買咗嚟試。好彩唔算多人排隊，不過我都等左成10分鐘先有得食。入面咸蛋黃嘅份量唔太多，要食多2口先食得出，但味道都幾香濃，冇令我失望到。但係，坦白講28蚊以一底雞蛋仔黎講真係貴，雖然係好食，但滿足好奇心之後，應該唔會食第二次。

一出站就見到好多人🧐好明顯大家都是沖著低調高手而來的😂而我就是沖著最近新出的鹹蛋黃雞蛋仔而來🤤估唔到蛋漿沒有濃烈的蛋香味🙁不會餡料加分💯蛋黃份量一點也不吝嗇🤤膽固醇完全超標蛋黃加埋煉奶 陣味超夾👍🏻👍🏻👍🏻格仔餅皮沒有脆卜卜的效果 但口感但還是蠻煙韌的反而原味餡料份量比起鹹蛋黃口味更遜色🌟Rate:7/10

黃金雞蛋仔($28) Egg waffle with salted egg yolk 低調高手新搞作 -> 黃金雞蛋仔🤤雞蛋仔成底都外脆內軟，熱辣辣好新鮮😋差唔多成底雞蛋仔每粒都有咸蛋黃茸架，有d仲成粒都有，邪惡度極高，好味到唔想停😂

近年咸蛋黃真係好熱，好多餐廳同小食都大玩唔同嘅combination 製造gimmick 吸引食客！第一次食到有蛋黃crossover嘅小食係新加坡嘅蛋黃魚皮，當時未紅到香港，當食左一塊嘅時候，真係會停唔到口架，其品牌除左魚皮仲有薯片，估唔到蛋黃有如此化學作用！眾所週知低調高手一向有捧場客，人流不絕，星期六日假日更會出現長長人龍！但當第一次見到低調高手有此口味時，不禁覺得：都幾貴，承惠你$28！而且雞蛋仔同格仔餅都是甜甜的，究竟match唔match呢？結果有次經過還是忍不住去試下，不至於愛上，但其combination 好特別又match到喎，咸香中有練奶同砂糖，我會食第二次，下次一定會試埋雞蛋仔！

前日先試完媽咪雞蛋仔嘅黃金雞蛋仔，今次就即刻去試埋低調高手嘅鹹蛋黃味！呢款就有朋友試過話食完返唔到轉頭，連續幾日都係咁買黎食，聽到都覺得好正！位置好近筲箕灣地鐵站我哋等左15分鐘左右，都好多人排隊，不過新鮮出爐嘅雞蛋仔係值得等嘅！呢度買＄28，比媽咪雞蛋仔平兩蚊，望落亦細少少既，但就橙黃好多。摸落勁軟腍腍，無左脆皮，但聞落個鹹蛋黃味超勁！食落真係啖啖都有鹹蛋黃味，仲要每一粒入面都有啲鹹蛋黃碎，超級真材實料，十分推薦比大家！

好耐無打過食評！成日keep住周圍食，影落好多相！但都無update呢度！係時候update下😂-作為新界人，揾食揾到去筲箕灣，其實就真係好似出城咁遠！我本身係一個超級澱粉質控，超鍾意食格仔餅&雞蛋仔呢類野，所以突登由馬鞍山出到筲箕灣食🤭一去到！嘩！全部都係人！我買左原味雞蛋仔同黃金格仔餅😋不過 等左半個鐘先有得食🙈蛋漿係好香，雞蛋仔亦好脆！但裡面好似無乜料 唔夠軟！得個脆字🤷🏻‍♀️格仔餅可能因為有黃金喺入面啦！乾身左少少！如果多啲醬就更好😋 不過係好多黃金嘅🤣好食係好食！但唔值新界人突登黎食佢！亦唔太值等半個鐘🙈

早排上網見到介紹呢間全港首創咸蛋味雞蛋仔，睇到我流曬口水，於是好有誠意，特登由新界出筲箕灣，決定要一試虛實！去到買雞蛋仔就唔洗排隊，買完就等10-15分鐘左右。原味雞蛋仔$18底、黃金雞蛋仔$28到手喇🤤🤤本身雞蛋仔既質素都好唔錯，做到外脆內又鬆軟既口感，重好有蛋香味，正而咸蛋味就無上網睇既相咁誇，食落係淡淡咸蛋香，同時亦唔會遮蓋本身既蛋香味；不過重口味既我就略嫌唔夠咸蛋味🙊另外重有黃金格仔餅，本來都想試，但見到格仔餅屬偏淋口感，所以無試

好耐之前見到有個朋友成日都會食呢間低調高手雞蛋仔其實一啲都唔低調🤣🤣今日難得經過筲箕灣所以就決定一定要食呢個低調高手雞蛋仔😛即使其實見到好多人排緊隊但係都好想試吓等咗大概20分鐘左右 終於等到個雞蛋仔出嚟啦我哋叫咗呢款黃金雞蛋仔其實即係有啲鹹蛋黃係入邊 聞落去其實同普通雞蛋仔一樣但係你一meet嘅時候就會發現有好多鹹蛋黃喺度 首先睇吓外面其實已經充滿咗好多鹹蛋黃連我隻手都有少少入面都係會有好多鹹蛋黃㗎 而且佢會做到一半空氣一半麵粉嘅感覺 但係今次食呢個雞蛋仔 個皮完全唔脆 但係鹹蛋黃就好夠拎上手feel到成個雞蛋仔已經好淋 已經心知不妙 但係有好多人食決定下次都再俾多次機會佢🤣🤣😛

行完山好肚餓又未到食飯時間，朋友話既然一場嚟到筲箕灣，不如試下附近好出名嘅雞蛋仔。哇，一行到去，起碼有二三十人等緊。心諗行完山已經好攰，仲要等咁耐，如果唔好食就揼心口啦。結果...真係低調高手，民間美食😂 我地叫嘅原味雞蛋仔，蛋味好香濃，仲要完全感受到咩係外脆內軟。外面真係好鬆化，內面軟得黎又好chewy。真係高手。連唔鐘意食雞蛋仔嘅朋友都話好食！唔怪得佢地有咁多人會去排隊。呢$18同等待嘅時間係值得嘅！！如果下次有機會去開筲箕灣，一定會試下佢地個黃金雞蛋仔！

不知有多久沒有食過雞蛋仔，難得來到筲箕灣，唔係唔試下呢度出晒名排隊等候的雞蛋仔掛😆一支箭走來，幸好不是大排長龍，喜歡這裡先付錢後跟number取食物的方法，不用企定定排隊乾等👍🏼可能製作雞蛋仔的爐頭不少，所以等候時間不太長，大概十二分鐘左右便完成，比我相像中快很多。一到手便急不及待試了一粒，感覺....究竟有乜好食呀！怎知待雞蛋仔的餘熱過了後，才知道原來涼了些雞蛋仔更脆，雞蛋的香味也出左黎，不太甜，幾好味。怪不得那麼多人排隊🤓

作為一個港島東區嘅食客，由低調高手剛開店未有人排隊嘅時候已經幫襯，相隔咁耐偶爾都會去朝聖一下，到咗今日去，見到唔需要排隊就立刻買。相比起坊間一啲受人熱捧嘅雞蛋仔鋪例如北角或者太安樓嗰間，我一向只同人推介呢一間，冇將自己經營變得連鎖化，一間屬於東區嘅名物。今日我去到，以前舖頭得幾個雞蛋仔機，去到成間鋪圍住都係雞蛋仔機，人手亦都有四至五個人喺鋪頭入面工作,就知道高手今時唔同往日。價錢係尼度賣18蚊一底已加價到離譜。而當我買嘅時候前面一個客人都冇，落單送到手需要整整20分鐘，我相信係佢哋對製作雞蛋仔時間掌握上嘅堅持。食落口仍然係好食，外皮鬆脆，甜度適中，不過印象中外皮嘅中間軟心就已經冇咗，回憶嘅美好已經只能停留於過去。

「低調高手」這個名改得貼切，幫襯過後就會明白店鋪位置不起眼，裝修簡單平實，鄰近都有其他店舖售賣街頭小食，但每次經過，定會見到人群圍在此店對出位置，真的很受歡迎啊！店舖只有兩樣食物出售—雞蛋仔和格仔餅！由於是即買即製，所以付錢後一般要等十分鐘左右，新鮮滾熱辣的雞蛋仔咬下外脆內軟，每一粒外殼真的十分脆口，而內裡則軟綿綿，充滿蛋香又未致於過甜是吃到停不了口的美食！因為雞蛋仔令我食過番尋味，所以我每一次我都encore雞蛋仔，未試過它的格仔餅原來店舖有「黃金雞蛋仔」出售，現在咸蛋黃小食這麼時興，相信咸蛋黃遇上雞蛋仔，一咸一甜，味道應該不錯，但我對原味雞蛋仔實在是一試鍾情，我猜我下一次都依然會再吃「原味雞蛋仔」吧

低調高手大街小食 兒時味道的雞蛋仔不一樣的筲箕灣，有不一樣的高手。路經Master Low-key Food Shop 仲要停下腳步，無論有幾多人排隊 都要去排一排。我最喜歡正宗經典系列，就是香港特色的原味雞蛋仔，他們的出品永遠都是外脆內軟，雞蛋仔帶着豐富的蛋香，每次總感受到兒時食物的風味。今天沒有吃同樣美味的格仔餅，因為我一個人獨享了一底可愛的雞蛋🥚仔😋😋

低調高手1月尾已光顧過，今日又到鶴嘴郊遊，必經筲箕灣搭車。所以，又忍唔住👉🏻👈🏻🙄今次除了點了格仔餅之外，也點了雞蛋仔😋（因為1月28日已介紹了，今次沒有再影格仔餅的相片。只影了雞蛋仔真材實料，但個人依然還是最喜愛格仔餅（口味因人而異吧，因為我很愛吃花生醬😋）