低調高手大街小食

营业中

休息中

我自問係一個超勁鍾意食雞蛋仔嘅人，每次去親一個地方，例牌都要去搵嗰度最正嘅雞蛋仔幫襯，每次食完一間，我就會同人分享我嘅戰績，而呢一間... 真係唔得呀，我已經畀咗機會再返去食，但可惜，令我越嚟越失望，可惜。記得n年前食過之後，嗰陣真係好好食，但近來去食咗幾次，真係一次差過一次，對上一次我覺得腍得滯，但係都仲食到有蛋味，但今次，完全冇蛋味，顏色又淺，即係唔夠火喉，同埋排隊嘅人已經唔多，點解質素可以變成咁...？今次唔單止腍，仲要韌，我食到中間先發覺，原來係個中間心好似仲濕濕地，外面應該用大火整想快啲交貨，所以個皮凍咗就會好韌，但重要就係，唔知點解中間嘅雞蛋仔會塌晒，腍晒，我未食過會塌嘅雞蛋仔囉！就算係腍嘅雞蛋仔，都唔會塌囉！PS: 有大大隻老鼠嗰舖頭前面他他調調咁食嘢，都可以冇職員睇到 (有好多人睇到，有兩個阿叔仲要想揼地嚇走佢，我仲同隻老鼠對望咗10秒，我知如果佢喺條街度行唔算喺舖頭入面，但係喺舖頭前面都會影響到人，我覺得佢哋都應該要留意下)

今日放假同老婆去掃街，去試一試呢間喺筲箕灣好出名嘅雞蛋仔，佢哋主打係雞蛋仔同格仔餅，今次叫咗個超邪惡黃金雞蛋仔，佢係雞蛋仔入面再加入鹹蛋黃，一拎上手就聞到好香嘅鹹蛋黃香味，食落一啲都唔鹹好好味，不過食完勁口渴，推介大家經過筲箕灣一定要試一試

認識低調高手雞蛋仔因爲chef lemon, 有明星加持又未必係最好嫁嘛，所以平日少過海嘅我一直都無幫襯過佢🤫 不過今日一試難忘，第日應該大把機會過筲箕灣搵食🤡🤡不過的確要有心理準備....係排隊嘅準備🆘一底雞蛋仔由俾錢到擺落口都要等35分鐘七個字先食到嫁😏不過兩口子傾住計selfie下，呢個天氣又涼風吹送，排隊嘅時間都算唔經唔覺嘅😂😏食完之後覺得係值得等嘅！應該係我食過最脆嘅雞蛋仔，不過入面蛋漿唔夠多，所以無煙靭嘅口感，如果可以足料d就無得彈🙌🏻呢方面就大澳炭燒個間做得好d🤫🤫但難得地都食到有濃濃嘅蛋香，所以絕對係可以encore嘅！👻食完好味雞蛋仔，低調高手又成功成為左我私心口袋推介之一喇🌻

神級的雞蛋仔今日朋友帶我去被譽為神級的雞蛋仔，就係低調高手雞蛋仔。一去到就見門面貼左好多報章雜誌的介紹，睇來真係神級👍🏻😝我們買完飛，原來要等至少半個鐘，好多人比完錢行開左，其實勁多人等緊🙈我買左原味雞蛋仔$19第一粒入口就已經停唔到口，因為即叫即整，所以每一餅都外脆內軟！而且佢真材實料，每粒雞蛋仔嘅蛋漿都好厚，雞蛋味濃郁，但係亦都可以整得好脆，所以真係好出色！朋友買左黃金雞蛋仔$29黃金雞蛋仔其實係加左鹹蛋黃碎，但係亦都好真材實料，有超多鹹蛋黃碎，好惹味，超級足料！😋😋睇來我下次專登坐車入嚟食😋😋因為真係好好味！

每次經過東大街都會有一刻好想食雞蛋仔或者格仔餅 奈何每次經過東大街都係假日 人來人往 而低調高手永遠都大排長龍 前嗰排經過好想食就走去排隊 發現有個新野係黃金格仔餅同埋黃金雞蛋仔 所謂嘅黃金就係鹹蛋黃 鹹蛋黃加落乜嘢食都好食架啦 就好似新加坡個黃金魚皮咁每次食到停唔到口 所以決定今次要試試呢個黃金格仔餅排左差唔多半個鐘先攞到呢個格仔餅 一打開發現同普通格仔餅差唔多 只係加多左啲鹹蛋黃 而鹹蛋黃嘅份量都唔少㗎 但食落就覺得啲鹹蛋黃同個格仔餅好似唔係太夾咁 可能入面又有花生醬同埋煉奶變咗又甜又鹹 我同男友都一致認為原味嘅好食啲 所以我哋下次去都係叫返普通嘅就算 除咗原味好食啲之外 黃金格仔餅都唔平㗎 貴過傳統嘅$10喎！

雞蛋仔、格仔餅係香港人由細到大都會食嘅特色小食我亦都係由細食到大，而且非常喜愛自從我最喜愛雞蛋仔嘅店舖倒閉咗之後有一段時間我係唔敢去其他地方買雞蛋仔因為好多都係淋過毛巾早幾年喺筲箕灣工作嘅時候發現到呢一間店舖佢就成為咗我現時最喜歡嘅雞蛋仔呢一日星期日嚟到要等九個字左右先拎到雞蛋仔，都幾誇張不過都值得等待雞蛋仔表面依然非常之脆，內裏有約一半係軟綿嘅蛋糕質感不過如果可以再實心多少少就更加好食另外都買咗格仔餅如果你想同朋友一齊食佢都可以好貼心咁樣幫你分開兩份而且我去拎嘅時候佢係打平放減少入面嘅醬料流走格仔餅都係新鮮熱辣，而且都係脆身更加有外脆內軟嘅感覺加埋花生醬、煉奶等嘅醬料，非常非常好食最後值得一讚嘅係就算有好多人買佢哋嘅服務態度都好友善貼心

前一排呢就吹起呢個黃金風，就係乜嘢都加鹹蛋黃整野食，咩都係黃金開頭 簡直就係遍地黃金啊 唔整返一兩樣黃金嘢就好似冇乜睇頭咁雖則鹹蛋黃係一樣非常好食嘅嘢，而且亦都係一樣好好嘅食材，同好多食物都好夾，估唔到呢用來做甜品一樣得低調高手嘅雞蛋仔同埋格仔餅呢我相信都係我食過咁多間嘅top 3!由佢開舖一直食到而家佢個味道都係冇變過 一樣咁好食 外脆內軟 而且充滿蛋香味牛油味 冇得頂！呢個就係低調高手新出嘅黃金格仔餅，入面充滿着非常多嘅鹹蛋黃，係每一啖都會食到充滿住鹹蛋黃嘅香味，絕唔係加少少整個噱頭出嚟 而係真材實料！佢本身個格仔餅已經好好食再加埋花生醬煉奶混和左鹹蛋黃嘅鹹香 呢種甜同埋鹹嘅配搭係非常非常之惹未食唔停口不過呢我個人都係鍾意食返原味多啲

筲箕灣另一必食小食,就係低調高手雞蛋仔。已經有好多報章雜誌有介紹過，所以每次來食都大排長龍！由買完飛，到等雞蛋仔，至少要半小時！不過30分鐘係絕對值得等待買左原味雞蛋仔$19同黃金雞蛋仔$29因為即叫即整，所以每一餅都外脆內軟！我最愛原味，因為係我食過最重蛋味同最脆的雞蛋仔！黃金雞蛋仔其實係加左鹹蛋黃碎，每一粒都食到鹹蛋黃碎，食落有陣鹹香味，好惹味，超級足料！😋😋另一出名就係格仔餅，不過我無食。一間鋪頭可以靠2樣食品就出名到全香港，所以你絕對可以幻想到係幾甘好味同對雞蛋仔的要求👍🏻

黎間雞蛋仔咁出名，特登出去食. 星期三的晚上八點黎到. 只要排隊等三個人就有. 員工有三名，所以等5-10分鐘就有得食. 因為我唔食蛋黃味，所以點左一底原味雞蛋仔. 的確個皮好脆口，不過個雞蛋仔入面係空心. 所以令我有d失望. 個人口味鐘意外面少少脆，入面頌有結實的蛋糕口感. 我同朋友拎住邊行邊食，因為要撕開一格格黎食. 食左大半，係手上嘅雞蛋仔已經禁到扁晒，好醜樣. 雖然可能係朋友拎得唔好. 不過如果佢唔係空心，應該不至於變左一片雞蛋仔皮經過可以一試，但不值得慕名而來.

呢間賣雞蛋仔同格仔餅出名真係即叫即整嘅雞蛋仔同格仔餅, 所以永遠都會見到舖頭外面大排長龍嫁！比著平日的我見到長龍一定走, 但想想難得入到筲箕灣, 又有黃金雞蛋仔口味, 又係即叫即整, 就排了! 每一底都放入鹹蛋黃碎，絕不吝嗇！食落無原味咁外脆內軟，但帶陣陣鹹香！超惹味～值得等待!

Was in the area and saw that this place had won an OpenRice award. Ordered the original flavour Chinese egg waffles.There was quite a queue but didn’t have to wait too long to be made. Payment was cash or octopus which is convenient. In my opinion the egg waffles were standard, nothing special. Quite a few of them were hollow.

作為咸蛋黃控既我基本上甚麼有咸蛋黃既菜色都會好想試，低調高手既格仔餅一向係我既最愛，食過佢既格仔餅，真係搵唔到其他同佢同級，或者係比佢更好食既格仔餅，我試過咩醬都唔加既情況下食佢既格仔餅，都係咁好食，我相信係個粉漿調配得好，所以咁好味，有些店賣既格仔餅，好似橡筋咁，勁膠最近佢出左咸蛋黃格仔餅，當然要食，佢一啲都唔慳料，滿滿的咸蛋黃遍滿整個格仔餅，其實真係有啲漏，但係有佢咁好食既格仔餅再配咸蛋黃，真係貴啲都抵食下次我一定會食埋咸蛋黃雞蛋仔

同朋友打算去東大街掃小食，意外發現呢間出名雞蛋仔小店，連霆鋒都有推薦過！心郁郁立刻去排隊買。當中有普通味同黃金(咸蛋黃)味，我最後試左黃金雞蛋仔。如果大家想食格仔餅都可以，佢都有兩隻味揀。買完果然無令到我失望，一拎上手熱辣辣仲好脆！粒粒都有咸蛋黃碎，好足料。真心呢幾年買其他街上既雞蛋仔全部都淋滋滋，好耐都無食到由頭脆到落尾既雞蛋仔喇。大家經過開都可以買一底試下，但大家要預啲時間等，因為佢即叫即整，唔怪得咁受歡迎啦

筲箕灣東大街出名多嘢食，除咗係正餐之外，仲有好多小食。食過其他區的雞蛋仔，還是覺得低調高手的雞蛋仔係最好食㗎。以前門口係好墟撼，而家可能係水準飄忽，價錢越黎越貴的關係，少左好多人。我而家都好少食，我覺得始終都係老闆整得好食，所以我一定要等到老闆在場整雞蛋仔我先至會買，事關老闆整的雞蛋仔係無論係用料、比例、火喉都係其他員工仲未及得上。天氣凍，攞上手的雞蛋仔都特別熱外脆內軟的感覺，一半空心一半有餡，比例好，要軟有軟，要脆有脆，唔會有奶粉味，簡直係完美!

以前好鍾意低調高手，無論排幾耐隊經過都忍唔住買份雞蛋仔，但最近幾次都無見過老闆，唔知係咪因為咁所以味道差左好多，蛋漿份量過少，次次都有啲燶，只做到外脆但無內軟....好硬...有啲失望...