但馬屋 (V City)

营业中

休息中

屯門區找東西吃，門外看看幾特別的装修。是牛肉和猪肉任吃火鍋放題。湯底也有多種味道美肌鍋湯底，店員介紹，這湯底是雞湯，有豐富骨膠原，可美容和滋潤啊。這湯底味道又是美味的。各人有各愛好，一人一鍋，可有藥膳麻辣鍋，湯也不是太辣，不愛吃辣的也可試。北海道夢之大地豚， 切得薄薄的，放在湯鍋 灼熟，肉片沾滿湯汁， 滑嫩可口，停不了手和口，和牛同樣美味，食肉朋友一定能滿足，是任吃的。不止是吃肉，還有很多配菜，很滿足的豬肉，牛肉，配菜加上新鲜蔬菜，美味的湯底90分鐘可吃不停的。最後，怎能没有甜點。多款味道的雪糕， 一定有你鍾意嘅一款。我最鍾意藍莓。

今日去屯門拎完開Party 既野，經過但馬屋，超級超級超級多人排隊，真係好多人，最後我地都排埋一份，等左一段時間終於有位。但馬屋一人一鍋，有5款湯底，我選了美肌鍋，含有豐富既骨膠原，我點了日本產黑毛和牛及北海道夢之大地豚放題。先講下北海道夢之大地豚，我打邊爐對豚肉冇咩興趣，主要食牛多，今次試試大地豚，令我超級有驚喜，豚肉切到薄薄一片，一點都不柴口，仲好軟腍，之後點了好幾次食完豚就係日本產黑毛和牛，薄薄一片，牛味濃，脂肪分布均勻，肉質柔軟，encore 左好多碟，好多人話放題第一碟牛永遠都係最好食，第二碟就會差D，但以間唔會，質素同第一碟一樣。食左好多牛同豚，最後拎左小小配料食。配料區有好多款選擇，蔬菜夠新鮮，醬料同配料區環境乾淨企理，食物refill我好快飲品區除了多款汽水和無酒精飲品外，仲有3款自家製飲品。Haagen-Dazs 雪糕任食最後食埋個雪糕，真係飽到上心口

話說上個月食完葵芳但馬屋，期待著正裝修的屯門分店開張，誰不知月中分店已開鋪了!平時無咁多人企嘅Vcity食街，突然多人到企都無地方企，就知但馬屋嘅吸引力區區可見。為左爭取時間，今晚就好醒目，首先在兩小時前已拿票等位，再用apps留意排隊叫號，差不多時間就等一會進場了，所以記住! 想Walkin是絕對無位的。屯門分店空間感覺較為開揚，而且除了自助罐裝飲品，還有三款清熱可口的梨茶、酸梅湯及美肌排毒水。當少不了亦是四款之多的Haagen Dazs雪糕任食，場內菜櫃與配料櫃的雪櫃溫度非常讚，新鋪絕對能保持配料的新鮮度兩人叫了兩Set日本產黑毛和牛及北海道夢之大地豚放題套餐 $309選了甘露及藥膳麻辣鍋兩個湯底，藥膳麻辣鍋第一次食，初時有少許辣口味覺刺激感，之後減去了辣味變得愈食愈惹味，黑毛和牛較為欣賞，肉質薄切，肥瘦平均，與豚肉的紋理均是紅白對稱。蔬菜款選擇多，最讓我著迷的一定是任食的羽衣甘藍，粟米木耳海帶等健康配菜。配料加入麻辣鍋中食到最後，基本上不用點調味也滿足到味覺，吃了兩轉牛肉，喝了兩轉的梨茶、酸梅湯及罐裝綠茶，解渴飲品任你飲。總結屯門但馬屋基本上是Vcity的火鍋綠洲，當人有選擇困難

見到有新火鍋放題就去試下，屯門好少日式火鍋，得牛一同牛摩，牛摩難食就已經唔使講，牛一就長期等位等好耐。叫左個$30x既餐，係和牛+夢之大豬。豬唔錯，夠肥又爽牛都唔錯，有牛味唯獨嫌湯底唔夠濃（叫左麻辣同甘露湯）丸類同菜類選擇都夠，響玲又夠脆總括黎講，係抵食既。如果能夠keep住質素都係繼續黎。雪榚方面係Haagen Dazs,有四隻味:士多啤梨藍莓雲呢嗱同芒果可以慢慢食完先食雪榚，而牛一因爲係乳酪雪榚，所以一早要洗機，有時未食飽就要先食雪榚，依方面又勝一點。

難得阿媽話想食，於是就去試吓呢間新開張嘅但馬屋。六點攞飛，三人枱排第35張，當時只係叫到第10張。經過多過兩個鐘，多次想放棄嘅情況，終於入座。叫咗$199嘅澳洲牛價位。湯底有五款選擇。作為芝士愛好者，就擇咗芝士蕃茄湯。可惜係冇芝士味架。只係係一般蕃茄湯中加咗少少芝士，如果唔快d食就會溶曬，咩都冇。薄切牛片冇雪味，脂肪唔會太多，最怕太多食到個鍋都係油。牛肉焯兩三下就好快熟，肉質係比較實。豬肉亦比坊間火鍋店好，肉質唔會難。火鍋配料方面就比較遜色，選擇少，同埋都係大路嘢，例如丸、雞、公仔麵。魚係當中唯一比較少見嘅火鍋料。食放題唔少得就係雪糕，仲要係Haagen Dazs呀！ 紅豆麻糬雪糕正，食多幾杯先回本。總體而言，但馬屋一般般，唔值得排兩個鐘食。如果唔著緊雪糕，其他日式火鍋店可能係更好嘅選擇。

未開門已經見到有人龍係門口排隊啦。由於佢係限時任食，所以同枱既要選擇同一款肉食。揀左個黑毛和牛試試，$198，60分鐘任食。另有自坐bar任揀飲品，配菜等。 配菜都好多選擇，都成20樣架，有d特別少少既食材呢度都有，例如:秋葵，萵笋，羽衣甘藍等。一人一鍋，揀左芝士蕃茄鍋，蕃茄味濃，可以，唔使點醬油都好夠味，加湯都係加返蕃茄湯架，所以由頭食到尾都好濃味。不過芝士味就唔多覺啦。黑毛和牛相當吸引，即切，新鮮，有時可能等耐少少。 一碟一D都唔少，食3碟夠晒啦。甜品仲有Haagen Dazs 雪糕，不過就要預早少少去拎啦，因為好多人排隊架。食材相當吸引，但鍋底選擇比較少，黑毛和牛真心值得推介。

話時話都好耐冇去打邊爐啦，即興去屯門一田行街兼去但馬屋打邊爐有4款放題套餐，我地點了日本產黑毛和牛及北海道夢之大地豚放題$309自助區離不開蔬菜、丸類，款式都有好多選擇。醬料區有日式芝麻醬、大阪黃金燒汁，以兩款比較小見飲品都有十多款選擇，仲有3款自家製飲品，美肌水，菊花茶，酸梅湯，美肌水其實係檸檬薄荷水，菊花茶我最鐘意飲，不會太甜，甜度剛剛好。我地點了千夜鍋同甘露鍋，千夜鍋係清湯黎，而甘露鍋成個鍋甜甜地，因為用上甜豉油日本產黑毛和牛到啦，和牛切到薄薄一片，油脂分佈平均，口感超級軟腍，因為我地牛魔王黎，所以拎左好小配料食，但有一款芝士豆腐好好食，芝士味濃，豆腐好滑打完邊爐，食返杯雪糕夠涼快呢。雪糕有4款口味，有芒果、藍莓、北海道紅豆麻糬、青檸味

葵芳上班的筆者早已吃過「但馬屋」幾遍了，對其印象不錯。得知它在屯門開了分店後，便趕緊和家人來大吃朵頤一餐。新店總是吸引，所以門口有一定人潮。午巿放題套餐分別有60分鐘和90分鐘選擇，價錢因應肉類質素而有不同定價，豐儉由人。湯底就有五款可選，筆者最欣賞它是一人一鍋的形式，不用怕口水交流了。一行二人，可以一次過試2款湯底。藥膳麻辣鍋：據說加入了6種藥材，餐牌介紹它有驅寒的功效。入口麻辣感甚重，辣得惹味過癮，還有點像吃麻辣燙的感覺。意式蕃茄芝士鍋：芝士味不太明顯，但就有著超香濃蕃茄味。期間筆者不斷加入蕃茄片，令味道更濃郁。由機器切成薄片，感覺新鮮。和牛肥瘦度適中，輕輕一淥後已有入口融化的感覺。同樣是薄切，頗重豚肉香。肉類以外，其餘食物放在櫃中自助拿取。主要是丸類、菜蔬類、麵類等。職員不時refill食物。一旁也有醬汁調味區，自己口味自己配搭。所有食材、醬料準備就緒，可以開動。丸類有些款式蠻特別的，例如有粟米魚餅、馬蹄魚滑、芝士魚餅等。當中頗喜歡馬蹄魚滑，入口彈牙之餘還有馬蹄的爽脆口感。而蔬菜類較特別的就是羽衣甘藍，有superfood的稱號，筆者吃了不少。拉麵的煙韌麵質非常討喜，筆者每次光顧

和朋友行經但馬屋，朋友表示之前已有興趣一試，無奈等候者眾，只好離開！但今次可能時間尚早，等候人數不選多，所以就如朋友所願，陪她一試！我們選了「日本產黑毛和牛及北海道夢之大地豚放題套餐」，並揀選了藥膳麻辣鍋及美肌鍋！ 嗜辣的人必選麻辣鍋，湯底香味濃烈，我倆不停打乞嗤，而且味道都幾辣，只能吃少辣的我真的受不了，之後店員很貼心的為我更換其他湯底☺️牛肉及豚肉不但賣相吸引，而且味道真的不錯👍🏻豚肉爽口彈牙有口感，而牛肉則牛味重，肉質軟嫩，食後齒頰留香，我倆均追加了好幾次😆自助區的火鍋配料款式種類不少，十分整齊企理，蔬菜及菇類好新鮮，處理得夠乾淨，而食物冷凍櫃亦夠凍，令食物保持新鮮不易變質，食客們食得安心。除了罐裝飲品外，餐廳還提供了自製飲品，而雪糕是Häagen-Dazs，我倆主攻期間限定的北海道紅豆麻糬😍煙韌麻糬粒配上紅豆雪糕，味道香滑又有口感！餐廳環境及食物整潔衛生，而且食物質素不錯，值得排隊幫襯！

假日約咗班中學同學食飯，難得齊人就去試下vcity新開嘅日式火鍋放題啦，朋友話食過觀塘嗰間但馬屋，牛肉質素都幾好，所以我哋今次嘅期望都幾高。一入門口裝修多幾光鮮張枱位置唔算大不過都夠擺幾碟肉。今次我哋點咗日本產黑毛和牛、北海道夢之大地豚餐，兩種肉都係飲食嘅，以300幾蚊價錢來講任食和牛都算幾抵。佢湯底方面都有幾多選擇我哋今次就試咗千夜鍋、甘露鍋同埋美肌鍋，除咗美肌鍋之外之外其他兩種都係冇乜料係入邊嘅，不過出面菇啊、粟米啊、番茄啊之類都係仼拎所以都可以自己加啲料落去。講下今日嘅重頭戲日本黑毛和牛，睇相都知佢油脂分布係幾靚，所以煮完出嚟食一啲都唔難咬，仲有少少油香味添，不過同一般嘅和牛一樣佢啲牛味都唔算好重嘅，所以如果要食牛味呢，就要試吓澳洲產嘅谷飼牛，佢嘅牛味相對就重好多，個人覺得甚至比和牛更加好食。食完咁好味嘅牛之後仲可以任食哈根大師雪糕做甜品，所以大家都食到好飽同好滿足

早前過開vcity，發現好多鋪頭都唔同左，係牛角對面仲開左呢間專食牛肉火鍋既但馬屋，但係無時間所以食唔到。早兩日終於又得閒入屯門，所以突登黎試下佢。我地12點已經到左，見到出面有條長長既人龍。。。但係入面其實空既佢帶位實在太慢啦！根本都唔係真係咁多人！等緊既時候就睇住menu揀定食咩。lunch放題分左下面2個menu:最後我地揀左90分鐘澳洲穀飼牛，湯底揀左藥膳麻辣鍋同埋千夜鍋。落左單無耐啲野食就黎，都幾快。而且呢到都係一人一小鍋咁，有好有唔好啦！好係好在可以試到唔同既湯底，唔好就係佢個鍋太細啦！啲湯一陣就彈哂出黎！藥膳麻辣鍋個湯底唔錯，唔係平時食開譚仔個種好重花椒油既麻，有啲比較特別既香味，但係完全唔岩淥牛肉囉！會食唔到牛味，但係用佢黎淥配菜一流呀！千夜鍋湯底比較淡口，呢個淥肉類好好，唔會太重味。豬肉正正常常，無乜特別。牛肉一般般，都香牛肉味，但係比較鞋口。仲有一個問題，我揀呢個set可以揀嚴選牛肉同穀飼牛，我加牛肉個陣叫左兩碟穀飼牛，呢兩碟點睇都唔似同一款牛。。。加上食落口兩個口感完全唔同，左邊鞋口啲既，右邊比較有一絲絲咁既感覺，都食到d肉既質感。請問服務員係咪真係分到唔同牛肉。

屯門新開👀~而且今日天氣有少少涼🌬黎個打邊邊先😎呢度係一人一鍋自己揀自己嘅湯底👍我同朋友就揀咗藥膳麻辣鍋同美肌鍋🥳一嚟就上咗三碟牛🐂一碟豬🐷 色澤吸引🤤可以睇到員工切割肉類~擺放乾淨整齊， 我鍾意食嘅菜都有👍南瓜、粟米、萵筍， 上面仲有牌仔💬介紹種類飲品方面有驚喜😁唔係淨係得紙包飲品~飲品亦都唔hea~比較少見嘅道地翡翠檸檬綠茶雪糕係Haagen Dazs仲要有四隻味揀， 焦糖布丁麻糬係我個人推薦， 旁邊仲有朱古力醬同埋士多啤梨醬😋食完超滿足，如果多半個鐘食就好喇😋

朋友喜歡食但馬屋，講這間的肉不錯就來吃晚餐，幸好他早來到取票先，沒想到咁多人，終於入到去了，今次吃九十分鐘的日式放題，日本產黑毛和牛及北海道夢芝大地豚放題套餐每位三百零九元仲有不同的菜同飲品甜品選擇。我地要各人要了不辣的鍋，千夜鍋用鰹魚湯底整成有少少甜又幾清，鰹魚味幾濃。朋友要的是意式蕃茄芝士鍋，蕃茄味濃有少少芝士香幾特別，之後就出去取醬汁，都有四款同配料。飲品罐裝多選擇，當然要了最愛的烏龍茶，原來另一邊仲有自家製飲品。取了盆拿菜都有十多款仲有丸同麵，響鈴，魚片，每款要少少都十分夠食。牛肉薄身易熟，口感軟熟又濃味，豬肉新鮮肉味不錯。之後仲可以每款要多幾碟，最後食甜品，雪糕要有幾款要了朱古力，一人三小球十分滿足。

今日和朋友去屯門行街睇戲，去到VCITY見到有間不少人排隊，我地就取了票後再行一陣就回來等一會就可以入去，裝潢以木為主都幾舒服，這裡有不同價錢的肉選擇，而我們就叫了日本產黑毛和牛及北海道豚肉放題套餐，出面有菜同不同肉飲品可取，甜品有雪糕都有幾款選擇，都幾抵食。喜歡辣的朋友要了藥膳麻辣鍋入面有不同藥材，仲有紅棗都幾特別，煲出來真的已覺十分辣，朋友都講幾惹味，而我當然叫了美肌鍋，入面有豐富的骨膠原當然叫啦，入面有幾件雞件，以雞來作湯底。之後出去取飲品，朋友要了汽水，而我見有自制飲品，最岩飲檸檬排毒水，好清新。牛和豬一人一碟，質素的確十分高，肉質味濃，好快我們都食完，之後再叫。等肉期間再出去取了不同的蔬菜如菇，冬瓜，南瓜和烏冬同拉麵，最後再食公仔麵，一包份一半都幾方便，食少少就夠，一路食一路叫肉勁開心，最後一人叫了二碟牛同豬，十分飽肚。還有讚的這裡之後加湯都用相關湯底，保持到原汁原味。雪糕最後拿了藍莓同杏仁，大家都有驚喜杏仁十分好味道，仲有勁多果仁，這價錢十分高質而又好味道的放題。

之前經過葵芳新都會廣場,成日見到好多人排長龍!一直都好想試吓😆今日同朋友去左Vcity 行街先知原來開左新分店！所以晚餐就係決定係到食😝大約排左20分鐘左右就可以入座👍算快了！我地揀咗放題套餐]湯底係藥膳麻辣鍋，蕃茄芝士鍋！味道濃郁我最鍾意番茄芝士鍋酸酸甜甜好開胃😋主角來了😍油脂分布平均,牛味突出食得多不會油膩!每塊厚薄適中超有水準黑毛和牛😋推介！豚肉都十分滿意😋口感差不多！自助配料區🌟種類算多所有食材新鮮冇雪味！最特別係有通菜俾你選擇,外面比較少見🤣4種Häagen-Dazs雪糕口味🥰雲呢拿,芒果,朱古力,焦糖布丁!食多幾杯都回本啦😋