但馬屋 (V City)

营业中

休息中

難得阿媽話想食，於是就去試吓呢間新開張嘅但馬屋。六點攞飛，三人枱排第35張，當時只係叫到第10張。經過多過兩個鐘，多次想放棄嘅情況，終於入座。叫咗$199嘅澳洲牛價位。湯底有五款選擇。作為芝士愛好者，就擇咗芝士蕃茄湯。可惜係冇芝士味架。只係係一般蕃茄湯中加咗少少芝士，如果唔快d食就會溶曬，咩都冇。薄切牛片冇雪味，脂肪唔會太多，最怕太多食到個鍋都係油。牛肉焯兩三下就好快熟，肉質係比較實。豬肉亦比坊間火鍋店好，肉質唔會難。火鍋配料方面就比較遜色，選擇少，同埋都係大路嘢，例如丸、雞、公仔麵。魚係當中唯一比較少見嘅火鍋料。食放題唔少得就係雪糕，仲要係Haagen Dazs呀！ 紅豆麻糬雪糕正，食多幾杯先回本。總體而言，但馬屋一般般，唔值得排兩個鐘食。如果唔著緊雪糕，其他日式火鍋店可能係更好嘅選擇。