令和鍋物酒場

营业中

休息中

一行四人星期五8:30入座 一坐低隔離檯已經有一班粗口橫飛嘅麻甩佬飲到hihi 講嘢講到成間鋪都聽到 我同朋友根本傾唔到偈 環境真係唔係幾好 食物方面啲嘢不過不失叫咗魚生 串燒 天婦羅 燒肉全部味道都可以 魚生幾新鮮價錢同一般居酒屋相若服務方面我哋見佢清酒做緊買一送一 前後叫左6枝按道理應該係收一半、即3枝嘅價啦去到埋單個陣 好彩檢查一下佢哋收左正價 仲話買一送一係嚟一枝之後refill一次但餐牌上完全冇寫最後另一個店員幫我哋做番半價

哈日友人思鄉病不定期發作，又夠鐘"食葯"，唯有同佢食返餐日食，以舒緩佢嘅"病情"呢間之前食過佢洗衣街嘅分店，店內裝飾參照居酒屋呢間都大同少異，掛上不同日式燈籠，門口設有太鼓，每逢有客人進內都會擊鼓幾下，幾有氣氛有散叫亦有套餐，多款二人套餐"松/竹/梅/選擇，份量都幾豐富喎，唔想傷腦筋，今晚一於食"竹" ($588)，用QR CODE自助落單後就等食今餐由沙律開始，就係呢個精緻麻醬豆腐沙律，入口嫩滑，加上有三文魚子咸香及海葡萄嘅咬口，為平淡嘅豆腐加上味道及口感!快口食完沙律，跟住到自選(兩款)前菜上枱 : 和式炸鷄，即叫即炸，入口相當夠熱，炸粉唔厚，鷄肉保持肉汁，加上滋味沙律醬，邪惡度倍增.........有炸物點少得凍飲?!  叫返杯柚子梳打 ($28)黎疏肝一下..........WOW......爽到呢!!!  呢度亦提供唔少種類嘅酒，好杯中物嘅人士黎度會相當心心眼!  另一款前菜係麥粒味噌青瓜，用左甜味噌加麥粒撈均青瓜粒，爽脆度爆燈!之後到四色刺身盤出場 : 拼盤包括三文魚，吞拿魚，赤蝦及油甘魚，大路之選，應該無人會唔喜歡魚生相當厚切，食起黎相當滿足; 而赤蝦亦份量十足，肉身爽甜

平時喺旺角行街經過彌敦道抬頭望都會見到呢間餐廳大大個嘅招牌 聽日喺旺角食飯就一於試吓佢啦😏餐廳位置喺正彌敦道隔離 超級易搵！雖然有好多人排隊等 但都好快就可以入到去🤣餐廳整個格局都好有氣氛 而且每次有人入去店員都會打鼓🥁坐低咗之後就即刻睇吓有咩食啦梗係！我哋首先就叫咗個和牛他他真•和牛他他真🐮•-呢個作為前菜相當開胃 而且他他嚟講價錢唔算貴 牛肉上面仲有啲黑松露點綴 夾埋下邊甜甜嘅洋蔥一齊食 成個感覺豐富之餘又開胃🤤之後就到主角•美國安格斯石版燒牛🥩(250g)•-一出場就已經好吸晴🤩店員會首先幫你擺好 然後可以因應自己鍾意食幾成熟 再睇下燒幾耐我同女朋友都鍾意食生啲嘅 所以燒咗一陣就拎上嚟牛嘅肉質都唔差 唔會好韌 而油脂就冇咁多 所以食落去唔會有種好油膩嘅感覺 跟餐加$20仲有飯同湯添🙈•味增廣島蠔🦪•-呢一鍋都幾足料 足足有成7至8隻咁多！而且每一隻蠔都好肥美 食落仲好鮮甜阿！而個湯底師傅就用咗少少昆布煮 所以味道好清甜 就咁飲都好味🙈最後我哋仲叫咗串燒添！•燒鳥拼盤🍖•-因為呢到嘅清酒做緊買一送一 所以叫番個串燒送下酒先☺️呢個拼盤有燒雞皮 白蔥雞肉串 免治雞肉串 雞軟骨同手羽🍗

令和已經係我第二次再去試既日本菜我唔係太喜好日本菜式，但係呢間居酒屋會令我想encore每次黎到我必點既壽喜燒火鍋 首先要用附送既豬油起鍋 然後夾起片牛肉再倒少少燒汁落鍋 燙一燙，跟住放去攪好既日本雞蛋到點一點 直到成片牛充滿蛋汁 即刻9秒9放入口... 感覺係幸福！係美滿！係愛啊哈利！溫馨提示 : 千祈唔好打邊爐咁淥牛肉 你會後悔x3 。 另外，必點必點佢既炭爐燒和牛 即燒即食 唔漏又好咬 依家邊打邊諗已經留口水。又係限時兩個鐘，希望下次可以食得輕鬆d

天氣轉涼，突然想食日式火鍋，所以幾埋班friend黎到呢間。一入去到去職員打鼓，好有feel。 仲可以qr code 落單，讚！我們叫左松*鍋物，基本上乜都有，唔駛煩，直接叫！四個人食二人餐，叫左四杯野飲$1000都唔駛，其實都幾抵。等左10分鐘都唔駛 d野食已經開始黎，首先黎左個日式刺身，全部都好新鮮，特別係吞拿魚，可以encore。炸雞又唔會好厚粉，食到個口都出煙，加埋杯draft beer就岩岩好。日本和牛一如以往雪花岩岩好， 唔會太肥又唔會太瘦仲好嫩口，仲要有成6塊。仲有d海鮮都好新鮮。特別係d clam， 仲要有蠔食，兩隻都好好大，除左肥美都諗唔到第二個字形容。走之前仲見到好多人叫燒物，仲要有職員幫手燒，服務都好周到，下次黎一定要試！

平日放工約朋友們食飯最好就可以係大家既中心點， 即係旺角啦! 令和又黃又好食仲唔係佢？ 地鐵 E1 出口沿彌敦道直行就到啦，認住個牌。4個人一黎就叫左4杯野飲解下渴先，蜜桃乳酸梳打同巨蜂都好好味，咸檸七就係熟悉既味道，原來呢度仲有黑啤，好重麥味。我哋四個人叫左個二人餐，松 $688 但我哋都食到超飽飽。是日沙律係芝麻醬豆腐三文魚子，清一清口腔同埋開下個胃。二款前菜分別係日式炸雞同生牛肉，牛肉燒一燒過，下面有啲醃洋蔥加埋食又係開胃菜。什錦天婦羅炸得好脆內軟，最緊要啲野夠新鮮。四色刺身解凍得好，魚肉有彈性油甘魚,三文魚,吞拿魚都夠肥美, 蝦都鮮甜。松呢個餐係跟豬骨湯海鮮鍋，廣島蠔同海老手掌咁大隻，烏賊彈牙，扇貝新鮮大大粒，6一陣就食得，蜆就有海水既咸味。石燒牛同鍋物和牛之間揀左黎兩次都有揀既鍋物牛，因為咁樣食係最嫩滑同埋食到原汁牛味，為左配佢突登加蘭王蛋，和牛既油脂香同蛋汁溫柔地融合，成啖好幸福丫。食完牛，海鮮同菜之後，用剩底既蛋液加埋烏冬完結左是日晚餐。今次已經第四次食令和，鍋物和牛每次都令人心滿意足。

最近會同啲朋友約下食晚餐，因為疫症無得去日本，好掛住去日本美食，當然搵啲日本餐廳食下！呢間日本餐廳之前去過其中一間分店食過，覺得食物不錯！今日再決定去食呀！上次無食到石板燒牛和！～一人前石板燒 日本A5 和牛（150g)一上台有人幫我們放落和牛！一口即溶！食完一舊想再食！～什錦天婦羅 蝦，番薯，茄子，秋葵 ，每樣都有！ ～日本黑毛和牛鍋燒烏冬和牛好食呀！好岩，天氣涼涼地時候食野！～芝麻雞翼（3只）好香脆！～ 青檸梳打& 巨峰提子梳打好大杯又夠凍，最岩食燒肉配搭！～

旺角美食多，不如去令和鬆一鬆又燒肉食，又有酒飲先來份套餐的沙律，用上秘制醬汁，帶點點酸，好醒胃四色剌身盤：有三文魚、吞拿魚、赤蝦、油甘魚，赤蝦大大隻，肉質爽甜，吞拿魚油脂幾香前菜：日式炸雞當炸雞🍗遇上上沙律醬，就一啖放入口中，還有微溫的感覺本應諗緊和牛他他會唔會血淋淋，當送到我面前時，看見樣子很吸引，即刻入口又唔怕啦什錦天婦羅🍤，用上薄薄的粉漿，還有其他蔬菜🥬天婦羅，又可以食得健康d主角石燒日本和牛 雪花❄️分佈平均，當然唔少得入口即溶的感覺，還有餘悸在口腔內游走海鮮鍋物(有海老、烏賊、扇貝、廣島蠔、蜆)，用上豬骨湯底，食埋個鍋已經飽飽了二人前只需 $688，又刺身又日本和牛仲有個鍋物，抵見到梅酒買一送一咁，當然要歎返兩杯

有很多時候，工作至夜深，晚上10時後，大部份餐廳都關門。我會去旺角找深夜食堂，有一天，行過彌敦道，突然發現有大招牌，以為是夜店，原來是日本居酒屋，膽粗粗搭電梯上一樓看看。 在旺角彌敦道商業中心1樓，出奇地別有洞天，由嘈吵的街道，轉眼進入寧靜的餐廳。  深夜，不用排隊，不用預約，有位食宵夜。餐廳內，佈滿日本燈籠和旗幟作裝飾，彷彿置身日本，餐枱有很多分隔，距離遠，限聚令下，安全。  有實體餐牌，用手機掃QR code落單。 餐廳主打特色日式料理、清酒梅酒、石燒和牛、新鮮即製串燒、日式特色火鍋及鍋物。    二人前，有3款，梅、竹、松，價錢由$468至688。有好多嘢食，可以試晒餐廳主打特色食物：沙律前菜，揀兩款串燒，揀兩款 四色刺身盤天婦羅主菜，石燒或煱物飯，燒飯團或蟹膏飯 前菜一，味增青瓜，味道清新。 前菜二，炸雞，OK啦，未有驚喜。前菜，還有其他可揀；串燒，兩串，我揀了牛和雞軟骨；   四色刺身盤，中厚切。 天婦羅，如果多兩件更好。  有一次我選梅 ($468)，另一次揀了竹 ($588)，分別在牛肉種類。美國安格斯肉眼扒 vs 澳洲M7和牛 主菜，石燒或煱物，我去了兩次，都試過。我個

星期五的happy night 約左一班舊同事係度聚會 嗌左好多野食 串燒黎講樣樣都中上質素 有幾樣我係特別推薦的 錫紙牛油金菇 呢個真係超超超好食 d牛油味索哂入金菇到 另外 就係雞軟骨 炸到好香脆 另外 仲飲左一支好香葡萄味的清酒 享受左一個愉快的晚上

同屋企人慶祝生日，就唔煮飯喺旺角搵間評分睇落ok，又多選擇嘅黃店，令和鍋物居酒屋試下，主要俾佢嘅壽喜燒同石板燒肉吸引🥳而旺角呢間多啲「卡位」，好似坐得舒服啲都啱同屋企人食。由於唔知食咩好，我哋直接揀咗個四人前，諗住咩都試啲，有啲好好味，有啲小食又有少少出事😹即刻睇吓食咗咩﹗------------------------四人前是日沙律自選前菜兩款（ 我㨂咗日式炸雞同和牛他他）和牛他他👍🏻好開胃，幾特別，牛嫩。日式炸雞：👍🏻熱氣啲，但熱上，雞肉唔柴，唔錯的-------燒廣島蠔 4隻👎🏻：讚嘅係蠔都叫大隻，但海水味真係幾重，整體好咸，加埋個醬有少少酸，近似蕃茄醬（ 可能唔啱個人口味啦，我寧願係就咁燒/蒜燒，個醬唔夾之餘冇平衡到較重嘅海水味🤢。-------什錦天婦羅：👍🏻炸粉唔厚啱啱好，而且款式都多，款款都幾好食，南瓜甜，蝦有一人一隻。-------石燒美國安格斯肉眼扒：👍🏻👍🏻👍🏻🌟佢一開頭會幫你剪開細細粒，再俾你根據自己想要嘅熟成度自己燒番。味道簡單咁講，全家都覺得好好食😋，好嫩，牛味香口油脂啱啱好，最推介🤩﹗-------鍋物美國安格斯肉眼片（400g）👍🏻👍🏻（湯底可選壽喜燒/豬

襯疫情緩和一點 終於可以同大半年無見既閨蜜食餐飯 所以都專登搵間舒舒服服可以坐耐d,傾下計既居酒屋飲返杯餐廳環境果然店如其名 濃厚既日式居酒屋格局 清酒樽同label隨處可見 勁有氣氛黎得居酒屋 飲返2杯是常識吧平時無飲開黑啤既小妹我貪得意order左黑白啤 第一次飲覺得味道都ok 濃得黎但又唔會太strong 值得一試而唔飲酒既閨密就叫左杯奇異果梳打 仲大讚好飲咁耐無得去旅行 見到menu有日本和牛 當然諗都唔駛諗要叫黎食日本和牛真係永遠都唔會令我地失望 肉質軟滑 入口即溶 好juicy野食既質素都唔錯 爐端燒有好多款式選擇同閨蜜揀食既燒鳥拼盤 再單點其他串燒 再加多個炸豆腐同鍋燒烏冬一邊傾計 另一邊摸住酒杯底食串燒 好chill呀

在日本居酒屋有一句慣例：「先來個啤酒吧！」其實不止酒場，只要是餐廳，聽聞很多日本人，尤其是下班一族，在聚餐時都愛先點啤酒，大口爽一番。我與友人也喜歡在候餐時，酒比食物更快送遞上桌座的感覺，彼此時常打趣笑說：「酒來得夠快，就是好餐廳！」一頓愉快的吃飯氣氛就此開動。1️⃣日本Suntory生啤 500ml $68當日用餐時段剛好錯過優惠活動。建議愛飲酒之人可參考他們不時更新的酒類廣告，有時早鳥或夜宵會有半價或折扣，划算得多。2️⃣自家製梅酒 買一送一 $68 溢滿誘人的梅香，酸甜易入口！3️⃣石板燒澳洲M6和牛 $148 150g店員先呈上石板，起爐，純熟地把牛肉整齊鋪放在上面，接住交給我們「自助燒」。離開前還不忘提醒著這款牛超級快熟，要注意等候時間。4️⃣燒廣島生蠔 $48體型肥美飽滿，口感滑溜。對於濃郁酸甜醬燒汁甚是滿意！5️⃣味醂日本雞泡魚干 $88很愛到日式料理餐廳點燒雞泡魚干，沾上沙律醬，配上酒，更是最佳配搭。6️⃣燒鮮鰻魚串 $487️⃣鹽燒雞翼 $228️⃣鹽燒雞皮 $229️⃣燒和牛舌$38令和酒場的串燒走中等價位，用料當然談不上頂級水準，唯醬汁卻運用得淋漓盡致，引人入勝。燒物控火時間亦掌控得恰到好處。1️⃣0️⃣

瘋狂食買玩慶雙十嘅第四站， 早d食晚餐就可以食多餐甜品. 我地今日食6點， 可以online book位，好方便, 8 點前埋單仲有85折， 仲更加抵食 佢嘅茶係自助形式， 要戴口罩出去斟茶，都好方便， 但係我地懶， 都冇出去refill. 我地叫到成枱都係嘢食， 有蟹肉可樂餅，清酒煮蜆，鍋燒烏冬，野菜天婦羅，蝦天婦羅，串燒拼盤，月盛 (刺身), 蟹子沙律。 我地咁擦得， 全部食晒個鍋燒烏冬好好味， 塊叉燒好有驚喜， 烏冬又好好食, 個刺身都好正，一上枱都好開心， 好靚， 好新鮮. 個串燒拼盤都好得， 咁多款一齊上， 見到都好吸引， 即燒即上， 正到爆. 我見到隔離d枱嘅壽喜燒都好正， 好大盤， 真係唔錯我地連清酒煮蜆個湯都飲晒， 真係好掂. 我地走嗰陣，出面都好多人等位， 咁嘅食物質素， 真係抵佢咁爆場嘅 下次再食過

就算疫情關係, 唔可以去日本, 留喺香港, 都可以享受到日本嘅美食今日就朋友去一間黃店度, 食一個二人套餐, 飲飽食醉 , 二人餐裏面, 有沙律, 前菜, 仲有天婦羅, 刺身有四款, 再加個石燒和牛, 再加個鍋物:海鮮鍋物先食個沙律, 開開胃, 豆腐沙律 , 有三文魚子做TOPPING, 口感爽脆刺身有三文魚, 非常之肥美, 油香大爆發, 吞拿魚嘅脂香, 非常之正, aftertaste非常之強再加上q彈嘅赤蝦同埋油甘魚, 大大件 , 又新鮮天婦羅炸到金黃色, 非常之脆嘅蛋漿, 外脆內軟嘅口感, 已經令我半飽啦之後店員就親自為我烹調石燒和牛, 150 gram分量都唔少, 烹調時間岩岩好, 牛嘅香味大爆發 , 入口非常的juicy , 肉味香濃再加咗大大份嘅海鮮鍋, 有蝦, 烏賊, 扇貝, 廣島蠔, 我最鍾意佢就係佢扇貝, 肉質鮮嫩, 用咗豬骨嘅湯底, 入口香濃 又冇味精, 不錯不錯