令和鍋物酒場

营业中

休息中

同朋友行完信和，本想去雅蘭個邊搵食，但行過見到佢都有自己啱食嘅致愛，於是就係咁上了去，門面裝修好有居酒屋感覺，入去時還有店員敲打太鼓，餐牌都有好多選擇，套餐都好低食，現在還有清酒半價優惠，當然我就點了個最愛嘅蒲燒鰻魚爆丼，日式炸雞，還有這裡推介嘅石燒安格斯肉眼扒，燒冰火菠蘿，同埋支半價清酒，其實真係清酒選擇超多，按自己喜好點了😁！日式炸雞炸得十分香脆，咬開外脆內軟，加埋杯冰凍嘅清酒十分配合！蒲燒鰻魚爆丼，個丼上面放了塊大大塊燒鰻魚，加上了香脆紫菜芝麻，鰻魚肥美，入口彈牙煙韌，加上蒲燒汁味道濃郁，真係一個唔錯嘅選擇！石燒安格斯肉眼扒上枱時，店員用純屬技巧用牛脂在熱盪盪嘅石板上游走，接住自己放上肉眼扒件，按喜好嘅生熟程度入口，入口軟熟嫩滑入面充滿肉汁，十分美味！而燒冰火菠蘿，就係飯後甜品之一，菠蘿肉上由一浸燒得脆口嘅冰糖包住充滿肉汁嘅菠蘿肉，外面熱熱地內裡冰涼透心，雙重口感！最後加多個和果子黑糖布甸，黑糖布甸上有一個特色和果子賣相精美，在這裡又令人回想在日本居酒屋嘅感覺！

要講一間高水準日本風裝修,仲要食物有水準,呢間真係旺角首選,長期爆場一位難求,唔訂位等好耐先有,想食一定要訂位,謝謝呢度供應既選擇非常多,有單點,套餐,人多食套餐抵食好多！講下套餐有咩食先，沙律，前菜，燒蠔，天婦羅，石燒牛扒，鍋物壽喜燒，燒飯團茶漬飯仲有甜品日本紅豆年糕，酒水另計，但呢度酒又係特色之一，幾十款唔同既日本酒選擇！單點類：刺身，沙律，日式前菜小吃（和牛他他，炸雞，枝豆等等）刺身類：　日盛／月盛，空運活魚刺身拚盤／海膽 講返我地食咩先~一人前石板燒 ,分別提供美國安格斯,澳洲M6和牛,日本A5和牛,海鮮盛,或豬肉西冷扒,另加25蚊包沙律,蟹膏飯,湯一碗我地要左一份250克既$168 安格斯牛扒 ,上既時候已經切好埋非常方便一件件咁燒,肉質細緻,帶少少脂肪,口感豐富,肉質食落柔嫩,肥美多肉汁,味濃郁基本上只需要加少許鹽或點少少燒肉汁食已經非常美味,令人垂涎~係好抵食既選擇~將蟹膏同飯拌勻混埋黎食,加埋牛肉既油香,飯都食多幾口!熱石板食到尾仲係熱既!!湯同沙律味道唔錯咁我地另外再叫左2杯特飲同小吃,另外再追加了一個牛肉烏冬日式炸雞 / 芝麻雞翼 $ 48 +38  青檸SODA

今晚同朋友去咗彌敦道嘅令和鍋物酒場， 位置方便，行到門前已經感受到濃烈嘅日本居酒屋氣氛。內裏佈置花心思，讓人像置身日本。 qr code落單好方便，上菜快，店員服務也有禮。呢度主打鍋物同石燒牛，我哋點咗澳洲M6和牛 100g（$108）店員親自為我們燒熟，加25蚊升級做套餐，有蟹膏飯，味噌湯同野菜沙律。和牛肉質上乘，油脂豐富，非常美味。海膽刺身50g ($199)做緊限時優惠，有特價，海膽好大嚿，非常鮮甜。燒蕃薯仔（$15 ）香甜美味👍冰火燒菠蘿($25) 菠蘿面層有焦糖，清新又健康。 焦糖布丁（$28）非常香滑嘅甜品。

限聚令終於解封所以朋友約晒大家一班人去到食嘢因為疫情關係大家都好耐冇離開過香港所以朋友就推薦左呢間完全100%日本風味嘅居酒屋首先我們點了四色刺身小食刺身包括了吞拿魚三文魚油金魚和甜蝦三文魚味道十分之濃郁而且十分之肥美用晒冇魚腩嘅部位所以令人舉手大贊由今年仲使乜部位都非常之不錯雖然不是魚腩部位但係切得非常之咁好所以食落口仲啖啖肉非常之咁爽口吞拿魚是用上了赤身嘅部位所以魚肉嘅味道非常濃郁雖然淡冇油甘魚同三文魚嘅魚有咁豐富但係魚肉嘅味道卻是咁多款刺身裏面嘅最強烈嗰款最後得帶甜蝦嘅肉質非常之咁上下唔單止大大隻但係就唔好影響到佢嘅肉質非常之銀而係非常之咁彈牙好令人一試再試之後我哋選擇了另一款燒肉套餐呢度只需要加$25就可以將平凡嘅燒肉變成了燒肉套餐除咗有燒肉之外仲可以有加上味素嘅蟹膏飯及一碗麵豉湯和一款沙律菜今日我哋就叫咗最貴果款A5和牛估唔到呢個份量非常之咁當完全冇比少而且睇得出佢嘅欲知係非常之咁豐盛成塊黃牛都係淡粉紅色證明佢嘅牛油占嘅比例仲比牛肉嘅份量更加多所以店員一放落去燒得熱熱嘅石板上邊就已經聞到了非常之咁濃郁嘅牛油味道這份味道簡直會令到成間店充斥着龍龍嘅牛油香味而且食落口仲令人非常之

行過彌敦道成日見到呢個大大嘅招牌寫住居酒屋今日放工就走上去試一試估唔到搭上了這個扶手電梯就好似穿越時空到了日本嘅內街呢度嘅裝修完全十足似晒日本當地嘅居酒屋無論佢哋嘅裝修格局真係情調都似足一個日本係呢個疫情底下香港冇得去日本去到呢間居酒屋簡直好似去咗一趟旅行止一止引呢度嘅餐廳就介紹緊佢哋原來係用手機落單十分之方便又環保而且仲唔使怕店員落錯單一坐低店員就會放低一碗沙律菜雖然清清地但係都好好食好新鮮之後我哋就叫咗四點刺身包括有三文魚吞拿魚油金魚同埋大大隻嘅帝王蝦每一款都非常之咁甜美而且用上嘅部位都非常之油脂豐富所以食落口淡淡魚香同埋魚油嘅味道充斥着個口以下處理得非常之好沒有冷藏過多令到黑頭髮去肉質非常之咁爽口蝦味濃郁跟住之後就叫咗一款燒肉我們選擇了美國安格斯牛肉貪佢肉味濃郁之餘唔會太過肥膩估唔到我們叫咗這個份量都非常之多兩個人食完全啱啱好而且仲會有店員專責安排燒肉唔使自己落手燒咁麻煩原來呢款安格斯油份都非常之充足而且仲係肉味濃郁但係又唔會過硬吞唔落咬唔郁另外呢度加$25就可以將呢份燒肉變成套餐套餐就包括一碗麵豉湯同埋一碗蟹膏飯呢度不得不提就係店員嘅服務非常之咁好唔單止幫手落手去燒肉仲會講解每

武漢肺炎搞到無出街食飯兩個幾月，今日同老婆話要一齊去拍拖，要食餐好既！果然無令我地失望，兩個人食左豪飲豪食，又食海膽、和牛鐵版燒、刺身，仲飲埋清酒先人均五六百蚊，絕對值回票價！我地首先見到全場清酒半價，老婆一黎就話要叫清酒飲，不過其實我地唔算好飲得，但好彩呢度有啲細支少少既，大約300ml, 半價左百幾蚊一支，對我地兩個黎講真係啱啱好。然後食物方面，其實有好多選擇，但因為唔想麻煩，直接揀左個二人餐，乜都有，串燒刺身同和牛鐵板，仲有前菜，都係六百蚊左右，和牛鐵板燒仲要有個店員喺我地面前即場燒，按我地要求，七成熟啱啱好，超正！同埋今日做緊海膽promotion, 老婆知我鍾意食海膽, 叫左一板海膽俾我食，加加埋埋最後一千蚊左右埋單！推薦！疫情之下，可以出街食野既話真係要對自己好啲，揀啲高質食物

見疫情有放緩，終於可以出去食下好西😌我同男朋友梗係第一時間要支持黃店啦🤓呢間令和居酒屋吸引我嘅地方係佢有好多清酒揀，仲要做緊50%off，睇到眼花撩亂！最後揀咗「越後櫻醉樂無極大吟釀」，$218/300ml再有五折，好抵🤤好易入口，都幾適合女士飲，配魚生一流我們揀咗7003，竹，二人餐，$588，都幾豐富，食到好飽。前菜有得揀我最愛嘅枝豆😍咸咸地好惹味！是日沙律都好出色，豆腐蕃茄仔海葡萄蟹籽，好fresh幾開胃，原來男朋友咁大個仔係第一次食海葡萄，由此可見香港唔係度度都咁捨得用佢黎當前菜👍🏻三文魚刺身好新鮮肥美♥️好食戲肉來了：我們㨂咗石燒澳洲M7和牛肩脊，寫係150g有七大塊，配埋飯係夠飽～侍應姐姐幫手燒，成件事都幾chill，肉質夠嫩，好香好食好睇，影相一流🤤我們揀咗燒飯糰茶漬飯，略為乾咗少少，食完我會諗，應該用黎配鍋物就剛好，我們石燒應該揀蟹膏飯，咁先至乾濕度balance🤔最後的最後，男朋友批准我叫個甜品食😉和菓子黑糖布甸$38，menu上係紫薯樣，但黎到居然係我中意嘅桃😳睇黎應該係每日都唔同，每次都有驚喜，細細地但好食，滿足😚整體黎講呢一餐好正，推薦♥️

令和鍋物酒場超抵優惠！清酒全場半價~ 店內有數十款唔同嘅清酒！ 非常多選擇！店員推介了我這支長野縣純米酒， 味道比較清純易入口！而且有陣陣果香滲出， 唔會太濃烈！岩哂我既口味！叫了2人前松套餐，已經包咗好多嘢食！ 四色刺身盤，包有吞拿魚，三文魚，赤蝦，油甘魚！ 質素都相當新鮮， 赤蝦鮮嫩彈牙！ 三文魚油香十足！ 估唔到質素咁正！石燒日本和牛150g, 幾厚切！ 鐵板好夠熱！所以每邊燒多秒已經可以食到最佳的狀態！ 牛香味濃郁，而且非常嫩滑！ 口感非常好"唔會有痴牙嘅感覺！十分欣賞。海鮮鍋物包含廣島蠔，蜆，大蝦，扇貝等等，扇貝粒飽滿，口感細緻綿密！ 蜆肉冇沙又多汁！ 湯底豬骨湯幾濃郁入味， 配料冬菇，金菇，，豆腐都好夠味！另外再叫咗串燒拼盤賣相非常靚仔， 金菇牛肉捲口感非常好爽！ 雞軟骨脆卜卜！呢間日本餐廳好有日本風味，無論氣氛，食物都感受到日本嘅味道！超正。

還記得日本改朝換代的時候我也有見證過 令和，買了一些紀念品，感覺特別有親切感，還未知什麼時候可以飛日本，趁限聚令放寬一於去感受一下人氣居酒屋的氣氛。今次為工作順利的小夥計慶祝生日，地點就選在旺角交通方便，令和鍋物酒場，一睇就知要飲酒啦！小夥計最愛，全場清酒5折，這是吸引我們的地方，好抵飲喎！用 QR CODE 落單省時又方便，而且唔怕漏單嘅問題，一目了然。我哋見到二人餐CP值高，一於試吓再加一點主食，而且最近推廣全場清酒半價，最啱我哋摸着酒杯底傾計的小夥計。鈴鹿川 純米大吟釀極度推介！可以先到酒櫃揀清酒，店員都好細心俾意見，半價優惠後不用$200 非常抵飲，餐前喝一點為打開心情作熱身。 最後選了 鈴鹿川 ，酒精成份不太高易入口，豐郁的酒質在口中漫延，感到舒暢的香氣慢慢的在鼻腔裡散開 。二人前 <梅> 二人前其實也相當豐富，有是日沙律、前菜兩款 、串燒、雜錦天婦羅 、石燒牛和蟹膏飯。是日沙律胡麻醬豆腐，入口幼滑充滿豆香，濃郁的蟹籽香味，海葡萄淡淡的海水鹹味，酸酸甜甜很開胃。前菜兩款 日式炸雞，熱辣辣香噴噴，皮脆肉滑又多汁，沾上蛋黃醬更加好味。和牛他他最近都好少生吃和牛，

自疫情限聚令後 好耐無鬆一鬆 咁耐無見要食番餐好既朋友帶我去食呢間居酒屋 係雅蘭中心前少少 見到大大個招牌上一層就係lu見到小店做緊清酒半價優惠 真係非常抵飲有幾個酒櫃 分清酒同果酒 種類非常之多 多到有d唔知點揀 店員會按你口味去為你介紹最後我地揀左呢支鈴鹿川 來自三重縣 味較帶小小甜 比較易入口 岩女士們飲飲清酒配和牛係絕配～必食一人前石板燒和牛 唔同g數唔同牛種類唔同價錢 價錢由$108起 我地揀左日本A5和牛 200g由店員幫我地燒 一路燒已經飄緊啲香氣過黎 好餓呢～燒至大約5成熟就上碟呢 我唔客氣啦 日本和牛真的好好吃啊 充滿油脂 好邪惡加$25仲有蟹膏飯麵豉湯同沙律 和牛配飯真係非常夾 蟹膏飯上面仲有我最愛嘅飯素添接下來就到串燒時間 送酒必備雞皮、牛舌好吃 燒蠔大大粒 配左隻酸酸地既醬幾特別天婦羅都有好多款選擇 我地揀左平時比較小見到既多春魚天婦羅本身佢無加鹽可以係枱自己加岩鹽 好味食到咁上下我地再叫左杯鮮檸檬燒酎梳打 賣相好惦呀 目測有成個檸檬 味道唔會太甜最後叫多一個壽喜燒 唔同牛種類唔同價錢 我地呢款M7澳洲和牛 牛肉超巨型呢～鍋內有d菇類、菜類豆腐等等 仲可以另外加

解禁令終於解封，可以晚市同朋友出去食一餐晚飯，已經好耐冇出街食晚飯，今晚可以去食一餐好西。兩個人點了一個二人餐包括有是日沙律，前菜，什錦天婦羅，四色刺身，和牛鐵板燒和海鮮鍋物等。前菜豆腐海葡萄三文魚子配芝麻醬，豆腐好嫩滑配上芝麻醬更香濃。和牛他他其和牛味香濃。四色刺身三文魚好肥美，大🦐又鮮甜全部刺身好新鮮。曰本和牛油脂肥美，又香濃咬落口🈵️口油脂超美味可口。日式炸雞炸到好香雞肉嫩滑。海鮮鍋物生蠔大大隻又肥美，蝦又大隻蝦肉爽口彈牙，帶子又大大粒全部好新鮮。雞泡魚干燒到好香口。

好耐都冇出去同朋友食餐飯啦，今次朋友仔揀咗居酒屋類既酒場🏮原因是可以揀間餐廳慢慢坐，又可以摸吓酒杯底傾計，而呢間餐廳喺旺角地點夠晒方便我哋兩個7:30嚟到餐廳，入邊已經接近一半有多嘅座位已經坐左人了。受疫情影響之下，果然令到餐廳人流減退了，因為之前經過依間餐廳門口仲要大排長龍我入咗之後我急不及待就去酒櫃嗰度睇清酒🍶酒櫃入邊有林林總總嘅清酒，對於一個唔識飲酒嘅我哋真係一件好頭痕嘅事，好彩依度嘅店員非常之細心，主動仲推介唔同類型嘅清酒，而最後我地選左比較容易啲入口既，當然入口非常之順喉，而且跟濃郁嘅壽喜燒非常之襯。日本料理當中，一直都比較鍾意食壽喜燒，呢度仲有專人服侍💁🏻‍♀️首先待應用牛嘅脂肪用來起鍋，再將大蔥及紫洋蔥放落鍋度炒香，之後將和牛放入鍋中，之後加上壽喜燒醬汁，之後沾上日本蛋液和牛入口油脂分布平均，牛味濃郁而且嫩滑。另外重有盤野菜拼盤配埋食到尾，我加多了一份稻庭烏冬，就非常之滿足

最近去左呢間旺角既日式居酒屋黃店：令和鍋物酒場!冇得去日本, 就豪食一下, 點左個二人前套餐 - 松, 岩哂有選擇困難嘅我XD有沙津、前菜、刺身、炸物、小食，就連石燒、鍋物都有, 其實好抵食!好鐘意麻醬豆腐沙津，豆腐好嫩滑，加埋海葡萄同魚子既口感好有層次!四色刺身盤中最鐘意赤蝦+油甘魚有2件, 幾新鮮嫩滑又肥美!主食仲有石燒日本和牛(150g), 有店員親自serve我地, 幫我地燒埋嫁, 和牛份量好足, 牛味好出, 未到入口即溶, 但有和牛嘅油香, 加埋海鹽就更加好食👍🏻👍🏻套餐仲有海鮮鍋物，海鮮有海老、扇貝、生蠔賊、烏賊等，全部都好新鮮同大份，豬骨湯食到最後吸晒海鮮既鮮味!另外仲點左蟹肉可樂餅，薄薄金黃嘅外皮同入面滿滿嘅蟹肉，熱騰騰非常好食！

近排疫情開始無咁嚴重，我地又出去搵食啦😆 今次黎到旺角嘅良心日式居酒屋-- 令和鍋物酒場內部裝修充滿日本風情，暫時無得去日本，梗係黎支持下良心小店食返餐勁架啦😉今次叫左個二人前套餐 - 松，一次過有哂沙津、前菜、小食、刺身、炸物、石燒、鍋物，非常抵食!是日沙津係麻醬豆腐沙津，豆腐非常嫩滑，豆香同麻醬真係好夾，仲有海葡萄同魚子係面更加有口感👍前菜就揀左日式炸雞同和牛他他，炸雞金黃香脆仲有蛋黃醬配搭，和牛他他就係兩大片和牛上面鋪了配料和香葱都幾特別雜錦天婦羅就有齊海老、 茄子、秋葵、南瓜、冬菇，炸到外脆內嫩非常高質😚四色刺身盤就有赤蝦兩件加上油甘魚、三文魚同吞拿魚各三件，油甘魚嫩滑油香十足，赤蝦、三文魚同吞拿魚都好新鮮肥美😋跟住就到戲肉啦😍😍石燒日本和牛(150g)，有店員親自係台幫我地燒埋，份量相當多，牛味都夠香，入口和牛嘅油香充滿口入面，燒到岩岩好👍 👍 唔好以為就咁就完丫，仲有個海鮮鍋物，有齊海老、烏賊、扇貝、生蠔，樣樣都大大隻非常新鮮，個鍋本身有好多蔬菜同菇，加埋奶白色嘅豬骨湯，真係食指大動😝 (不過留意返由於出菜真係非常快，個鍋記住較細火或者先熄左佢唔係就乾哂水架啦😂😂)除左套

最緊疫情緩和，禁令放寬，最高興除咗一班店主，就係我哋呢一眾吃貨！女朋友仔話好耐無食日本嘢，今晚就book咗呢間名氣頗高嘅令和食！一入門口，店員除左幫忙量體溫外，仲要敲一敲門口個鼓，幾得意特別！今晚我地要咗個日本A4黑毛和牛壽喜燒。分別有一盤A4黑毛和牛及一盤野菜，份量十足！店員一邊虗理壽喜燒，一邊同我吔傾下偈，十分友善。A4日本黑毛和牛本身雪花均勻，十分Juicy，入口即化，另外再沾上蛋漿，更是蛋香鮮甜可口！店員好親切咁問我地意見，最後留咗一半A4黑毛和牛及野菜，比我地加湯換作另一個吃法變火鍋！另外我地叫咗一份蟹肉可樂餅同串燒拼盤，蟹肉可樂餅十分香脆，但奉勸要慢慢吃，內裏熱度十分高，要小心燙嘴！串燒拼盤中的雞皮亦十分香脆，惹味可口！最後，我地叫個店員介紹啲清酒，佢都好耐心咁問我哋口味同喜好，幫我哋㨂左支酒。食物質素好之餘，服務態度認真抵讚！