令和鍋物酒場

营业中

休息中

美食當前，有一段時間冇出街食飯了。本身就好想食好野，為生活帶來點點快樂。叫了一個二人餐，正岩我這個選擇困難症既人啦。但餐一樣選擇好多，串燒可以揀，燒牛可以揀，前菜可以揀。 全用電話點餐，自己慢慢揀。先來一個餐前豆腐，為美食打開序幕。然後兩個前菜，選擇了炸雞及青瓜。炸雞，沒有一大舊的炸粉，反而係薄薄一層，更食到炸雞本身的味道，沾上沙律醬後，更開胃。面鼓青瓜，開胃之選。青瓜粒清新爽口。餐可選兩個串燒我一行二人都選了鹽燒雞翼。雞翼本身就好正，簡單鹽燒，又不會油膩，大家都食得好滋味。另有一天婦羅盤，上面有海老 茄子 蕃薯，沾上天婦羅汁，新鮮炸物永遠十分吸引。另外，石燒安格斯肉眼。店員會將肉眼放上石鐵板，當放上鐵板，見住係你眼前燒熟。新鮮既香味，已經好吸引。再配合蟹膏飯，牛肉的香味，油份等，為整餐畫龍點睛。好爽。燒牛排真是令人食得好爽！另外，我地亦叫了兩杯飲品。一冷一熱，巨峰梳打，配燒牛肉一流。我就叫了紅棗茶，配燒牛肉，亦好，消除油膩。

朋友請食飯，二人限聚令下去了食很久未嚐的日本菜。和牛他他其：本以為是法國菜的和牛他他，原來是一片的和牛肉，四邊應是燒過後再切成片，中間是生的，表面舖上松露，有牛肉香濃及脂妨油甘香。四色刺身盤：三文魚是最肥美，脂肪紋理清晰，有油脂甘香；吞拿魚味道鮮甜；赤蝦大隻，肉質爽彈且新鮮；油甘魚都很肥很重魚油香。什錦天婦羅：炸漿很薄又香脆，最重要係唔會油淋淋，蝦肉新鮮彈牙、南瓜香甜。金菇牛肉卷：牛肉唔會燒得太乾，保留肉汁，而金菇亦都熟透。海鮮鍋物：有海老、烏賊、扇貝、廣島蠔及蜆配豬骨湯底，所有海鮮都非常新鮮，廣島蠔肥美，每隻都脹卜卜；海老彈牙；扇貝腍滑；蜆肉鮮甜，加上鍋底配有大量的娃娃菜、生菜及豆腐等，吸收了海鮮精華，真係鮮味無比。另外全場支裝清酒都有半價優惠，所以都叫了細細支送菜。

呢間都係第一次食，朋友帶我嚟。冇諗過喺旺角呢一個商業中心一樓竟然有一間咁高質素嘅日本料理。首先要讚一下店舖經理，我哋一坐低問佢有咩好介紹，佢已經非常細心話俾我哋聽今日有啲咩空運嘅魚生返咗貨，再細心問我哋有啲咩喜好介紹邊一款sake. 食物質素來講，以呢一個價錢，實在冇得投訴。和牛 鍋物 真係必叫， 份量超級多，和牛入口即溶油花均勻，附帶的一盤蔬菜亦都非常新鮮爽脆，先食Sukiyaki再食shabu shabu， 我比較喜歡Sukiyaki，比較惹味香口。

朋友生日去左間評價不錯，位於旺角嘅令和鍋物酒場慶祝🥳裝修都幾有日本居酒屋嘅感覺，最吸晴嘅當然係佢擺滿清酒嘅大雪櫃啦🍶食物選擇都多，而因為我地有4個人，所以懶得諗叫左個乜都有啲嘅四人餐🍻🍶四人前 ($988)由前菜、海鮮、小食、石燒肉、鍋物、白飯到甜品，呢個餐通通都有齊🥳和牛他他丼用生牛片配搭醃漬過嘅洋蔥絲，味道酸甜幾開胃😆原本對燒廣島蠔無乜期望，不過出其地juicy同鮮甜，調味亦都無過量而蓋左蠔本身嘅鮮味👍🏻石燒安格斯肉眼扒就有少失望，肉味唔夠出同燒得有少少過火令肉質過韌😖壽喜燒反而有驚喜，雖然唔係正宗做法，但勝在安格斯肉眼片油脂分佈均勻，放落鍋焯一焯食啱啱好😚🍶串燒拼盤 ($138)因為驚唔夠飽所以追加左串燒😂雞牛豬蔬菜乜都有，質素就不過不失啦，唔會燒過龍好乾咁👍🏻自己比較鍾意燒大蔥同大蔥豚肉串，唯獨雞軟骨串太細粒同偏乾🤭但138蚊都真係幾抵食🤣整體嚟性價比都幾高嘅日本餐廳💛有時候仲會有清酒/啤酒優惠，愛酒人士絕對可以嚟一試‼️

令和是新的日本年號，而這間居酒屋就用此命名，新人事新氣象。餐廳有幾款二人套餐，食物款式有刺身、串燒、鍋物、石燒牛及多款清酒，而且所有清酒全部半價，上網睇過真係平過外面買。要了支果香味的清酒，百六元有交易，味道甘純帶甜香，完全唔辣喉。餐前蔬菜豆腐沙律用了海葡萄及三文魚子配搭芝麻醬，味道鮮甜清新。三文魚刺身三文魚肥美，充滿油脂甘香，味道鮮甜。吞拿魚刺身魚肉交結實，肉味濃郁鮮甜，但不及三文魚甘香。日式炸雞炸至外脆內嫩，雞肉保留了肉汁，十分juicy。石燒日本和牛和牛有雪花紋，油脂豐富，邊燒邊滲出牛油脂，空氣中充滿了牛脂香，每邊燒約十幾秒，和牛還帶點粉嫩色，加少許的岩鹽，入口油脂溶化，滿口甘香，但亦唔算太膩。最後點了一串燒菠蘿做甜品，菠蘿表面燒出焦糖香，入口無渣又香甜。

令和是日沙律胡麻豆腐，好好味燒和牛他他賣相很似和牛刺身, 和牛肉同脂肪各佔一半, 面層有酸菜, 整個入口都是酸酸的, 食都幾開胃。  什錦天婦羅天婦羅有鮮蝦,茄子及其他素菜， 外表非常香脆。石板燒-美國安格斯扒和牛色澤粉嫩, 牛脂分佈平均, 待應從旁協助石燒, 陣陣香味散發著, 令人流哂口水。入口一咬, 牛脂更為豐富肉質細緻，齒頰留香海膽刺身份量大大份，好好味，仲有其他刺身配搭芒果乳酸梳打 非酒精飮品二十幾蚊一杯，選擇多多。幾得意的。

多元化日式料理，必食Uni日本菜絕對係我摰愛，呢間令和有爐端燒、有鍋物、有剌身、tempura同各式冷盤仲有好多款酒可供選擇，而且性價比高，真係要黎多幾次先試得晒。如果你好似我甘有選擇困難既話，呢度都好貼心，Menu具備有幾款Set比反左成日工，唔想再傷神用腦既fans試吓。先黎客胡麻醬豆腐同和牛他他醒醒胃，話明鍾意食日本野落，刺身就一定唔少得嫁喇。刺身拼盤款款都好新鮮好有光澤，牡丹蝦好甜，蝦肉好爽口。壓軸登場既係，我點咗在座都非常熱愛同期待既海膽，果然不負眾望，肉質結實，唔會好似出面唔新鮮個D水汪汪「膽汁」甘一pat pat夾都夾唔起要啜到食，而係色澤鮮明，入口鮮甜且有淡淡既回甘味，好值得翻兜。曾經有個日本師傅贈過我兩句，佢教我Uni最重要是夠乾身同飽滿，一旦見到出水，就代表係已經不夠新鮮，嚴重既就係開始變壞。而海膽的完整性就要睇師傅既功架，有冇小心服侍個膽。三五知己飲下Sake，燒肉就梗係唔少得喇，牛西冷好正好Juicy，入口軟棉棉，肉汁好香濃，令人垂涎三尺、回味無窮。

朋友介紹第一次黎食超多人排隊BK左位但都要等成十分鐘先有得入座環境擺設都幾特別會擊鼓歡迎客人都幾得意幾有氣氛旺角黎講座位算寬敞我地坐卡位坐得幾舒服朋友話想飲SAKE待應帶左我地出去揀酒好多選擇個PROMOTER都無點HARD SELL感覺唔錯幾舒服跟住待應拎左一板SAKE杯過黎比我地揀D杯都幾靚幾特別我地叫左四隻清酒生蠔待應見我地叫左支靚SAKE細細聲叫我地用我地個支夾個生蠔話可以再出D跟住另外拎左四杯清酒話係跟個蠔既叫我地飲左D果然係好夾好新鮮勁甜味噌青瓜我覺得正常不過朋友就話勁FRESH勁好味一路食一路讚叫左條笛鯛朋友話即係火點魚我自己第一次食白身魚味道薄D不過好新鮮幾鮮甜跟住叫左D串燒有雞亦雞皮燒大蔥秋葵金菇牛肉卷燒和牛舌白蔥豚肉串全部即叫即燒最好味係個和牛舌厚切鹽燒超JUICE整體野食唔錯會番轉頭

姣婆真係守唔到寡，比個Fd逗一逗，唯有同老婆講聲唔好意思喇⋯⋯Book左位準時入閘，職員一致既歡迎辭依舊不變，好不熱鬧！今次酒匠推介左支月之玉響，拍板跟手拿拿林埋位叫野食！上次晏左無曬日本直送靚野，今次特登早d入閘，好彩都仲有小量存貨，唔洗諗即刻叫左條笛鯛+併盤，OMG~肉質超級鮮甜！真係無叫錯！一輪狂風掃落葉，一啖清酒一啖咁鮮甜既刺身，真係夫復何求？！酒過三巡，好似爭咁小小咁，又唔係好餓但又未滿足咁！一於問下待應有咩介紹！佢推介左個一人前豬西冷石板燒，叫我地兩份食試下！好！就跟你！職員幫我地燒到外脆內軟，好juice，無介紹錯！酒滿飯飽，係有小小內疚咁喇！下次帶番老婆黎番食補番數喇！註：日本直送好快售罄，入座最好落左單叫佢hold單先

餐廳裝修吸引 ，非常有日本風味， 店員對日本清酒的選擇非常熟悉， 而且也很願意解答顧客的問題， 食物好食， 雖然選擇唔算太多， 價錢也相當平易近人， 而且交通方便， 係絕對會再光顧嘅一間店舖！

黃店系列💛日式居酒屋🏮之前都試過另一間分店 今次呢間既裝修好有居酒屋既感覺而且我見佢清酒🍶仲做緊優惠 中意清酒既唔好錯過!———🥢清酒生蠔🦪 二人餐有分3個價錢 今次揀左最平既🥢梅 ($488)魚籽海葡萄胡麻醬豆腐🥗和牛他他其🍣日式炸雞金菇肥牛卷🍢鹽燒雞軟骨什錦天婦羅🍤四色刺身盤 鍋物美國安格斯肉眼扒 (150g)壽喜燒湯底🍲燒飯糰茶漬飯🍙🍵———overall啲野食質素都唔錯 比較中意佢啲串燒🥰之前食另一間食石燒牛扒都好正 下次應該會叫番呢個🙈但二人餐兩個人食真係飽到癲😂 呢度成個環境都好似係日本既居酒屋咁 不過有啲嘈😂但一大班人黎飲酒食野既話真係好適合😋———🍹藍蝶花檸檬梳打🍹巨峰提子乳酸梳打藍蝶花比你自己落檸檬汁 望住由藍色變紫色真係好靚💜

朋友今日帶我去食呢間令和, 星期五晚都keep住多人食, 好彩一早訂咗位. 佢有好多唔同種類既日式酒, 可惜我唔飲酒所以無機會試. menu好豐富好多選擇, 朋友推介日本A5和牛, 加埋set有蟹膏飯/野菜沙律&味噌湯. 和牛係店員用鐵板即場係你面前燒, 自己可以控制可以燒到幾成熟.(留意佢啲油都彈得好勁 😆😆 ) 和牛入口鬆軟, 油脂分佈均勻, 好味!另外重有和牛鍋燒烏冬, 鍋入面除咗和牛重有蟹柳絲, 烏冬既量好多, 加咗好多海帶湯既味道好濃郁, 好味!!😋什錦天婦羅有蝦, 番薯, 茄子, 秋葵等, 味道不錯, 不過炸粉略為硬身. 四色剌身盤, 有三文魚, 舌拿魚, 油甘魚 & 石蝦. 剌身好新鮮, 連平時唔多食油甘魚既我都覺得唔錯, 另外隻剌身蝦好大隻, 真係啖啖肉, 正!!😋朋友知道我中意食蔥, 叫咗個白蔥豚肉串好好味, 咬落蔥汁+肉汁合體真係好滋味!! 😋另外一款燒和牛舌朋友之前食過好好味, 但今次燒得好硬, 同店員反映佢話幫我地cancel order (其實我地會以為佢話再燒過碟正常版黎的..) 所以我無緣試到呢!呢間整體黎講都唔錯, 係燒和牛舌失咗水準, 下次有機會都會再

琴日老友急call話見暈要求支援，知你血液酒精含量唔夠，立即上開飯搵個好地方為你進行急救！睇睇下發現「令和」Sake做緊promotion 50%OFF，一於試一試你！可能Book左位，入閘算順利，入閘時Reception敲響放喺門口嘅鼓，職員一致既歡迎詞，幾有日本酒場feel。埋位坐定望下周圍環境，見到board到寫SAPPORO Bottle 一送一，梗係先啤啤佢先喇！叫左個雞泡魚乾送下酒，份量有d少，但外面焦香，入面仲juice，確實不錯叫！好！進入主題，望下Drink list，OMG，未免過多清酒既選擇了吧？！即刻搵職員幫拖，職員直接帶左我去酒櫃睇真身，隨即酒匠上前服侍，簡單問左幾個問題：預算、喜好同食d咩，就比左幾支我揀。我好歡喜呢到酒匠既態度，沒有hard sell，亦都不會過多既演繹，值得一讚！揀好主角，唔小得配角：燒油甘魚鮫、燒和牛舌，再叫多個串燒拼盤：油甘魚鮫做得好好，外焦甘香、魚油豐富，肉質鮮肉質鮮嫩，不錯👍燒和牛舌juice👍串燒拼盤不過不失。食埋個燒飯團做收結，酒足飯飽，亦都為今次救人行畫上句號。

忍唔住又想食日本餐搵番鐘意食日本餐既朋友們去搵好野食朋友話想食高級少少大家都係Openrice搵下 旺角有邊間好食見到呢間新開無幾耐既令和鍋物酒場好多人讚好評 一於決定去試下一般既居酒屋都會先上沙津作為頭盤首先食個蟹籽沙律蟹籽份量非常之多，配搭青瓜絲以及沙律菜口感清新，作為開胃菜係唔錯嘅選擇二人份量 四色刺身拼盤牡丹蝦非常之大隻三文魚、油金魚、吞拿魚 每件都好大件份量十足又夠新鮮日式燒茄子係日本居酒屋當然要試一試大量既木魚花配襯茄子風味十足北海道花魚一夜干平時係居酒屋都比較少食 今次試下原條魚去骨後灘開兩邊燒燒完過後配少少檸檬汁 點黎食相當唔錯配搭清酒更加一流燒鰻魚串食唔出有骨，而且鰻魚肉身厚咬口非常有彈性，點埋鰻魚汁一齊食，勁好食安格斯牛壽喜燒牛肉雪花紋路非常之清晰整熟後入口肉質嫩滑，肉汁鮮明 食得出用上等貨火鍋配料份量都不吝嗇所有蔬菜都蓋過湯面相信食完呢個壽喜燒 都已經飽曬我同朋友都自己揀一杯野飲幻彩藍蝶花檸檬梳打由淺到深紫色外觀 都幾靚飲落酸酸甜甜蜜桃乳酸梳打蜜桃味比較濃郁，帶少少甜原來每星期四店鋪既員工為每個食客送上梅酒一杯梅味酸酸地帶甜 好好飲依間餐廳有唔同既清酒選擇，仲要有

亞女碩士課程取得了獎學金，舉家歡欣，一於出街食飯慶祝吓一人前石板燒有五款石板燒選擇，亞女咁叻當然要獎勵佢食好啲，點了日本A5和牛(200g)犒賞佢和牛油脂豐腴，肉質軟腍鬆化，入口甘香，肉味濃郁另加$25可配蟹膏飯、野菜沙律和味噌湯角切雜錦魚生爆丼雜錦魚生切粒拌入青瓜、蟹籽等食材，啖啖鮮味，口感清爽香辣吞拿魚爆丼吞拿魚色澤艶紅，味道鮮甜，配搭微辛香辣的醬汁，更加惹味日本黑毛和牛鍋燒鳥冬烏冬爽滑彈牙，湯底鮮甜，黑毛和牛肉質細膩柔軟，配埋流心溫泉蛋，滋味滿滿什錦天婦羅什錦天婦羅包括有南瓜，甜薯及粟米芯，仲有三大隻爽彈鮮蝦，炸漿做得薄而脆，炸得金黃酥香，入口不覺油膩寶酒造島根香印葡萄酒慶祝點可以無酒，餐廳做緊優惠，全場過百款酒類全部半價，所以叫咗支果酒試吓，用香印提子釀製入口清甜帶淡淡花香，酒精相對唔高，極易入口菠蘿梳打亞仔唔喜歡果酒所以叫咗杯菠蘿梳打俾佢消消暑