亞蘇爾 (形點) (已結業)

餐廳開放式廚房， 感覺衛生。 位好多， 不過人都好多😵😵😵葡國直送沙甸魚蒜香包從來都不喜愛罐頭沙甸魚， 但這個合我口味。 完全不油膩，混合洋蔥 ， 麵包烘底超脆。 芝心馬介休球6粒， 口感薯波質地，小朋友最適合切開一半己經見到芝心脆皮乳豬件配薯菜的確皮脆肉嫩， 可惜乳豬份量較少， 分分下， 有點不夠喉， 多幾件更好。 出面見到葡撻， 有焦糖味、鮮橙檸檬味和咖啡味，好想食， 可惜眼闊肚窄。 下次先一定要試。 一家四口埋單， 算係咁。

相約朋友到Yoho看電影，開映前先到澳門菜的亞蘇爾醫肚。我們先點了沙甸魚芝士脆三明治，很好食！三明治應加了牛油煎烘，所以單了三明治已經又香又脆，很美味。而沙甸魚是葡國直送，配上芝士更覺惹味，咸香味很突出，的確比平時吞拿魚更好味。豬扒包配馬介休炒蛋也很好，豬扒肉厚，啖啖肉肉質有彈性，加上煎炸表面令豬扒很香口惹味，而豬扒包本身烘得不錯，很香脆。我更把馬介休炒蛋夾在豬扒包裏面，多了一重滑溜口感和炒蛋咸香，不會令豬扒包太乾。而馬介休炒蛋也能吃到一絲絲馬介休，加上牛乳味濃，中和了馬介休的咸香味。而葡式香烤脆皮乳豬件也很推薦，脆皮乳豬皮脆內嫩，乳豬外皮脆卜卜，很香口，而裏面亦很有肉味，加上保持juicy, 不會「鞋」。而份量則不算太多，就算兩人食用也可以！我亦喜歡點旁邊的香辣醬，更加惹味和提味。而配菜有翠玉瓜、茄子和菇，燒香過很入味，亦帶來一點清新。因為都是肉類，所以我們多點一道蔬菜 臘肉腸炒雜菜，蔬菜炒得很香，有穫氣，有橄欖、粟米仔、娃娃菜、椰菜苗、豌豆等，加上臘肉腸也算豐富。整體來說，食物質素很不錯，若不想過大海，來這裡也可食到優質葡菜！

元朗Yoho Mall開幕已有年多時間，商場進駐了不少食肆。今天就有機會品嚐這間以「澳門菜」作招徠的餐廳。筆者被安排坐近窗位置。窗外種有綠色植物，環境怡人。餐廳提供的食品種類繁多，由餐前小吃到酒品都有。據筆者所見，有數枱食客選擇了此餐廳來進行家庭聚會又或生日飯局。58元的一個熱湯，賣相可圈可點。喝下去有淡淡的薯香味，但味道竟跟日本即沖的薯仔湯有點相似。乳豬配有特製辣醬汁，烤過的乳豬皮未有如筆者想像中的脆。配搭的菇菜雖有燒烤的痕跡，但吃下來卻沒什麼味道呢。筆者友人事前查得此粥獲不少食家大推，那就不得不點了！上桌時，店員教路要把小碗中的海膽放入拌勻。但試吃過後，筆者有少許失望。粥底的確夠綿身，但蟹味欠奉，不太吃到海鮮的鮮味。盲鰽魚頗為滑身，亦很入味。每口都吃到淡淡的檸檬香，非常醒胃。筆者和友人2人共點4道菜，人均消費也接近400元，可見Yoho Mall食肆的價格定位不低呢～筆者這麼一個小小打工仔，如此豪氣的飯局，實在可一不可再。

今日同個朋友去咗元朗yoho 睇電影, 順便係呢度搵食。 當中見到有一間食澳門野嘅餐廳 由於太耐沒有食過，所以想試一試。間餐廳裝修都幾新淨， 座位都好舒適。 服務員都好貼心 ，馬上送上水和餐牌 。 其實餐牌上都好多選擇， 我哋揀咗兩樣嘢 ，亞蘇爾小食拼盤和至尊鵝肝焗鴨飯。亞蘇爾小食拼盤$162份拼盤都好大分，當中有芝士馬介休球，辣肉腸芝士脆多士 ，霹靂油魚 ，黑醋豬手 ，香草烤意瓜。 呢幾樣嘢都好好味 ，過馬介休好香 ，啲豬手好爽口 正！至尊鵝肝焗甲鴨飯$158個飯其實入面有好多了 ，有，磨菇，鴨肉絲 鵝肝和臘腸，再加上少少芝士 ，又香又好味！港仔凍奶茶$32

難得有公眾假期，我和弟弟都不用上班，午餐一起到阿蘇爾食澳門菜。一開始門口等位的人不多，慢慢等吓等吓連我們在內有十幾人，等了35分鐘終於可入餐廳，一入去發現有6-7張空枱，加上來有約20個位，其實離開的食客沒有那麼多，之後所有枱就陸續填滿，一開始既然有位，為何要等那麼久?不過始終想抱著愉快心情放假，一於美食行先，餐牌的食物都很吸引: 1. 葡國直送沙甸魚脆三文治: 三文治脆口，餡料豐富，食完已經幾飽。2. 惹味非洲雞配薯菜: 有兩大件，醬料有椰絲和花生味，不太辣，雞肉嫩滑，好好食。3. 東望洋芝士鮮咖焗豬扒飯: 熱辣辣，豬扒好腍，醬汁亦好好食，很快便食清光。4. 葡撻 (每個$14): 叫了兩個，再切開就可以試齊兩款口味。鮮橙檸檬葡撻 : 橙味比檸檬味突出。濃香咖啡葡撻: 真心推介，超好食。5. 鮮奶咖啡: 可能不是咖啡店，沒有拉花，沒有奶泡，不過咖啡味幾香。6. 巷仔奶茶: 落半包糖已經很甜，下次要試吓不加糖。我們差不多吃完食物才叫飲品，等了15-20分鐘都沒有，追問侍應，只淡然說了一句原來剛才沒有落單，看來此餐廳的服務的確有待改善。

自從Yoho mall有戲院後，看電影不再需要岀屯門市中心，方便多了。這晚買了8pm場次，不算早，可以在商場內坐下慢慢用餐。之前我已來過一次亞蘇爾，印象不錯，這晚就來試試餐廳其他菜式。香蒜黑醋豬手$68， 但份量也不少，一客有約六件，每件都酸甜惹味，調味不俗，豬手也軟腍充滿膠質！非洲雞伴薯菜$148，原來這也是典型澳門菜！雞肉焗後依舊保持嫩滑，花生醬、番茄膏、辣椒乾、椰絲、椰奶以成的醬汁也香濃惹味，合在一起產生化學作用，確是美味。薯角軟綿有薯味，作為伴菜亦不失色。最後來一客咖啡葡撻$14作為甜品！雖然葡撻烘得略為乾身，未夠鬆化，但咖啡餡濃郁味美，叫人滿足。

今天誤打誤撞去了一間很有水準的葡國餐廳食物有驚喜！每款菜式很有水準！廚師推介菜式很有驚喜！豬扒包雖然看似沒有特別但食落去簡直一流！我覺得比澳門還好吃呢！🤗🤗葡撻有三種口味：焦糖原味/香橙檸檬味/特濃咖啡味！🙂必試環境尚算不錯！整體清潔整齊！員工親切有善！服務一流！每款菜式放上枱前都加以介紹！😌最欣賞結賬時找續不會站在你面前等後，讓你無壓力地隨心打賞（tips）😌下一次必定再去嘗試其他廚師推介的菜式！

父母回港了，梗係要帶佢地出黎食下好西，近近地先去Yoho Mall的亞蘇爾，見谷友讚過話呢度個澳門菜好食，就試下先。平日晚上客人都幾多，前面的四人枱全部坐滿，淨低店內的大枱，哈哈，三個人坐了張六人枱，好濶啊，帶埋bb都無問題。煙燻蘋果木脆皮鹹豬手配薯菜（$188）店員會在上菜後點火，把蘋果木的煙注入呢個特製嘅膠蓋中，焗五分鐘就開得蓋，白濛濛一片好神秘啊。開蓋後的真面目，啊啊，真係好香蘋果木味，讓人垂涎三尺呢。豬手份量超大，伴有炸薯角同grill過的意大利青瓜。瘦肉部份鹹香，一絲絲的肉質好有咬口，正仲有脆卜卜的皮及彈牙的皮下脂肪，香口又好味，一口接一口食不停烤焗盲鰽魚伴檸檬白酒汁煮海蜆（$168）一尾魚伴著六隻蜆，同餐牌是一樣的，哈哈，很對辦嘛。用了大量配料焗成的魚，迫出的湯汁滴滴都是精華呢，濃濃的海鮮味，帶有香草，檸檬，牛油，洋蔥，紅椒，白酒等鮮味，太好味湯汁都飲哂。海蜆彈牙，勁鮮甜魚肉超級嫩滑，好正呀正擔心緊點用刀叉食條魚，原來無乜骨，而且好易就拆哂啲肉出黎，魚極新鮮，愛魚之人必點！黃金忌廉軟心多士伴movenpick雲呢拿雪糕（$65）仲叫了甜品，開頭見餐牌圖及名字，以為係雪糕伴西

適逢世界盃足球賽展開，成為全城熱門話題，雖然我不是球迷，對足球也認識不多，但我一向是支持葡萄牙的，朋友當中有個葡萄牙的球迷，他說今晚要帶我去吃葡國菜表示支持葡萄牙，這個約會的理由似乎很牽強。餐廳位於元朗大型商場內，門面裝飾以木為主調，環保得來又有格調。餐廳範圍十分寬闊，主要以卡位為主，配合梳化式座椅，讓人坐得舒服。環境清潔，通道寬闊，半開放式廚房，保持公開，仿佛在告訴你他們注重衛生和食物質素。一般人講起葡國菜必然會想到葡撻，這間餐廳門口就劃分了其中一個位置作為玻璃廚窗，用來擺放葡撻，透過玻璃可以見到整齊排列的葡撻，有傳統的焦糖味，新派的鮮橙檸檬味，朱古力味等等。晚上七點，餐廳已經坐滿人客，一幅全落地的玻璃牆，帶來更大的空間感，食客可以透過玻璃觀賞室外的景色，雖然安座室內，但都可以感受與大自然溶為一體。首先當然要試一下葡撻， 每件＄14不算貴，食起來奶和蛋味十足，好滑好香。撻底是一層層的酥皮，可能不是即時出爐的關係，所以略嫌唔夠熱唔夠酥，不過整體來講都幾好食，有那種耐人尋味的味道。葡汁同芝士混合，再放入焗爐焗熱，葡汁與芝士味滲入青口當中，難得的是，青口啖啖肉，新鮮得來非常彈牙美味。這是我

自從元朗開左yoho mall，就成日黎hea，港鐵站太方便了。今晚黎左食澳門野，其實澳門菜同葡萄牙菜有乜分別㗎？都係食葡撻喎？多左豬扒包，蝦籽麵咁？見好多人點白酒煮蜆，我地又叫先，細細兜但都好多蜆，湯汁好好味，有海鮮味同大量香草味，仲有白酒同牛油，香噴噴，好好味飲哂D湯了，蜆不大隻但都幾肥啦，最正係無砂，隻隻都開哂口，食得～煙燻豬手又係要食嘅，隔離枱食勁香喎，本來想叫bb豬，即刻轉軚叫豬手，大大碟抵食呀，全部都係肉，已拆骨，啖啖食好鬼正，夠鹹夠脆，無得頂～仲叫左炒飯，粒粒米乾身又香口，中間有馬介休，辣肉腸，蝦，仲有菠蘿同青橄欖，味道豐富，咖哩香，配料有鹹有辣有甜有爽口，一次滿足所有味蕾～豬手勁大碟，兩個人食唔哂打包左，正，聽晚又加送。

次次去亞蘇爾都系為左豬扒包，今回試緬甸雞湯米粉，5知以為忌廉栗米湯底巧杰又冇咩味，雞件多但似早歺煎雞扒那味道，油炸鬼明顯是隔夜，成件事oh no..give my money back!

近期天氣陰陰沉沉，雨勢紛紛，取消了許多戶外活動。又到週末時光，趁機會最好就係搵個大型商場，吾單止可以行街shopping，也可以搵一間俱特色的餐廳坐低慢慢傾吓計，食吓野，享受室內的快樂週末。相信這間葡國餐廳就係一個唔錯嘅選擇。餐廳空間非常足夠，仿如「工」字形狀，座位之間寬敞舒適，入口處有個小凹位，是「工」字的上半部，餐廳利用這個空間用蔓藤作為裝飾，再配合綠色嘅木顏色，打造出一種原野feel，這裏只是餐廳近門口嘅座位，非常適合攜帶小朋友，有BB車或者輪椅嘅人士方便出入。其實餐廳嘅空間很足夠，可說是內有乾坤。此時，我們跟隨接待員嘅帶領行往「工」字的中間，左邊是一排整齊嘅卡位，右邊是半開放式廚房，透過玻璃可以見到廚房嘅廚師穿着工整嘅制服和整齊嘅儀容在哪裏認真地工作。工作人員正戴上手套在執行工作，旁邊還有一個監督呢。讓人覺得非常專業同埋放心。然後我們被帶到這個空間，這里就是「工」字型的底部啦。原來又是另一景象，全落地玻璃可以望到大廈平台嘅花園，遠處嘅山峰，日間來的話，可以隔着玻璃享受日光浴，望住藍天白雲。夜間就透過玻璃可以望到大廈嘅輝煌燈火。又是別有一番風味。餐廳嘅硬件和環境就已經係別出心裁啦

住元朗實在太多好野食,餐聽總類林郎满目,想食咩菜都有,今曰去左形點1覓食澳門菜好多年無食,呢間亞蘇爾都係朋友介绍話好食,所以專登來食,鋪面尚算大,座位好舒適,有幾分懷舊feel,型格中又有親切感餐牌中菜式選擇尚算多款款吸引…………臘腸炒雜菜,椰菜,芥蘭炒得好爽主角鵝肝炒飯，不得了鵝肝甘香,飯粒粒分明,加上濃濃既菌香味,香氣撲鼻,必食之選so皮浦撻, 外皮好鬆化,內又好creamy,加上小小檸檬清香,從未食過咁好味

香港不是有很多間食澳門菜的地方，難得聽到朋友介紹，當然即管要去試下啦!地點非常方便，位於元朗西鐵站一出通過形點商場就好容易找到了。門面裝修優雅高貴，設計時尚。牆上畫中也註明多款名菜。如果沒有心水，可以試下當中提意的菜式。餐廳外面也有一個露天餐飲地方，可以隨意選擇坐外面或者裏面。緬甸風味椰香雞湯米：足足有五件大雞球，超濃郁的椰香味，再配上有口感同香滑的米粉，還有掛湯嘅效果，加上辣度適中，如果唔食得太辣可以要求小辣。咖哩牛坑腩飯：坑腩部位肥瘦適中，肉質煮熟程度剛剛好， 再經過多小時淆製嘅咖哩汁，食落去唔會太(結)， 咖哩味非常重， 還可以選配飯或者薯角。飲品叫了芒果蘇打：新鮮嘅芒果打成汁，再配上足夠氣的梳打水， 芒果比例分佈得非常之好，唔會太甜，這個時候飲用， 簡直是消暑之選。

一提起澳門菜，你會想起什麼？豬扒包、葡撻和葡國茶...現在全都能在一間餐廳中找到！先試試最有澳門特色的豬扒包伴馬介休炒蛋，豬扒包烘得非常香脆，咬落脆口有聲，夾着大大塊又多汁的豬扒，口感豐富！炒蛋則略嫌未夠滑，但伴菜的薯角外脆內軟熱騰騰炸起，十分好吃。葡汁焗青口一客有6隻，青口頗為厚肉，加了葡汁和芝士去焗，芝味十足。味道調得不會太濃，還不俗。一起吃溫泉蛋魷魚墨汁麵，代表一份信任吧！把溫泉蛋撈勻後，麵條入口滑溜帶淡淡墨汁鮮香，中間暗藏墨魚粒，墨魚粒彈牙爽口。亞蘇爾在Yoho Mall內價錢算合理而又食物不錯，屬三五好友聚會的好選擇。