亞蘇爾 (形點) (已結業)

豬隊友爸爸媽媽一直都好想試晒yoho mall 嘅甘多間食肆，但佢地兩個人係唔會自己去踩伏，所以我同豬隊友一向好勇敢甘陪同左右的！今次終於走左去try try 呢間澳門🇲🇴葡國菜，冇諗到食身質素同味道都唔錯！4個人叫左個小食拼盤，雖然佢建議係二人份量，但我覺得4個人share仲好，唔怕甘快塞飽自己。因為auntie 唔係好食辣，所以點左葡汁雞而唔係咖哩，但係佢個葡汁雞又煮的幾有水準，椰香味夠，個汁又唔會太稀，配蒜蓉包一流！點都要提提隻豬手！佢上檯後，即時表演煙薰1分鐘，視覺都滿足埋🙈份量其實都幾大！可以久唔久再食下！

首先出場嘅係蒜蓉包，一客有四件，包上面嘅蒜蓉夠香之餘又唔會太濃味，所以食完都唔會成個口一陣味怕嚇親人。跟隨的是招牌活蜆海膽鮮蟹粥，粥底很綿而且配料很多，如果怕腥的人可以配上蔥花一起吃，最後吃利剩的粥配合油條吃，就完全不會浪費了。水坑尾海鮮蕃茄魚湯飯也是很足料，而且份量大，需要合作才能吃完。亞蘇爾秘醬青瓜乳豬脆包吃過主菜，便是女生最喜愛的甜品時間，我點的是焦糖葡撻女生們點的是香芒木糠布甸伴呂宋芒果乾水果碗入面有草莓、西柚、橙和藍莓，十分豐富。另外的是雪糕焦糖燉蛋伴腰果脆糖。

葡國菜較為少吃，今次跟朋友到元朗 YOHO MALL 試試看！我們二人選擇了葡式椰香雞飯、馬介休薯仔球、烤盲槽海蜆，另外再點了一枝啤酒！葡式椰香雞 HKD 128除了菜式設計精緻，菜式椰香味道很重，沒有一些辣的味道，如果用麵包沾上來吃應該很相襯。內裡有多件大件雞件、薯仔、少許腸片和水煮蛋，配菜能吸引椰汁香味，而雞件夠嫩滑，不過雞味道就略為有點兒淡；薯仔煮得軟綿，入口即融。隨菜式更有一碟飯，不過飯不夠熱，感覺有點兒硬。馬介休薯仔球 HKD 68一碟有六件，外邊脆口而入口軟綿，內裡有些馬介休魚肉，不過味道一點也不腥，而且配上兩款醬汁，有微辣的蕃茄汁和酸甜的沙律汁，兩者都令薯仔球有不同感覺。燒焗原條盲曹魚伴香蒜牛油煮海蜆 HKD 148菜式設計美觀，魚上佈滿不同配菜和蜆！我當然是先試蜆吧，蜆香味不夠重，感覺有點淡。反而魚是新鮮、清甜和香滑，更可以說是啖啖肉，而且更吃到很香的檸檬香草味，我更用來伴白飯，感覺一流呀！

今日同女友去元朗行街，唔知食乜好，行過見到呢間食澳門野好似幾特別咁原來嚴格來講又唔算係澳門野嘅，係有啲澳門加西式嘅混合菜，呢個組合都算第一次見裝修新派格局主打澳門菜，水蟹粥梗唔少得豬扒包就梗係唔洗講啦都有一系列西式食品豬扒包好大碟呀，仲配埋薯角米通墨魚餅，重點竟然係個辣醬，好野味啊蝦子松露意大利麵，好有carbonara既feel白酒煮蜆，果汁好味到女友飲晒主角準備出場...先搵煙焗一焗佢好大隻豬手呀皮脆肉嫩

今日hea入yoho... 行下街睇下嘢食下嘢， 見到呢間食評唔錯 又唔係多人， 話係澳門菜，食評幾好，試下！呢排ot o到痴咗線今日要食好……豪啲原條燒焗盲曹配蒜蓉牛油蜆…… 呢碟餸係要等㗎賣相幾靚，魚皮燒得香脆， 肉質嫩滑多汁多魚油， 好香嘅檸檬香草味。 配住好香牛油蒜蓉味嘅蜆， 粒粒都大大隻有肉地。 仲有一啲雜菇索曬啲牛油同蒜蓉味好正！ 等得耐都值啦叫咗個甜品幾特別 ~ 黃金軟身多士拼雪糕、檸檬薑軟身多士其實好似一塊立方體麵包布甸， 六個面燒焦了 平時去酒店自助餐最鍾意食㗎啦！ 伴焦糖醬 ( 試咗一啖之後覺得唔加都好好食, 加咗對於我嚟講反而偏甜). 面頭嘅雪糕仲有啲nuts, 拼住個多士食好正， 又凍又熱又脆又軟。 旁邊仲有一小兜生果， 我又試下將啲生果拼多士食， 原來好夾！ 生果嘅酸味平衡咗多士嘅甜味, 正呀！ 最後食埋個檸檬薑， 除去咗甜到漏嘅感覺！ 個廚師又幾好諗頭喎。一邊食一邊慢慢煲劇，好舒服呀坐得！ 咁先對得住自己！ 食得飽滿！滿足！再來一杯清清哋嘅玫瑰花茶， 消一消滯，完滿！

之前有一排經常要過澳門出差, 所以同澳門菜結下不解既情緣但之後做既野有變, 所以好少過澳門了係香港都試左唔少澳門菜, 但都係一般般,今次男友話帶我係元朗食澳門菜, 好開心!!!青瓜乳豬脆包-$75係澳門我好鐘意食葡式乳豬, 估唔到亞蘇爾可以用乳豬整成包, 而且係將乳豬切到一絲絲, 再加埋青瓜醬帶出青新既感覺, 個脆包都好工, 唔會太硬太韌, 岩岩好, 唔錯喎!豬排包-$68另外當然唔可以錯過澳門最出名既豬排包啦, 塊豬排又夠厚身, 又夠多肉汁, 同澳門食既差唔多!椰香雞湯米-$62D個個椰香味超香濃, D米粉沾埋D椰香湯, 好正, 而入面都有唔少既雞球, 都幾滑葡撻-$14/個D個葡撻同係澳門食到既差唔多, 都係好好味, 而且唔算好甜, 又夠晒熱辣辣, D個係必叫的總結食物優質, 價錢合理, 服務不錯, 男朋友的推薦果然沒錯!

好耐冇食過澳門菜或者係葡菜，見到元朗開咗間新嘅，仲要幾靚就梗係黎試吓啦梗係唔少得我最愛嘅葡撻，酥皮夠脆，蛋漿亦非常嫩滑，夠焦香！當初就係因為睇咗個Menu就比呢個小食拼盤吸引住。一黎到已經聞到好香，魷魚圈出乎意料地好食，蒜蓉多士啲蒜蓉同牛油一啲都冇手軟，雞肉香口嫩滑。估唔到芝士同馬介休又幾夾🤣砵酒燴牛尾，酒味濃郁，牛尾炆得夠冧而且好入味，加上索晒汁嘅薯仔，一流牛肝菌鵝肝鴨飯不得了，雖然得對舊鵝肝真係麻麻地，但佢個鴨飯超級好食 ，啖啖都充滿鴨肉嘅香味個味道非常難忘

周六的午後，因為整個早上也忙著做蛋糕，連午飯也沒時間吃; 早餐也是匆匆的吃了麵包就算，所以極度肚餓的我，來到這間之前曾吃過美味豬扒包的葡國餐廳! 下午3時多，不用等位便可直入，但店內可是有不少食客，應該說這商場假日就是如此. 香脆芝士馬介休球伴蕃茄乾沙律汁 ($68) 一客6顆圓圓的馬介休球很是可愛. 咬是去，是鹹香軟糯的薯蓉，也可伴上2款醬汁同吃，各有特色. 緬甸風味椰香雞湯米 ($62) 顏色相當吸引的雞湯米，呷一口，熱度相當足夠，且充滿椰香. 米粉已吸滿湯汁，相當好吃. 至於雞肉，不是每件都嫩滑，要看彩數了. 辣肉腸松露芝士豬扒包 ($78) 這客豬扒包份量相當足夠，2人分享就最適合不過. 麵包香脆，可惜豬扒不是即煎的，只帶微暖，再伴以鹹香辣肉腸以及松露芝士等，都頗有特色. 伴碟的薯條熱辣香脆，比主角更吸引. 路環鹹魚炒椰菜苗 ($68) 很喜吃爽脆的椰菜苗，用上鹹魚來炒，更添惹味. 隨文附上自己首次弄的拉花紫薯檸檬芝士蛋糕，也送上生日祝褔給我的好朋友.元朗元龍街9號形點1期2樓2056號舖35869133

啱啱昨天先係澳門回港， 非常掛住當地嘅食物 ，又知道元朗形點商場有一間食澳門美食，咁我哋就不妨去試一試。葡國直送沙甸魚蒜香鮑： 有4至5條沙甸魚，分量非常十足，有足夠嘅汁唔會好乾， 加上有清甜嘅沙律菜墊底，配薯角，仲有兩大件蒜蓉包 ，非常香嘅蒜蓉味，足夠鋪滿成個包。東望洋芝士鮮茄焗豬扒飯： 新鮮豬扒，加上濃厚嘅茄汁，重點係嘅芝士，非常之多，令到成個飯食完之後感覺非常滿足。十月初五蝦籽松露意大利麵：我冇諗過係E一到嘅意大利粉係我食咁耐以嚟最好食嘅其中一個，首先覺得個汁非常足夠，好香濃， 每一啖基本上都有黑松露嘅精華， 加埋煙肉雜菇一齊食。下一次黎，我一定食番E一個

唔夠時間去元朗市中心唯有係yoho mall搵食山長水遠入到黎元朗 冇理由食連鎖店啦見到這間葡國菜好似幾唔錯就試試佢無論食物選擇定味道都令我以爲自己去了澳門🐔葡式椰香雞 | $128典型葡汁再加重椰香 雞煮得好嫩滑可配蒜蓉包或飯🍔豬扒包 | $68見餐廳抬抬都有叫 又唔執輸叫一個可惜豬扒不是特別美味 包又不是特別脆平平無奇 普通不過的豬扒包😕🍛辣肉腸馬介休咖哩炒飯 | $108炒飯非常香 飯粒分明又不覺油膩咖哩味很濃郁很香

勢估唔到元朗都有澳門野食，話說星期5經過yoho town揾食，見到有供應澳門美食既亞薩爾，個名好得意，睇多陣發覺原來係賣澳門美食既餐廳餐廳環境舒適，空間感極好，似高級餐廳多過似茶餐廳！餐廳提供既食物種類眾多，由小食到澳門傳統食品，到甜品如葡撻都有供應，應該話應有盡有！我同同事今日叫左兩個set lunch嚟食，+$12 有餐湯跟，忌廉味濃郁，帶點粟米甜味，加埋個香脆又極重蒜蓉味既包，真係非常開胃！第一個set lunch沙甸魚多士好快送到，賣相吸引，完全唔似傳統葡菜感覺，沙甸魚打碎左喺同埋d酸酸甜甜沙律醬一齊上，配埋d蒜蓉包食，唔會覺得滯！而且唔駛擔心唔夠食，因為仲有香辣既薯角，配埋兜幾辣既肉醬汁，十分惹味！份量足夠一個人食！另一個咖哩牛筋腩飯都好快送到，咖哩味香濃，未食都知會偏辣，食落牛筋腩更出色，不但軟稔，而且牛味十足，咖哩亦十分入味，薯仔相信都煎過，比較香口！餐飲我就叫左杯熱奶茶，茶味香濃且滑，屬水準之作同事就叫左杯荔枝梳打，甜味適中，帶點荔枝香味！而今日最驚喜既就係最後order既葡撻，熱辣辣送到，除左原味外，我哋都專登多叫一個佢哋既招牌燕窩試下！先嚟試食一下原味焦糖葡撻，蛋

今日同男友入元朗探親，見仲有時間就諗住去元朗嘅YOHO MALL食個lunch先。行行吓見到呢間主打食葡國菜嘅「亞蘇爾」好似幾特別，最後決定一試！一嚟到就叫杯野飲先，呢杯陳皮紅糖薏米水唔會太甜，陳皮味甘甘地，都幾特別。話明食澳門菜，點可以冇豬扒包！呢個豬扒包大大份，仲要配埋薯角同沙律，超抵食塊豬扒又淋又滑又惹味蝦子松露意大利麵，個意粉煮得勁creamy, 仲有滿滿嘅蝦子同煙肉，用料一點都不吝嗇！呢個白酒煮蜆超有驚喜！蜆肉唔算細粒，值得一讚嘅係佢個白酒牛油湯底，超級香甜湯底入面仲落咗不同嘅菌類，連湯飲一流最後仲叫咗脆皮咸豬手。一嚟到嘅時候侍應會打一啲蘋果木嘅煙燻落去，食落會有淡淡的蘋果木味分量又係超大份不過真心係皮脆肉嫩！好耐都未食過咁有質素嘅鹹豬手了！呢一餐絕對有驚喜，下次會再嚟

其實澳門菜都只係試過喺澳門食過一次，口味幾獨特，有好多新奇嘅食材，真係未試過係香港食澳門菜，見到YOHO MALL開咗呢間，好似都幾正，就入咗去試吓餐牌選擇都好多，無論係沙律，肉類，小食，甜品，粉面飯，都有得揀我哋兩個人嗌咗一份小食拼盤，一個意粉，同埋燕窩葡撻做甜品如果你食厭咗平時啲西餐嘅小食拼盤，呢個小食拼盤絕對有驚喜，除咗有香烤蔬菜之外，仲有澳門名物芝士馬介休薯波，蒜香雞球，炸魷魚圈，兩個人食，啱啱好馬介休薯波好鬆脆，外脆內軟，下一次應該會單點一份另外就係嗌咗呢個十月初五蝦子松露意大利麵，估唔到會咁大份，仲要好足料，每條意粉都有好多海鮮汁包圍着，口感豐富，好美味最後就係呢個燕窩葡撻，絕對值得一試，蛋漿夠厚身，咬落知味，上面嘅燕窩亦都令成個甜品升格不少

亞蘇爾Yoho Mall實在多嘢食， 亞蘇爾餐廳由澳門直送食材到香港，餐單有齊香港人最熟悉的路氹香脆豬扒包、惹味非洲雞、馬介休凱撒沙律等，環境摩登悠閒，更有露天茶座，裝修十分雅致。香脆芝士馬介休球伴蕃茄乾沙律汁，這菜式獨特的地方，是在經典的炸馬介休球中加入了芝士餡在裡面，傳統中見創新，雖然味道並非絕佳，馬介休球粉了一點，可也值得欣賞。亞蘇爾秘醬青瓜乳豬脆包，脆包是到澳門的必食之選，這次不吃豬扒包，吃亞蘇爾秘醬青瓜乳豬脆包。包是蒜香包，脆身，合乎預期。亞蘇爾秘醬配乳豬，有點像在吃中菜，巧妙地加上青瓜，也有薯條，熱辣辣的，當然是搶手項目。亞蘇爾菠蘿辣肉腸鮮蝦馬介休咖喱炒飯，咖喱炒飯賣相幾吸引，數隻爽口大蝦、酸甜的菠蘿粒再加上辣肉腸以及黑欖等，鹹香惹味，令本來已半飽的我食欲大增。焦糖燉蛋，面層的焦糖非常酥脆，燉蛋嫩滑，雲尼拿雪糕充滿雲尼拿籽，十分足料！至於沙冰都係不錯選擇，夠大杯，點了荔枝沙冰，沒有溝水感覺，又夠清新。總括而言，食品無論小吃、主菜及甜品都有一定水準，而且環境舒適，是不錯的好選擇。

每次去澳門，必食豬扒包葡撻，食葡式乳豬、馬介休等等 ; 而香港好像好少食到葡式澳門菜，今日去元朗yoho mall行街，見到呢家亞蘇爾有澳門美食，就試下啦。如果好食嘅，就唔使經常過大海先覓到食，哈哈！首先叫咗餐前小食沙梨頭手打墨魚餅，彈牙中加啲碎米粉，增加香脆口感，如果再厚啲會更好。當中有啲香葱同墨魚微粒，食落更香。加上有辣勁嘅醬，幾滋味！主菜叫咗個亞蘇爾秘醬青瓜乳豬脆包，乳豬係一絲絲，連埋青瓜絲，料好足爆滿了，而秘醬似乳豬醬，甜甜地好濃味，幸好個脆包夠厚夠脆，食起黎唔會膩。仲有大量薯條同沙律菜，建議同朋友share 。仲叫咗葡式椰香雞，一盤有成四至五舊大件雞，好嫩多汁。醬汁好濃味，一定要配白飯食，勁大碗飯呢，飽飽！呢外食埋啲甜點，先嚟個拼盤，有燕窩葡撻、抹茶牛奶、杏人餅同合桃酥。當中最喜歡抹茶牛奶，夠抹茶味又有牛奶香。至於沙冰都係不錯選擇，夠大杯，點了芒果柚子沙冰，沒有溝水感覺，又夠清新。