亞萊嘜嘜 (已結業)

慶祝好友升職，她又想吃泰國菜，特意揀來公司附近的亞萊嘜嘜，貴為元朗最正既泰國菜，即使平日，未夠夜晚七點半，已經座無虛席，門口仲排左唔少客人。好在姊妹一早攞定位，去到即刻可以叫定靚餸!首先係次次黎到必叫既串燒，豬牛雞任選，火喉十足，又能保持肉質的軟腍 ，入口鮮嫩唔痴牙! 人手一串，加埋秘製醬料，最佳開胃前菜呢!椰汁雞湯白如凝脂， 椰香四溢， 帶冬蔭功的酸辣感，但增添了椰汁的濃滑，口感更加豐富，最驚喜的是竟然有大片雜菇，雞肉很嫩， 拿來配飯一流 !泰式香芒炒飯，舖滿粒粒蟹肉和芒果 ，為味蕾帶來一番清新滋味， 芒果甜，蟹肉鮮，味道剛剛好不油膩，恰如其分，米飯炒得又香又金黃，十分入味! 飽肚推薦!飲品叫了椰青，清甜新鮮，點綴了這大滿足的晚餐呢 !最後不得不讚的是這裡的服務，上菜速度快! 店員反應快! 有禮親切! 絕對不會出現等到餓的情況!

見到個餐牌寫住有飛天通菜，就令我諗起有十幾年前仲係好細個時候同一班朋友一齊去泰國嘅一段笑話，嗰陣時候自由行就未盛行，所以就跟團去。除咗團餐之外，夜晚就總會介紹一啲大排檔俾你自己出去搵嘢食，嗰陣時佢就介紹咗飛天通菜呢一個小菜。嗰陣時我哋就即刻問乜係飛天通菜？唔知點解嗰陣時候個導遊就解釋話呢個飛天通菜好勁呀，個餐廳嘅廚師會喺餐廳對面嘅馬路炒個通才，跟住一飛，飛到過嚟餐廳嗰度接着架。少女時會深信不疑，但最後係係貽笑大方。。。呢到最出名嘅我深信係呢一度嘅蒜蓉包，佢呢度嘅蒜蓉包設成一條條長方形狀，整出嚟嗰陣時候熱辣辣，外邊金黃色。蒜蓉味唔算太重，但係有淡淡的牛油蒜蓉。咬落去之後可以見到入邊嘅蒜蓉包係外面已經充分吸收入牛油蒜蓉，有淡黃色，入邊就係包嘅味道，又有嚼口。另外仲有個冬陰公湯，呢度係冬陰公湯味道同出邊差唔多，但佢除咗有酸，有辣椒味外，仲有好重嘅香茅味同埋好重嘅蝦香味。用上足料的大隻蝦都係亮點之一。平時通常食嘅就係食青瓜沙律比較多，但係其實柚子沙律大家又有冇試過？拒感覺比青瓜沙律更加清新，而且無甘酸，咬落去柚子到時，拒鮮甜嘅汁又會出嚟，好特別的感覺。出來的時候差不多8點，出面已經排左一大班人

今日遲大到....不過好彩班frd夠義氣等埋先開飯！舖頭同元朗站都好近，所以出一出B出口就搵到，係友愛老人院隔離。間野分2層，上層有啲人頭湧湧既感覺，樓底好矮，好易撞頭。事不而遲！先叫個咖哩同薄餅，有啲豆角同牛肉係啲咖喱度，口感好豐富，啲薄餅真係夠薄身，一yam啲咖喱已經好好食，可惜啲餸仲多過啲薄餅，哈哈！之後就唯有齋食！之後叫左個生蝦刺身，個賣相真係100分！蝦肉從中間分開兩半，紅椒和蒜蓉放於其中。蝦與蝦之間放了苦瓜。中心的洋紫荊，配合紅椒和苦瓜，紫色、紅色和綠色互相輝映，賣相真係無得輸！味道又是一絕！吃此菜完全能「嚐」到人生百味。因為蝦本身味道不是太濃，所以搭配微辣的紅椒和苦瓜，再蘸上特製的甜酸醬，可謂一次過嚐盡「甜酸苦辣」啊！此菜設計得真的十分有心思，讚！！最後飲左杯龍眼冰好好味，唔係太凍又唔太甜，絕對唔係溝左糖漿，飲得晒！另外仲有蜂蜜薑茶，真係暖入心啦。

朋友搬左去元朗YOHOO住，呢日早收工就同她去食晚餐， 知道她鍾意食泰國菜，於是帶佢去阿萊食~ 我地黎到時約點左右，已經8成滿座， 平日都禁多人食一定有它的吸引之處~餐廳裝潢光亮整潔，仲帶點文青的感覺~ 除左散點的泰菜之外，仲有唔同的套餐， 由前菜、主食到甜品，價錢亦十分優惠~ 我地怕食唔晒套餐，今次決定散點~ <芭提雅椰青>  椰青清甜多汁，椰肉爽口~ <三色冰>  呢度的三色冰同平日飲的唔同，當中的材料係一粒粒圓型，外軟內脆，有咬口~ <小食有拼盤-小>  有炸蝦餅、炸魚餅、春卷、香葉包雞、南瓜粟米餅 樣樣都好好味~ 炸蝦餅香口彈牙，炸魚餅唔會有魚腥味~ 春卷香脆，香葉包雞香而肉嫩 當中最愛南瓜粟米餅，南瓜好軟，入口即化， 但沾埋粟米粒米又增加左另一種口感~ <泰式鮮蝦炒金邊粉>  金邊粉用左一層薄薄的蛋皮包著， 打開見到熱辣辣鮮蝦同金邊粉， 蝦肉新鮮彈牙，仲係大大隻~ 金邊粉炒得好乾爽~ <馬拉盞炒時菜>  可以選擇唔同的菜，但我地最愛雜菜， 有芥蘭、椰菜花、紅蘿蔔、蘑菇等 份量十足，一次過

一家四口去元朗食飯，好多人排隊，等左20分鐘左右先入到去。太多野揀了！最後叫左個2人餐，唔洗煩，有晒preset既野。先來椰子雞湯，勁快到咗我忍唔住飲咗一啖覺得椰汁都幾重味道。隨即而來，係生菜肉碎包，都非常之達準，啲生菜不多不少。仲有燒豬頸肉，啲醬既味道都好濃烈。嫌唔夠飽肚，仲叫左個菠蘿海鮮炒飯，個賣相靚，份量十足。菠蘿鮮甜美味，海鮮有青口、蟹柳、魷魚、蝦，種類豐富但稍嫌味淡。最後送左兩款甜品黎，都以椰子做主打。用葉包著的一款，別看它外型細小，其實落足料！頂層是椰漿，下層是西米，西米中夾雜粟米和芋頭，嚼口十足！另外一款類似大菜糕，整個甜品只用椰子製成，中間夾雜椰線，椰香滿溢。份量岩岩好，最後埋單＄655每人都係150左右，經濟實惠！下次踩單車之後都可以來呢度食呀。

今天乘坐地鐡，成人可享半價優惠，小童一蚊。机會難逢，於是舉家到元朗拜年。由於上午的拜年活動花了較多時間，到達元朗已是２點多。大家都十分肚餓。在輕鐡轉入元朗大馬路時，看到這家餐廳有人排隊，想：有人排隊，即係堅料啦！來到餐廳門口，細看餐牌才知這是泰菜館。是日周末，午餐只是五十元左右，價格合理。於是入內就座了！餐廳內有年輕力壯的男客人在此午餐。而男性通常食量較大，可能真是大件夾抵食。最後決定點了二份午餐，再加二款小食，應該足夠吧！金柚鮮蝦沙律　　　平時食柚子，要自己動手。這份沙律的柚子肉早已拆開，變為一顆顆。難得無需自己動手，即可嚐到柚子肉。甜中帶鹹香的啡色醬汁，是否ROJAK呢？酸甜的柚子，配上清新的紫洋蔥，香脆花生，炸蒜片，夾雜著紅色的蝦仔／蝦毛，鹹香酸甜都混在一起，真是一道很開胃的沙律。管它是泰式柚子沙律，還是馬拉印尼的水果ROJAK了。泰式肉碎生菜包　來到泰菜館，當然要點肉碎生菜包。淺色的肉碎混有辣椒，紫蔥，還有絲絲的檸檬草，味道有如香茅。以生菜包著肉碎，先嚐到一陣酸味，然後辣味就慢慢透出來。別小看這個肉碎色澤較淺，就以為不辣！真係估佢唔到呢！泰式無骨豬手飯泰式豬手，又是泰國特色菜之

咁啱朋友想食泰國菜， 於是去咗一間頗有名氣嘅阿萊麥麥，去嘅時間咁啱晚飯時間，係出面等咗一陣安排入座， 大約15分鐘後，終於有位喇.，一入到去員工有禮貌地說 sa wad dee ka， 員工大部分都係泰國人 俾人感覺好有親切感 因為我同朋友都唔係咁食 辣野 所以點左串燒，芒果蟹肉炒飯，雜菜煲同椰子雞湯 ，椰汁冰同椰青 ！串燒肉質好淋 配 沙爹汁簡直一流！ 炒飯好有口感， 粒粒飯都炒得好甘黃， 雜菜煲有粉絲， 但我嫌略為鹹咗少少！ 最特別係椰子雞湯 好有椰子味，雖然都有啲辣 但椰子味較重 加上有 雜菇 ！感覺也可以接受！ 至於椰青好清甜反而椰汁冰略甜 ！不過值得一讚既，就係服務方面好好 ！漏咗單立即幫我跟， 加上全部員工都有笑容 ！抵佢係區內咁多人食！

人日啦！恭祝大家生日快樂，身體健康！係咁特別既日子又撞正Happy Friday, gathering 是常識吧？，所以賴生今晚誠邀左屈小姐入黎元朗同賴生&朋友們食飯，順便慶祝朋友生日！提提大家，如果黎呢間泰國野食飯，最好預先訂枱，因為唔訂真係有排等，超多人！平時賴生同屈小姐食飯都劇少會叫餐食，原因有3個，第一：覺得被人綁住，第二：通常餐包果d野大部份都唔好食既，好食既得1-3樣，第三：賴生同屈小姐好少叫野飲同甜品既，你懂的⋯通常餐都有包⋯所以好多時，賴生同屈小姐都會犧牲叫野飲同甜品既錢而去散叫自己想食既野（加上野飲同甜品係好肥既～我地寧願用啲quota食其他野）！不過，呢次真係比呢度既4人餐打動左⋯（唔加野飲連加一）除番開每人都只係$190蚊再加上佢8個選擇有4-5樣我地都想食嫁（PS: 唔記得影個4人餐menu)4人餐整體評分：價錢：4星 份量：5星 味道：4.5星 選擇：4.5星 咁4人餐究竟係包D咩既呢⋯⋯？A) 泰式小食五味拼盤 （4星）拼盤全部都係炸野黎，超邪惡，有炸蝦餅，炸魚餅，炸南瓜，炸蕃薯，香葉包雞同炸春卷！全部小食都係水準之作，當中要特別點名讚既係，炸蝦餅，炸魚餅同

新春時節吃懶人餐，即是四人餐，已經Set好晒乜都唔使諗！泰式小食五味拼盤一家人吃飯點併盤是常識吧！一碟拼盤有齊蝦餅、魚餅、米紙春卷、炸南瓜、炸雞，份份香口吸引，我最愛的是蝦餅，外脆內彈牙，我第一件就放入口了。泰式肉碎生菜包這個生菜包做得不錯，玻璃生菜非常新鮮，咬下爽口清甜，肉碎少少辣不會太油膩，夾在生菜包內吃非常滋味！椰子雞湯本來以為椰子雞湯不辣，原來是冬陰公湯底啊！上菜時比較清淡，但放在火爐裏烘著，越煲越濃，喝到底下的湯有豐富的椰子香！而且啖啖雞肉，很飽肚呢。招牌咖喱軟殼蟹不吃咖喱不算吃過泰國菜吧，咖喱蟹相對昂貴，但用上軟殼蟹就相對價錢相宜也吃到好東西了。用料很足，咖喱濃郁，配上印度薄餅沾着吃，令人回味無窮。無骨海南雞同檯男士最愛，無骨海南雞飯，半肥瘦，雞肉幼嫩易入口。令人有添飯的衝動呢！馬拉盞炒芥蘭這是我每次吃泰菜都必點的馬拉盞炒芥蘭，是家裏吃不到的風味。芥蘭爽脆，吃下去咯咯有聲，很令人喜歡。泰式鮮蝦炒金邊粉最後吃粉麵時已經飽得抱着肚子，但這個外表和味道都相當吸引的泰式鮮蝦炒金邊粉，真的很難令人抗拒。酸酸甜甜，很是惹味！四人餐還有甜品而且飲品半價啊！

都不知道多久沒入過元朗,那天晚上要食團年飯,下午時份買了些大同老婆餅番屋企孝敬屋企人,元朗那麼繁忙,泊車都要泊停車場安全.泊好車,經過這間餐廳,門面裝修非常吸引就入去試試呢!!看看餐牌,價錢驚喜!!!午餐48元一個無骨海南雞飯,跟湯及飲品,海南雞最重點就是雞皮,及油飯.油飯有點乾所以配以湯可以令口裡平衡點。朋友點了魚蛋手撕雞湯河跟凍檸茶。手撕雞肉質嫩滑,味道不錯更令人越吃越多。由於這餐是我們2人一起床的第一餐,特別開胃,所以還點了蝦柚子沙津,柚子當然開胃,要讚賞的是柚子新鮮及酸甜適中,曾經在別餐廳的經歷是苦的經歷,今次令我非常滿意!!不得不提的是泰式生蝦,我的最愛,所以自己把這碟K.O.了!!生蝦非常鮮甜,肉質爽口,加分位當然少不了生蝦汁呢!!亞萊嘜嘜自己製作的生蝦汁,酸酸辣辣,令到蝦的鮮味更特出。

之前係安樂路食過Never Too Late既西餐， 原來旁邊有間係食泰國野叫亞萊嘜嘜！ 食泰國野又洗乜落九龍城喎~身為新界人入元朗仲好過出九龍啦 見佢時間尚早，未到最多人時段唔洗等咁耐就決定試下~ 店裡地下裝潢好新式，樓底又高冇壓迫感 不過我地坐上層，不過地方尚算乾淨 冇下面咁嘈 打開餐牌俾呢版海鮮類吸引住！ 通常都揭下餐牌有咩圖片推介，見到呢碟蠔仔好似幾正 就嗌黎試下 食泰國野我必叫椰青！ 幾清甜唔老，入面既肉都好嫩 清邁鐵板蠔仔蛋 冇記錯好似係 $98 蛋炒得夠香，蠔仔夠多！ 而且咸度調味剛剛好 要黎送飯一流 你睇下呢隻蠔仔幾漲卜卜！ 幾驚喜佢D蠔仔咁新鮮，用鐵板上好處係食到中後期入面都仲暖 由於唔知道個咖哩軟殼蟹咁大份…所以我地叫左個泰式炒金邊粉 隨碟附上青檸，大家更可以擠D青檸檬汁再加上蛋皮花生碎伴食， 更增添另一種清爽味道層次。 香辣得惹味，而且麵質幾有口感煙煙韌韌咁 筷子一落，粉條長長升高條條分明絕不散開，可見廚師炒功火候之高 加埋芽菜一齊食帶點爽口！金邊粉入口甜甜，口中唔會覺得好油膩 嘗過幾碟不同濃味泰式菜餚，大家往往都未完全飽，叫金邊粉就岩岩好啦~

一年內第二次光顧亞萊嘜嘜, 原因是好友專程相約來元朗想探BB, 可惜這天正值病了, 不敢再帶她外出, 為不想掃友人興緻, 獨自赴約. 朋友說想吃泰菜, 這並非該區的主打食店, 要找企理又質素不俗的實在不多選擇, 腦中立即彈出亞萊嘜嘜的名字來, 是首選亦接近唯一. 記得上次跟老公吃了很多食物, 今次兩位女士清怡一點, 叫些簡單的菜式, 沒有炒蝦拆蟹大堆頭, 我們旨在舒服吃一餐, 吹下水聚聚舊. 泰式酸辣鳯爪($68), 一直都是泰式至愛之一, 雖然鳯爪份量不算多, 但勝在夠入味, 夠辣, 夠酸, 總之就好惹味, 鳯爪亦沒有因煮太久變霉, 仍然保持嚼勁, 伴菜亦多, 香味撲鼻, 開胃醒喉.鹹魚炒椰菜苗($72) - 用了泰國椰菜, 口感和味道比一般中式椰菜突出, 帶有少許甘苦味, 配以炒香鹹魚粒, 惹味中滲出微辣和鹹鮮, 味道層次豐富, 值得一試.泰式香葉肉碎炒河($65) - 個人愛泰式的炒粉麵飯更多於小菜, 香葉肉碎炒河是其中一款. 顏色配搭鮮豔, 有青椒, 豆角, 甘笋, 辣椒, 炒香豬肉碎, 河粉炒得很乾身卻不油膩, 每條也爽身鬆開, 沒黏在一起的情況出現, 配料和河粉比例合適,

！12月除左係聖誕節同積脂防冬既月份之外，亦係賴生好多朋友既生日月！今次賴生就帶埋屈小姐去同其中一個兄弟慶祝生日啦⋯⋯而地點就揀左屈小姐一直都好想食既《亞萊嘜嘜》！每次一到夜晚都見呢間餐廳外面有條人龍，今次終於食到啦！因為係朋友生日，所以賴生一早book左枱啦！咁岩今日係紅日，餐廳果面講左最多食1.5小時，理論上係夠晒既！賴生提左朋友們準時嫁啦⋯⋯結果都係有人遲準時既賴生唯有同屈小姐入去坐低打點定先啦⋯⋯賴生負責清潔，屈小姐負責睇食咩，分工合作麻！ 間餐廳又幾好坐喎，我地6個人坐果個卡位，仲可以放到袋，張枱又夠大，可以放好多野食，岩晒我地成班大食怪，可以瘋狂叫！屈小姐睇完一輪之後，我地決定叫9樣野，而賴生既其中一位朋友因爲頂唔住閃光彈既威力，主動話要出去接埋其他人，賴生突然覺得佢醒目左！1) 咖喱軟殼蟹 （5星）- 呢隻咖哩係蛋花咖哩黎！顏色鮮豔得黎，仲好好味，甜甜地，濃度同稠度一流！稠到直情可以"畢"上個蒜蓉包度食！同個蒜蓉包勁夾！- 軟殼蟹夠大隻又炸得夠脆，不過遲左食就會淋嫁啦！要盡快食！- 同埋出街食軟殼蟹有咩好處呢？就係冇骨，唔駛拆食得好方便！- 都好大碟同好大件，大概有成9-